Morgunblaðið - 21.01.1990, Blaðsíða 11
MORGUNBLAÐIÐ 'SUNNUDAGUR 21. JANÚAR1'990
ið jafnvægi hjá okkur. Við vorum
nokkuð sammála um markmiðin,
en fórum öðruvísi að til að nálgast
þau. Hann Gunnar var óbeinn skóli
fyrir mig í fílósófíu hagfræðinnar,"
segir Haraldur.
Greiðslukortin
íslendingar gátu fyrst notað sér
svokölluð greiðslukort fyrir tíu
árum síðan og var það einmitt
Haraldur Haraldsson sem barðist
fyrir því að koma þeim í umferð
hérlendis. „Það voru allir á móti
honum, en hann gafst ekki upp.
Mönnum fannst það bara vitleysa
að taka hér upp greiðslukort. Þau
hafa hinsvegar fengið að sanna
sig,“ segir Gunnar Bæringsson,
framkvæmdastjóri Kreditkorta hf.
Kort hf. var stofnað fyrir tíu árum
í kringum hlut einstaklinga í Kredit-
kortum hf. þegar bankarnir komu
inn í reksturinn. Það félag átti 25%
í Kreditkortum þar til fyrir fáeinum
vikum að það seldi sinn hlut. Sölu-
verðið vildi Haraldur ekki gefa upp,
en sagði söluna hafa verið mjög
góða. Hluthafar í Korti hf. eru auk
Haraldar og Gunnars Þórs, Þor-
valdur Jónsson skipamiðlari, Gunn-
ar Bæringsson og Róbert Árni
Hreiðarsson lögfræðingur.
Stöð 2
Hlutafélagið Kort hf., sem reynd-
ar er til húsa í einu pósthólfi, keypti
fyrir skömmu 50 milljóna króna
hlut í Stöð 2, en alls hafa kaup-
mennJceypt 250 milljóna króna hlut
í Stöð 2 og þannig hafa þeir tryggt
sér meirihlutaeign fyrirtækisins.
„Við höfum mikla trú á þessu fyrir-
tæki og erum fyrst og fremst að
fjárfesta í búnaði og fólki. Þegar
Stöð 2 rak á fjörurnar, ákváð ég
ásamt Jóhanni J. Ólafssyni form-
anni Verslunarráðsins og Guðjóni
Oddssyni formanni Kauþmanna-
samtakanna, að kanna hvort þetta
væri fysilegur fjárfestingarkostur.
í annan stað þurftum við að finna
ungan og duglegan mann, fullan
af orku, sem vildi helga sig þessu
starfi. Eg var svo heppinn að fara
út að borða á Hótel Holt á nýárs-
dagskvöld og við næsta borð sat
einmitt Jón Ólafsson í Skífunni.
Hann hefur þessa jákvæðu
strauma, sem mér finnst svo mikil-
vægir, og þá fór allt í gang og við
hrifum menn með okkur. Ég spurði
hann hvort hann hefði eitthvað kíkt
á Stöð 2. Jón svaraði neitandi, en
spurði mig að hinu sama. „Já, svona
aðeins byrjaður, hefurðu áhuga,“
sagði ég. „Heyrðu, mjög mikinn,"
sagði Jón og hlutimir héldu áfram.
Síðan hafa margir aðilar verið að
vinna saman að því að leysa þetta
mál.
Við munum halda áfram að vinna
saman að því að gera þennan fjöl-
miðil sem hæfastan. Ef maður ber
Stöð 2 saman við sjónvarpsstöðvar
erlendis, er hún topp sjónvarpsstöð
með fyrsta flokks efni þrátt fyrir
misjafnan smekk manna. Ný stjórn
mun taka á þeim verkefnum, sem
fyrir liggja. Við ætlum okkur alls
ekki að tapa á þessu. Helst viljum
við sjá hagnað, hvort sem hann fer
svo inn í reksturinn eða ekki. Okk-
ar hugmyndir gera einnig ráð fyrir
því að hlutafélagið verði gert að
almenningshlutafélagi. Þaðnig mun
öllum þeim, sem vilja stuðla að
auknum framgangi boðið upp á
hlutabréfakaup í Stöð 2. Aðalfund-
ur nýrrar stjórnar sem væntanlega
verður haldinn í febrúar eða mars
tekur ákvörðun um hversu mikið
hlutafé verður aukið og hvenær af
því verður að ný hlutabréf verði
boðin á frjálsum markaði, en sam-
kvæmt hluthafafundi frá 31. des-
ember 1989, er nú heimild fyrir 500
milljóna króna hlutafé í fyrirtæk-
inu,“ segir Haraldur.
