Morgunblaðið - 27.11.2004, Blaðsíða 22

22 LAUGARDAGUR 27. NÓVEMBER 2004 MORGUNBLAÐIÐ
MINNSTAÐUR
Bolungarvík | Síminn og Skjár einn
hófu í fyrradag ferð sína um landið til
þess að færa íbúum tíu bæjarfélaga á
landsbyggðinni Skjá einn og enska
boltann. Bolungarvík var fyrsta
byggðarlagið sem heimsótt var og
fjölmenntu bæjarbúar í félagsheim-
ilið Víkurbæ á fjölskylduhátíð sem
fyrirtækin buðu til af þessu tilefni.
Sturla Böðvarsson samgönguráð-
herra ýtti herferðinni úr vör.
Her manns frá Símanum hóf að
fara um bæinn með viðeigandi búnað
til þeirra sem höfðu ADSL-tenging-
ar og óskað höfðu eftir að tengjast
útsendingum Skjás eins.
Þannig verða á næstu dögum yfir
þrjátíu prósent heimila í bæjarfélag-
inu tengd útsendingum Skjás eins
með enska boltanum og Sjónvarpinu
ásamt sjö erlendum sjónvarpsrás-
um, svo sem Eurosport, Sky News,
Discovery Channel og Cartoon Net-
work.
Bolvíkingar eru því fyrstir hér á
landi til að nýta sér ADSL-tengingar
til að flytja sjónvarpsdagskrá í tæki
sín.
Söfnuðu fyrir enska boltanum
Bolvíkingar höfðu um skeið sóst
eftir því að dagskrá Skjás eins yrði
komið til bæjarins og höfðu m.a. í því
skyni safnað fyrir sendi en þegar
Síminn keypti meirihluta í stöðinni
breyttust allar forsendur þar sem
Síminn bjó yfir tækni og tengingum
til að koma stafrænum sjónvarps-
merkjum eftir símalínunum. Í stað
hefðbundinnar þráðlausrar dreifing-
ar er sjónvarpsmerkið flutt um síma-
línur með hjálp ADSL-tengingar.
Viðskiptavinir geta horft á sjónvarp
samtímis því að vafra um á Netinu.
Með því að dreifa stafrænu sjón-
varpsefni um ADSL-kerfið er Sím-
inn að nýta þá miklu fjárfestingu
sem liggur í fjarskiptakerfum fyrir-
tækisins og flýta þannig fyrir al-
mennri uppbyggingu dreifikerfisins
víðar um landið.
Magnús Ragnarsson sjónvarps-
stjóri sagði í ávarpi við athöfnina að
raunar hefði þetta allt byrjað með
því að stuttu eftir að Skjár einn hefði
náð samningum um enska boltann
hefði til hringt til sín maður sem
sagðist heita Einar og væri bæjar-
stjóri í Bolungarvík og héldi með
Arsenal. Honum varð fljótlega ljós
áhugi Bolvíkinga á því að fá dagskrá
stöðvarinnar til sín sem þeir sýndu í
verki og því væri það honum mikið
fagnaðarefni á þessari stundu að
Skjár einn með tilstyrk veitukerfis
Símanns hefði náð því að standa við
stóru orðin.
Patreksfirðingar bættust í hópinn
í gær og síðan liggur leiðin á
Hvammstanga, Stykkishólm, Ólafs-
vík, Grundarfjörð, Ólafsfjörð,
Vopnafjörð, Fáskrúðsfjörð og hring-
ferðin endar svo að þessu sinni á
Djúpavogi.
Bolungarvík er fyrsta byggðarlagið á landsbyggðinni sem fær stafrænt sjónvarp um línur Símans
30% heimila hafa óskað eftir
að tengjast dagskrá Skjás eins
Morgunblaðið/Gunnar Hallsson
Langþráð þjónusta Starfsmenn Símans færðu heimasætunni Holtastíg 13, Láru Júlíu Harðardóttur, búnaðinn
sem til þarf til að ná sendingum Skjás eins og aðstoðuðu síðan við að koma tengingunni á.
LANDIÐ
Selfoss | „Það skiptir öllu
máli að fólkið í fyrirtækinu
þekkist og finni samkennd
