Morgunblaðið - 27.02.1998, Blaðsíða 45
MORGUNBLAÐIÐ
FRETTIR
FÖSTUDAGUR 27. FEBRÚAR 1998 45
1
)
I
)
I
I
I
I
I
I
I
I
I
I
I
J
:?
i
:J
I
Skrúfudagur
Vélskóla Islands
ÁRLEGUR kynningar- og nem-
endamótsdagur Vélskóla íslands,
Skrúfudagurinn, verður haldinn
hátíðlegur laugardaginn 28.
febrúar kl. 13-16 í Sjómanna-
skólanum.
Þennan dag gefst væntanleg-
um nemendum kostur á að kynn-
ast nokkrum þáttum skólastarfs-
ins. Nemendur verða við störf í
verklegum deildum skólans og
veita þér upplýsingar um
kennslutækin og skýra gang
þeirra. Á bókasafni Sjómanna-
skólans verður sýning á bókum
sem tengjast störfum vélstjóra.
I vélasal skólans verður sýndur
nýr og nijög fullkominn hermi-
búnaður sem líkir eftir sljórnstöð
í vélarúmi skips.
Björgunarþyrla Landhelgis-
gæslunnar mun lenda við Sjó-
mannaskólann og verða þar til
sýnis.
Kvenfélagið Keðjan verður
með kaffíveitingar í matsal Sjó-
mannaskólans.
Að Skrúfudeginum standa
Skólafélag Vélskólans, Kvenfé-
lagið Keðjan og Vélskóli íslands.
Heilbrigðis-
mál rædd á
Akranesi
Akranesi. Morgunblaðið.
STJÓRN Sjúki-ahúss og Heilsu-
gæslustöðvar Akraness gengst fyrir
ráðstefnu þar sem fjallað verður um
rekstur og málefni Sjúkrahússins
og heilsugæslunnar og framtíðar-
horfur. Ráðstefnan fer fram föstu-
daginn 27. febrúar í sal Verkalýðs-
félagsins á Kirkjubraut 40, 3. hæð
og hefst kl. 14.
Að sögn Steinunnar Sigurðar-
dóttur hjúkrunarforstjóra hefur
það nokkuð verið til umræðu meðal
starfsfólks og stjómenda stofnan-
anna, hvernig menn sjá fyrir sér
framtíðina í rekstri þeirra og hvers
megi vænta í þeim efnum og því var
ákveðið að halda ráðstefnuna.
Meðal frummælenda er Jósep
Blöndal, yfírlæknir í Stykkishólmi,
sem mun ræða samvinnu sjúkra-
húsa á Vesturlandi. Tveir þingmenn
Vesturlands, Gísli Einarsson og
Guðjón Guðmundsson, skoða málið
frá sjónarhorni löggjafarvaldsins.
Gísli Gíslason, bæjarstjóri á Akra-
nesi, ræðir málið frá hlið sveitar-
stjórnarmanna og Anna Lilja Gunn-
arsdóttir, forstöðumaður á Land-
spítalanum, ræðir stefnumótun og
framtíðarsýn Landspítalans. Ingi-
björg Pálmadóttir heilbrigðisráð-
herra tekur þátt í ráðstefnunni.
Ráðstefnustjórar verða Sigurður
Kr. Pétursson yfirlæknir og Stein-
unn Sigurðardóttir hjúkrunarfor-
stjóri.
Nýtt íþróttahús
á Skagaströnd
NÝTT íþróttahús verður vígt á
Skagströnd sunnudaginn 1. mars.
Húsið er límtrésbogahús, 870 fm að
grunnfleti. Á fyrstu hæð er íþrótta-
salur ög þjónusturými. Gólf íþrótta-
salarins er 15,7m x 32 m og er við-
urkenndur löglegur körfuboltavöll-
ur. Á 2. og 3. hæð eru m.a. þrjá
kennslustofur fyrir grunnskólann.
Með fjölgun skólastofa opnast
möguleiki á að einsetja skólann og
er stefnt að því á næsta skólaári,
segir í fréttatilkynningu.
Áætlaður heildarkostnaður við
byggingu hússins er 100-110 millj-
ónir. Vígsla hússins hefst kl. 13.30
með því að verktaki afhendir það.
Síðan verða flutt ávörp, söngur o.fl.
Að lokinni kaffidrykkju verður
körfuboltaleikur milli úrvalsdeildar-
liða Tindastóls og íA.
