Morgunblaðið - 27.11.2004, Blaðsíða 37
MORGUNBLAÐIÐ LAUGARDAGUR 27. NÓVEMBER 2004 37
MINNINGAR
Elsku afi.
Veitir ömmu unaðsstundir
elsku litla telpan mín.
Sól sem skín á grænar grundir
gyllir jafnan sporin þín.
(ÁEA)
Ég varð strax mikil ömmu- og
afastelpa. Ég naut þeirra forrétt-
inda að fá að vera hjá ykkur ömmu
á Vegamótum upp á hvern dag. Ég
eyddi með ykkur öllum jólum og af-
mælisdögum í fimm ár. Þá vitjaði
himnasmiðurinn ömmu, rétt eins
og hann vitjaði þín á laugardaginn.
Ég man enn hvað ég grét og varð
sorgmædd þegar amma dó. Hvern-
ig átti lífið að ganga upp ef það
vantaði ömmu?
Þegar frá leið fækkaði stundun-
um sem við eyddum saman. En
stundirnar nýttum við mjög vel. Þú
sagðir mér sögur af þér og ömmu
þegar þið voruð ung, sögur af sjón-
um og ég fékk alltaf að heyra hvað
þú varst stoltur af mér.
Fyrir nokkrum árum fór ég að
sjá um leiðið hennar ömmu í Út-
skálakirkjugarði. Við fórum saman
út í garð og þú sast og spjallaðir við
mig á meðan ég snyrti leiðið og
gróðursetti uppáhaldsblómin henn-
ar ömmu. Við eitt slíkt tækifæri
baðstu mig að sjá líka um þitt leiði
þegar þú værir allur. Það skal ég
gera, afi, af sömu natni og alúð og
þú hugsaðir um mig. Það er hefð
fyrir því að fara út í kirkjugarð um
jólin og kveikja á ljósi hjá ömmu.
Oft fórum við saman, en eftir rétt-
an mánuð á ég eftir að sakna þín
mikið, þá verða ljósin tvö.
Þegar ég flutti út héldum við
sambandi með bréfaskriftum.
Núna þegar ég sit og hugsa til þín
eru þessi bréf það dýrmætasta sem
ég á. Í bréfunum barstu mér fréttir
af fólkinu okkar, veðrinu heima og
ykkur Siggu. Þú fullvissaðir mig
alltaf um að þú værir hraustur og
að þér liði vel, og endaðir á því að
biðja Guð að geyma mig, „hjartað
hans afa“. Hjartað hans afa á erfitt
núna þegar þú ert farinn, en ég veit
að amma tekur vel á móti þér. Þú
hefur saknað hennar óskaplega í
átján ár, og tími kominn til endur-
funda.
Takk fyrir allar sögurnar, minn-
ingarnar og bréfin. Klórið, eins og
þú kallaðir það, er mér meira virði
en allt heimsins gull. Og ég held
áfram að skrifa þér þótt svarið
verði héðan af kannski heldur leng-
ur á leiðinni.
Þín
Elín Björk.
Við kveðjum nú góðan félaga Ár-
mann Eydal. Hann var skemmti-
legur og viðræðugóður. Til margra
ára átti hann bát og fiskaði í soðið –
hann gaf mörgum skyldmennum og
vinum í soðið.
Í Garðinum þar sem hann bjó
megnið af ævinni var hann virtur af
samferðafólki sínu. Hann var
reglumaður á vín og tóbak en alltaf
léttur þó hann væri með fólki sem
hafði vín um hönd.
Systir mín Sigríður Benedikts-
dóttir varð ekkja 1985 en Ármann
ekkjumaður nokkru fyrr. Nokkrum
árum síðar bankaði hann upp á hjá
Sigríði á Faxabrautinni og sagðist
vera frændi mannsins hennar sál-
uga.
Upp úr því fóru þau að tala sam-
an og úr varð einstök vinátta milli
þeirra, þó að þau byggju aldrei
saman.
Þau ferðuðust mikið saman inn-
anlands – hann var duglegur bíl-
stjóri og lét sig ekki muna um að
keyra landshornanna á milli. Hann
var einstaklega góður við Siggu
sína og þau áttu góðar stundir sam-
an. Hann Ármann hafði þó nokkuð
oft þurft að fara inná spítala vegna
ýmissa áfalla en gerði lítið úr því –
hann kvartaði aldrei.
Blessuð sé minning Ármanns
Eydal.
Óskar og Rannveig.
Mig langar að skrifa nokkur orð
um Ármann Eydal sem lést laug-
ardaginn 20.11. sl. Ármann var
mjög góður vinur móður minnar
Sigríðar til fjölda margra ára og
reyndist henni vel á þeim árum
sem þau hafa verið nánir vinir.