hvert með öðru og líði vel í
vinnunni,“ segir Gunnar
Bragi Þorsteinsson, fram-
kvæmdastjóri Tölvu- og raf-
eindaþjónustu Suðurlands
(TRS) á Selfossi. Fyrirtækið
fékk nýlega viðurkenningu
frá Verslunarmannafélagi
Suðurlands sem fyrirtæki
ársins hjá félagsmönnum.
„Það er klárlega verið að
mæla hina mýkri þætti í
starfsemi fyrirtækja. Það er
hægt að gera vel við fólk á
margan hátt, með launum og
fríðindum en líka á annan
hátt, til dæmis með þægilegu
umhverfi. Ánægjan í
vinnunni er oft vanmetinn
þáttur í starfsemi fyrirtækja.
Okkur þykir mjög vænt um
þessa viðurkenningu og hún
gefur okkur vísbendingu um
að við séum á réttri leið í starfsemi
fyrirtækisins,“ segir Gunnar Bragi.
Starfsmenn fái að njóta sín
„Við höfum lagt ríka áherslu á það
að starfsmenn fái að njóta sín í
starfi. Það fá til dæmis allir að taka
þau námskeið sem þeir vilja, eftir
eigin áhuga. Aðalatriðið er að
starfsmaðurinn finni sig í því sem
hann er að gera. Þannig líður honum
vel og við erum mjög ánægðir með
starfsfólkið. Á því sviði sem við
störfum skipta starfsmenn öllu máli.
Þeir eru verðmæti fyrirtækisins og
takast á við örar tæknibreytingar
sem eru í gangi.
Það var nú svo 1995, þegar við
Júlíus M. Pálsson stofnuðum fyrir-
tækið og byrjuðum hér tveir, að við
ætluðum bara að vera í viðgerðum á
rafeindatækjum og reka litla
verslum með, en erum núna að þjón-
usta fyrirtæki, sveitarfélög og stofn-
anir varðandi tölvumál og erum líka
komnir með öfluga verslun í sam-
stafi við Pennann og starfsmennirn-
ir eru orðnir 15. Við erum í mikilli
samkeppni og lítum á starfssvæði
okkar sem hluta af höfuðborgar-
svæðinu,“ segir Gunnar Bragi.
Góður liðsandi
mikilvægur
Hann segir stefnu fyrirtækisins
hiklaust vera þá að vera bestir í því
sem þeir taka sér fyrir hendur. „Ég
held að það sé góður keppnisandi og
metnaður í okkar fólki. Það er mikill
metnaður hjá mönnum að leysa flók-
in mál og geta sinnt viðskiptavinum
vel. Við lítum svo á að það sé metn-
aður starfsfólksins sem er að
fá viðurkenningu. Það er
mikilvægt að hafa góðan liðs-
anda í fyrirtæki alveg eins og
í keppnisliði í íþróttum þar
sem allir eru meðvitaðir um
markmiðin sem keppt er að.
Starfsfólkið á því þessa við-
urkenningu að öllu leyti,“
segir Gunnar Bragi.
Gunnar Bragi getur þess
að á hverjum morgni eigi
starfsfólkið mikilvæga stund
saman sem gefi mikið fyrir
daginn. Þetta sé stund þar
sem allir hittast en síðan tek-
ur dagurinn við og menn
tvístrast. „Við tökum góðan
tíma í að spjalla og ræðum
um heima og geima á þessum
morgunstundum okkar.
Við erum með gott starfs-
mannafélag sem safnar í sjóð
og síðan gerum við eitthvað
saman eins og að hafa aðven-
tuhátíð sem er á morgun,
sunnudag, klukkan 10 en þá koma
allir með fjölskylduna með sér. Það
skapar vellíðan að vera saman.
Sjálfum líður mér vel, ég er með-
vitaður um að lífið er ekki bara
vinna en uppbygging fyrirtækja
tekur tíma og síðan er að skipu-
leggja tímann og eiga stundir með
fjölskyldunni,“ segir Gunnar Bragi
