Bændablaðið - 19.10.2023, Blaðsíða 33

33Bændablaðið | Fimmtudagur 19. október 2023
Hráefni og lokaafurð
Eva telur þess vegna nauðsynlegt að
skoða ekki eingöngu þetta hráefni
sem hrávöru heldur einnig lokaafurð
sem ætlunin sé að markaðssetja.
„Stjórnendur matvælafyrirtækja
bera ábyrgð á því að ganga úr skugga
um hvort matvæli sem þau setja á
markað teljist til nýfæðis eða ekki.
Með hugtakinu nýfæði (e. novel
foods) er átt við hvort hráefni
eða matvæli hafi verið á markaði
fyrir gildistöku Evrópusambands­
reglugerðar um nýfæði í maí 1997.
Á heimasíðu Matvælastofnunar
er að finna upplýsingar um hvernig
hægt er að kanna hvort vara
teljist nýfæði og sömuleiðis um
umsóknarferlið. Til að nefna dæmi
þá telst gulrótargras til nýfæðis.
Það að hráefni eða matvæli
teljist til nýfæðis þýðir samt ekki
að það sé leyfilegt til notkunar
í matvæli heldur þýðir það að
ef nota á slíkt hráefni í matvæli
þarf að sækja sérstaklega um
leyfi fyrir markaðssetningu á
því til framkvæmdastjórnar
Evrópusambandsins.
Með slíkri umsókn þurfa að
fylgja gögn sem sýna fram á að
viðkomandi hráefni eða matvæli
sé öruggt til neyslu. Evrópska
matvælaöryggisstofnunin (EFSA)
tekur þá umsóknina til skoðunar
og gefur umsögn. Í kjölfarið
veitir þá framkvæmdastjórn
Evrópusambandsins leyfi fyrir
notkuninni ef fullvíst er að matvælin
hafi ekki skaðleg áhrif á heilsu.
Íslenskir framleiðendur geta sent
fyrirspurn til Matvælastofnunar til
að komast að því hvort hráefni eða
matvæli teljist nýfæði,“ segir Eva.
Hún tekur sérstaklega fram að
þau sem unnið hafa að verkefninu
ætli ekki að framleiða eða selja
þessa vöru.
„Þetta er eingöngu hugmynd
að uppskrift og vinnsluferli sem
við setjum fram og hver sem vill
má nýta eða þróa áfram eftir sínu
höfði.“
Von á lokaskýrslu þar sem
uppskriftir verða aðgengilegar

Ítarupplýsingar um vinnslu og
uppskriftir verða aðgengilegar
öllum í lokaskýrslu verkefnisins
sem fljótlega er von á. Verkefnið
var styrkt af Matvælasjóði.
| S t r ú k t ú r e h f | w w w . s t r u k t u r . i s | s t r u k t u r @ s t r u k t u r . i s |
| B æ j a r f l ö t 9 | 1 1 2 R e y k j a v í k | S í m i : 5 8 8 6 6 4 0 |
Límtré-Timbureiningar
Stálgrind
Yleiningar
PIR
Steinull
Meðal þeirra afurða sem urðu fyrir valinu voru gulrótagras.Til hægri er Léhna Labat að vinna úr gulrótagrösunum.
Myndir / Matís