Morgunblaðið - 27.11.2004, Blaðsíða 4
4 LAUGARDAGUR 27. NÓVEMBER 2004 MORGUNBLAÐIÐ
FRÉTTIR
RÍKISENDURSKOÐUN ítrekar í nýrri skýrslu
sinni um ríkisreikninginn 2003 gagnrýni á utanrík-
isráðuneytið fyrir að hafa rekstur allra sendiráða
undir einum lið í fjárlögum. Telur Ríkisendurskoð-
un þetta draga úr gegnsæi upplýsinga og líklegt sé
að ábyrgð forstöðumanna sendiráða minnki. Utan-
ríkisráðuneytið segir að í fjárlagafrumvarpi verði
birtar sambærilegar upplýsingar og verið hefur.
Í fjárlögum vegna ársins 2004 voru felldir niður
allir fjárlagaliðir sendiráða og í staðinn kom einn
fjárlagaliður, Sendiráð Íslands. Í frumvarpi til
fjárlaga 2005 er þetta endurtekið.
Hefur Ríkisendurskoðun gagnrýnt að sá kostn-
aður sem hefur verið færður til gjalda á fjárlaga-
liði sendiráðanna sýni ekki réttan kostnað við
rekstur hverrar sendiskrifstofu fyrir sig. Hluti
kostnaðar sem falli til í starfsemi þeirra sé ekki
færður hjá sendiskrifstofunum sjálfum heldur hjá
aðalskrifstofu utanríkisráðuneytisins og á fjár-
lagaliðinn „Sendiráð Íslands, almennt“.
Megi þar nefna ferðakostnað, stofnkostnað og
meiri háttar viðhald, skólagjaldastyrki og kostnað
við búferlaflutning sendimanna. Hið sama megi
segja um fjárveitingar til sendiskrifstofanna.
„Þeim er ekki skipt í samræmi við áætlaða rekstr-
arfjárþörf hverrar skrifstofu sem leiðir til þess að
rekstrarniðurstaða þeirra er ekki alltaf marktæk,“
segir í skýrslu Ríkisendurskoðunar.
Reksturinn ein heild
Pétur Ásgeirsson, skrifstofustjóri í utanríkis-
ráðuneytinu, segir að ákvörðun um að sameina
fjárveitingar til sendiskrifstofa á eitt fjárlaganúm-
er hafi verið tekin af fjármálaráðuneytinu, sam-
kvæmt beiðni utanríkisráðuneytisins frá síðasta
ári. Vegna eðlis og skipulags utanríkisþjónustunn-
ar hafi verið talið eðlilegt að líta á rekstur send-
iskrifstofanna sem eina heild.
„Fjármálastjórn þeirra er að mestu á hendi
ráðuneytisins og eru fjárhagsáætlanir og fjár-
hagseftirlit í höndum þess. Gengissveiflur og aðr-
ar breytingar á rekstrarforsendum sendiskrif-
stofu valda því einnig að æskilegt var talið að
utanríkisráðuneytið gæti í upphafi fjárlagaársins
ráðstafað nauðsynlegum fjárveitingum til send-
iskrifstofa af einum sameiginlegum lið sendiskrif-
stofa,“ segir Pétur.
Hann bætir við að með breytingunni hafi einnig
verið komið til móts við þá athugasemd Ríkisend-
urskoðunar að óeðlilegt hafi verið að færa vissa
kostnaðarþætti sendiráðanna á fjárlagaliði ráðu-
neytisins sjálfs. Allir kostnaðarliðir séu nú færðir
á liðinn Sendiráð Íslands.
Bendir Pétur á að til að tryggja að upplýsingar
liggi opinberlega frammi um umfang hverrar
sendiskrifstofu sé árlega birt tafla í fjárlagafrum-
varpinu sem sýni rekstraráætlanir skrifstofanna
og rekstrarniðurstöður tveimur árum áður. Því
verði í aðalatriðum birtar sambærilegar upplýs-
ingar um rekstur sendiskrifstofa og verið hefur.
Ríkisendurskoðun gagnrýnir utanríkisráðuneytið í nýrri skýrslu
Sendiráðin sett undir einn lið
SLÖKKVILIÐSMENN heimsækja um þessar mundir börn í þriðja bekk
grunnskólanna í tengslum við Eldvarnarátak Landssambands slökkviliðs-
og sjúkraflutningamanna. Börnin hafa fengið fræðsluefni um eldvarnir og
hefur þeim verið boðið að taka þátt í Eldvarnargetrauninni 2004 þar sem
vegleg verðlaun eru í boði. Þeim var að sjálfsögðu boðið að kynna sér inn-
viði slökkviliðs- og sjúkrabíla, en þessi börn eru í Hamraskóla í Reykjavík.
Morgunblaðið/ÞÖK
Slökkviliðsmenn framtíðarinnar?
