Bændablaðið - 19.10.2023, Blaðsíða 24

24 Bændablaðið | Fimmtudagur 19. október 2023
MENNING
Leikdeild UMFB:
Rúi & Stúi
Ærið starf liggur að baki góðri leikmynd, jafnt sem
sýningarinnar. Hér hefur leikstjórinn Ólafur Jens rissað
upp mynd af Nemisis, vélinni sem „getur allt“. Með hana
til viðmiðunar taka smiðirnir þeir Böðvar Þór Unnarsson
og Garðar Steingrímsson næsta skref og ekki líður á
löngu að töfrarnir birtast í leikhúsinu.
Leikdeild Ungmennafélags Biskupstungna sýnir
barna- og fjölskylduleikritið Rúi og Stúi eftir Skúla
Rúnar Hilmarsson og Örn Alexandersson með nýrri
tónlist eftir Stefán Þorleifsson og í leikstjórn Ólafs
Jens Sigurðssonar.
Allt er í sóma þar sem grallararnir Rúi og Stúi búa, en
þeir eru bæði uppfinningasamir og sniðugir. Þeir félagar sjá
til þess að íbúarnir þurfa ekki að erfiða eða hafa áhyggjur
af daglegu amstri og hafa meira að segja fundið upp
vél sem „getur allt“. Hún býr til og gerir við hluti auk
þess að geta gert nákvæma afsteypu af sveitarstjóranum
sem stýrir af röggsemi með sinn trygga aðstoðarmann
Bergstein sér við hlið. Allt er einfalt og gott þar til daginn
sem allt byrjar að fara úrskeiðis. Vélin bilar, sveitarstjórinn
hverfur og samfélagið kemst í uppnám.
Þarna er um að ræða líflega og skemmtilega sýningu
fyrir alla aldurshópa enda leikhópurinn þrælvanur og
sprellfjörugur. Leikstjórinn Ólafur Jens Sigurðsson heldur
um taumana, en hann hefur unnið með leikfélaginu áður
og þótt bæði úrræðagóður og útsjónarsamur.
Frumsýnt verður þann 21. október klukkan 14 í félags-
heimilinu Aratungu og má nálgast miða hjá tix.is.
Tvær sýningar eru áætlaðar til viðbótar í október, svo
og heilar átta í nóvember. /SP
Enginn ætti að verða svikinn af dagstund í Aratungu, hvorki börn né fullorðnir.
NEATA, samtök áhugaleikhússambanda í Norður-Evrópu, bjóða upp
á sjö spennandi og fjölbreytt námskeið/vinnustofur yfir Zoom, nú nk.
laugardag 21. október.
Námskeiðin, sem fara fram á ensku, eru ókeypis en þarf að skrá sig
fyrir fram á www.leiklist.is. Þar má einnig finna nánari upplýsingar.
Hér að neðan má svo hins vegar sjá námskeiðin og vinnustofurnar sem í
boði eru samkvæmt íslenskum tíma:
Ef einhverjar spurningar eru sem ekki er svarað hér er velkomið að
hafa samband við Þjónustumiðstöð BÍL í síma 551-6974 eða í netfangið
info@leiklist.is.
Vefsíða NEATA ( North-European Amateur Theatre Alliance) er
www.neata.eu en má einnig finna á Facebook. /SP
NEATA:
Spennandi vinnustofur
09:00 – 09:50 / TORBEN
SUNDQVIST (SWE) “The
plain and the poetic of
my place on earth.”
10:00 – 12:00 / EERO
OJALA (FIN) „About voice
training“.
12:10 – 12:40 / TIINA MÖLDER (EST)
“A moving body and mind”
12:50 – 13:50 / AIRIDA LEMENTAUSKIENÉ
(LITH) „The Application of immersive
theatre for promotion of communality“.
14:00 – 14:30 / EMIL HUSBY (NO)
„An introduction to Improvised
Theatre“.
14:40 – 15:20 / AMANDA HAAR
(DK) „Voice & Movement“.
15:30 – 17:00 / EIMANTAS ANTULIS
(N.YOUTH) „Theater from Home“.
Eitt ástsælasta ævintýri allra
tíma um spýtustrákinn Gosa mun
gleðja vini og velunnara leikfélags
Vestmannaeyja.
Leikritið var samið á sínum tíma
upp úr hinni þekktu ítölsku sögu
Carlo Gollodi sem var útgefin seint
á 19. öld, þó fleiri kannist ef til vill
við Gosa úr ævintýraheimi Disney.
Ævintýrið er þroskasaga, enda
lærir Gosi ýmislegt af reynslunni
á ferðum sínum áður en hann ratar
aftur í fang föður síns. Eins og
flestir vita er faðir hans trésmiður
sem óskaði þess afar heitt að eignast
son og útbjó sér þess í stað trébrúðu.
Óskin rætist með hjálp álfkonu
nokkurrar og ganga þeir feðgar í
gegnum ýmsar þrautir áður en þeir
ná saman sem faðir og sonur. Svo
stingur Gosi af að heiman ... svona
eiginlega óvart.
Verður verkið frumsýnt þann
10. nóvember, miðasölusíminn
852-1940 opnar miðvikudaginn 8.
nóvember kl. 16 og sýnt verður í
Kviku við Heiðarveginn að vanda.
Önnur og þriðja sýning verða 11.
og 12. nóvember klukkan 15 og svo
er um að gera að fylgjast með fleiri
sýningum, en þær verða um helgar.
/SP
Leikfélag Vestmannaeyja:
Gosi spýtustrákur
Mikið er um að vera í leikhúsinu og ekkert hlutverk stærrra en annað. Hér
að ofan má sjá þau Albert Snæ Tórshamar, Elí Kristin Símonarson, Valgerði
Elínu Sigmarsdóttur og Maríu Sigurðardóttur leikstjóra á sviði. Hafþór
Hafsteinsson og Arnar Gauti Egilsson vinna við sviðsmyndina. Næsta víst
er að sýningin eigi eftir að gleðja gesti, enda þótt ævintýri Gosa sé gamalt
er sagan síung og á alltaf við. Myndir / Aðsendar
BÖCKMANN HESTA-
KERRUR FÁST Í BYKO
leiga@byko.is | 515-4020
„