Morgunblaðið - 12.07.1991, Blaðsíða 44

— svo vel
sétryggt
SJOyAiaCTALMENNAR
FÖSTUDAGUR 12. JÚLÍ 1991
VERÐ í LAUSASÖLU 100 KR.
Fljótsdalsvirkjun og
stækkun Búrfells;
Heldur minni
framkvæmd-
ir en gert var
ráð fyrir
LANDSVIRKJUN hefur ráðlst
í heldur minni framkvæmdir í
tengslum við undirbúning
Fljótsdalsvirkjunar og stækkun
Búrfellsvirkjunar í sumar en
gert hafði verið ráð fyrir. Agn-
ar Olsen hjá Landsvirkjun segir
að nú standi fyrst og fremst
yfir hönnunar- og undirbún-
ingsvinna vegna þessara virkj-
ana, en áætlað sé að meginfram-
kvæmdirnar við gerð þeirra
hefjist næsta vor.
Agnar Olsen segir, að fram-
kvæmdum við Blönduvirkjun Ijúki
að mestu leyti í haust en þá sé
áformað að gangsetja virkjunina.
Varðandi stækkun Búrfellsvirkj-
unar og gerð Fljótsdalsvirkjunar
standi nú fyrst og fremst yfir und-
irbúnings- og hönnunarvinna, út-
boðsgagnagerð og mælingar, með-
al annars fyrir háspennulínum.
Lítið verði um verklegar fram-
kvæmdir nema helst við vegagerð
og aðstöðusköpun. Meginfram-
kvæmdirnar vegna þessara virkj-
ana hefjist hins vegar næsta vor,
standist allar áætlanir.
Agnar segir að i vetur hafi ver-
ið gert ráð fyrir að farið yrði í
heldur meiri framkvæmdir á þessu
ári en raun hafi orðið á. Fram-
kvæmdum sé haldið í lágmarki
þangað til endanleg ákvörðun um
byggingu álvers liggi fyrir, auk
þess sem gangsetningu álversins,
ef af byggingu þess verður, hafi
heldur verið seinkað miðað við
fyrri áform.
Morgunblaðið/Þorkell.
Dauður fugl og grútur mættu mönnum í hverri skor allt frá Furufirði suður til Kollafjarðar.
20-25 þús. ungar hafa drepist í mengunarslysinu á Ströndum:
Rannsóknir sýna að grúturinn er lýsi
Hugsanlegt að efnið hafi borist með hafís frá Sovétríkjunum
í LJÓS hefur komið að grúturinn
sem rekur á fjörur á Ströndum
er lýsi, samkvæmt fyrstu niður-
stöðum Rannsóknastofnunar fisk-
iðnaðarins. Utbreiðsla mengunar-
innar nær nú frá Furufirði í norðri
suður að Kollafirði. Mengunin
virðist hafa náð hámarki og sést
k-ekki lengur út á hafinu en lýsið
er allt komið upp í fjöru. Það hef-
ur valdið miklum fugladauða og
talið er að 20-25 þúsund æðarung-
ar séu dauðir. Þór Jakobsson
deildarstjóri hafísdeildar veður-
stofunnar telur að mengunin geti
hafa borist með hafís frá Sov-
étríkjunum.
Einnig er talið að lýsið geti verið
úr bresku olíuflutningaskipi sem
skotið var niður á Húnaflóa á
stríðsárunum.
Páll Hjartarson, deildarstjóri
tæknideildar siglingamálastjóra,
segir að um 100 ef ekki þúsundir
tonna sé að ræða og er ekki vitað
hvaðan lýsið kemur.
Jónas Bjarnason, deildarstjóri
efnafræðideildar Rannsóknastofnun-
ar fiskiðnaðarins, segir að þar sem
um lífræna fiskifitu sé að ræða,
muni hún brotna niður á skömmum
tíma. Lítið er hægt að aðhafast til
að bjarga fugli frá grútnum þar sem
byggðin er strjál og erfitt um vik.
Þór Jakobsson segir algengt að
ýmsir hlutir og búnaður sem Sovét-
menn skilji eftir sig í Norðuríshafinu
berist hingað í austur-grænlands-
straumi.

Mismunandi kjör lífeyrissjóðslána:
Greiðslubyrði láglauna-
fólks tvöföld á við verk-
fræðinga og bankamenn
GREIÐSLUBYRÐI lána úr lífeyrissjóðum láglaunafólks er tvöfalt
þyngri en greiðslubyrði lána úr lífeyrissjóði verkfræðinga og eftir-
launasjóði Landsbankans og Seðlabankans. Þannig er ársgreiðslu-
byrði af 400 þúsund króna láni miðað við hámarkslánstíma 67.300
krónur úr lífeyrissjóði Dagsbrúnar og Framsóknar, Lífeyrissjóði verk-
smiðjufólks, lífeyrissjóði Sóknar og lífeyrissjóði Málm- og.skipasmiða-
sambandsins, en rúmar 25 þúsund krónur af láni úr Lífeyrissjóði verk-
fræðinga og tæp 30 þúsund af láni úr eftirlaunasjóði Landsbanka og
Seðlabanka. Þessar upplýsingar koma fram í júnífréttabréfi Kaup-
þings.
