Morgunblaðið - 21.02.1987, Blaðsíða 26

26
MORGUNBLAÐIÐ, LAUGARDAGUR 21. FEBRÚAR 1987
Biblíudagurinn á sunnudaginn
HINN árlegi biblíudagur verður
haldinn á sunnudaginn kemur 22.
febrúar. Þann dag verður aðal-
fundur Hins islenska bibliufélags
haldinn í Seltjarnarneskirkju og
hefst hann með guðsþjónustu í
kirkjunni kl. 2. Auk þess verður
dagsins minnst við messur í
kirkjum landsins. Biskup íslands,
sem er forseti biblíufélagsins,
hefur sent prestum og söfnuðum
bréf og farið þess á leit að biblíu-
félagsins verði minnst við
guðsþjónustur á sunnudaginn og
þar verður tekið á móti samskot-
um til styrktar félaginu.
í bréfi sínu segir biskup m.a. að
erindi biblíudagsins til þjóðarinnar
sé hið sama frá ári til árs;
Að vekja og glæða vitund um
gildi Heilagrar ritningar fyrir trúar-
og menningarlíf íslensku þjóðarinn-
ar.
Að veita leiðsögn og ráðleggja
um notkun Biblíunnar.
Að vekja athygli á starfi Hins
íslenska biblíufélags, sem hefur
þann eina tilgang „að vinna að út-
gáfu, útbréiðslu og notkun heila-
grar ritningar meðal landsmanna."
Biblíufélagið, sem er talið elsta
félag landsmanna, var stofnað árið
1815 og hefur unnið að því síðan
að koma út Biblíunni í aðgengilegu
formi svo sem flestir eigi kost á
að lesa guðs orðs og njóta þess.
Þau verkefni, sem nú eru einna
helst á dagskrá félagsins, eru ný
útgáfa og endurþýðing hinna svo-
kölluðu Apokryfubóka Gamla
testamentisins sem nú eru ófáan-
legar. Þær voru í íslensku biblíunni
allt til ársins 1859. Það er fyrir-
hugað að Apokryfu-bækumar verði
bæði fáanlegar í Biblíunni og í sér-
útgáfu.
Einnig er hafin umræða um nýja
útgáfu Biblíunnar og þýðingu í
framhaldi af þeirri endurskoðun
sem gerð var með útgáfu Biblíunn-
ar árið 1981. Hinn íslenski texti
Biblíunnar er að meginstofni til frá
árunum 1841 og 1912. Það hefur
verið rætt um að hin nýja útgáfa
Biblíunnar verði um árið 2000 í til-
efni af 1000 ára afmæli kristnitök-
unnar. Það er geysilega mikið starf
sem er fyrir höndum ef það á að
takast og þarf því biblíufélagið á
stuðningi alþjóðar að halda til þess
verks og annarra aðkallandi verk-
efna.
Hið íslenska biblíufélag er aðili
að sameinu biblíufélögunum sem
vinna m.a. að því að útbreiða ritn-
inguna í þriðja heiminum en þar
er tilfínnanlegur skortur á Biblíum.
Veitir biblíufélagið árlega umtals-
verða peningaupphæð til þess
verkefnis. Biblían eða einhveijir
hlutar hennar hafa nú verið þýdd
á um 1800 tungumál.
Aðsetur Hins íslenska biblíufé-
lags er í Guðbrandsstofu í Hall-
grímskirkju í Reykjavík og eru þar
til sölu ýmsar útgáfur Biblíunnar
og sálmabókarinnar auk annarra
bóka sem tengjast þessu efni.
Framkvæmdastjóri Hins íslenska
biblíufélags er Hermann Þorsteins-
son en starfsmaður Ástráður
Sigursteindórsson.
(Fréttatilkynning)
nonu

Nýafskornir, fercj^ fegjj
tólípanar. Eigin ræKiua
Miöa qott úrval. Einnig urval a
soennandi, framandi blómum.
spe _ THvalið fyrir Konudag -
Margar konur sem í áratugi hafa unnið sjálfstæðisstefnunni vel
komu til að óska afmælisbarninu til hamingju. Hér ræða þær Vala
Thoroddsen, Jakobina Matthiesen og Sigríður Sigurjónsdóttir við
Sigrúnu Þorgilsdóttur utanríkisráðherrafrú. Aftar má sjá eina af
yngri konunum í félaginu, Dagnýju Ellingsen.