íslenska úthafsútgerðin
Haraldur á stærstan hlut, 25%,
í íslenska úthafsútgerðarfélaginu,
sem gerir út verksmiðjuskipið
Andra I. Auk hans eru í útgerðinni
strákarnir í Kort hf., eins og hann
orðar það, Tryggingamiðstöðin,
Hraðfrystistöðvarnar í Reykjavík
og Vestmannaeyjum og Jón Búi
Guðlaugsson, stjórnarformaður
Alpan. j,Þ að er augljóst að í málefn-
um ÍSÚF hefur gætt einhvers mis-
skilnings. Ef það kemur á daginn
að íslendingar hafi aldrei haft þess-
ar kvótaheimildir við Alaska sem
borgað var stórfé fyrir á sínum
tíma, til hvers og hvers virði eru
þá milliríkjasamningar? Ef samn-
ingar eru einskis virði, á ekki að
vera að eyða tíma í að endurnýja
þá árlega. Menn eru að tala um að
þetta verði gjaldþrot aldarinnar. Ef
þetta mál fer á versta veg, þá tek-
ur norski bankinn einfaldlega skip-
ið. Skuldbindingar okkar eru þannig
að það mun enginn tapa beinlínis
á okkur ef til greiðsluþrots kemur.
Ég reyni yfirleitt að lifa eftir því
mottói að vera ekkert að ergja mig
á því sem ég fæ ekki breytt. Mér
er sama um mína peninga, en mér
líður ekki vel ef þeir, sem komnir
eru í þetta með mér, tapa pening-
um. Ef maður fer út í eitthvað, þá
hlýtur maður að vera að því til að
sigra og gefast ekki upp þó á móti
blási. Öll él birtir upp um síðir.
Segja má að vandamál séu yfirleitt
fjármálalegs eðlis. Starfsorkan er
yfirleitt óþijótandi ef menn yfirbug-
ast ekki af peningaskorti. Hitt er
annað mál að ég hef gengið til
hvflu á hveiju kvöldi þess fullviss
að málið leysist."
Álkílóið fjórfaldað
Haraldur segir að íslendingum
sé það ekki nóg að draga aðeins
fisk úr sjó. Þar hlyti að koma að
mettun og þá yrði eitthvað annað
að vera til. Hann segir að pening-
arnir séu einskis nýtir liggjandi í
banka þannig að haim kjósi að vera
skapandi í atvinnulífinu. Árið 1984
var Haraldur einn aðalstofnandi
Alpan á Eyrarbakka, en það fyrir-
tæki framleiðir potta og pönnur úr
áli. Útflutningsverðmæti fram-
Ieiðslunnar nam á síðasta ári yfir
200 milljónum króna og er flutt út
til 17 landa. Iðnaðarráðherra sagði
á þingi í vetur að álkílóið væri sam-
virði þorskkílós. Alpan fjórfaldar
aftur á móti verðmæti álkílósins
með því að búa til potta og pönnur.
Öll forsjárhyggja er af hinu
slæma, segir Haraldur. „Menn
verða að fá að lifa sínu lífi innan
rúmra laga. Það á alls ekki að sam-
þykkja lög frá Alþingi og láta við-
komandi ráðherrum það eftir að
útfæra reglugerðir nánar. Ég er
sannfærður um að hlutunum sé
best borgið í einkaframtakinu. Ég
er fyrst og fremst fijálshyggjumað-
ur og ég tel að mínir fjármunir séu
betur komnir í höndunum á mér
heldur en einhveijum embættis-
manni. Fólk er ekki látið í friði með
peningana sína nú á dögum og ef
það af dugnaði hefur komist yfir
að eignast eitthvað, er heimtaður
margfaldur skattur af því. Mér
fannst svo sem í lagi að hafa skatt-
ana 35%. Nú eru þeir komnir í 40%
og virðisaukinn er 24,5%. Verst er
þegar fólk fer að finna það að stór
hluti tekna þess fer í sameiginlega
þeytivindu, sem útdeilt er til ein-
hverra verkefna, sem manni kemur
ekkert við og vill ekkert vita af.“
Mikil félagsvera
Rjúpnaveiði, hestamennska, lax-
veiði og skíðaíþróttin er á meðal
þess sem Haraldur leggur rækt við
í frístundum. Þó segist hann engan
áhuga hafa á þessu nema í góðum
félagsskap. Félagsskapurinn skipti
öllu máli. „Ég hef komist upp í það
að vera 210 daga í útlöndum á einu
ári og þú getur nú rétt ímyndað
þér hvort ég hafi gaman af utan-
landsferðum. Á íslandi vil ég vera,“
segir hann. Haraldur er þekktur í
kunningjahópi fyrir að taka Iagið
og er franska lagið Aluette sagt
vera í miklu uppáhaldi hjá honum,
hvort sem er í Þórsmerkurferðum
eða í hundleiðinlegum rútuferðum
erlendis á vegum alþjóðasamtaka
I fiskimjölsframleiðenda. „Já, þetta
eru yfirleitt með afbrigðum leiðin-
legar rútuferðir. Menn eru kannski
á leið í kvöldverð í boði einhverra
samtaka. Menn hafa ef til vill feng-
ið sér einn léttan og eru bókstaf lega
að drepast úr fýlu. Nú, maður vill
svona fá stuð í mannskapinn og
bregst söngurinn sjaldan. Það er
svo stutt f glaðværðina með söngn-
um. Hann býr nefnilega í öllum,“
segir Haraldur.
