Morgunblaðið - 21.02.1987, Side 17
V36i HAúaaara .rs auoAaaADUAJ .aiaA.iaviuoaoM
MORGUNBLAÐIÐ, LAUGARDAGUR 21. FEBRÚAR 1987
01
17
Tilfiimingar, skyn-
semi og pólitík
eftir Ragnhildi
Eggertsdóttur
Það líður óðum að Alþingiskosn-
ingum og kosningaskjálfti farinn
að angra æði marga frambjóðend-
ur. Þegar þannig stendur á er oft
ýmislegt sagt og gert, sem ef bet-
ur væri að gáð og dýpra væri
hugsað væri ef til vill látið kyrrt
liggja-
Því hefur verið haldið fram í
mörgum blaðaskrifum undanfarið
að Kvennalistinn með framboði
sínu eyðileggi möguleika kvenna
á öðrum framboðslistum til að ná
kosningu. Hvað er verið að tala
um hér? Að framboð Kvennalist-
ans geti dregið úr atkvæðafjölda
til annarra framboða? Ef svo er
sýnir það þá ekki að kjósendur eru
engan veginn ánægðir með stefnu-
skrá þeirra pólitísku flokka sem
standa að þeim framboðslistum,
eða það sem enn verra er að kjós-
endur telji sig hafa verið svikna
af kosningaloforðum þessara
sömu flokka? Sem sagt að kjósend-
ur séu ekki sáttir við samfélagið
sem byggt hefur verið upp undir
stjóm þeirra pólitísku flokka sem
farið hafa með völd hér á landi.
Og svo er það annað, ef sæti
kvennanna á þessum framboðslist-
um eru svona óörugg og flokkun-
um svo mikið í mun að koma
konum að, hvers vegna eru þær
þá ekki settar í öruggu sætin?
Hvað liggur þama á bak við? Eru
ef til vill þessir pólitísku flokkar
ekki tilbúnir til að fela konum þá
ábyrgð sem þeir telja að fylgi „ör-
uggu" sætunum?
Nú er tæpt ár liðið frá því síðast
var kosið til bæjar- og sveitar-
stjóma, undirrituð hefur fylgst
gjörla með því sem gerst hefur í
einu af stærri bæjarfélögum lands-
ins, þ.e. Hafnarfirði. Af þeim ellefu
kjömu fulltrúum sem þá vom
kosnir í bæjarstjóm em Qórir kon-
ur, tvær frá Alþýðuflokki og tvær
frá Sjálfstæðisflokki. Þegar nýja
bæjarstjómin hafði myndað meiri-
hluta, sem samanstendur af
Alþýðuflokki og Alþýðubandalagi,
var kosið í bæjarráð. Bæjarráð er
jú æðsta ráð bæjarins og hefur
þar af leiðandi mikilvægu hlut-
verki að gegna, þess vegna verður
að vanda mjög vel val fulltrúa
þess. Utkoman af þessu vanda-
sama vali varð sú að ráðið skipa
eingöngu karlar. Hvað varð um
yfirlýsingar flokkanna fyrir kosn-
ingar þess efnis að Kvennalisti
væri óþarfur vegna þess kvenna-
vals sem þeir hefðu upp á að bjóða?
Það er auk þess hrein lítilsvirðing
við hápólitíska stefnu Kvennalist-
ans að telja að Kvennalisti sé
orðinn óþarfur vegna ijölgunar
kvenna á framboðslistum fjór-
flokkanna, þeirra konur starfa
auðvitað eftir pólitískri stefnu síns
flokks. Kvennalistinn er að bjóða
fram til að koma sinni kvenna-
pólitísku stefnu á framfæri.
Nú þegar þetta er skrifað er
búið að ákveða framboð Kvenna-
lista í sex kjördæmum af átta, þá
vaknar óhjákvæmilega sú spum-
ing, hvers vegna em konur
víðsvegar á landinu að bjóða fram
sér? Þetta er spuming sem er fylli-
lega tímabært að velta fyrir sér í
fullri alvöru.