Ármann var alltaf reiðubúinn til
að rétta henni hjálparhönd hvort
sem var að aka henni til Reykjavík-
ur að heimsækja fjölskyldu hennar
eða fara í ferðalög og voru þau
mjög dugleg að ferðast og tóku
virkan þátt í félagsstarfi aldraða í
Garðinum. Ármann var stór maður
og mikill vexti og oft heyrðist hátt í
mínum manni á mannamótum og
aldrei lá hann á skoðunum sínum
um málefni og alltaf tók hann upp
hanskann fyrir minni máttar.
Þegar maður lítur yfir farinn veg
og öll árin sem móðir mín átti með
Ármanni þá sér maður hvað hún
hefur misst mikið. Hann var henni
stoð og stytta og verður seint
þakkað allt sem hann gerði fyrir
Sigríði.
Ég vil fyrir mína hönd og okkar
systranna þakka fyrir allt og allt.
Ég votta börnum Ármanns og
fjölskyldum þeirra mína dýpstu
samúð.
Þórunn Garðarsdóttir
og fjölskylda.
Ármann Eydal er farinn og skil-
ur eftir sig stórt skarð. Útgeislun
hans var þannig að manni fannst
einhvern veginn að hann yrði alltaf
til, einskonar klettur. Hann var
ekki einungis stór og mikill á velli,
heldur hafði hann einnig að geyma
stóran og sterkan persónuleika.
Leiftrandi frásagnargáfan var slík
að hversdagslegustu atburðir urðu
að skemmtilegustu ævintýrum í
hans meðförum. Ármann hafði
mjög ákveðnar skoðanir á mönnum
og málefnum og var ávallt óhrædd-
ur við að láta þær flakka umbúða-
laust. Hann gat verið hrjúfur á yf-
irborðinu en undir því glitti oft í
tilfinninganæman og elskulegan
mann sem mátti ekkert aumt sjá.
Við kveðjum hann með söknuði
og þökkum fyrir allar góðu sam-
verustundirnar sem við höfum átt
með honum í gegnum árin,
skemmtilegu sögurnar sem hann
sagði okkur og allan fiskinn sem
hann af örlæti færði okkur reglu-
lega í soðið. Innilegar samúðar-
kveðjur sendum við Siggu, sem nú
hefur misst kæran vin, og einnig
börnum hans, fjölskyldum þeirra
sem og öðrum ættingjum og vinum.
Blessuð sé minning Ármanns.
Gísli og Sara.
Það koma margar góðar minn-
ingar upp í hugann þegar ég sest
niður og skrifa nokkur kveðjuorð
til þín.
Þegar ég var barn var ég svo
heppin að fá að vera hjá ykkur Ellu
á Vegamótum þegar mamma var
lasin og þið bæði voruð mér sem
aðrir foreldrar. Alltaf var gott að
skríða í stóra faðminn þinn og fá
knús og nokkur hlý orð í eyra.
Allar sögurnar þínar, góð-
mennska og hjálpsemi, alveg sama
hvernig stóð á hjá þér, alltaf varstu
tilbúin að redda nágrönnum og vin-
um.
Á sumrin varstu tíður gestur í
sveitinni vestur í Dölum, það var
ekki stoppað lengi í einu af því að
þú þurftir að fara á marga bæi og
heilsa uppá kunningjana og oft
komstu með varahluti í tækin
þeirra og hjálpaðir þeim við við-
gerðirnar.
Þið Ella höfðuð mjög gaman af
ferðalögum og margar góðar minn-
ingar á ég úr gamla stóra græna
tjaldinu. Efst í hugann koma allar
ferðirnar sem þið fóruð með alla
unglingana um verslunarmanna-
helgar í Húsafellsskóg og stóðu
vaktina þar meðan unglingarnir
skemmtu sér.
Það var mikið áfall þegar Ella
féll frá í blóma lífsins en áfram
hélst þú þínu striki. Bjóst áfram á
Vegamótum, stundaðir þína vinnu
og ræktaðir fjölskylduna og reynd-
ir að lifa sem eðlilegustu lífi.
Ég gæti haldið endalaust áfram
að rifja upp minningarnar en læt
hér staðar numið.
Hafðu bestu þakkir fyrir allt og
góður guð styrki fjölskylduna við
þessa hinstu kveðjustund.
Sigurdís Guðmundsdóttir.
ÞAÐ er undirstöðuatriði til að ná
árangri í íþróttum að hafa einbeittan
vilja og hafa það sem kallast á
slæmri íslensku ,,mótífasjón“. Í skák
er þetta atriði ákaflega mikilvægt
enda ræður hugarfar manna fyrir
skák oft sköpum um úrslit hverrar
viðureignar. Ein skák er eins og ein-
vígi á milli tveggja huga og séu þeir
jafn öflugir verður sá hlutskarpari
sem hefur sterkari viljann. Á ævi-
skeiði skákmannsins getur mótífa-
sjón horfið eins og dögg fyrir sólu.
