Dagblaðið Vísir - DV - 09.09.1985, Blaðsíða 16

16
DV. MÁNUDAGUR 9. SEPTEMBER1985.
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÓLFSSON.
Framkvæmdastjóri og útgáfustjóri: HÖRÐUR EINARSSON.
Ritstjórar: JÓNAS KRISTJÁNSSON og ELLERT B. SCHRAM.
Aðstoðarritstjórar: HAUKUR HELGASON og ELÍAS SNÆLAND
JÓNSSON.
Fréttastjórar: JÓNAS HARALDSSON ogÓSKAR MAGNÚSSON.
Auglýsingastjórar: PÁLL STEFÁNSSON og INGÓLFUR P STEINSSON.
Ritstjórn: SÍDUMÚLA 12—14, SÍMI 686611.
Auglýsingar: SÍÐUMÚLA 33. SÍMI 27022.
Afgreiðsla, áskriftir, smáauglýsingar, skrifstofa: ÞVERHOLTI 11. SÍMI
27022.
Sími ritstjórnar: 686611.
Setning, umbrot, mynda-og plötugerð: HILMIR HF., SÍÐUMÚLA 12.
Prentun: ÁRVAKUR HF.,
Áskriftarverð á mánuði 400 kr.
Verð í lausasölu virka daga 40 kr.
Helgarblað 45 kr.
Hreinskilni Magnúsar
Magnús Ólafsson, fyrrverandi ritstjóri NT, er opinskár
í viðtali í síðasta helgarblaði DV.
Þar birtast ýmsar skoöanir hans, sem voru mönnum
ekki jafnljósar, meðan hann starfaði sem ritstjóri.
Magnús var látinn taka pokann sinn eftir sautján mán-
aða ritstjóraferil. Nú hafa tveir ritstjórar NT eöa Tímans
í röð orðiö að víkja af því aö þeir reyndu að gera blaðið að
raunverulegu dagblaði, sem ætti sér viðreisnar von í
samkeppninni við blöð eins og DV. Flokksvélin þoldi þeim
ekki þaö frjálsræöi, sem þeir töldu sig þurfa að hafa til að
ná árangri.
NT var auglýst sem tilraun til frjálsrar blaðamennsku.
Ástæða var til að fagna, ef slík tilraun hefði verið gerð. í
reynd komst NT aldrei nema spottakorn frá flokksholl-
ustunni. Þó fóru tilburðir Magnúsar Ölafssonar og starfs-
félaga hans svo fyrir brjóstið á flokksforingjunum, aö
Magnús varð að víkja. Magnús Ólafsson er áfram
framsóknarmaður. Hann er varaformaður Sambands
ungra framsóknarmanna. Hann hefur þegið þá stöðu úr
hendi formanns Framóknarflokksins að verða verkefnis-
stjóri fyrir „framtíðarkönnun” þá, sem ríkisstjórnin læt-
ur vinna að. Þeim mun athyglisverðari eru yfirlýsingar
þessa fyrrum ritstjóra um flokkinn sinn.
Magnús var beðinn að segja skoðun sína á óförum
Framsóknarflokksins samkvæmt skoöanakönnunum.
„Miðað við ríkjandi ástand, þá á hann heldur ekki ann-
að skilið, enda nær steinrunninn flokkur,” sagði Magnús.
Hann segir, að Framsókn hafi tapað áróðursstríðinu, af
því að flokksforystan forðist eins og heitan eldinn að taka
upp eftirtektarverð og vinsæl mál. Hann nefnir úrelt
skipulag í landbúnaðarmálum.
Magnús Ólafsson er reynslunni ríkari. Nálægð hans við
strauma stjórnmálanna, meðan hann var ritstjóri,
hefur vafalaust opnað augu hans fyrir meingöllunum í
pólitík Framsóknarflokksins.
Honum er ljóst, hversu máttlaus hin flokkspólitísku
blöö eru í reynd.
Þessi fyrrverandi ritstjóri NT segir: „DV er dæmi um
hiö gagnstæða. í DV eru pólitískar fréttir ekki skrifaðar
með hagsmuni flokks fyrir augum,” segir hann.
Honum er ljóst, að DV er eina blaðið, sem ekki er
flokkspólitískt eins og fram kemur í viötalinu.
Þessi skoöun Magnúsar Ólafssonar vár mönnum að lík-
indum ekki ljós, þegar hann starfaði sem ritstjóri NT.
En nú hefur hann sagt meiningu sína.
Er líklegt, að Framsóknarflokkurinn snúi frá villu síns
vegar?
