Sjómannadagsblað Snæfellsbæjar - 01.06.1995, Blaðsíða 10

8
Sjómannadagsblað Snæfellsbæjar 1995
tilraunir í línuveiðum verið gerðar
og hefur fyrirtækið náð góðum
árangri í veiðum á grálúðu á línu
og hefur farið fremst í flokki í
þeim veiðum á þessum áratug.
Línuveiðar á grálúðu voru reyndar
talsvert stundaðar á árunum 1970
til 1980 en þær lögðust meira og
minna af á síðasta áratug. Bæði
var það vegna þess að verð á
grálúðunni lækkaði talsvert á
þessum tíma, en einnig hitt að
handbeita þurfti línuna um borð
og reyndist erfitt að manna
skipin. Nú hafa beitingavélar leyst
beitingamennina af hólmi.
Grálúðuveiðarnar ganga nú vel
enda er grálúðan sem fæst á
línuna stærri og verðmeiri fiskur
en sú sem veiðist í önnur
veiðarfæri.
Sæmileg kvótastaða
Alkunna er að
afkomumöguleikar útgerða nú á
dögum byggjast eltki aðeins á
góðum skipum og hæfum
sjómönnum, enginn fer til veiða
nema hafa yfir kvóta að ráða.
Fyrirtækið hefur nú um þúsund
tonna kvóta, mælt í þorskígildum.
Uppistaðan í kvótanum er
reyndar þorskur, um 600 tonn,
sem er óvenju hátt hlutfall
samanborið við önnur
útgerðarfyrirtæki í landinu. Fyrir
nokkrum árum seldi fyrirtækið frá
sér allan rækju- og síldarkvótann
og keypti þorsk í staðinn. Þessi
ákvörðun, sem þótti skynsamleg á
þeim tíma þar sem bátarnir
stunda mest þorskveiðar, reyndist
hins vegar umdeilanleg síðar í ljósi
ört minnkandi þorskkvóta og
samdráttar í þorskveiðum. I dag
þykir heppilegt að eiga sem flestar
tegundir svo unnt sé að nýta alla
þá möguleika sem kvótakerfið
býður upp á.
Línuveiðar á djúpmiðum
Framtíð Tjaldanna tveggja sjá
forráðamenn fyrirtækisins í
línuveiðum á djúpslóð. Þegar
bátarnir komu til landsins og hófu
línuveiðar var notuð 7 mm sver
lína, sem er hefðbundinn sverleiki
á línuveiðum. Reynslan hefur hins
vegar kennt þeim að það er betra
að nota sverari línu og nú er farið
að nota 11,5 mm svera línu sem
hefur u.þ.b. áttfaldan styrk miðað
við þá hefðbundnu. Þá eru
taumarnir og orðnir sterkari og
krókurinn veiðnari. Þetta gefur
möguleika á að veiða dýpra og á
erfiðari svæðum með tilliti til
botnlags en almennt er gert.
Framtíðin í línuveiðum á skipum
eins og Tjaldi og Tjaldi II eru
djúpsjávarveiðarnar að mati
útgerðarinnar, ekki síst vegna þess
að sífellt er verið að þróa betri og
sterkari línur, tauma og króka, og
þannig er hægt að veiða á meira
dýpi og á erfiðari svæðum en
Tjaldur SH 270

áður.
Með auknum kröfum og
skilningi á umhverfisvernd hefur
orðið nokkuð ör þróun í
veiðarfærum sem miðar að því að
hægt sé að stunda sérhæfðari
veiðar en áður hefur verið
mögulegt. Það leiðir aftur á móti
til þess að meðferð aflans er nú
betri en áður var. Þannig hefur
reynslan af línuveiðunum leitt í
ljós að með notkun stærri króka er
hægt að stýra því hver aflinn
verður; litli fiskurinn bítur síður á
stóra krókinn.
Karfaveiðar á
Reykjanesshrygg
Guðmundur Kristjánsson er,
sem fyrr segir, útgerðarstjóri
Kristjáns Guðmundssonar hf. og
hann hefur sérstaklega kynnt sér
möguleika á veiðum á
utankvótafiski og, eins og flestir
útgerðarmenn, er hann sífellt að
velta fyrir sér nýjum möguleikum
í útgerð.
- Hvernig sýnast honum
á möguleikarnir á veiðum á
tegundum utan kvóta?
“Við veiðum mjög mikið
af háfi og ég tel að í þeim veiðum
skapist ákveðin tækifæri fyrir
línubáta. Hins vegar hefur ekki
tekist enn að fá viðunandi verð
fyrir háfinn þannig að unnt sé að
stunda veiðarnar á arðbæran
máta. Síðan er það stórlúðan sem
gefur góða möguleika. I henni er
aftur vandamálið það að
háhyrningurinn situr um að éta
hana af krókunum rétt við
yfirborðið. Þegar línan er dregin