LÖGREGLUNNI á Keflavíkur-
flugvelli hefur tekist að hafa uppi á
Litháanum sem átti að fá fölsuð
skilríki sem landi hans kom með til
landsins á sunnudagskvöld. Hann
var handtekinn en sleppt að lokn-
um yfirheyrslum. Sá sem smyglaði
skilríkjunum er laus úr gæslu-
varðhaldi en hefur verið úrskurð-
aður í farbann til 6. desember.
Skipt hafði verið um myndir í
vegabréfi og ökuskírteini og mynd
af Litháa sem reyndist búsettur hér
á landi sett í staðinn. Hann fannst á
fimmtudag. Lögregla vill ekki
greina frá því hvaða skýringar
hann hefur gefið á fölsuninni né
hversu lengi hann hefur dvalið hér
á landi. Málið er í rannsókn.
Höfðu uppi á
viðtakandanum
STJÓRN Slökkviliðs höfuðborg-
arsvæðisins, SHS, kom saman til
fundar í gær og
að tillögu stjórn-
arformanns, Þór-
ólfs Árnasonar
borgarstjóra, var
einróma sam-
þykkt að setja
Jón Viðar Matth-
íasson aðstoðar-
slökkviliðsstjóra
tímabundið í
starf slökkviliðs-
stjóra frá og með
1. desember nk.
Jafnframt voru á fundinum færð-
ar þakkir til Hrólfs Jónssonar, frá-
farandi slökkviliðsstjóra, fyrir
heilladrjúg störf í þágu slökkviliðs-
ins, en hann hefur verið ráðinn
sviðsstjóri framkvæmdasviðs
Reykjavíkurborgar.
Jón Viðar settur
slökkviliðsstjóri
Jón Viðar
Matthíasson
ÁKVEÐIÐ hefur verið að atkvæða-
greiðsla um nýgerðan kjarasamn-
ing Kennarasambands Íslands og
sveitarfélagana hefjist á mánudag-
inn og standi fram á miðvikudag, 1.
desember. Úrslit eiga að liggja fyr-
ir mánudaginn 6. desember.
Kjörstjórn KÍ hefur verið falið að
stjórna allsherjaratkvæðagreiðslu
um samninginn. Kjörgögn verða
send til trúnaðarmanna KÍ í grunn-
skólum sem munu koma þeim til fé-
lagsmanna. Atkvæðin skal setja í
póst í síðasta lagi 1. desember eða
skila þeim í kjörkassa á skrifstofu
KÍ fyrir kl. 18 þann dag.
Engar reglur gilda um lágmarks-
þátttöku í atkvæðagreiðslunni,
samkvæmt upplýsingum á heima-
síðu KÍ. Þar af leiðandi ræður ein-
faldur meirihluti þeirra sem þátt
taka í atkvæðagreiðslunni úrslitum
um samþykki eða synjun kjara-
samningsins án tillits til þátttöku.
Kosning um
kennarasamning
hefst á mánudag
V-DAGSSAMTÖKIN stóðu fyrir
gjörningi hjá Hæstarétti í gær í til-
efni af 16 daga átaki gegn kyn-
bundnu ofbeldi.
Í fréttatilkynningu frá V-
dagssamtökunum sagði m.a.: „Í til-
efni af átakinu hvetja V-dags-
samtökin til vitundarvakningar sem
miðast að því að breyta viðhorfum
fólks til fórnarlamba kynferðisof-
beldis því enn þann dag í dag er of
algengt sjónarmið að fórnarlömb
beri ábyrgðina með hegðun sinni.
Sjónum er sérstaklega beint að dóm-
stólum í von um að þeir dómarar
sem þar sitja verði sér meðvitandi
um að slíta sig frá vondum við-
horfum um ábyrgð fórnarlamba á
nauðgunum.“
Morgunblaðið/Golli
Gjörningur
við hús
Hæstaréttar
FÉLAG leikskólakennara og launa-
nefnd sveitarfélaga hafa samið nýja
viðræðuáætlun, en sú fyrri rann út í
gær.
Nýja áætlunin gildir til 16. desem-
ber nk. Í henni felst að samn-
ingafundir verði haldnir ört frá 6.
desember og á samningum að vera
lokið 16. desember. Liggi samn-
ingur þá ekki fyrir verður málinu
vísað til ríkissáttasemjara nema að-
ilar komi sér saman um annað.
Næsti samningafundur verður 1.
desember.
Á síðasta samningafundi aðilanna
var m.a. rætt um starfsmat Reykja-
víkurborgar og launanefndar og
áhrif þess á kjaraviðræður leik-
skólakennara. En eins og fram kom
í Morgunblaðinu í vikunni eru ófag-
lærðir deildarstjórar á leikskólum
betur launaðir en háskólamenntaðir
deildarstjórar eftir að niðurstaða
starfsmatsins liggur fyrir.
Samningum á að
vera lokið um
miðjan desember