Löndunarstöð í Póllandi
Hann hefur verið mjög framar-
lega í flokki mjölframleiðenda og
hefur selt fiskimjöl í stórum stfl,
aðallega í Póllandi. Jón Reynir
Magnússon, framkvæmdastjóri
Sfldarverksmiðja ríkisins, segir: „Á
sínum tíma voru Póllandsviðskiptin
dottin út ogtókst honum með sínum
dugnaði og atorku að koma því í
gegn að þau héldu áfram með hjálp
íslenskra banka. Þessi viðskipti
hafa síðan verið okkur mjög hag-
kvæm og hafa þeir keypt þetta 20
til 30 þúsund tonn af fiskimjöli á
ári og allt upp í 50 þúsund tonn
eitt árið. Bakslag er nú aftur kom-
ið í viðskiptin vegna aflaleysis hjá
okkur í byijun vertíðar og mikilla
breytinga heima fyrir hjá Pólveij-
um.
„Mjölið hefur verið uppistaðan í
mínum störfum síðan 1973, en þá
tók ég við útflutningnum hjá Andra
hf. Mér hefur alltaf þótt skemmti-
legra að starfa við útf lutning heldur
en innf lutning. Ef til vill þess vegna
varð innflutningurinn undir í starf-
semi Andra hf.“ Aðalútflutnings-
greinar fyrirtækisins eru mjöl og
fiskur. í hitteðfyrra var útflutn-
ings-
verðmæti Andra hf. 1,7 milljarður
kr. Fyrirhuguð er bygging löndun-
arstöðvar í Póllandi á næstunni í
samvinnu íslendinga og Pólveija.
Verkþættir hafa allir verið boðnir
út og gerir Haraldur ráð fyrir að
steypuvinna geti hafist í vor. Áætl-
að er að löndunarstöðin tengist
járnbrautakerfi Evrópu sem gera
mun alla flutninga mun auðveldari
en nú er. Kostnaður við byggingu
löndunarstöðvarinnar er talin nema
um hálfri milljón króna.
Hliðstæðir straumar
„Það er svo merkilegt að mér
hefur alltaf gengið vel að vinna
með öllum mönnum. Kannski er það
vegna þess að ég hef reynt að velja
menn með hliðstæða strauma og
koma frá mér. Ég hef ekki gaman
af því að vera með uppisteit við
menn. Ég held að ég ætti ákaflega
erfitt með að sætta mig við Alþingi
því þar eru svo margir með ólíkar
skoðanir. Ég vil geta rætt málin
og notið þess að vera á fundum,
þó þeir séu yfir höfuð leiðinlegir.
Ég reyni alltaf að sneiða fram hjá
vandamálum. Það er í sjálfu sér
hægt að búa til vandamál úr öllum
hlutum og ég reyni í lengstu lög
að skilja aðalatriðin frá aukaatrið-
unum.
Sumir álíta að ég hljóti að vera
óskaplega ríkur. Menn mega alveg
halda það. Ég á góða fjölskyldu og
að því leyti er ég ríkur. Hvað er
annars ríkidæmi? Maður getur tap-
að öllu þessu ríkidæmi af því að
maður er alltaf að reyna að finna
upp á einhveiju nýju - maður er
alltaf að reyna að skapa eitthvað
nýtt. Til dæmis er ekki séð fyrir
endann á þessu Alaskaævintýri. Ég
er fyrst og fremst talsmaður hóps,
sem er að vinna að verkefnum sam-
an og ósjálfrátt halda menn að ég
eigi alla þessa peninga. Það er
mesti misskilningur. Eg hef ekki
haft neitt á móti því að vera mál-
svari. Ég lærði tjáningu í skáta-
starfinu og til að fullkomna glæpinn
fór ég á Dale Carnegie námskeið.
