Sjómannadagsblað Snæfellsbæjar - 01.06.1995, Blaðsíða 24

22
Sjómannadagsblað Snæfellsbæjar 1995
Viðtal við Magðalenu Kristjánsdóttur:
“MAÐUR LÆRIR AÐ LIFA MEÐ SORGINNI”
í mars á þessu ári voru tíu ár
liðin frá því að Bervíkin SH 43
fórst rétt utan við Rif og með
henni fimm vaskir sjómenn.
Þetta var gríðarlegt áfall fyrir
mannlífið í Olafsvík. Bæjarbúar
áttu bágt með að sætta sig við
tíðindi þessi. Næstu daga og
vikur var ieit gerð að okkar góðu
félögum úr leik og starfi hér rétt
fyrir utan höfnina. Hvar sem fólk
kom saman var þetta rætt. Ljós
voru í gluggum húsa þessar
nætur því fók átti erfitt með að
sofna firá þessu og víða voru tár á
vöngum. Allir Ólsarar tóku þátt
sorginni sem á eftir kom. Að
sjálfsögðu áttu nánustu ættingjar
um sárast að binda, eiginkonur,
börn og foreldrar. Ein úr þessum
hópi var Magðalena
Kristjánsdóttir, Lena, eins og við
köllum hana hér í Ólafsvík. Hún
missti þar son sinn, Frey Hafþór.
Líf sumra er átakalítið á meðan
aðrir neyðast til að horfast í augu
við meira andstreymi en
sanngjarnt getur talist. Þetta á
við um Lenu. Á fjóru og hálfu ári
missti hún tvo syni sína í
sjóslysum auk fráfalls eiginmanns
síns.
I tilefni útgáfu Sjómanna-
dagsblaðsins á Sjómannadaginn
fór ég fram á það að fá að taka
við hana viðtal. Var það fúslega
veitt og ekki síst vegna þess að
það gæti hjálpað öðrum. Ég
heimsótti hana eitt kvöldið síðast
í apríl. Þegar hún opnaði fyrir
mér fann ég rjúkandi kaffiilminn
og hún bauð mér í stofuna. Á
veggjum og í hillum eru fallegar
fjölskyldumyndir og á áberandi
stað eru þeir sem hún hefur
misst.
Fjölskylda og uppruni
“Ég er fædd 13. nóvember 1928
að Meli í Staðarsveit, þriðja elsta í
12 systkinahópi , sem öll komust
til fullorðinsára, þar til elsti bróðir
minn Theódor lést úr beinkrabba
48 ára frá 6 börnum. Foreldrar
mínir voru Guðrún
Hjörleifsdóttir frá Hofstöðum og
Kristján Erlendsson frá
Hjarðarfelii. Ég fór þrisvar í fóstur
að Haga í Staðarsveit vegna
veikinda á mínu heimili í æsku.
Fer ég þangað alfarin 8 ára en
fósturforeldrar mínir voru Elísabet
Hafliðadóttir og Ingólfur
Kárason. Mín skólaganga var eins
og títt var í þá daga, að börn
fengu kennslu í farskóla. Ég var
eina barnið á heimlinu þá en svo
ættleiddu þau seinna dreng og
telpu. Þarna að Haga leið mér
afskaplega vel og vel fór á með
mér og þeim hjónum en þó
saknaði ég oft stóra hópsins á
Mel. Þegar ég hafði aldur til fór
ég suður til að vinna”.
Hl Ólafsvíkur
“Ég kynntist manninum
mínum, Guðmundi Þórarinssyni
á þessum árum. Foreldrar hans
voru Þórarinn Guðmundsson og
Fanny Guðmundsdóttir. Við
hittumst á böllum í sveitinn, m.a.
á Görðum og Vegamótum. Einnig
vorum við samtímis í
Stykkishólmi. Við trúlofuðumst
og ég flutti með honum til
Ólafsvíkur í nóvember 1948. Þá
var Magnús þrigga vikna en hann
er fæddur í Stykkishólmi. Ég
man að veturinn á eftir var svo
mikill snjór í Ólafsvík að ekki var
hægt að komast yfir Fróðárheiði
nema á hestum þar til í júní.
Þetta fannst mér feikna mikil
einangrun. Næstu sumur eftir að
börnin fæddust fór ég oft suður í
sveit því að verið var að byggja
þetta hús upp sem við bjuggum í
síðan. Þetta sumar varð ég að fara
með Baldri inní Stykkishóim og
fara þaðan að Haga. Þetta hús hét
Miðbær en áður hét það Gilsbúð
og þar bjuggu áður Sveinn
Einarsson og Þórheiður, kona
hans.Við áttum 4 börn á fimm
árum. Á eftir Magnúsi fæddist
Elísabet Þórdís 1949, þá Freyr
Hafþór 1952 og síðan Kristján
1953. Það eru ekki nema 14
mánuðir á milli Hafþórs og
Kristjáns. Öll börnin voru mjög
samrýmd alla tíð”.
Störf og búskapur
“Þegar við Guðmundur tókum
saman var hann í skipsrúmi hjá
Yngva Kristjánssyni og þeir
lönduðu oft í Stykkishólmi. Eftir
það fer hann á bát hjá Guðna
Sumarliðasyni á “Haföldunni”. Er
þetta fyrsti veturinn sem hann er á
bát í Ólafsvík því hann stundaði
margar vertíðir frá Sandgerði.
Haustið 1951 er hann á bát með
Guðlaugi Guðmundssyni á
dragnót og lendir í því óhappi að
festast í tógunum og fer út með
þeim og fótbrotnar. Þá var hann
frá vinnu í þrjá mánuði og ekki
var öryggi sjómanna meira en það
að það var engin trygging. Á
öllum okkar sambúðarárum var
Guðmundur ýmist sjómaður eða
hann vann við báta, við
beitningar, netavinnu og fleira.