Bændablaðið - 16.05.2024, Blaðsíða 60

60 Líf & starf Bændablaðið | Fimmtudagur 16. maí 2024
STÁLGRINDARHÚS
STÖÐLUÐ
Stærðir: 80m², 150m², 250m² og 350m²
Stálgrindin er heitgalvaniseruð og er sérsmíðuð fyrir íslenskar aðstæður. Húsin standast
mestu snjó-og vindálagskröfur sem gerðar eru í byggð á Íslandi og henta því sem geymslu-
og vélaskemmur í öllum landshlutum. Húsunum fylgja allar nauðsynlegar teikningar til að fá
byggingarleyfi ásamt teikningum af grunni og vinnuteikningum.
Hafðu samband: bondi@byko.is
Garðyrkjuverðlaun voru veitt á
hinni árlegu hátíðarathöfn Garð-
yrkjuskólans á sumardaginn fyrsta.
Friðrik Baldursson, garðyrkju-
fræðingur og garðyrkjustjóri
Kópavogs, hlaut heiðursverðlaun.
Friðrik tók við verðlaununum
af forseta Íslands, hr. Guðna Th.
Jóhannessyni, við hátíðlega athöfn
í Garðyrkjuskólanum að Reykjum
á sumardaginn fyrsta. Friðrik er
fæddur og uppalinn í Kópavogi og
ævistarf hans var að fegra og rækta
Kópavog að því er fram kom í ræðu
Guðna. „Hann nam skrúðgarðyrkju
hjá þáverandi garðyrkjufulltrúa
Kópavogsbæjar, Kristjáni Inga
Gunnarssyni, og tók við af honum.
Árið 1993 tók hann við stöðu
garðyrkjustjóra Kópavogsbæjar og
hefur sinnt því starfi síðan. Friðrik
útskrifaðist sem garðyrkjufræðingur
vorið 1984 og hlaut meistararéttindi
í skrúðgarðyrkju árið 1988 hjá
Hermanni Lundholm. Hann lauk
síðan diplómanámi í skrúðgarð-
yrkjutækni frá Garðyrkjuskólanum
2005, en þar var hann í um 20
ára skeið fulltrúi í fagnefnd
skrúðgarðyrkju frá árinu 1998.
Friðrik var í 5 ár formaður Samtaka
garðyrkju- og umhverfisstjóra
sveitarfélaga (SAMGUS) og hefur
átt sæti í fjölda starfshópa er varða
skrúðgarðyrkjufagið og fleira tengt
garðyrkju og ræktun.
Hann hefur hlotið ýmsar
viðurkenningar fyrir sín störf á
löngum ferli.
Í frítíma sínum hefur Friðrik
tekið saman heildaryfirlit yfir
þær tegundir trjáa og runna sem
hafa verið ræktaðar á Íslandi í
gagnagrunninum Berki og er hann
uppfærður árlega með upplýsingum
um það hvar viðkomandi plöntur
eru til sölu. Sambærilegt rit um
fjölærar plöntur hefur einnig
litið dagsins ljós. Í gegnum
tíðina hefur Friðrik komið að
kennslu á skrúðgarðyrkjubraut
Garðyrkjuskólans og fjöldi
nemenda hefur einnig verið í
verknámi undir hans handleiðslu.“
Af sama tilefni var Bjarka Jónssyni,
eiganda Skógarafurða ehf., veitt
hvatningarverðlaun garðyrkjunnar.
„Skógarafurðir er eitt af leiðandi
fyrirtækjum á Austurlandi hvað
varðar sjálfbærni og umhverfisstefnu.
Öll framleiðslan er kolefnishlutlaus,
meðal annars framleiðir það sína
eigin varmaorku úr afskurði og er
nú allt hráefni sem kemur í vinnsluna
fullnýtt,“ segir í umsögn.
Þá var Helgu Rögnu Pálsdóttur,
garðyrkjufræðingi og eiganda
gróðrarstöðvarinnar Kjarrs í Ölfusi,
veitt viðurkenning fyrir verknámsstað
garðyrkjunnar árið 2024.
Garðyrkjuverðlaunin eru veitt
árlega í samstarfi Garðyrkjuskólans,
Félags skrúðgarðyrkjumeistara,
Félags garð- og skógarplöntu-
framleiðenda, SAMGUS (Samtaka
garðyrkju- og umhverfisstjóra hjá
sveitarfélögum) og VOR – verndun
og ræktun. /ghp
Friðrik, Bjarki og Helga Ragna
hlutu garðyrkjuverðlaun
Að vanda opnaði Garðyrkjuskólinn á Reykjum dyr sínar fyrir gestum og
gangandi á sumardaginn fyrsta.
Handhafar garðyrkjuverðlauna 2023, þau Helga Ragna Pálsdóttir, Friðrik Baldursson og Bjarki Jónsson, ásamt
Guðna Th. Jóhannessyni forseta. Mynd / Guðríður Helgadóttir
Hrútavinafélagið Örvar á Suður-
landi heiðraði hjómsveitina Æfingu
þann 4. maí þegar götusund á
Flateyri var nefnt eftir sveitinni
og fékk nafnið Æfingarsund.
Það var Þorsteinn Jóhannsson,
trésmiður á Flateyri, sem festi skiltið
upp en hann mun vera einn helsti
sérfræðingur sögu þessa svæðis, að
sögn Björns Inga Bjarnasonar, forseta
Hrútavinafélagsins Örvars.
Að sögn Björns Inga varð
félagið til á hrútasýningu á Tóftum
í Stokkseyrarhreppi hinum forna
haustið 1999. Hljómsveitin Æfing frá
Flateyri hafi þá mætt á hrútasýningu
og slegið í gegn að venju.
„Félagið er því 25 ára og er því
fagnað á ýmsan hátt þetta árið.
Hrútavinafélagið er hópur fólks
á Suðurlandi, blanda aðfluttra
Vestfirðinga og heimamanna á
Suðurlandi og starfar að þjóðlegu
mannlífi og menningararfleifð til
sjávar og sveita.
Guðfaðir Hrútavinafélagsins
er Bjarkar Snorrason, fyrrverandi
bóndi að Tóftum, og heiðursforseti
er Guðni Ágústsson frá Brúnastöðum
og fyrrverandi landbúnaðarráðherra
til margra ára.“ Björn Ingi segir að
forsöguna megi rekja til þess þegar
götusundið hafi verið gengið að kvöldi
27. desember 1968 þegar Æfing kom
fram í fyrsta sinn í lok fundar hjá
Verkalýðsfélaginu Skildi. Hann segir
að þetta áður nafnlausa götusund
eigi sér merkan sess í mannlífs- og
menningarsögu Flateyrar til áratuga.
Með þessu sé hljómsveitin komin
í hóp með hljómsveitinni Geislum á
Akureyri, en þar sé Geislagata nefnd
henni til heiðurs. Sérstaklega sé þetta
merkilegt fyrir Ingólf R. Björnsson,
sem hafi á sínum tíma verið í Geislum
og svo í Æfingu. /smh
Flateyri:
Gata nefnd eftir hljómsveit
Þorsteinn Jóhannsson, trésmiður á Flateyri, og Siggi Björns tónlistarmaður
í Æfingu.
Garðyrkjuframleiðendur seldu ferskar afurðir. Myndir / ghp
Ketilkaffið rómaða var á sínum stað.