Morgunblaðið - 28.09.1988, Blaðsíða 32
32
MORGUNBLAÐIÐ, MIÐVIKUDAGUR 28. SEPTEMBER 1988
Afinæliskveðja:
Friðrik Karlsson
’ framkvæmdastjóri
Vinur minn, Friðrik Karlsson, er
sjötugur í dag. Hann er fæddur á
Hvammstanga 28. september 1918.
Foreldrar hans voru hjónin Guðrún
Sigurðardóttir og Karl Friðriksson,
brúarsmiður. Þau voru bæði Vest-
ur-Húnvetningar af bændaættum.
Tíminn líður hratt, en ósjálfrátt
leitar hugur minn aftur til haustsins
1936 er fundum okkar Friðriks bar
fyrst saman á Eyjólfsstöðum i
Vatnsdal. Báðir vorum við fátækir,
en það var sameiginlegt flestum
ungum mönnum í þá daga. Með
okkur Friðriki tókst strax vinátta
sem haldist hefur síðan. En vilji til
athafna og sjálfstæðis er mönnum
misjafnlega í blóð borinn.
Eg fann strax að Friðrik átti
þennan vilja og hafði orð á því við
hann. „Já,“ sagði Friðrik og hló við,
„kannski hefi ég fengið þessa „bakt-
eríu“ á fermingardaginn minn. For-
eldrar mínir voru skilin og höfðu
ekki tækifæri til þess að vera þá
með mér. Mér fannst ég vera mikill
einstæðingur og út yfír allt tók þeg-
ar fermingarsystkini mín eða að-
standendur þeirra greiddu prestinum
fermingartollinn, sem var fimmtán
krónur, að eiga ekki krónu í vasa.
Það sveið mér sárar en orð fá lýst.
Ég hét því þá að ég skyldi gera allt
til þess að vera sjálfum mér nægur,
treysta á þrek mitt og þor og verða
sjálfstæður maður. Um sumarið var
ég í brúarvinnu hjá föður mínum og
þegar ég kom heim um haustið fór
ég beint til prestsins og greiddi hon-
um fermingartollinn."
Friðrik vann mörg sumur við brú-
arsmíði víða um land og kynntist
þá bæði landi og þjóð. Frá pví kann
hann að segja á skemmtilegan hátt.
Á vetrum var hann oftast í sveit
sinni, Víðidal. Friðrik settist aldrei
á skólabekk, nema í bamaskóla sem
ekki var löng skólaganga í þá daga.
Árið 1941 keypti Friðrik jörðina
Hrísa í Víðidal. Mörgum fannst það
í mikið ráðist af 23 ára manni, pen-
ingalausum að því er haldið var. En
Friðrik átti fyrir fyrstu greiðslu.
Hann lét ekki úrtölumenn draga úr
sér kjarkinn og fann þann innri styrk
sem fylgir því að standa á eigin landi.
Friðrik leigði jörðina að hluta
góðum bónda sem greiddi leiguna
með því að annast fjárstofninn sem
Friðrik kom sér upp. Sjálfur fór
Friðrik suður til Reykjavíkur í svo-
kallaða bretavinnu og varð þar smið-
ur með hamar og sög í hendi. Hann
hóf jafnframt ræktun og uppbygg-
ingu á jörð sinni og í dag eru Hrísar
taldir meðal betri jarða.
Friðrik giftist árið 1944 Guðrúnu
Pétursdóttur ættaðri úr Dýrafirði.
Þar tel ég að Friðrik hafi stigið sitt
mesta gæfuspor, því að Guðrún er
traust og góð kona sem staðið hefur
þétt við hlið manns síns í blíðu og
stríðu. Heimili þeirra hjóna í
Mávahlíð 39 ber þess vitni. Ekkert
heimili verður hlýtt og fallegt án
konu sem kann skil á því hvers virði
slíkt heimili er fjölskyldunni. Það er
hvíld í því að koma þangað, fínna
hlýjuna og horfa á falleg málverk
sem prýða veggi.
Guðrún og Friðrik eiga tvö böm.
Þau eru Sigríður Petra jarðfræðing-
ur, gift Bjama Ásgeirssyni lögfræð-
ingi, og Karl Guðmundur búnaðar-
hagfræðingur og markaðsfræðing-
ur, kvæntur Hafdísi Rúnarsdóttur
hjúkrunarfræðingi.
Friðrik er mikil félagsvera og
hefur staðið í fararbroddi margra
samtaka. Hann hefur manna lengst
verið formaður Húnvetningafélags-
ins í Reykjavík. Hann efldi þar fé-
lagsanda og barðist fyrir því að fé-
lagið eignaðist húsnæði í Reykjavík
fyrir starfsemi sína. í heimabyggð-
inni hefur Borgarvirki verið endur-
hlaðið í sína upprunalegu mynd.