Fræðslu- og vísinda-
dagur barnalækna
Fjallað um asma
og erfðafræði
FELAG íslenskra barnalækna
heldur á morgun, laugardag, árleg-
an fræðslu- og vísindadag í sam-
vinnu við Astra Island á Hótel Loft-
leiðum, þingsal 1. Á dagskrá fund-
arins verður erfðafræði í nútíð og
framtíð og nýjungar í greiningu og
meðferð asma.
Ásgeir Haraldsson prófessor
mun kynna nýjan Barnaspítala Hr-
ingsins undir yfirski’iftinni „Draum-
ur verður að veruleika".
Dr. Kári Stefánsson mun fjalla
um íslenska erfðagreiningu og
Kristleifur Ki’istjánsson um hand-
skjálfta.
Dr. Göran Wennergren, gestafyr-
irlesari frá Gautaborg, og dr. Sig-
urður Kristjánsson, fjalla um nýj-
ungar í meðferð og greiningu asma.
Þá flytja Ingólfur Einarsson og
Ásgeir Haraldsson fyrirlestur um
rannsóknir sínar á lýsi og sýking-
um, Pétur Lúðvígsson um heilablóð-
fall í íslenskum börnum frá 1980 til
1994, Gunnlaugur Sigfússon um
„áunna“, meðfædda hjartagalla í
tvíburum og Þórólfur Guðnason um
það hvort bólusetning gegn
pneumococcum lækki beratíðni.
Dagskráin hefst klukkan 9.40 og
lýkur 16.30.
Orlofsnefnd
húsmæðra kynn-
ir ferðir
KYNNINGARFUNDUR á vegum
Orlofsnefndar húsmæðra í Reykja-
vík verður haldinn á Hótel Loftleið-
um, Víkingasal, mánudaginn 2.
mars og hefst hann kl. 20. Kynntar
verða orlofsferðir sumarsins sem í
boði eru.
I sumar verða famar eftirtaldar
ferðir innanlands: I maí verða farn-
ar tvær fjögurra daga ferðir á Hótel
Örk og ein fjögurra daga ferð til
Akureyrar. I júnímánuði verða
farnar tvær sex daga ferðir á
Hvanneyri í Borgarfirði.
Þá verða farnar 3 utanlandsferð-
ir. I apríl verður níu daga ferð til
Sevilla og Albufeira. I maí verður
farin ferð um Ríndardalinn og í
ágúst ferð til Prag.
Fjöltefli í Cannes í
Frakklandi og á Netinu
Ungir Islend-
ingar keppa við
Karpov
TVEIR íslendingar verða í hópi
ungra skákmanna hvaðanæva úr
heiminum sem etja munu kappi við
heimsmeistarann í skák, Anatolij
Karpopv, í fjöltefli á Netinu á laug-
ardaginn kemur kl. 14-17. Skák-
áhugamönnum gefst kostur á að
fylgjast með fjölteflinu og er vef-
slóðin http:/Avww.europe-eches.com
Tilefni fjölteflisins er að bókin
Skák og mát, sem út kom hjá Vöku-
Helgafelli fyrir síðustu jól hlýtur
Gullna ásinn („As d’Or“) á Alþjóð-
legu leikjahátíðinni í Cannes í
Frakklandi í dag, föstudaginn 27.
febrúar, en bókin kemur út þar í
landi um þessar mundir. Helgi
Ólafsson, stórmeistari í skák og
skólastjóri Skákskólans, þýddi og
staðfærði íslensku útgáfu bókarinn-
ar en hún er upprunalega sam-
vinnuverkefni Karpovs og Disney-
fyrirtækisins. Bókin hefur verið
gefin út í sextán löndum og er nú
notuð til kennslu í Skákskóla ís-
lands. Franska útgáfuíyrirtækið
Disney Hachette Edition efnir til
fjölteflis en Skákskóli íslands til-
nefnir íslensku fulltrúana, að því er
segir í fréttatilkynningu frá Vöku-
Helgafelli.
I bókinni kennir Karpov ungum
skákmönnum nýjar og spennandi
aðferðir til að tefla til sigurs, allt frá
því að læra mannganginn. Karpov
nýtur aðstoðar Andrésar, Mikka,
Guffa og fleiri teiknimyndapersóna
úr smiðju Walts Disneys.
Urslit í frjálsum
dönsum
ÚRSLIT íslandsmeistarakeppni
unglinga í frjálsum dönsum
(Freestyle) 10-12 ára fer fram í
Tónabæ laugardaginn 28. febrúar
og hefst kl. 14.
