Helgarpósturinn - 04.12.1986, Síða 47

FRÉTTAPÓSTUR
Samningaviðræður ASÍ og VSÍ
Sl. föstudag hófust samningaviðræður ASÍ og VSÍ. Á fyrsta
fundinum höfnuðu vinnuveitendur þeirri uppástungu ASÍ
að gera bráðabirgðasamkomulag til skamms tíma, en á laug-
ardag hófust svo viðræður við landssambönd innan ASI,
hvert fyrir sig, um uppstokkun á taxtakerfinu. Á stjórnar-
fundi Dagsbrúnar á mánudag var samþykkt að félagið
drægi sig út úr viðræðunum og hæfi þegar vinnu að kröfu-
gerð fyrir félagið, einkum sökum þess að Dagsbrún telur að
þær hugmyndir sem ræddar höfðu verið um uppstokkun
launakerfisins væru óraunhæfar: að hækka lægstu laun
þannig að fjöldi taxta hyrfi og þar með aldurshækkanir.
Litið hefur þokast i samkomulagsátt og eru samningsaðilar
fremur svartsýnir. En þess má þó geta að launanefnd ASÍ og
VSI úrskurðaði á mánudag að laun skyldu hækka frá og
með 1. des. um 4,59%. Það þýðir að hækkun framfærsluvísi-
tölu 1. nóv., umfram það sem ráð var fyrir gert í kjarasamn-
ingunum í febrúar, er launþegum að fullu bætt. Mestur
fundartimi hefur fram að þesu farið í að ræða hækkun lág-
markslauna sem hefur í för með sér breytingar á bónus-
hluta launa fiskvinnslufólks. Eru þær breytingar mjög
snúnar í framkvæmd, ef tryggt á að vera að enginn beri
skarðan hlut frá borði.
Forval Alþýðuflokks, Alþýðubandalags og
Framsóknarflokks í Reykjavik
Forval framangreindra flokka fór fram i Reykjavík um sl.
helgi. Sjálfkjörið var í þrjú efstu sæti Alþýðuflokksins og
var því aðeins kosið um fjórða sæti listans. Lára V. Júlíus-
dóttir lögfræðingur Alþýðusambands íslands fékk flest at-
kvæðin, 342. Niðurstöður úr forvali Alþýðubandalagsins
urðu sem hér segir: Svavar Gestsson hlaut flest atkvæði í
1-—7. sæti, 93,5%. Guðrún Helgadóttir fékk 83,1% atkvæða
alls og hreppti 2. sætið. Ásmundur Stefánsson hafnaði í 3.
sæti, Álfheiður Ingadóttir í 4. sæti, Olga Guðrún Árnadóttir
í því fimmta og Þröstur Ólafsson i 6. sæti. í prófkjöri Fram-
sóknarflokksins hafnaði Guðmundur G. Þórarinsson í 1.
sæti, Finnur Ingólfsson í 2. sæti, Sigríður Hjartar í 3., Ásta
R. Jóhannesdóttir í þvi fjórða en Haraldur Ólafsson í 5. sæti.
íslendingar í 5. sæti á Ólympíuskákmótinu
íslendingar í Dubai tefldu með glæsibrag í síðustu tveimur
umferðunum og höfnuðu í fimmta sæti á Ólympuískákmót-
inu. Þetta er besti árangur íslenskrar sveitar í slíku móti.
Sovétmenn unnu mótið með traustum sigri en Englendingar
hrepptu silfrið.
Sund hf. kaupir meirihluta hlutafjár í Olís
Heildverslunin Sund hf. keypti um helgina meirihluta
hlutafjár í Oliuverslun íslands hf. Óli Kr. Sigurðsson, aðal-
eigandi og framkvæmdastjóri hjá Sund hf., verður forstjóri
Olís ásamt Þórði Ásgeirssyni.
Áform um að ríki yfirtaki Borgarspítalann
Viðræður hafa verið í gangi milli fulltrúa Reykjavíkurborg-
ar annars vegar og fulltrúa f jármálaráðuneytis og heilbrigð-
isráðuneytis hins vegar um breytingar á rekstri Borgar-
spítalans i þá veru að ríkið taki alfarið við rekstrinum. Davíð
Oddsson borgarstjóri kynnti hugmyndir þessar fyrir stjórn
spítalans á mánudag, en starfsfólk hans hefur almennt tek-
ið harða afstöðu gegn fyrirhugaðri yfirtöku ríkisins á
rekstrinum. Læknaráð Borgarspitalans telur að halli Borg-
arspítalans undanfarin ár hafi beinlínis stafað af vanreikn-
uðum daggjöldum. Það telur að ekki hafi verið sýnt fram á
að fjárlagakerfið sé hagkvæmara en daggjaldakerfið og
dragi úr kostnaði við rekstur spítala. Hefur Læknaráðið
mótmælt harðlega „gerræði og fljótvirknislegum vinnu-
brögðum11 yfirvalda við söluundirbúninginn.