Ef menn standa saman að fjár-
munamyndum, skilar það miklu
árangursríkara starfi heldur en ef
menn eru að bjástra hver í sínu
horni. Hinsvegar kvarta ég ekki
fjárhagslega. Eg á svo sem til hnífs
og skeiðar."
011
Austurlenskt nudd
Námskeið í austurlenskri sjúkdómsgreiningu og þrýsti-
nuddi eftir meðferð Namikoshi.
Námskeiðið stendur yfir 8 mánudaga og hefst 29/1 '90.
Upplýsingar og innritun hjá Lone Svargo í síma 18128.
Hef opnaó sálfræðistofu
í Lágmúla 5
Viðtalsbeiðnir í síma 680696 föstudaga frá kl. 9-10 og í
símsvara 31543 mánudaga frá kl. 17-20.
Einstaklingsmeðferð og ráðgjöf fyrir börn og fullorðna.
Svanhvít Björgvinsdóttir,
sálfræðingur.
MÁLMIÐIMAÐARFYRIRTÆKI -
MÁLMIÐIVIAÐARMEIMIM
(febrúar er ákveðið að halda eftirfarandi endurmennt-
unarnámskeið á höfuðborgarsvæðinu:
Enska1 ....5. feb.
Enska II ....5. feb.
Kælitækni 1 ....12.-24. feb.
Gerð útflatninga 1 ....9.-24. feb.
Tölvunámskeið: Grunnnámskeið um tölvunotkun (PC) ....10.-18. feb.
Ritvinnsla WP ....12.-22. feb.
Ritvinnsla WP ....24. feb.-4. mars.
Námskeið utan höfuðborgarsvæðisins og fyrirhuguð
sérnámskeið verða auglýst fréttabréfum. sérstaklega í útsendum
Upplýsingar og skráning: Fræðsluráð málmiðnaðarins, sími 91-864716 og skrif-
stofa MSÍ í síma 91-83011.
Ráðstefna um
ÞÝÐINGAR Á
TÖLVUÖLD
Reykjavík, miðvikudaginn 24. janúar 1990
IBM á íslandi og Orðabók Háskólans efna til ráðstefnu
undir yfirskriftinni „Þýðingar á tölvuöld“ hinn 24. janúar
nk. kl. 10:00-16:45. Ráðstefnan er haldin í tilefni af 5 ára
samstarfsafmæli Orðabókarinnar og IBM á sl. ári.
Vandaðár þýðingar skipta miklu fyrir framvindu og rækt
íslensks máls. Vel fer á því að ráðstefna um þetta efni skuli
haldin nú í framhaldi af málræktarátaki því sem staðið
hefur yfir að undanfömu að fmmkvæði menntamálaráð-
herra.
Undanfarin ár hefur Orðabók Háskólans unnið að um-
fangsmiklum þýðingum tölvuforrita og tölvubóka fyrir IBM
á Islandi. Því þótti vel til fundið að samstarfsafmælisins
yrði minnst með ráðstefnu þar sem fjallað yrði um þýðing-
ar frá sem flestum sjónarhomum, mismunandi þýðingar-
svið og notkun tölvutækninnar við þýðingar. Alls verða
fluttir níu fyrirlestrar á ráðstefnunni þar sem fjallað verður
um bókmenntaþýðingar, biblíuþýðingar, orðabókaþýðing-
ar, íðorðaþýðingar, þýðingar forrita, vélrænar þýðingar,
leiðbeiningar um þýðingar og þýðingarstarf IBM í alþjóð-
legu samhengi. Ræðumenn verða: Kristján Árnason, bók-
menntafræðingur, Guðrún Kvaran, orðabókarritstjóri, Jón
Hilmar Jónsson, orðabókarritstjóri, Sigrún Helgadóttir,
tölfræðingur, Njörður P. Njarðvík, dósent, Stefán Briem,
eðlisfræðingur, Helga Jónsdóttir, deildarstjóri, Höskuldur
Þráinsson, prófessor, Heimir Pálsson, cand.mag. og örn
Kaldalóns, deildarstjóri.
Ráðstefnustjóri verður dr. Sigrún Stefánsdóttir, fjölmiðla-
fræðingur.
Ráðstefnan fer fram í AKOGES-salnum í Sigtúni 3, en í
því húsi er þýðingastöð Orðabókar Háskólans. Þátttakend-
um verður einnig kynnt starfsemi þýðingastöðvarinnar.
Þátttöku skal tilkynna til IBM í síma 91-697790 eða til
þýðingadeildar OH í síma 91-68 60 15 fyrir 22. janúar nk.