Morgunblaðið - 28.09.1988, Blaðsíða 39
MORGUNBLAÐIÐ, MIÐVIKUDAGUR 28. SEPTEMBER 1988
39
Sveinn Hallgríms-
son — Minning
Fæddur 25. desember 1928
Dáinn 13. september 1988
í dag er jarðsettur samstarfs-
maður okkar, Sveinn Hallgrímsson,
en hann lést langt um aldur fram
þann 13. september sl.
Sveinn hóf störf hjá Kassagerð
Reykjavíkur hf. þann 1. október
1972 og starfaði þar óslitið til
dauðadags. Með honum er genginn
einn traustasti starfsmaður okkar
fyrirtækis og verður skarð það er
hann skildi eftir sig vandfyllt. Hann
gegndi ýmsum trúnaðarstörfum
fyrir fyrirtækið í gegnum tíðina af
stakri prýði. í upphafi starfsferils
hans hjá Kassagerðinni var fyrir-
tækið að stíga sín fyrstu skref í
tölvuvæðingu og tók Sveinn að sér
að vera þar í fararbroddi, enda sá
maður hjá fyrirtækinu sem mesta
innsýn hafði þá í hina nýju tækni.
Vann hann með því ómetanlegt
starf.
Er fram liðu stundir sinnti Sveinn
mest sölu- og verðlagsmálum sem
hann ieysti ekki síður vel af hendi.
Öll þessi störf vann Sveinn af sinni
alkunnu prúðmennsku og vand-
virkni, ekki síst ef tekið er tillit til
þess að hann átti í fjölda ára í bar-
áttu við mjög þrálátan sjúkdóm sem
oft og tíðum skerti starfsþrek hans
mjög. Aldrei heyrðist hann þó
kvarta þrátt fyrir að oft væri mjög
af honum dregið.
Við sem þekktum Svein, vissum
að honum var margt til lista lagt.
Hann var ákaflega forvitinn maður
um flesta hluti, sérstaklega á
tæknilega sviðinu, hreinn fróðleiks-
brunnur sem hann miðlaði sam-
starfsmönnum sínum ríkulega af,
ef eftir var sótt. Sveins er sárt sakn-
að í þessum hópi og ekki síður af
forráðamönnum fyrirtækisins sem
kunnu ákaflega vel að mefy störf
hans. Með þessum fátæklegu orðum
kveðjum við Svein hinstu kveðju og
sendum eftirlifandi konu hans,
Margréti, bömum þeirra og öðrum
aðstandendum, okkar innilegustu
samúðarkveðjur.
Kristján Jóhann Agnarsson
Sveinn Hallgrímsson fæddist á
jóladag 1928, fyrsta barn foreldra
sinna, Hallgríms Sveinssonar, skrif-
stofustjóra, d. 9.10. 1948 og konu
hans, Guðríðar Ottadóttur, d. 11.3.
1964. Systkini Sveins eru Sverrir,
f. 13.9. 1934, og Elina Helga, f.
24.12. 1935.
Sveinn lauk gagnfræðaprófi og
síðan námi í vélvirkjun hjá Vél-
smiðjunni Hamri, vann hann þar í
nokkur ár að námi loknu þar til
hann réð sig á vélaverkstæði Vega-
gerðar ríkisins. Samstarfsmenn
Sveins á þessum árum höfðu orð á
því hvað nákvæmur og vandvirkur
hann væri, enda vann hann löngum
við rennismíði.
Sveinn giftist 5.12. 1953 eftirlif-
andi konu sinni, Margréti H. Sig-
urðardóttur. Foreldrar Margrétar
voru Sigurður Gíslason, lögreglu-
þjónn, d. 13.8. 1947, og kona hans,
Björg Sigurðardóttir, d. 5.5.1988.
Sveinn og Margrét eignuðust 2
böm, Hallgrím Sigurð, f. 19.3.
1954, og Björgu, f. 20.7. 1956.