Varla. Ekki verður hjá þvi komizt að taka undir þá
skoðun Magnúsar Ólafssonar, að meginhlutinn af forystu-
mönnum flokksins hafi ekki skilning á nútímastjórnmál-
um.
Engin merki sjást þess, að þessi fyrirgreiðsluflokkur af
gamla skólanum muni láta sér segjast og sinna í ríkari
mæli þeim málum, sem almenningur vill, að gangi fram.
Meðan foringjarnir skilja ekki þarfirnar, verða að
sjálfsögðu ekki markverðar breytingar á stefnunni. í
þessu viðtali talaði maður, sem reyndi að rífa Framsókn-
arflokkinn upp úr feninu. Tilraunin með.NT talar sínu
máli um, hvert stefnir með Framsóknarflokkinn. Breyt-
ingarnar á NT að undanförnu hafa sýnt, að Framsókn
stefnir aftur á bak. Haukur Helgason.
Bresturf
krosstrénu
Sjálfstæðisflokkurinn er óvenju-
legur stjórnmálaflokkur. Hann er
líkari þjóöfélagi en flokki. Samnefn-
ari hans er ekki pólitískur heldur
einna helst tilfinningalegur. Nánast
bara fjögurra stafa orðið: „STOR”.
Annað eiga flokksmenn eiginlega
ekki sameiginlegt. Annaö en að til-
heyra „STORUM” flokki.
Ólík lífsviöhorf
Eins og á sér stað í samfélagi þá
mætast í þessum „STÖRA” flokki
mörg og afskaplega ólík lífsviðhorf.
Tilteknir einstaklingar í flokknum
eru persónugervingar þessara lífs-
viðhorfa og safna um sig fylgjend-
um. Þannig er t.d. Albert Guðmunds-
son persónugervingur allt annars
lifsviðhorfs en Geir Hallgrímsson og
Geir persónugervingur allt annars
lífsviöhorfs en Egill Jónsson. Aö
segjast vera sjálfstæðismaður og
fylgja að málum Eggerti Haukdal
eða Agli Jónssyni og aö segjast vera
sjálfstæðismaður og fylgja að mál-
um Pétri Sigurðssyni eða Guðmundi
Garöarssyni merkir nokkurn veginn
það sama og að segjast vera Islend-
ingur og fylgja að málum Páli Pét-
urssyni eða Inga Tryggvasyni og að
segjast vera Islendingur og fylgja að
málum Guðmundi J. Guðmundssyni
eöa Karli Steinari. Það sáma sam-
einar og þaö sama sundurgreinir.
Hvort tveggja er allsendis laukrétt
en bara pólitískur misskilningur.
Ekki flokksblað
heldur flokksbrotsblað
Þaö er því rangt sem ég óvart
sagði í síðustu grein minni að Mbl. sé
fjokksblað Sjálfstæðisflokksins. Slíkt
blaö er einfaldlega ekki til. Út af fyr-
ir sig gætu öll blöö á Islandi verið
flokksblöð Sjálfstæðisflokksins í
þeim skilningi að sum gætu veriö
flokksblöð Péturs Sigurðssonar og
Guðmundar Garöarssonar en önnur
flokksblöð Egils Jónssonar og Egg-
erts Haukdals. Þjóðviljinn gæti
t.a.m. mætavel verið flokksblað
þeirra fyrrnefndu og Tíminn
þeirra síðarnefndu. Mbl. er slikt
„flokksblað”. Ekki flokksblað Sjálf-
stæðisflokksins heldur tiltekins
flokks í þeim flokki; flokksbrots.
Sumir kalla þaö flokkseigendafélag-
ið eða Geirsljðið eða eitthvað annað.
Þetta flokksbrot er út af fyrir sig
skipaö ágætum einstaklingum. Þetta
er upplýst flokksbrot, vel menntaö
og ágætlega Iesiö, en hvaö er svo sem
unnið viö það? Sjálfstæðisflokkurinn
séöur í heild er ekki slíkur flokkur.
Hann er ekki gáfaður flokkur og
hvorki vel lesinn né upplýstur flokk-
ur. Slík sjónarmiö finnast vissulega í
flokknum en þau eru ekki meiri-
hlutasjónarmið. Meirihlutinn er ekk-
ert af þessu. Hann er stagneraöur,
andframfarasinnaður og einfaldur
og er í Sjálfstæöisflokknum af því að
hann er STOR. Er ópólitískur og í
landsmálafélaginu VERÐI eins og
Haukur pressari.