Keppendur á aldrinum 10-12 ára
alls staðar að af landinu keppa þá
um íslandsmeistaratitilinn í frjáls-
um dönsum. Keppendur í hóp- og
einstaklingsdansi verða 100. Auk
keppninnar verða sýnd dansatriði
frá Dansskóla Jóns Péturs og Köru,
þolfimiatriði frá Aerobic Sport,
listasmiðja Bahai frá Hveragerði
verður með vímuvarnardans, Is-
landsmeistarar í Frístæl 13-17 ára
sýna bæði hóp- og einstaklingsdans
og Þórhildur og Rut úr Spritz hópn-
um sýna dans.
Kynnir og skemmtikraftur er
Magnús Scheving.
Fyrirlestur
um fíknir
SJÖTTI fyrirlesturinn í röðinni
Undur líkamans - furður fræðanna
verður haldinn laugardaginn 28.
febrúar nk. Fyrirlesturinn er í sal 3
í Háskólabíói og hefst kl. 14. Að
loknum fyrirlestri verða umræður
og fyrirspurnir. Fyrirlesturinn á
laugardaginn nefnist Fíknir; fógn-
uður eða fár.
Óttar Guðmundsson læknir rekur
hverjar eru ástæður fíknarinnar;
hvað gerist í heilanum; hvað hver og
einn upplifir þegar fíkn er annars
vegar. Hann spjallar um mörg and-
lit fíknanna og ástæðu þess að
mannkyn hefm- um aldir gamnað
sér við forboðin efni til að breyta til-
verunni sér í hag, segir í fréttatil-
kynningu. í erindinu leitast hann
við að svara spurningunni um þjóð-
félagslegan ávinning fíkna og þjóð-
félagslegt tap. Óttar kemur víða við
í fyrirlestrinum og sýnir fjölda
mynda sem tengjast þessu efni.
Fundarstjóri verður Sveinn
Magnússon læknir. Aðgangur er
ókeypis og öllum heimill eins og
endranær. Frjáls framlög eru þó til
þjálfunarstofu fyrir læknanema.
Tveh' síðustu fyrirlestrarnir í röð-
inni verða 14. og 28. mars nk.
Barnamál
með fund um
brjóstagjöf
BARNAMÁL heldur kynningar-
fund á morgun í Hjallakirkju í
Kópavogi frá kl. 10-17. Þar verður
starfsemi félagsins kynnt og hjálp-
armæður flytja stutt erindi þar sem
fjallað verður um upphaf og lok
brjóstagjafar, fyrstu föstu fæðuna,
fleirbura á brjósti, viðhorf til
brjóstagjafar og svefn og svefnvenj-
ur.
Barnamál er áhugafélag um
brjóstagjöf, vöxt og þroska barna
og hefur verið starfrækt frá 1984.
Stofnendur voru nokkrar áhuga-
samar konur undir forystu Rann-
veigar Sigurbjömsdóttur, hjúkrun-
arfræðings. í fréttatilkynningu seg-
ir að tilgangur félagsins sé að hlúa
að brjóstagjöf og auka um hana
fræðslu og umræðu.
Allt starf innan Barnamáls er
unnið í sjálfboðavinnu.
+
A að leggja
niður stúdents-
prófið?
ÞRJÚ aðildarfélög Hins íslenska
kennarafélag munu halda fund með
yfirskriftinni Á að leggja niður
stúdentsprófið? Iaugardaginn 28.
febrúar. Fundurinn verður haldinn í
Símonarsal á Naustinu og stendur
frá kl. 15-17.
Framsögumaður verður Baldur
Gíslason, kennari í Fjölbrautaskól-
anum í Breiðholti. Hann hefur m.a.
rannsakað brottfall nemenda í
framhaldsskólum og komist að at-
hyglisverðum og óvæntum niður-
stöðum. Hann hefur líka sett fram
hugmyndir um framhaldsnám sem
fela m.a. í sér að stúdentspróf verði
lagt niður.
Fundarstjóri verður Hilmar J.
Hauksson, formaður Svæðisfélags
HIK í Reykjavík og nágrenni.
Stefnumótun í
endurhæfíngu
FÉLAG íslenskra sjúkraþjálfara
heldur í dag, föstudag, málþing um
stefnumótun í endurhæfingu. í
fréttatilkynningu frá félaginu segir
að það hafi lengi lagt áherslu á mik-
ilvægi heildarstefnu í endurhæfingu
og vilji leggja sitt af mörkum til að
móta hana.