Gestafjöldi hyllti Hvöt
á 50 ára afmælinu
FJÖLDI gesta var á afmælis-
fagnaði Sjálfstæðiskvennafé-
lagsins Hvatar í Valhöll sl.
fimmtudag ts! að óska félagiuu
heilla á hálfrar aldar afmælinu
og njóta kampavins og rausnar-
legra veitinga félagskvenna.
Bárust félaginu gjafír, blóm og
skeyti víðs vegar að. M.a. afhendi
Þórunn Gestsdóttir, formaður Sam-
bands sjálfstæðiskvenna, félaginu
áletraðan gullskjöld frá samtökun-
um, Ásta Michaelsdóttir færði Hvöt
forláta styttu frá Vorboðanum $
Hafnarfírði, Jónas Bjamason for-
maður Landsmálafélagsins Varðar
kom færandi hendi frá sínu félagi,
með góða myndavél til að festa á
Morgunblaðið/Ámi Sæberg
Standandi frá vinstri Þórarinn Guðmundsson frá Sparisjóði Kópa-
vogs og Jónas Reynisson frá Sparisjóði Hafnarfjarðar. Sitjandi frá
vinstri Magnús Ægir Magnússon frá Sparisjóði Keflavikur og frá
Kaupþingi þeir Hallur Páll Jónsson, Sigurður Dagbjartsson, Birgir
Sigurðsson og Pétur H. Blöndal.
Samstarf Kaupþings hf.
og sparisjóðanna:
Nýir samningar
tryggja öryggi í
fasteignaviðskiptum
KAUPÞING hf. og Sparisjóður
Reykjavíkur og nágrennis, Spari-
sjóður Hafnarfjarðar, Sparisjóð-
ur Kópavogs og Sparisjóður
Keflavíkur hafa gert með sér
samning sem tryggja á aukið
öryggi í fasteignaviðskiptum.
Boðið er upp á sérstakan
greiðslutryggingareikning í
sparisjóðunum, sem tryggja á
seljanda fasteignar að hann geti
staðið í skilum vegna eigin fjár-
festinga ef kaupandi stendur
ekki i skilum.
Við gerð kaupsamnings geta selj-
endur samið við sparisjóðina um
ákveðna lánsupphæð með 26%
vöxtum, sem lögð er inn á sér-
stakan reikning og þannig tryggt
að þeir geti staðið í skilum. Dráttar-
vextir eru hins vegar 27%. Kostnað-
ur við gerð samningsins er 0,2%
af upphæðinni sem tryggja á. „Þá
er boðið upp á þá nýjung að selj-
andi fasteignar, sem stofnar
greiðslutryggingareikning, getur
lagt andvirði fasteignarinnar, ef
hann þarf að geyma fé um tíma,
inn á reikninginn með 19% vöxtum,
í stað venjulegra 9% bankavaxta,"
sagði Birgir Sigurðsson hjá Kaup-
þing hf.
Pétur H. Blöndal forstjóri Kaup-
þings hf., sagði að í fasteignavið-
skiptum færu stórar upphæðir á
milli manna og oft mynduðust svo-
kallaðar keðjur kaupenda og selj-
enda, sem ýmist væru að stækka
við sig húsnæði eða minnka. Sú
regla hefur tíðkast að við gerð
kaupsamings séu 15 til 30 dagar
hafðir á milli gjaldadaga og vilja
seljendur með því tryggja að kaup-
andinn standi í skilum áður en til
gjalddaga seljanda kemur. Hann
sagði að með þessu vildu seljendur
koma í veg fyrir óþægindi, sem
óneitanlega skapast ef greiðslur
berast ekki á réttum gjalddaga.
„Heiðarlegasta sómafólk getur lent
í vandræðum um stundarsakir en
með þessum nýja reikning tryggja
sparisjóðirnir að seljendur geti stað-
ið í skilum," sagði Pétur Blöndal.