í fréttabréfinu kemur ennfremur
fram að auk þessa eru hámarkslán
til verkfræðinga og starfsmanna
Landsbankans og Seðlabankans
^nörgum sinnum hærri heldur en til
félagsmanna í Dagsbrún, Framsókn,
Sókn og hjá verksmiðjufólki. Hjá
tveimur síðarnefndu lífeyrissjóðun-
um er hámarkslánið 400 þúsund
krónur, en 500 þúsund hjá lífeyris-
sjóði Dagsbrúnar og Framsóknar.
Vextirnir eru 7%, lánstími er 10 ár
og 1% lántökugjald er tekið. Hjá
►Lífeyrissjóði verkfræðinga er há-
markslánið 2,4 milljónir og hjá eftir-
launasjóði Landsbankans og Seðla-
bankans 1.768 þúsund.
Lánstími í Lífeyrissjóði verkfræð-
inga er 35 ár og bera lánin 3,5%
vexti. Lántökugjald er 1%. Lánstími
í eftirlaunasjóði Landsbanka og
Seðlabanka er 30 ár. í útreikningn-
um í fréttabréfinu er reiknað með
4% vöxtum, en lánin báru þá vexti
þar til fyrir fáum vikum að þeir voru
hækkaðir í 4,9% af eldri lánum og
5,5% af nýjum lánum. Ekkert lán-
tökugjald er tekið. Lán úr lífeyris-
sjóðum starfsmanna ríkisins og
Reykjavíkurborgar bera 5,5% vexti.
Hámarkslán úr þeim síðarnefnda er
ein milljón króna til 25 ára. Ekkert
lántökugjald er tekið og ársgreiðslu-
byrði af 400 þúsund króna láni mið-
að v'ð hámarkslánstíma er 38 þúsund
krónur.
Forsendur útreikningsins í frétta-
bréfinu eru að vextirnir haldist
óbreyttir allan lánstímann. Lánið er
núvirt og miðað við 2 gjalddaga á
ári og fyrstu greiðslu eftir 6 mánuði.
Samkvæmt lánakönnun sem Sam-
band almennra lífeyrissjóða gerði
fyrr á þessu ári lána 10 lífeyrissjóðir
með 3,5% til 6,9% vöxtum. 30 lífeyr-
issjóðir lána með 7% vöxtum, en
aðilar vinnumarkaðarins beindu þeim
tilmælum til lífeyrissjóðanna að þeir
lækkuðu vextina í 7% í kjölfar þjóðar-
sáttarinnar í fyrravetur. Hins vegar
lána 27 sjóðir með hærri vöxtum en
7% og lágu vextirnir í marsmánuði
á biiinu 7,75% til 8,5%. Flestir þeirra
miðuðu við vegið meðaltal vaxta af
verðtryggðum útlánum bankanna en
það er nú 9,8%.
Herstöð Bandaríkjamanna á Straumnesfjalli á Vestfjörðum.
Hreinsunarátak á Straumnesfjalli:
Risaþyrla flytur vinnu-
vélarnar upp á fjallið
BANDARÍSKI hcrinn og fjórar björgunarsveitir á norðanverðum
Vestfjörðum hefja 22. júlí hreinsun í fyrrum herstöð varnarliðsins
á Straumnesfjalli. 25 manna vinnuhópur mun verða samfleytt að
störfum í 3 daga á fjallinu. A sama tíma fara fram heræfingar
þar sem notaðar verða tvær eða þrjár tveggja hreyfla risaþyrlur,
sem eru væntanlegar til landsins 17. þessa mánaðar og verður
ein þeirra notuð við hreinsunaraðgerðirnar. Á hún m.a. að flytja
traktorsgröfur og önnur flutningstæki upp á Straumnesfjall.
Til stendur að hreinsa allt laust
efni í stöðinni og þ.á.m. rafgeyma
sem þar hafa legið áratugum sam-
an en byggingarnar á fjallinu
verða ekki rifnar.
Þyrslusveitin er væntanleg til
landsins 17. júlí og verður flutt í
júmbóþotum. Fylgja 17 flugvirkjar
og áhöfn vélunum. Hafa björgun-
arsveitir á Vestfjörðum varið tals-
verðum tíma að undanförnu við
undirbúning verkefnisins. Herinn
hyggst nota þetta tækifæri til að
þjálfa þyrluflugmenn sína við erf-
iðar aðstæður á Vestfjörðum.