Við það verður styrkleiki skák-
mannsins ekki svipur hjá sjón. Að
jafnaði minnkar viljinn til að sigra
eftir því sem menn verða eldri. Und-
antekningar eru vissulega til eins og
Viktor Korsnoj hefur sýnt fram á
hvað eftir annað. Einnig var aðdáun-
arvert þegar Vassily Smyslov, þá 64
ára, komst alla leið í undanúrslit í
heimsmeistarakeppninni árið 1984.
Þar beið hann í lægri hlut fyrir
Garry Kasparov sem hrifsaði síðan
heimsmeistaratitilinn af Anatoly
Karpov. Þetta ,,skrímsli með þúsund
augun“ eins og Tony heitinn Miles
kallaði hann hefur unnið allt það sem
skákheimurinn hefur haft upp á
bjóða. Fyrir slíkan mann er erfitt að
halda mótífasjóninni gangandi.
Engu að síður er hann sá skákmaður
sem allir aðrir hræðast. Það er at-
hyglisvert hvernig Vladimir Kram-
nik gerir allt það sem í hans valdi
stendur til að forðast það að tefla aft-
ur einvígi um heimsmeistaratitilinn
við læriföður sinn. Sumpart minnir
þetta á hvernig Alexander Aljekín
fór að eftir að hann bar óvænt sig-
urorð af Jose Capablanca í heims-
meistaraeinvígi 1927. Þó að skák-
heimurinn vildi sjá þá aftur tefla
saman féllst Aljekín aldrei á það.
Smám saman dvínaði frægðarsól
Kúbverjans snjalla og Aljekín varð
ótvírætt besti skákmaður heims.
Garry Kasparov teflir sjaldan núorð-
ið enda ekki um auðugan garð að
gresja þegar kemur að ofurskákmót-
um. Það var þess vegna afar ánægju-
legt að hann vildi taka þátt í rúss-
neska meistaramótinu sem lýkur í
dag, laugardaginn 27. nóvember.
Hann hefur ekki valdið aðdáendum
sínum vonbrigðum og þegar þetta er
ritað hefur hann unnið fjórar skákir í
röð. Hann leiðir mótið, vinningi fyrir
ofan Alexander Grischuk en þeir
tefla einmitt saman í síðustu umferð
mótsins. Taflmennska Kasparovs
hefur kannski ekki verið eins glæsi-
leg og stundum áður en ávallt er hún
áhugaverð. Í sjöundu umferð mætti
hann gömlum Sóvétmeistara frá
1986 en sá var dyggur aðstoðarmað-
ur Anatolys Karpovs á sínum tíma.
Hvítt: Vitaly Tseshovsky (2577)
Svart: Garry Kasparov (2813)
1. e4 c5 2. Rf3 d6 3. d4 cxd4 4.
Rxd4 Rf6 5. Rc3 a6 6. Be2 e6 7. O-O
Be7 8. a4 Rc6 9. Be3 O-O 10. f4 Dc7
11. Kh1 He8 12. Bg1 Bd7 13. Rb3 b6
14. Bf3 Hab8 15. De2 Rb4
Upp er komin dæmigerð staða í
Schevingen afbrigðinu í Sikileyjar-
vörn. Svartur hyggst auka rými sitt
á drottningarvæng með b6-b5 fram-
rásinni eða hefja aðgerðir á miðborð-
inu með e6-e5 framrásinni. Síðar-
nefnda framrásin heppnaðist vel í
skák tveggja skákmanna frá Úkra-
ínu þar sem svartur svaraði 16. Had1
með 16...e5 17. f5 d5! og stóð þá þeg-
ar betur. Hvítur afræður af þessum
sökum að hefja aðgerðir á miðborð-
inu sjálfur.
(Sjá stöðumynd I) 16. e5!? Rfd5
17. Rxd5 Rxd5 18. Be4! b5 19. Rd4
g6 20. f5!?
Hinn sextugi stórmeistari lætur
ekki allt fyrir sér brjósti brenna og
heldur áfram að sækja að svörtu
stöðunni. Rólegra framhald eins og
20. axb5 axb5 21. Df3 hefði tryggt
hvítum frumkvæðið. Það er hinsveg-
ar athyglisvert að sjá hvernig Kasp-
arov bregst við sókn hvíts þar eð
hann býður andstæðingnum að
verða manni yfir.
20... exf5?
