Morgunblaðið - 12.07.1991, Blaðsíða 26

26
MORGUNBLAÐIÐ FÖSTUDAGUR 12. JÚLÍ 1991
Barokktón-
list á Sumar-
tónleikum
FYRSTU Sumartónleikar á þessu
sumri á Húsavík, í Reykjahlíð og
á Akureyri verða nú um helgina.
Að þessu sinni eru á dagskrá
íslensk sönglög og tónlist eftir
Mozart.
Að sögn Bjöms Steinars Sólbergs-
sonar, talsmanns Sumartónleikanna,
er það Barokkhópur Akureyrarkirkju
sem kemur fram á þessum fyrstu
tónleikum. í hópnum eru Margrét
Bóasdóttir sópran, Lilja Hjaltadóttir
fiðluleikari og Björn Steinar Sól-
bergsson orgelleikari. Þau höfðu
fengið til liðs við sig Richard Korn
bassaleikara og Sigríði Hrafnkels-
dóttur fiðluleikara. Það óhapp henti
að þau tvö lentu í umferðarslysi og
enda þótt þau slyppu óbrotin úr því
geta þau ekki verið með að þessu
sinni. Björn sagðist með stuttum
fyrirvara hafa getað fengið Rut Ing-
ólfsdóttur fiðluleikara til að koma í
hópinn, en vandræði hefðu verið með
að fá sellóleikara. Fyrir hreina tilvilj-
un hefði hann rekist á Hafliða Hall-
grímsson á götu hér á Akureyri, en
hann er hér í sumarleyfi. Hefði Hafl-
iði brugðist vel við óskum um að
vera með í barokkhópnum og því
væri hann nú fullskipaður.
A efnisskrá tónleikanna um helg-
ina eru sönglög, meðal annars eftir
Askel Jónsson, Jón Leifs, Jónas Tóm-
asson og Jón Hlöðver Áskelsson. Að
öðru leyti verður leikin tónlist eftir
Wolfgagng Amadeus Mozart.
Aðgangur að tónleikunum er
ókeypis og öllum heimill. í Húsavík-
urkirkju hefjast tónleikamir á föstu-
dagskvöld klukkan 20.30, á laugar-
dagskvöld á sama tíma verða sömu
tónleikar í Reykjahlíðarkirkju og loks
í Akureyrarkirkju á sunnudag klukk-
an 17.
Rokkbandið
í Sjallanum
HLJ ÓMS VEITIN Rokkbandið
leikur í Sjallanum um helgina,
bæði föstudags- og laugardags-
kvöld.
Hljómsveitin hefur að undanförnu
leikið hressilegt rokk og blandaða
tónlist á dansleikjum víða um land.
í Sjallanum mun hún meðal annars
kynna nýtt lag, „Nú er það byrjað,“
sem nýverið kom út á safnplötu. í
Rokkbandinu eru: Pétur Haílgríms-
son, gítar og söngur, Kristján Jóns-
son, bassi, Ingvi R. Ingvason, tromm-
ur, Níels Ragnarsson, hljómborð og
Albert Ragnarsson, gítar og söngur.
aáMUi
HÖFÐABERG
veitingasala 2. hæð
Ingimar Eydal
leikur fyrir matargesti
föstudag, laugardag
og sunnudag.
Laugardagur:
Hljómsveit
Ingimars Eydal
leikurfyrir dansi.
Borðapantanir
isíma 22200.
Hótel KEA
Vegagerð í Öxnadalshólum við Þverá. Morgunblaðia/Rúnar Þðr Björnsson
Verulegar vegaframkvæmdir
í Oxnadal og á Oxnadalsheiði
MIKLAR vegaframkvæmdtr eru nú í Oxnadal. Vertð er að leggja veg
allt frá Bægisá að Engimýri. Einnig er verið að leggja veg sem leysir
af hólmi hættulegar brekkur og beygjur í Giljareitum.
A leiðinm fra Akureyn til
Reykjavíkur eru nú aðeins þrír veg-
arkaflar þar sem enn er gamall mal-
arvegur. Lengsti kaflinn er frá Bæg-
isá, um Öxnadal og Öxnadalsheiði
að Fremri-Kotum í Norðurárdal,
tæplega 40 kílómetrar. Rúmlega 5
kílómetra kafli er ógerður ofan af
Vatnsskarði og niður Bólstaðar-
hlíðarbrekku við Húnaver. Um 5 kíló-
metrar eru ógerðir frá Fornahvammi
niður eftir Norðurárdal í Borgarfirði.
Nú stendur yfir mikil vegagerð í
Öxnadal og á Öxnadalsheiði. Verið
er að leggja nýjan veg frá Bægisá
að Engimýri. Að sögn Sigurðar
Oddssonar hjá Vegagerð ríkisins á
Akureyri er um að ræða tvö aðskilin
verk. Annars vegar er vegurinn frá
Bægisá að Þverá, 8,9 kílómetrar að
lengd. Sá vegur liggur á áreyrum
og vinna við hann hófst á síðasta
sumri. Áætlað er að verkinu ljúki
K. Jónsson & Co
15. september næstkomandi og tak-
ist verktaka að skila af sér á settum
tíma mun Vegagerðin taka við og
koma á efra burðarlagi og klæðningu
að hluta. Hinn áfanginn er frá Þverá
að Engimýri. Þar er um að ræða veg
sem leysir af hólmi brekkur og blind-
beygjur Öxnadalshóla. Þar verður
nú beinn og sléttur vegur, 3,7 kíló-
metrar að lengd. Vinna hófst þar nú
í sumar og er ætlað að henni ljúki
15. október í haust. Vegagerðin mun
þá aka í hann efra burðarlagi.