Sveinn hóf nám í Tækniskóla
íslands 1963 og lauk fyrrihluta.
tæknináms 1965, fór síðan til fram-
haldsnáms í Osló. Að námi loknu
hóf hann störf hjá Kassagerð
Reyjavíkur og vann þar til dauða-
dags.
Sveinn var félagslyndur maður
og hrókur alls fagnaðar á góðum
stundum, hann var algjör bindindis-
maður alla tíð. Á iðnskólaárunum
tók hann virkan þátt í kór Iðnskól-
ans í Reykjavík, sem þá var starf-
andi, enda hafði hann mikið yndi
af söng og sígildri tónlist.
Áhugamál Sveins vom mörg og
ólík, hann hafði gott vald á 5 tungu-
málum, var vel að sér um allt sem
varðaði tölvur og þá miklu mögu-
leika sem þær bjóða upp á, hann
fylgdist vel með heimsfréttum og
hafði einnig mikinn áhuga á lands-
málum. Á seinni ámm fóm
frístundir hans í ættfræðirannsókn-
ir, var hann mjög vel að sér um
ættir sínar og sinna, í hvert sinn
sem nýr aðili tengdist fjölskyldunni
var hann fljótur að komast að upp-
mna hans.
Fráfall Sveins kom hans nánustu
ekki svo mjög á óvart, hann átti
við vaxandi vanheilsu a stríða
síðustu 2—3 árin og féll að lokum
fyrir þeim sjúkdómi sem flesta legg-
ur að velli.
Sveinn var mikill gæfumaður í
sínu einkalífi og ríkti mikið traust
milli hans og Margrétar konu hans,
þau ferðuðust mikið til annarra
landa hin síðari ár og nú í sumar
rættist langþráður draumur hans
að koma til Rómar.
Við systkini Sveins sjáum nú á
eftir gáfuðum og góðum bróður,
nú er ekki lengur hægt að ausa af
þekkingarbmnni hans, systkina-
bömin spyija Svein frænda ekki
oftar um uppmna sinn, þetta er
gangur lífsins hér á jörð, en sem
betur fer er þetta bara upphafíð,
því trúði Sveinn og nú hefúr hann
fengið það staðfest.
Kæra mágkona, Hallgrímur Sig-
urður og Björg, þið sjáið nú á eftir
góðum eiginmanni og föður, sökn-
uður ykkar er mikill en vissan um
ástríki hans og drengskap er ykkur
huggun.
Utför Sveins fer fram frá Dóm-
kirkjunni í dag kl. 13.30.
Sverrir Hallgrímsson
Þegar stjóm Blæðingasjúkdóma-
félags Islands kom saman í fyrsta
sinn að loknu sumarhléi, miðviku-
daginn 7. september síðastliðinn,
var Sveinn mættur þar að venju.
Engum okkar duldist þó, að frá því
er við hittumst síðast í vor höfðu
sjúkdómar tekið stóran toll af
líkamlegu þreki hans. Engu að síður
var hann kominn til að leggja sitt
af mörkum við mótun næsta starfs-
árs félagsins. Þannig var Sveinn
að jafnvel fársjúkum var honum
ofar í huga að leggja góðu máli lið
en að hlífa sjálfum sér.
Sveinn var einn af stofnendum
Blæðingasjúkdómafélagsins fyrir
rúmum 11 árum. Hann kom inn í
stjóm félagsins í mars 1985, er
bróðir hans Sverrir lét af störfum,
en hann hafði þá verið í stjóm frá
stofnun þess.