Félagið stofnaði í haust vinnuhóp
og verða tillögur hans teknar fyrir á
aðalfundi félagsins á morgun, laug-
ardag. í tillögu að stefnu félagsins í
endurhæfingu er áhersla lögð á
ýmsa þætti, þar á meðal að allir eigi
jafnan rétt á endurhæfingu. Þar
segir einnig að endurhæfing geti
komið í veg fyrir fótlun eða dregið
úr afleiðingum fótlunar, bætt lífs-
gæði og líðan, komið í veg fyrir inn-
lagnir eða stytt legutíma á sjúkra-
stofum og verið hagkvæm þjóðarbú-
inu.
f tilkynningunni segir að sjúkra-
þjálfarar vilji skora á Ingibjörgu
Pálmadóttur heilbrigðisráðherra að
hefja þegar mótun heildarstefnu í
endurhæfingu.
Þrennir tónleik-
ar í Háskólabíói
KARLAKÓRINN Fóstbræður og
Stuðmenn halda þrenna tónleika í
Háskólabíói um helgina. Tvennir
tónleikar verða laugardaginn 28.
febrúar, kl. 14 og 17 og þeir þriðju
kl. 14 sunnudaginn 1. mars.
Meginuppistaða tónleikanna
verður tónlistin úr kvikmyndunum
Með allt á hreinu og Karlakórinn
Hekla. Karlakórinn Fóstbræður sá
um flutning á tónlistinni í þeirri síð-
arnefndu. Tónleikarnir bera yfir-
skriftina „íslenskir karlmenn"
„enda er höfðað til íslenskrar karl-
mennsku í öllum sínum fjölbreyti-
leika í tónlistinni sem flutt verður,“
segir í fréttatilkynningu. Stjórnandi
tónleikanna verður Árni Harðarson,
stjórnandi Fóstbræðra.
Málfundur um
námskrá sam-
félagsgreina
SAGNFRÆÐIFÉLAG íslands og
Félag sögukennara efna til um-
ræðufundar um Endurskoðun aðal-
námskrár samfélagsgreina í grunn-
skólum og framhaldsskólum í húsa-
kynnum Sögufélags í Fischersundi
laugardaginn 28. febrúar kl. 13.30.
Þorsteinn Helgason, starfsmaður
forvinnuhóps, kynnir þá vinnu sem
fram hefur farið á vegum mennta-
málaráðuneytis og er um það bil að
ljúka. Fyrir hönd félaganna tala
Guðmundur Jónsson, Gunnar
Karlsson og Ragnar Sigurðsson.
Skýrslu vinnuhópsins er að finna á
vefslóðinni http://wv\'w.is-
mennt.is/vefir/namskra/samfelag/
Árni Johnsen á
Eyrarbakka
TÓNLISTAR- og alþingismaðurinn
Árni Johnsen verður með söng-
kvöld á Kaffi Lefolii á Eyrarbakka
á laugardagskvöld og hefst það um
kl. 22.
Þar tekur Árni lög úr ýmsum átt-
um, bæði frumsamin og lög eftir
aðra. Allir velkomnir.
Kynning á
jeppaferðum
Utivistar
JEPPADEILD Útivistar stendur
fyrir kynningu og námskeiði í
ljósmyndun, snjóakstri og fræðslu
um dekkjabúnað laugardaginn 28.
febrúar í Skíðaskálanum í
Hveradölum kl. 10.
Kynntar verða næstu jeppaferðir
Útivistar en fjölmargar verða í boði
í vetur.
LEIÐRÉTT
Vefsíða endurskoðaðrar
námskrár
í ÞRIÐJUDAGSBLAÐI á blaðsíðu
28 vantaði tákn í nafn vefsíðu
menntamálaráðuneytis um endur-
skoðaða námskrá og er beðist af-
sökunar á því. Rétt er veffangið:
v'ww.ismennt.is/vef-
ir/namskra/weleome.html
Þín verslun nær
til 24 verslana
SAMTÖKIN Þín verslun eru mun
umfangsmeiri en fram kom í blað-
inu sl. miðvikudag. Innan þeirra eru
24 verslanir, bráðum 25 og er árleg
velta verslananna um fjóra millj-
arða.
Útgáfa ökuskírteina
ÓSKAÐ hefur verið eftir að fram
komi vegna fréttar í blaðinu í gær,
um bið eftir afgreiðslu ökuskírteina
hjá lögreglustjóraembættinu, að
ástæðan sé ekki sú að tafir hafi orð-
ið á afgreiðslu hjá Reiknistofu
bankanna sem útbýr skírteinin eða
á vinnslu mynda í skírteinin. Ýmsar
ástæður geti verið fyrir því ef öku-
menn þurfa að bíða eftir útgáfu
nýrra skírteina í eina til tvær vikur
hjá embætti lögreglustjóra, eins og
dæmi eru um.