Sigurður sagði að þetta væri ein-
hver mesta bylting í samgöngum á
þessu svæði í langan tíma, þótt ekki
tækist að klæða hann allan á þessu
ári, en í júní eða júlí á næsta ári
mætti búast við því að ekið yrði á
bundnu slitlagi alla leið frá Akureyri
að Engimýri. Þá væri á fjárveitingum
næsta árs gert ráð fyrir að halda
áfram frá Engimýri og að Öxnadalsá
Mikil vinna er við
rækjufiystinguna
ÞESSA dagana er mikil vinna í
rækjufrystingu hjá verksmiðju
K. Jónssonar á Akureyri. Mikil
rækjusala er til Evrópulanda.
Unnið er af fullum krafti í rækju-
frystingunni, allt til klukkan 10 á
kvöldin. Jón Þór Gunnarsson, ný-
ráðinn framkvæmdastjóri hjá K.
Jónssyni, sagði að starfsemin gengi
mjög vel, verið væri að frysta
rækju, bæði þá sem landað hefur
verið úr rússneskum rækjutogurum
að undanförnu og einnig af íslensk-
um skipum. Söluhorfur væru góðar
og raunar hefðist varla undan að
anna eftirspurn.
K. Jónsson er nú utan sölusam-
taka og hefur stofnað sérstaka sölu-
deild. Jón Þór sagði að fyrirtækinu
gengi vel að sanna sig sem sjálf-
stæður söluaðili, framundan væru
sýnilega mikil viðskipti og færi
rækjan mest til Norður- Evrópu-
landa. Að vísu væri verðið heldur
lágt miðað við það sem áður hefði
verið en með góðri nýtingu og góð-
um afköstum mætti komast vel af.
Verksmiðjan væri búin nýjustu og
fullkomnustu tækjum svo það stæði
ekki í vegi fyrir velgengni.
Enda þótt allt sé á fullu í fryst-
ingunni eru sumarleyfi í verksmiðj-
unni og því rótt yfir niðuriagning-
unni.
Alúðarþakkir fœri ég öllum þeim, sem glöddu
mig á 90 ára afmœli mínu 6. júlí með heim-
sóknum, gjöfum og árnaðaróskum.
Guð blessi ykkur.
Kristín E. Ólafsdóttir,
Aðalstræti 32,
Akureyri.
eða jafnvel Bakkaseli.
Mikið jarðrask er þar sem nýi veg-
urinn er lagður um Hólana og stór-
grýti, sem kemur upp við verkið, er
hlaðið í mikinn og myndarlegan vegg
við gamla veginn. Sigurður sagði að
þetta gijót yrði geymt þarna og not-
að síðar til að gera gijótgarða og
fyrirhleðslur þar sem vegurinn liggur
á árbökkum neðar í dalnum.
Miklar framkvæmdir eru líka vest-
an sýslumarka Eyjafjarðar og
Skagafjarðar. Þar er nú lagður nýr
vegur niður undan Giljareitum. Þeg-
ar hann kemst í gagnið losna vegfar-
endur við brekkur, þröngar brýr og
blindhæðir á þeim vegi sem alllengi
hefur verið talinn með hættulegustu
köflum á hringveginum.
Einar Gíslason hjá Vegagerð ríkis-
ins á Sauðárkróki sagði að þarna
væri um að ræða veg sem yrði alls
4,3 kílómetrar að lengd. Steypt yrði
ný brú yfir Reiðgil og vegurinn færð-
ur niður í gilið, mjög miklu neðar
en verið hefur. Þarna ætti að vera
snjóléttara en á núverandi vegi og
öruggara á allan hátt. Umferð verður
hleypt á þennan veg í haust og hann
klæddur bundnu slitlagi næsta sum-
ar.
Með þessum vegabótum tekst að
stytta malarveginn milli Eyjafjarðar
og Skagafjarðar um tæplega helm-
ing. Ekki er vafi á að því fagna flest-
ir sem fara þurfa þessa leið.
Morgunblaðið/Rúnar Þór Björnsson
Anna Richards að baki Brynhildi Kristinsdóttur við skúlptúr
sem sú síðarnefnda hefur gert.
Götukaffi og listvið-
burðir í göngugötunm
FÖSTUDAGINN 12. júlí verða listuppákomur og götukaffi í
göngugötunni á Akureyri ef veður leyfir. Þar verður boðið upp
á myndlist, ljóðlist, tónlist og hreyfilist, svo eitthvað sé nefnt
Eldsnemma á föstudagsmorg-
un bytjar Brynhildur Kristins-
dóttir, myndlistarkona, að mála
mikið málverk á götunni við sölu-
skálana og útisviðið í norðan-
verðu Hafnarstrætinu. Síðan
verða flutt þangað húsgögn, sem
fengin verða að láni hjá Leikfé-
lagi Akureyrar, og fólki boðið að
setjast og drekka kaffi úr rósótt-
um bollum og snæða gulrótaköku
með. Kaffisalan hefst um klukk-
an 14.
Ýmislegt verður á dagskrá
fyrir gesti og gangandi. Meðal
annars verður leikið á saxafóna,
lesin ljóð og auk þess verður
gerningur þar sem Anna Ric-
hards og Ragnhildur Gísladóttir
koma fram og setja saman atriði
með söng, myndlist og hrejrfdist.
Þá kemur einnig fram rokkabillý-
hljómsveitin Svörtu kaggarnir.
Kaggarnir munu auk þessa
gangast fyrir útitónleikum á
sviðinu í göngugötunni um kvöld-
ið. Þar munu nokkrar norðlensk-
ar hljómsveitir flytja rokktónlist.

> i i m i u t t : »« t t