Morgunblaðið - 01.08.1986, Side 52

52
MORGUNBLAÐIÐ, FÖSTUDAGUR 1. ÁGÚST 1986
„Foreidrjjr m'inir k^nnta&t ycgnum
tÖl7cihjúsfcaparm'ibi.>-in
áster...
. . .að halda áralaginu
TM Reg. U.S. Pat. Otf,—all rights reserved
© 1986 Los Angeles Times Svndicate
skipulagið i bænum kemur
ekki. Hann hafði ekki
skipulagt daginn nógu vel.
Við biðjumst afsökunar!
Með
morgunkaffinu
Mig var að dreyma þig,
væna mín.
HÖGNI HREKKVlSI
>,pÖ GLEyMPlR MOTTUNM HANO1- "
Þessir hringdu . .
Sendum Sömum
hreindýr
J.H. hringdi:
„Mér datt í hug þegar ég frétti
af því að Satnar ættu í miklum
vandræðum vegna geislunar frá
Chernobyl-kjamorkuverinu hvort
við íslendingar gætum ekki komið
þeim til hjálpar. Hreindýrastofn
Sama er víst allur í hættu vegna
geislavirkni. Gætum við ísiend-
ingar ekki sleppt því að skjóta
hreindýr í haust og sent Sömum
þetta 500 til 1.000 dýr, það væri
varla mikil fóm fyrir okkur en
Samar eiga allt sitt undir hrein-
dýrunum."
Á ekki að birta
vinningsnúmerin?
Jón Guðmundsson hringdi:
„Ég var að velta því fyrir mér
hvar væri hægt að sjá á hvaða
númer hefði komið vinningur í
happdrætti Tónlistarskóla Ragn-
ars Jónssonar. Á miðunum er
gefið upp símanúmer en þar var
bara gefið upp á hvaða númer
hefði komið bíll en auk bílanna
eru 44 vinningar. Það er orðið
talsvert langt síðan mér var sagt
að númerin yrðu birt í heild í
dagblöðunum en ég hef hvergi séð
þau.“
Velkomin Sigrún
Hlustandi hringdi:
„Mig langar til að bjóða Sigr-
únu Stefánsdóttur velkomna til
starfa og lýsa ánægju minni yfir
að sjá hana aftur á skjánum. Hún
er bæði geðþekk kona, ágætur
fréttamaður og það sem e.t.v.
skiptir mestu máli, látlaus og laus
við alla tilgerð. Ég vona að hún
verði hjá sjónvarpinu sem allra
lengst.“
Ekki hægt að
hringja í 999
úr öllum símum
Þ.A. hringdi:
„Mér datt það í hug, þegar ég
heyrði af annars ágætri tillögu
Katrínar Fjeidsted í borgarstjóm
um að eitt númer, líklega 999,
yrði tekið í notkun fýrir alla neyð-
arþjónustu, að það yrði ekki hægt
að hringja í þetta númer úr símum
með langlínulás.
Langlínulásinn er ætlaður til
að koma í veg fyrir að hægt sé
að hringja út á land eða til út-
landa en þau númer byija öll á 9.
Þetta verður að hafa til hlið-
sjónar eða breyta lásunum þegar
tekin er ákvörðun um eitt neyð-
arsímanúmer.
Klukka Útvegs-
bankans sýnir
ekki réttan tíma
G.G. hringdi:
„Mér var gengið framhjá
útitaflinu í Lækjargötu á þriðju-
daginn og þar sem veðrið var
indælt fékk ég mér sæti í brekk-
unni við taflið. Þetta hefði svo sem
ekki verið í frásögur færandi ef
mér hefði ekki verið litið upp á
Útvegsbankann, nánar tiltekið
klukkuna á toppi bankans, og sá
ég að klukkan var sjö mínútur
yfir tólf.
Þetta hefði í sjálfu sér ekki
heldur verið í frásögur færandi
ef svo skemmtilega hefði ekki vilj-
að til að klukkan var alls ekki
12.07 heldur 12.35 og það sem
meira var Útvegsbankaklukkan
var svo sannfærð um þessa skoð-
un sína á því hvað tímanum liði
að klukkan 12.55 þegar ég stóð
upp fræddi Útvegsbankinn mig
enn á því að klukkan væri 12.07
Væri ekki ráð að gera eitthvað
í þessu áður en fólk lendir í vand-
ræðum vegna oftrúar á ágæti
Útvegsbankans?
