Helgarpósturinn - 04.12.1986, Side 3

FYRST OG FREMST
VIRÐULEG kona vestur í bæ (í
Reykjavík) brá sér í bakarí um
daginn. Þegar hún gekk inn í
búðina, stóð afgreiðslustúlkan og
sleikti á sér fingur annarrar
handar, einn af öðrum. Konan
lýsti áhuga sínum á rúnstykkja-
kaupum og tók stúlkan þegar að
handleika vöruna og skera stykkin
í tvennt fyrir viðskiptavininn, sem
stóð og starði á hana. Þegar frúin
kvaðst ekki hafa mikla lyst á
brauðinu, sem afgreiðslustúlkan
hefði handleikið án þess að þvo
sér fyrst um hendurnar, stóð ekki
á svarinu: ,,En það var bara
súkkuladi á puttunum á mér...“
MEINHÆÐNI Ómars Ragnars-
sonar er alltaf söm við sig. Sjón-
varpsfrétt hans af harðæri smá-
fuglanna um helgina byrjaði eitt-
hvað á þessa leið: „Nú um stundir
eiga þrestir erfitt uppdráttar."
NU í vikunni urðu vegfarendur í
Armúlanum varir við skrítna til-
burði virðulegs manns, sem tróð
sér inn um skottið á lítilli jap-
anskri bifreið fyrir framan hús-
næði Helgarpóstsins. Maðurinn
lagði niður aftursætið og komst
þannig inn í bílinn, sem hann taldi
sinn eiginn og hafði áður varið
miklum tíma í að reyna að opna
með lyklinum. Þegar það hafði
ekki gengið, hafði viðkomandi
hringt öskuillur í umboðið og
kvartað yfir þessu, en þeir ráð-
lögðu honum að skríða bara inn
um skottið, því læsingin væri
örugglega frosin. Gamanið kárn-
aði hins vegar þegar lykillinn
passaði heldur ekki þegar inn í
bílinn var komið, svo maðurinn
leit í örvæntingu sinni í hanska-
hólfið til þess að fullvissa sig um
að þetta væri hans eigin bifreið.
Svo reyndist þó ekki vera, því bíll-
inn tilheyrði einum blaðamanni
HP og átti Bragi Jósefsson, lektor í
Kennaraháskólanum, ekkert erindi
inn í farartækið. Það verður að
virða Braga það til vorkunnar, að
bifreið blaðamannsins var ná-
kvæmlega eins og nýji bíllinn
hans...
VIÐA veitast skæðar tungur að
hinu merka menningarriti Helgar-
póstinum, í riti jafnt sem ræðu, nú
síðast í nýútkominni skáldsögu
Ólafs Hauks Símonarsonar, Líkiö í
rauða bílnum. Hún hefst á þann
veg að einn af toppunum í Rann-
sóknarlögreglu ríkisins vekur að-
stoðarmann sinn og frænda grút-
timbraðan á fimmtudegi og ásakar
hann fyrir að vera farinn að leggja
lag sitt við blaðamenn HP. Hvern-
ig megi annað vera þegar tiltekin
„klámskýrslá' í nýútkomnum HP
rímar fullkomlega við skýrslu sem
undirsátinn hafði nýverið unnið
fyrir RLR. Þetta verður til þess að
hinum drykkfellda, fráskilda og
ístöðulausa starfsmanni er sparkað
út í ystu myrkur ...
BEINAR útsendingar geta
stundum komið skemmtilega út,
enda ekki hægt að klippa burt
það sem miður fer. í morgunút-
varpi rásar 1 síðastliðinn þriðjudag
sagði umsjónarmaður þáttarins t.d.
eftirfarandi: „íslenska skáksveitin
var sem sagt í 5. sœti, þegar upp
uar staðið.“
ÞAÐ ER með ýmsum hætti sem
menn bregðast við óskum blaða-
manna um viðtöl. Menn eru
áfjáðir, efast, færast undan eða
skella á, en sjaldnast ef nokkurn-
tíma með þeim hætti sem hér
verður lýst: Herdís Þorgeirsdóttir
ritstjóri Heimsmyndar fór þess á
leit við Matthías Johannessen
skáld og ritstjóra Morgunblaðsins í
vor að hún fengi tekið við hann
viðtal til birtingar í tímariti sínu.