Mbl. er ekki og vill ekki vera mál-
svari þessa flokks. Þvert á móti vill
þaö búa til þá ímynd af Sjálfstæöis-
flokknum að hann sé það sem flokks-
brotiö er sem Mbl. er málsvari fyrir.
En sú ímynd er röng. Hún er blekk-
ing. Sjálfstæðisflokkurinn er allt
annaö en flokksbrotið. Hann er ekk-
ert síður Egill Jónsson og Eggert
Haukdal, Pálmi á Akri og Árni John-
sen en Geir Hallgrímsson og Olafur
G. Einarsson, Ragnhildur Helgadótt-
ir og Matthías Á.
Erfitt verkefni
Það er ekki svo einfalt mál aö búa
til þá ímynd af Sjálfstæðisflokknum
sem Mbl. vill gefa en þar hefur blaðið
notið stærðar sinnar og lengi vel ein-
okunaraðstöðu á íslenskum fjöl-
miðlamarkaöi. Mbl. hefur notaö mik-
iö í þessu skyni einföld „slógön”.
Einna lífseigast hefur verið „sló-
gan” blaösins um hina órofa stað-
festu Sjálfstæðisflokksins í varnar-
og öryggismálum sem auövitaö er
þjóðsaga því í Sjálfstæöisflokknum
hafa ávallt veriö og eru skiptar
skoðanir um einstök atriöi í þeim efn-
um eins og í öllum flokkum. En Mbl.
hefur viljað hafa þetta ööruvísi.
Imynd þess af Sjálfstæðisflokknum
hefur ávailt verið sú að honum ein-
um væri treystandi því þar væru
ávallt og ævinlega allir einhuga í
varnarmálunum. Jafnvel svo ein-
drægum stuðningsmönnum vest-
rænnar samvinnu eins og Guðmundi
I. Guömundssyni, Benedikt Gröndal
og Emil Jónssyni hefur blaðiö sagt
að ekki væri aö treysta. Bara Sjálf-
stæðisflokknum.
SIGHVATUR
BJÖRGVINSSON
FYRRVERANDI
ALÞINGISMAÐUR
Brestur í krosstrénu
Það eru því tíðindi og tímamót þeg-
ar Mbl. upplýsir að fundinn sé brest-
ur í krosstrénu, í sjálfu siðferðis-
bjarginu sé sprunga, í Sjálfstæðis-
flokknum séu menn ekki lengur á
einu máli í varnarmálunum. Aö
minnsta kosti Albert og jafnvel ein-
hverjir fleiri séu komnir á aðra skoð-
un.
1 sjálfu sér hefur ekkert gerst.
Engin stefnubreyting hefur orðið hjá
Albert. Hann hefur oft og iðulega lýst
á opinberum vettvangi annarri af-
stöðu til einstakra atriða í sambandi
við veru varnarliðsins en Mbl. hefur
viljað vera láta aö ríki í Sjálfstæðis-
flokknum — t.d. í sambandi við
gjaldtöku af varnarliðinu fyrir að-
stöðuna sem það nýtur hér. Til þessa
hefur Mbl. hins vegar ekkert viljað
gera úr þessu og ekki talið það skipta
máli. Þangað til allt í einu núna.
Hvaðveldur?
Skýringin er sú að Mbl. er ekki
flokksblað heldur flokksbrotsblaö.
Albert á í einhverjum útistöðum viö
þetta flokksbrot eöa það viö hann.
Mbl. stendur auövitaö með sínum
mönnum. Svo hátt reiöir blaðið til
höggs í hita líðandi stundar að það
sést ekki fyrir og er fyrr en varir
sjálft búið að eyðileggja sína lífseig-
ustu þjóðsögu um Sjálfstæðisflokk-
inn með höggi sem ætlað var Albert.
I Sjálfstæðisflokknum er nefnilega
ekki lengur eindrægni í öryggismál-
unum. Sú sérstaða er nú fyrir bí.
Mbl. sá fyrir því.
Merkilegt.
Sighvatur Björgvinsson.
„Þaö eru því tíðindi og tímamót
w jjegar Mbl. upplýsir aö fundinn sé
brestur í krosstrénu. í sjálfu siðferðis-
bjarginu sé sprunga. í Sjálfstæðis-
flokknum séu menn ekki lengur á einu
máli í varnarmálunum.”
„Sjálfstæðisflokkurinn séður í heild er ekki slíkur flokkur. Hann er ekki gáfaður flokkur og hvorki vel
lesinn né upplýstur flokkur."