20...dxe5 hefði verið betra þar eð
eftir 21. fxe6 fxe6 22. Rf3 bxa4 stend-
ur svartur betur. Hugsanleg hefur
svartur haldið að hvítur gæti leikið
22. Bxd5 exd5 23. Df3 en því yrði ein-
faldlega svarað með 22...Dd6 og
svartur stæði vel að vígi.
21. Bxd5 dxe5
(Sjá stöðumynd II) 22. Rxf5!?
Hið rólega framhald 22. Rf3 e4 23.
Rd4 bxa4 24. c4 hefði tryggt hvítum
betra tafl en textaleikurinn er einnig
afar hættulegur viðureignar.
22... Bxf5 23. Hxf5! gxf5 24. Dh5
Bf8 25. Dxf5 Bg7 26. Ha3! e4 27.
Hh3 h6
Hugsanlegra hefði 27... He5 verið
betra hlutlægt séð en textaleikurinn
er mun praktískari þegar manneskj-
ur sitja að tafli.
(Sjá stöðumynd III) 28. Hg3?
Hér hefði Kasparov getað lent í
verulegum vandræðum eftir 28.
Dg6! þar eð þá hótar hvítur illþyrmi-
lega Bd4. Skákforritið Tiger 15 taldi
svartur þá svara best með 28...e3 en
eftir 29. Hg3 De5 30. Bxf7+ Kh8 31.
Hxe3 Dxe3 32. Bxe3 Hxe3 33. Kg1
stæði hvítur vel að vígi.
28... De5! 29. Bxf7+ Kh8 30. Dg6
Hf8 31. axb5 axb5 32. Bd5?!
Hvítur hefði getað varist betur
með 32. He3.
32... Hf1 33. c3 Hbf8 34. h3 Df6?
34... He1 hefði unnið strax þar eð
við hótuninni 35...Hff1 væri lítið
hægt að gera.
35. Bxe4 Dxg6 36. Hxg6 He8 37.
Bd3?
37. Hg4 hefði getað haldið taflinu
gangandi og sennilega ætti hvítur
prýðilega jafnteflismöguleika þar
sem eftir 37...b4 38. g3 losnar hvítur
við leppunina á fyrstu reitaröðinni.
37... Hd1 38. Hd6 Bf8 39. Bg6
Bxd6 og hvítur gafst upp enda er
hann að verða hróki undir eftir 40.
Bxe8 Bc5.
Með tilkomu skákforrita er orðið
auðveldara fyrir alla skákáhuga-
menn að botna í skákum bestu skák-
manna heims fyrir utan það að geta
gagnrýnt leiki þeirra. Hinsvegar er
öllu erfiðara að sitja fyrir framan
taflborðið og leysa þá gátu sem
flækjur hinna 64 reita býður upp á.
Íslandsmótið í netskák –
lokamót bikarsyrpu Eddu
útgáfu og Taflfélagsins Hellis
Íslandsmótið í netskák og lokamót
í bikarsyrpu Eddu útgáfu fer fram
sunnudaginn 28. nóvember nk. Teflt
er í einum opnum flokki og fer mótið
fram á Netinu á skákþjóninum ICC.
Taflið hefst kl. 20 og eru vegleg verð-
laun í boði Eddu útgáfu og ICC.
Mótið er öllum opið og hafa allir
möguleika á verðlaunum. Tímamörk
eru 4 2 (4 mínútur + 2 sekúndur á
leik) og tefldar eru 9 umferðir. Jafn-
framt er keppnin lokamót Bikar-
syrpu Eddu útgáfu og telja vinning-
ar þar tvöfalt. Mikið er í húfi fyrir þá
sem þar berjast um hin ýmsu verð-
laun en Þorsteinn Þorsteinsson er
efstur í syrpunni en Davíð Kjartans-
son og Magnús Örn Úlfarsson fylgja
honum fast á eftir. Íslandsmótið í
netskák er elsta landsmót í netskák í
gervöllum heiminum en fyrsta Ís-
landsmótið fór fram 1996. Verðlaun í
syrpunni og á Íslandsmótinu eru af-
ar vegleg og fjölbreytt en alls er
hægt að fá umbun í 6 mismunandi
flokkum. Nánari upplýsingar um
þetta og mótið sjálft er mögulegt að
finna á www.hellir.com.
Garry Kasparov
á ný á sigurbraut
Helgi Áss Grétarsson
daggi@internet.is
SKÁK
Moskva
57. RÚSSNESKA MEISTARAMÓTIÐ
14.-27. nóvember 2004
Stöðumynd III
Stöðumynd I
Tseshovsky-Kasparov: ,,Kasparov sigraði gamla Sóvétmeistarann.’’
Stöðumynd II
Smáralind • sími 553 6622 • www.hjortur.is