Það kom strax í ljós að Sveinn
var mjög áhugasamur félagsmaður
hvort serri hann var utan stjómar
eða í stjóm. Hann var mjög fróð-
leiksfús maður enda fróður mjög
um fjölmörg málefni. Fræðslufundir
félagsins vom honum því kærkomið
tækifæri til að auka á þekkingu
sína hvort heldur efnið sem fjallað
var um varðaði hann og hans §öl-
skyldi eða annarra. Hans sívakandi
og spumli hugur hleypti lífi í fund-
ina, vakti umræður með fyrirspum-
um eða beinu innleggi úr forðabúri
þekkingar sinnar. Þetta gerði hann
á hæglátan og prúðan máta eins
og honum var best lagið, til þess
eins að skýra efnið fyrir sér eða
öðmm fundarmönnum.
í stjóm var hann skemmtilegur,
hugmyndaríkur félagi, sem átti til
með að stytta okkur stundir með
sögum víðsvegar að úr mannlífinu.
Við minnumst hans sem greinds og
velviljaðs manns, sem ætíð var fús
til að taka á sig vinnu fyrir félag
okkar málefnum þess til fram-
gangs.
Með slíkum mönnum er gott
að lifa og starfa.
Mennimir hverfa en líf þeirra og
störf vara í hugum þeirra sem eftir
lifa.
Við vottum íjölskyldu hans okkar
dýpstu samúð.
Stjóm Blæðingasjúk-
dómafélags íslands.
S va var Erlends-
son - Minning
Fæddur 1. febrúar 1913
Dáinn 18. september 1988
Sunnudaginn 18. september lést
á Landakotsspítala vinur minn og
vinnufélagi, Svavar Erlendsson.
Hann fæddist í Suðurvík í Mýrdal.
Foreldrar hans voru Guðlaug
Sigríður Pálsdóttir og Erlendur
Kristjánsson frá Hlíðarenda. Hann
kvæntist 18. október 1940 Agnesi
Helgu Hallmundsdóttur.
Böm þeirra em: Erlendur Hallur,
f. 29. maí 1942, kvæntur Jóhönnu
Pálmadóttur. Kristinn, f. 15. des-
ember 1947, kvæntur Þóranni
Helgu Guðbjömsdóttur. Heimir, f.
1. maí, 1950, kvæntur Guðrúnu
Sigurlaugu Frederiksen. Hallberg,
f. 1. mars 1956, kvæntur Steinunni
Guðbrandsdóttur. Af bamabömum
era 12 á lífi, elsti sonarsonurinn er
látinn. Bamabamaböm eru 3.
Svavar lærði limasmíði hjá Halldóri
Amórssyni, en vann mest við gull-
og silfursmíði, í Plútó, gull- og silf-
ursmiðjunni Emu, hjá Guðlaugi
Magnússyni og í ísspor hf. frá
stofnun þess.
Þegar ég minnist Svavars vinar
míns kemur margt upp í hugann.
Hvemig hann með æðraleysi tókst
á við þann sjúkdóm, sem hann hafði
barist við undanfarin ár. Ætíð
stundaði hann sína vinnu þótt oft
væri ærin ástæða til hvíldar. En
vinnusemin var eitt af hans aðals-
merkjum. Hann sinnti störfum
sínum af samviskusemi og alúð og
það fóra ekki margir í hans spor í
afköstum og vinnulagni. Ávallt
mætti hann fyrstur manna til vinnu
og minnist ég þess hversu notalegt
það var að fá nýlagaðan kaffísopa
á hveijum morgni er ég mætti til
vinnu. Þegar litið er til baka er
mjög auðvelt að sjá í hve mikilli
þakkarskuid við forráðamenn ís-
spors hf. stöndum við Svavar fyrir
að hafa notið starfskrafta hans.
Með þessum örfáu orðum vil ég
þakka Svavari fyrir samfylgdina.
Eftirlifandi eiginkonu hans, Agnesi
Helgu Hallmundsdóttur, ásamt
bömum og fjölskyldum þeirra, sendi
ég mínar innilegustu samúðarkveðj-
ur.
Sigurður R. Pétursson
Ómar Ö. Ólafs-
son - Kveðjuorð
Fæddur 10. apríl 1959
Dáinn 2. september 1988
Hann Ómar vinur minn er dáinn.