Matthíasi mun hafa litist vel á hug-
myndina, og ef einhver fengi við-
tal við sig, væri það Herdís og
enginn annar. Leið og beið og liðu
mánuðir. í október í haust hafði
Matthías loks samband við Herdísi
og kvaðst þá hafa fengið þá hug-
mynd að hún sendi honum
spurningar sem hann svaraði
síðan í bréfi til hennar. Herdís
samþykkti þegar. Og leið nú enn.
Síðari hluta nóvember leit skáldið
loks við hjá Heimsmyndarkonunni
og sagði spurningarnar hafa
kveikt svo í sér, að hann væri nú
kominn með heila bók fyrir
bragðið, altso sextíu síðna bréf um
lífsafstöðu sína, togstreitu skálds
og blaðamanns, blaðs og flokks og
hugleiðingar um hinstu rök. Yfir-
skriftin er Bréf til Herdísar, og
mun birtast í nýrri Heimsmynd í
næstu viku ...
HELGARPÚSTURINN UMMÆLIVIKUNNAR
Framsóknarraunir
Er þaö nú furða þó Framsóknar sé
flokkurinn allur í sárum.
Yfir örlögum Haralds með Guðmundi G.
gráta menn krókódílstárum.
Niðri
„Reyndar vœri ekki úr vegi að setja
smokka í öll útihús hér í sveitinni."
- SKAFTI BJARNASON HREPPSTJÓRASONUR OG
VERSLUNAREIGANDI Á SKEIÐUM I VIÐTALI VEGNA
SMOKKASTRÍÐSINS VIÐ APÓTEKARANN Á
SELFOSSI.
Kári Jónasson er mörgum landsmönnum kunnugur eftir aldarfjórð-
ungs veru í blaða- og fréttamennsku. Hann hefur undanfarið verið vara-
fréttastjóri útvarpsins, þess rfkisrekna, en nú lætur Margrét Indriðadótt-
ir fréttastjóri brátt af störfum. Útvarpsráð kaus nýlega Kára sem eftir-
mann Margrétar með 5 atkvæðum af 7. Við tókum hinn eitilhressa Kára
tali.
Ertu í jötunmóð?
Kári Jónasson, bráðum fréttastjóri
„Já, það eru allir í jötunmóð í þessu starfi. Þetta er nú það
heitur stóll að það verða allir að vera í jötunmóð í honum dag-
inn út og inn og tilbúnir allan sólarhringinn. Það blása hér um
frískir vindar, t.d. í dag og við tökum bara á móti þeim og erum
tilbúin í allt."
— Nú tekur þú við sem skipstjóri fréttastofunnar.
Hvað ætlar þú að leggja áherslu á við stjórnvölinn?
„Það vill mér til happs að ég hef verið til sjós nokkuð svo ég
get stigið ölduna þótt á móti blási. En það er margt og ekki lítil
verkefni sem bíða okkar á næsta ári. Til dæmis má nefna að ég
var að koma frá því að skoða nýju húsakynnin að Efstaleiti 1 og
við flytjum þangað á fyrsta fjórðungi ársins. Svo verða náttúru-
lega kosningar og ég vona að fréttastofan verði mjög aktíf og
öflug við undirbúninginn og ekki síst kosninganóttina, sem
virðist ætla að verða 25. apríl. Ég hef svo áhuga á því að auka
og bæta fréttaflutning útvarpsins, sem nýtur nú mikillar virð-
ingar og trausts eins og kannanir sýna. Ég held að það þurfi að
koma fleiri fréttatímar milli hádegis og kvölds, fleiri stuttir
fréttatímar. Svo hef ég áhuga á því að efla Morgunútvarpið hjá
okkur og bæta það enn og gera ennþá vinsælla, en það er
hvorki meira né minna en þriðjungur þjóðarinnar sem hlustar
á þáttinn á hverjum morgni á meðan fólkið rakar sig, burstar í
sér tennurnar og greiðir sér."
