Skógræktarritið - 15.05.2020, Síða 52

SKÓGRÆKTARRITIÐ 202050
Maríuerlan er ekki heldur sérstak-
lega tengd skógum. Hún velur gjarnan
mannabústaði til varps, ekki síst sillur
í hlöðum og öðrum útihúsum til sveita,
þótt hún finnist einnig víðar. Ég smíðaði
varpkassa handa maríuerlu og festi við
garðskúrinn minn. Eftir nokkurra ára
bið uppgötvaði maríuerlupar kassann og
settist þar að til varps. Þau komu ár eftir
ár í kassann þar til að þau ákváðu eitt
vorið að gera hreiður sitt í sitkagrenitré við
hlið garðskúrsins. Aðrir fuglaáhugamenn
staðfesta að þeir hafi einnig séð maríuerlur
hreiðra um sig í sitkagrenitrjám.8 Svo
virðist sem sitkagreni veiti nægilegt skjól
til hreiðurgerðar að dómi maríuerlu. Þar
með er komið nýtt búsvæði handa henni
í landslagið og hver veit nema að aukin
útbreiðsla sitkagrenis leiði til fjölgunar
maríuerlu (mynd 10).
skjóls bæði fyrir veðri og afræningjum
(mynd 6).1 Músarrindlar gera líka hreiður
sín í grenitrjám en þau eru vel falin og því
er erfitt að finna þau. Músarrindlar sjást
oft í ætisleit í grenitrjám að vetrarlagi,
leitandi að sitkalúsum á nálum og ýmsum
kvikindum í felum undir barkarflögum.
Auðnutittlingar tína fræ úr grenikönglum
(mynd 7).1 Sitkagrenið er því ekki einungis
heimili heldur einnig forðabúr.
Rjúpan er skógarfugl a.m.k. hluta
úr ári og lifir að miklu leyti á brumum
birkis og fjalldrapa að vetrarlagi. Í ljós
hefur komið að hún er ekki heldur góður
taxónóm og hefur ekkert á móti því að
nærast á brumum lerkis og grenis og sitja
í grenitrjám þegar svo ber undir (myndir
8 og 9). Þá eru hrossagaukar og þúfutitt-
lingar algengir í greniskógum þótt þeir séu
ekki sérstaklega tengdir þeim.
9. mynd. Rjúpa í grenitré að vori. Mynd: Örn Óskarsson