Fréttamolar
• Bókavertíðin fyrir jólin stendur nú sem hæst. Reiknað er
með að um 300 bækur komi út á síðustu tveimur mánuðum
ársins og talið að verð á bókum hafi hækkað um 20—30%
frá siðasta ári.
® Samkvæmt nýlegri könnun Manneldisráðs á matarvenj-
um íslendinga, þurfa þeir að skera fituneyslu sína niður um
helming og draga verulega úr sykurneyslu, en hún er tvöfalt
meiri en æskilegt er.
• Forsætisráðherra hefur lagt til á Alþingi að þingkosning-
ar fari fram 25. apríl nk. Enginn hefur mótmælt þeirri yfir-
lýsingu hans.
• Nokkur hreyfing hefur verið upp á síðkastið á sölu skreið-
ar til annarra landa en Nígeríu, en hertir hausar hafa haldið
áfram að seljast þangað. Italir hafa m.a. verið hérlendis að
falast eftir skreið. Nú er talið að um 100.000 pakkar af
skreið séu til í landinu.
• Samkvæmt nýbirtum tölum frá Upplagseftirliti Verslun-
arráðs íslands hefur Morgunblaðið selst að meðaltali í
46.719 eintökum dag hvern á tímabilinu april til september
á þessu ári.
• Þjóðviljinn hefur ákveðið að kaupa eina hæð í húsi því
sem Blaðaprent hefur keypt af Persíu upp á Ártúnshöfða.
Hús Þjóðviljans við Síðumúlann verður þó ekki selt af þess-
um sökum.
• Offramboð á fiski hefur leitt til þess að þorskverð á fisk-
mörkuðunum i Hull og Grimsby er nú komið niður í 43,72
krónur á hvert kíló. Svo lágt hefur það ekki orðið mánuðum
saman og undanfarna mánuði hefur það yfirleitt verið um
og yfir 70 krónur.
• Ákveðið hefur verið að stofna rannsóknarstöðu i ís-
lenskri fornleifafræði til minningar um dr. Kristján Eld-
járn, forseta íslands.
• Kári Jónasson hefur verið ráðinn fréttastjóri útvarps af
Markúsi Erni Antonssyni, útvarpsstjóra, eftir að meirihluti
útvarpsráðs hafði mælt með honum í stöðuna.
• Á mánudag hóf útvarpsstöðin Bylgjan útsendingar allan
sólarhringinn. Uppistaða næturdagskrárinnar verður tón-
list, en eftir því sem kostur er verður útvarpað upplýsingum
um veður, færð og annað sem komið getur að gagni.
Jóla-
GLOGGUR
man
68 55 22
HREYFÍLZ.
Til ungra
myndlistarmanna
35 ára og yngri
í tilefni af 20 ára afmæli IBM á íslandi, hyggst fyrirtækið
standa fyrir sýningu á verkum ungra myndlistarmanna, 35
ára og yngri.
Yfirskrift sýningarinnar er „Áhrif tölvuvæðingarí 20 ár“. I
tengslum við sýninguna hyggst fyrirtækið veita verðlaun
einum listamanni að upphæð kr. 100.000,- og jafnframt
áskilja sér rétt til kaupa á sýningarverkum. Ætlast er til að
send séu inn ekki færri en þrjú verk eftir hvern listamann og
geta þau verið úr hvaða listgrein sem er innan myndlistar-
innar. Miðað er við að verkunum sé skilað inn fyrir
10. janúar 1987 til IBM, Skaftahlíð 24.
Sýningarnefnd skipa:
Gunnar M. Hansson forstjóri, formaður
Daði Guðbjörnsson, myndlistarmaður
Einar Hákonarson, listmálari
Friðrik Friðriksson, framkvæmdastjóri
Halldór B. Runólfsson, listfræðingur
SKAFTAHLIÐ 24 REYKJAVÍK SÍMI 27700
HELGARPÓSTURINN 47
ARGUS/SIA