Einokun er
skerðing á
persónufrelsi
Nokkrir reiðir Campari-unn-
endur hringdu:
„Við mótmælum harðlega
þeirri einokun og persónuskerð-
ingu sem átt hefur sér stað hjá
Áfengis- og tóbaksverslun ríkis-
ins, að hætta innflutningi á
Campari. Við skorum á Höskuld
Jónsson, forstjóra ÁTVR að end-
urskoða þessa ákvörðun því við
álítum að það sé ákvörðun kaup-
andans, hvort hann greiði 50—100
kr. meira fýrir flöskuna eða ekki.
Það er virðingarvert þegar inn-
flytjendur reyna að gera hagstæð
innkaup, en þetta er of langt
gengið. Hér höfum við gott dæmi
um hina einu og sönnu einokun
og þar með skerðingu á persónu-
frelsi.“
Víkverji skrifar
Fólk ferðast mikið þessa dag-
ana, eins og við er að búast.
Víkverji vill benda ferðafólki á
tvennt í sambandi við ferðalög inn-
anlands. Annað er að gagnlegt er
að hafa sem nákvæmust kort af
þeim landshlutum, sem ferðast er
um og hitt að ferðin verður
skemmtilegri ef við hendina eru
bækur, sem hafa að geyma ein-
hvem fróðleik um þau landsvæði,
sem farið er til og líf fólksins þar
fyrr og nú. Landshlutakort er sjálf-
sagt hægt að fá víða en reynsla
Víkveija er sú, að mest úrval þeirra
sé í Bókaverzlun Sigfúsar Ey-1
mundssonar svo og í afgreiðslu
Landmælinga ríkisins við Suður-
landsbraut, þar sem öll kort, sem
Landmælingar hafa gefið út, eru
seld. Þar eru einnig til sölu hand-
hægar plastmöppur utan um kortin.
Árbækur Ferðafélags íslands
verða ómissandi þáttur á ferðalög-
um þeirra, sem á annað borð hafa
byijað að nota þær. Ennfremur
hafa uppsláttarbækur bókaforlags
Orlygs Hálfdanarsonar að geyma
mikinn fróðleik um landið. Hið eina,
sem segja má um þær bækur er
kannski það að þær eru svo vandað-
ar, að mörgum eigendum þeirra er
heldur illa við að taka þær með sér
í ferðalög, þegar alltaf er hætta á
einhveiju hnjaski. í þessu sambandi
má einnig nefna Vegahandbókina
svo og árbækur Útivistar, sem eru
með svolítið öðru sniði en árbækur
Ferðafélagsins. Með kort og ein-
hverra þessara bóka við hendina
verður ferð um ísland skemmtilegri
og fróðlegri í alla staði.
XXX
Kirkjubæjarklaustur er að verða
einhver skemmtilegasti án-
ingastaður á leiðinni frá Reykjavík
og austur á bóginn. Náttúrufegurð
er þar mikil og sérstök og allt yfír-
bragð staðarins einstaklega geð-
þekkt. Þjónusta við ferðamenn er
góð og Edduhótelið, sem þar er
rekið, þægilegt og í góðum húsa-
kynnum. Þar er einnig sundlaug,
sem mörgum ferðalöngum þykir
gott að bregða sér í eftir ferðir, sem
stundum geta verið erfiðar. Kirkju-
bæjarklaustur á framtíð fyrir sér,
bæði sem áningastaður og áfanga-
staður á ferðum um þann lands-
hluta.
XXX
Sjálfsagt muna margir þau tíma-
mót, sem urðu í verzlun á
Akureyri, þegar Hagkaup tók til
starfa þar með þeim árangri að
verðlag á neyzluvörum lækkaði
verulega. Fyrir nokkrum dögum
átti Víkveiji leið um Húsavfk og
heyrði þá á förnum vegi, að svipuð
þróun hefði orðið þar. Hagkaup
hefur að vísu ekki opnað verzlun
þar, heldur framtakssamur ein-
staklingur, Jón Þorgrímsson.
Verzlunarstarfsemi hans hafði
tvíþætt áhrif. I fyrsta lagi lækkaði
vöruverð í kaupfélaginu! I öðru lagi
hætti fólk í nærliggjandi sveitum
að fara til Akureyrar til þess að
verzla hjá Hagkaup en fór að verzla
hjá kaupmanninum á Húsavík, sem
bauð upp á hagstætt vöruverð.
Einkaverzlunin hefur sem sagt
lækkað vöruverð hjá kaupfélögum
á Akureyri og Húsavík! Er þetta
ekki eitthvað annað en til stóð hjá
kaupjélögunum í upphafl?!