Þorsteinsson, framkvæmdastjóri
TRS á Selfossi.
Tölvu- og rafeindaþjónusta Suðurlands á Selfossi er valið
fyrirtæki ársins hjá Verslunarmannafélagi Suðurlands
Samkennd og vellíðan starfs-
manna skiptir öllu máli
Gott starfsfólk lykilatriði Gunnar
Bragi Þorsteinsson, fram-
kvæmdastjóri TRS á Selfossi.
Morgunblaðið/Sigurður Jónsson
Jólabasar á Eyrarbakka | Árleg-
ur jólabasar Kvenfélags Eyrarbakka
verður haldinn í samkomuhúsinu
Stað sunnudaginn 28. nóvember og
hefst kl. 14. Margir munir verða í
boði s.s. húfur, treflar, gallatöskur,
tréjólasveinar, jólatrésdúkar, jóla-
kúlur o.fl. Þá verður tombóla án
núlla, heitar vöflur og kaffisopi.
ÁRBORGARSVÆÐIÐ
Árborg | Vegagerðin hefur kynnt
fyrir sveitarstjórnum Árborgar og
Hraungerðishrepps tvær hugmyndir
að nýju brúarstæði á Ölfusá, norðan
við Selfoss. Skipaður verður vinnu-
hópur með fulltrúum sveitarfélag-
anna og Vegagerðarinnar til að fara
yfir málið og komast að sameiginlegri
niðurstöðu sem notuð verður við gerð
nýs aðalskipulags fyrir sveitarfélögin.
Í aðalskipulagi er tekið frá land
fyrir nýja brú yfir Ölfusá við Efri-
Laugardælaeyju, norðan þéttbýlisins
á Selfossi, og er það veglína 1. Við for-
athugun kemur Vegagerðin með nýja
tillögu, þar sem brúað yrði á gamla
ferjustað Laugardælaferju og er sú
leið merkt númer 2. Vegurinn myndi í
báðum tilvikum fara út af núverandi
Suðurlandsvegi við Biskupstungn-
abraut. Veglína 1 myndi koma aftur
inn á Hringveginn skammt austan við
gömlu leiðina að Laugardælum en
lína 2 myndi koma inn á Hringveg
rétt austan við heimreiðina að Túni.
Báðir vegirnir færu yfir golfvöllinn.
Í forathugun Vegagerðarinnar
kemur fram að brúin á Laugardæla-
ferju yrði verulega ódýrari en á Efri-
Laugardælaeyju. Reiknað er með
tveimur brúm á eyjaleiðinni þar sem
áin er 260 metra breið og myndu þær
kosta alls 700 til 800 milljónir kr. Brú
á ferjustaðnum myndi hins vegar
kosta 350 til 500 milljónir, eftir því
hvort unnt yrði að byggja hana í einu
eða þremur höfum, en þar eru 140
metrar á milli bakka.
Leggja þarf lengri veg austan Ölf-
usár á ferjuleiðinni en hringvegurinn
lengist þó ekki. Við kostnaðarsaman-
burð þessara tveggja veglína vegur
kostnaður við brúarsmíði langmest.
Niðurstaðan er að veglína 2, ferjuleið-
in, sé 200 til 350 milljónum kr. ódýrari
en veglína 1, eyjaleiðin. Þá kemur
fram í forathugun Vegagerðarinnar
að taka þurfi tillit til Suðurlands-
skjálfta við ákvarðanir. Athuganir á
jarðlögum benda til að ferjuleiðin sé
mun tryggari að þessu leyti og veru-
leg óvissa vegna grundunar brúar á
austurbakka eyjaleiðarinnar.
Gert er ráð fyrir að núverandi brú
á Ölfusá standi áfram, vegna umferð-
ar til og frá Selfossi. Ný brú norðan
við Selfoss er hvorki komin inn á
vegaáætlun né langtímaáætlun.


 



    
 

 









 
 
  
  
!
" 


# 
$"

%&   

  
N)8
 "!
%!(( 
((

'"( )
! " #$
 ! ! "%&&
O+=?P6Q
6P=? OP
#

 $
 
 
 
Vegagerðin hefur kynnt tvær tillögur
að brú yfir Ölfusá, norðan Selfoss
Ferjuleiðin 200 til 350
milljónum kr. ódýrari