— Megum við eiga von á harðari fréttaflutningi, t.d.
vegna samkeppninnar við Bylgjuna?
„Fréttir útvarpsins eru 56 ára gamlar og alltaf verið að breyta
og bæta hérna fréttaflutninginn. Við reynum auðvitað að fylgja
tíðarandanum, fylgjast með hvað sé að gerast í þjóðfélaginu."
— Þú talar um tíðarandann. Hvað hefur þú að segja
okkur um hinar miklu hræringar sem orðið hafa í fjöl-
miðlun hér á landi?
„Það hafa vissulega orðið geysiiegar hræringar, sem mér
finnst að hafi byrjað með tilkomu sjónvarpsins 1966. Ég byrjaði
í blaðamennsku 1962, en með tilkomu sjónvarpsins urðu viss
þáttaskil og frískari vindar blésu. Síðar komu umbyltingarnar
varðandi síðdegisblöðin og áfram aukin tímaritaútgáfa og
blaðaútgáfa og tilkoma Helgarpóstsins var ánægjuleg viðbót á
sínum tíma. Síðan er byrjaður núna enn nýr kafli, þessi efling
útvarps- og sjónvarpsstöðva. Það á eftir að jafna sig á næsta ári,
það tekur alltaf sinn tíma. Þar á eftir taka við ennþá meiri breyt-
ingar á útvarpi og sjónvarpi, því ég er sannfærður um að við fá-
um hér gervihnattasjónvarp og verðum farin að hlusta á jap-
anska dagskrá inn í stofu hjá okkur áður en við er litið.
Við eigum líka eftir að upplifa ennþá betra útvarp í stofunni
hjá okkur. Ég var á útvarpsráðstefnu í Berlín í fyrra og þar var
verið að segja frá framtíðarhugmyndum um þessi mál og tækn-
in á eftir að verða þannig að við munum hlusta á góðar útsend-
ingar erlendis frá í steríó og toppgæðum hvaðanæva að úr
heiminum. Þá getum við vonandi líka sent okkar dagskrá til
þúsunda íslendinga sem búa erlendis. Stuttbylgjan hefur verið
vandamál, en þá má geta nýjungar hjá okkur sem hefur farið
hljótt, að við erum með innlent fréttayfirlit vikunnar sem fer út
í hádeginu á laugardögum og sunnudögum og sent er til út-
landa. Við þurfum að fylgjast vel með til að fylgja þessu eftir."
— Nú hafa ýmsir ráðamenn orðað þann vilja sinn að
þrengja beri að fréttamönnum. Hvað segir þú, fyrrver-
andi formaður Blaðamannafélags (slands?
„Ég held að þessir stjórnmálamenn ættu fyrst að líta í eigin
barm og vita hvað þeir hafa verið að segja, vegna þess að það
er yfirleitt það sem þeir hafa verið að segja á opinberum vett-
vangi sem við flytjum í fjölmiðlunum. Ég man eftir því að einn
af þeim stjórnmálamönnum sem hafa verið gagnrýna okkur að
undanförnu var að tala um mjög viðkvæmt mál á Alþingi I fyrra
og dró allt í einu upp úr pússi sínu bréf frá peningastofnun og
fer að lesa upp úr því og ég veit að þessi upplestur kom
ákveðnu fyrirtæki hér á landi mjög illa. Það var ekki við fjölmiðl-
ana að sakast heldur við stjórnmálamennina."
HELGARPÓSTURINN 3