Amma hringdi föstudaginn 2. sept-
ember og sagði okkur að hann
Ómar hefði dáið þá um morguninn.
Ég trúi því ekki enn. Mér finnst svo
stutt síðan við voram saman með
ömmu, afa, Gunnu og Óla í sumar-
bústaðnum við Vesturhópsvatn í
júlí í sumar. Þar skemmtum við
Ómar okkur við veiðar í vatninu.
Við kepptumst um að vera á undan
að fá sem flesta fiska. Við fóram
í fótbolta og skemmtum okkur í
sundlauginni á Hvammstanga. Á
kvöldin spiluðum við á spil og mös-
uðum svo fram eftir upp í rúmi og
hlógum svo mikið að þagga varð
niður í okkur.
Þegar hugurinn reikar kemur
líka í huga mér, þegar við fóram
öll saman í sumarbústað við Skorra-
dalsvatn fyrir nokkram áram. Þar
var líka gaman að veiða með Ómari.
Ómar hafði gaman af að ferðast.
Hann ferðaðist mikið með foreldr-
um sínum til útlanda. Meðal annars
heimsótti hann systur sína til Thai-
lands og fannst honum það mikil
ævintýri.
Ómar tók þátt í íþróttum með
íþróttafélaginu Ösp og vann þar
marga verðlaunapeninga.
Ég vil þakka Ómari fyrir þær
stundir sem við áttum saman.
Elsku Gunna og Óli. Við sendum
ykkur okkar innilegustu samúðar-
kveðjur og vitum að góður Guð
geymir góðan dreng.
Blessuð sé minning hans.
Steini Birkir
t
Innilegar þakkir til allra þeirra sem sýndu okkur samúð og hlýhug
við andlát bróður okkar,
GUIMNARS VALGEIRS STEFÁNSSONAR,
Bræðraborgarstíg 36,
Kristján Stefánsson,
Steinunn Stefánsdóttir,
t
Þökkum innilega öllum þeim, sem sýndu okkur samúð og hlýhug
við andlát og útför,
SIGRÍÐAR EINARSDÓTTUR
áður til heimilis í Skaftahlíð 34.
Valgerður Eyjólfsdóttir, Jón E. Guðmundsson,
Rósa Eyjóifsdóttir, Ingi Hallbjörnsson,
Kristbjörg Þórðardóttir, Björn Ómar Jónsson,
Guðbjörg Jónsdóttir,
barnabörn, barnabarnabörn og barnabarnabarnabörn.
+
Þökkum innilega auðsýnda samúð og vinarhug við andlát föður
okkar og afa,
MATTHÍASAR KARLSSONAR,
Berghólum,
Keflavík.
Sigurður Hafsteinn Matthiasson, Óskar Júlíus Bjarnason, Guðmunda Júlíusdóttir,
Hulda Sigrún Matthiasdóttir, Guðrún Sveinsdóttir,
Benedikt Sveinsson, Laufey Hallgrimsdóttir, og börn, Katarinus G. Ingvason
Dagbjört Hallgrímsdóttir, Svanfriður Hallgrímsdóttir.
Birting afmælis- og
minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritstjórn blaðsins á
2. hæð í Aðalstræti 6, Reykjavík og á skrifstofu blaðsins i Hafn-
arstræti 85, Akureyri.
Athygli skal á því vakin, að greinar verða að berast með góðum
fyrirvara. Þannig verður grein, sem birtast á í miðvikudagsblaði að
berast síðdegis á mánudegi og hliðstætt er með greinar aðra daga.
í minningargreinum skal hinn látni ekki ávarpaður. Ekki eru tek-
in til birtingar framort ljóð um hinn látna. Leyfilegt er að birta ljóð
eftir þekkt skáld, 1—3 erindi og skal þá höfundar getið. Sama gildir
ef sálmur er birtur. Meginregla er sú, að minningargreinar birtist
undir fullu nafni höfundar.