Fallegur skógarlundur er kominn við
suðuijaðar Vatnsdalshóla til minn-
ingar um að þar er fyrsti Húnvetn-
ingurinn fæddur, Þórdís dóttir Ingi-
mundar gamla á Hofi. Þá hefur ver-
ið unnið að söfnun og varðveislu
gamalla muna, sem flestir eru komn-
ir undir eitt þak á Reykjum í Hrúta-
firði. Friðrik hefur átt þátt í öllum
þessum framkvæmdum, þótt margir
aðrir hafi lagt þar hönd á plóginn.
Friðrik er góður spilamaður, var
lengi formaður Bridssambands ís-
lands. Þá er hann lomberspilari góð-
ur, en lomber var mikið spilaður
áður fyrr og þá helst í sveitum lands-
ins. Friðrik stofnaði lomberklúbb,
sem ég er í ásamt Rútsstaðabræðr-
um, þeim Kára og Kjartani Sigur-
jónssonum, báðum skemmtilegum
spilamönnum. Við spilum annað
hvert þriðjudagskvöld, komum til
hvers annars á víxl. Þetta eru
ánægjuleg kvöld. Við byijum á því
að setjast í stofu og renna niður
góðum drykk úr staupi og ræða
vandamál líðandi stundar. Síðan
hefst baráttan við spilaborðið þar
sem hvorki Vatnsdalur né Víðidalur
vill tapa fyrir hinum.
Friðrik er oft með hugann í sveit
sinni. Hann hefur byggt sumarhús
á Hrísum er hann nefnir Hrísakot.
Þangað er gaman að heimsækja þau
hjónin í hlý og vinaleg húsakjmni.
Það er fallegt að horfa þaðan yfir
grasgefið landið og Fitjána auðuga
af laxi, til Víðidalsfjallsins, sem skil-
ur að Víðidal og Vatnsdal. Ég er
ekki frá því að Friðrik sjái oft í
huganum yfir Víðidalsfjallið niður í
Vatnsdalinn, heim að Eyjólfsstöðum
þar sem hann var fjármaður einn
vetur því að hann hefur sagt að
ESKIFELL hf. dreifingaraðili
Trivial Pursuit á íslandi hefur
fengið viðurkenningu frá fram-
leiðendum leiksins fyrir að hafa
selt mesta magn af leiknum í
heiminum miðað við fólksfjölda.
Verðlaun þessi voru veitt á ráð-
stefiiu evrópskra dreifingaraðila
Trivial Pursuit í Englandi nýlega.
Peter Salmon forstjóri Eskifells
hvergi hafi sér liðið betur hjá vanda-
lausum en á Eyjólfsstöðum. Þar var
vinnufólkið hluti af fjölskyldunni.
Árið 1963 á vordögum var Friðrik
ráðinn framkvæmdastjóri fyrir
byggingu Domus Medica (húsi
lækna) og síðan framkvæmdastjóri
hússins. Ég hygg að í þessu starfi
hafi Friðrik sýnt þá hæftii sem best
má piýða góðan framkvæmdastjóra
og rekstrarhagfræðing. Eigendur
hússins eiga Friðriki mikið að þakka.
Friðrik getur horft glaður yfir
farinn veg. Heit hans og draumur á
fermingardaginn hefur ræst. Hann
hefur komið sér vel áfram, er virtur
og dáður af þeim sem þekkja hann
best, enda er Friðrik sá persónuleiki
sem tekið er eftir og vinnur á við
kynni. Friðrik er jafnan hress í við-
móti, skemmtilegur og fijór í hugs-
un. Það er aldrei lognmolla í kringum
hann, heldur þægilegur andblær sem
feykir burtu sorg og sút. Þannig
verður Friðrik ævina út. Heill þér
sjötugum.
Guðlaugur Guðmundsson
Friðrik og kona hans, Guðrún
Pétursdóttir, taka á móti gestum í
kvöld, afmælisdaginn, í Domus
Medica, eftir kl. 20.
hf. segir að Trivial Pursuit sé nú
komið inn á 33% heimila á íslandi.
Næst í röðinni eru Bandaríkin með
17% heimila og þriðja landið er
Bretland með 15% heimila. Hann
segir Trivial Pursuit vera mest selda
leik heimsins frá því það leit fyrst
dagsins ljós fyrir 7 árum. Seld hafi
verið yfir 50 milljón eintök af hon-
um.
Trivial Pursuit:
*
Heimsmet á Islandi
Þeir óttast ekki
alnæmi
BIRT MEÐ TILSTYRK HEILBRIGÐISYFIRVALDA.
- OG LIFA SAMKVÆMT PVÍ
Lif ir þú ábyrgu kynlífi?
LEITAÐU UPPLÝSINGA OG FRÆÐSLU
HJÁ SÍMA- OG RÁÐGJAFARÞJÓNUSTU
SAMTAKANNA 78.
SVARAÐ ER í SÍMA Á MÁNUDÖGUM
MIÐVIKUDÖGUM OG FIMMTUDÖGUM
MILLI KL. 20 - 23.
Sími28539
Samtökin 78
...SEM VITA HVAÐ HUGTAKIÐ
PiÆTTULAUST KYNLÍF MERKIR
J