Það sem Kvennalistakonur álíta
skynsamlegt er oft á tíðum allt
annað en það sem karlar álíta
skynsamlegt um sama mál. Þetta
á sér skýringu eins og annað, en
hún er sú að Kvennalistakonur
taka afstöðu til mála út frá reynslu
sinni og á forsendum kvenna með-
an karlar taka á sama hátt afstöðu
til mála út frá sinni reynslu og á
forsendum karla. Reynsla kvenna
og forsendur mótast af því hve
konur em í náinni snertingu við
lífið sjálft, vegna þess eiginleika
þeirra að geta fætt af sér nýtt líf.
Það em líka konur sem hlúa að
þessu nýja lífi, baminu sínu, bera
ábyrgð á að það dafni og þroskist
RagnhUdur Eggertsdóttir
Kvennalistakonur ætl-
ast ekki til að karlar
geti til fullnustu skilið
hvað býr að baki sér-
framboði kvenna, en
þær ætlast til að aðrar
konur skilji það.
á líkama og sál meðan það er
ósjálfbjarga. Þetta er reynsla sem
enginn getur tileinkað sér frá öðr-
um. Það em líka konur sem taka
að sér að annast aldraða, það em
konur sem sækja í kennslu- og
hjúkmnar- og fóstmstöfín ekki
vegna þess að þær séu sáttar við
þau launakjör sem þessar starf-
stéttir búa við heldur vegna þess
að konum falla þessi störf vel og
þær telja þau ekki síður mikil-
væg en önnur sem em betur
launuð. Kvennalistakonur una því
ekki lengur að mannlegar tilfínn-
ingar og frumþarfir séu slitnar úr
tengslum við virðingu, ábyrgð, lög
og reglur og þær vita að engir em
betur í stakk búnir til að tengja
þessa þætti saman en konur. Það
er að segja konur sem starfa á
forsendum kvenna sem aftur
byggja á reynslu kvenna.
Það á ekki að taka orð mín svo
að ég telji karla ekki í mörgum
tilvikum gera sitt besta til að
móta samfélag og setja reglur,
sem þeir álíta manneskjulegt og
til góðs. Það sem ég er að segja
er að þeir vita ekki að sú reynsla
sem konur búa yfír er ekki síður
mikilvæg við mótun manneskju-
legs og góðs samfélags en reynsla
karla getur verið.
Kvennalistakonur ætlast ekki
til að karlar geti til fullnustu skil-
ið hvað býr að baki sérframboði
kvenna, en þær ætlast til að aðrar
konur skilji það og þær ætlast til
að karlar sýni skoðunum Kvenna-
listakvenna skilning og virðingu
og taki fullt tillit til þeirra. Karlar
ættu heldur ekki að hræðast sér-
framboð kvenna heldur fagna því
sem nauðsynlegu innleggi við upp-
byggingu samfélags sem vill he§a
til vegs og virðingar ástúð, um-
hyggju og tillitssemi við þegna
sína, en ekki standa í valdabar-
áttu.
Greinarhöfundur er í Reykjanes-
anga Kvennalistans og skipar 21.
sæti framboðslistans þar.
GAMLIR.
OPIÐ í DAG KL. 10-16
Opið mán.-fim. kl. 12-19
fös. kl. 12-20
laug. kl. 10-16
sun. kl. 13-17
Strætisvagnar nr. 2, 3 og 16
stoppa beint fyrir utan Nýja
Bæ. F>eir ganga m.a. frá
Hlemmi og Lækjartorgi.
LESKRÓKUR - BARNAGÆSLA
Greiðslukortaþjónusta
FÉLAGS ÍSLENSKRA BÓKAÚTGEFENDA í NÝJA BÆ, EIÐISTORGI
Bókamarkaðurinn í Nýja Bæ er með gamla, góða
laginu. Fjölbreyttur, spennandi og ÓDÝR.
Pú rekst þarna á söguhetjurnar í löngum röðum.
íslenskar og erlendar. Bundnar og óinnbundnar.
Og þú getur tekið þær allar með þér heim
- fyrir lítið fé.
KUNNINGIAR
A GAMLA.GOÐA VERÐINU