Morgunblaðið - 27.11.2004, Blaðsíða 11
MORGUNBLAÐIÐ LAUGARDAGUR 27. NÓVEMBER 2004 11
FRÉTTIR
ÁRNI Magnússon félagsmálaráðherra sagði við setningu
aukalandsþingsins að leita yrði leiða til að hemja út-
gjaldaaukningu sveitarstjórnarstigsins rétt eins og rík-
issjóðs. Sveitarfélögin yrðu að
líta í eigin barm þegar rætt
væri um bága fjárhagsstöðu
þeirra og kanna hvað ylli því
að útgjöld þeirra uxu hraðar
en tekjur.
Árni sagði að ríkisstjórnin
hefði sett sér markmið um að
auka útgjöld ekki meira en sem
næmi 2% að raungildi á ári.
Sveitarstjórnarstigið yrði að
setja sér sambærilegt markmið
og fylgja eftir með aðgerðum.
„Við verðum jafnframt að
gera okkur grein fyrir því að
það er ekki hægt að endur-
skoða tekjustofna sveitarfé-
laga á nokkurra ára fresti og
bæta við nokkrum milljörðum
króna í hvert sinn. Ríki og sveitarfélög verða að eiga
reglulegt samráð sem er í gagnsæjum farvegi. Þetta er
sameiginlegt hagsmunamál ríkis og sveitarfélaga. Við
verðum að horfa á hlutina í samhengi. Við erum að tala
um sömu íbúana, sömu hagsmunina, sama heildarreikn-
inginn. Menn mega ekki slíta hlutina í sundur og úr sam-
hengi eins og alltof oft er gert.
Við megum ekki leyfa okkur slíka nálgun. Hún slær
ryki í augu íbúanna, sem við eigum að þjóna. Ríkissjóður
er ekki ótæmandi og ef endalaust er gengið í hann er að-
eins hægt að brúa bilið með því að seilast í vasa skatt-
greiðenda. Við verðum því að horfa heildstætt á þjóð-
arbúskapinn og taka höndum saman um að hemja vöxt
opinberra útgjalda. Annað er óábyrgt af okkur sem kjörn-
um fulltrúum almennings í þessu landi,“ sagði Árni m.a.
Sveitarfélögin líti
í eigin barm
Árni Magnússon
EFTIRLITSSTOFNUN EFTA
hefur ákveðið að ljúka án frek-
ari aðgerða máli vegna kvört-
unar sem stofnunin fékk þess
efnis að íslenska ríkisstjórnin
hefði ekki við mat á umhverfis-
áhrifum vegna Kárahnjúkavirkj-
unar farið eftir tveimur tilskip-
unum Evrópusambandsins.
Fjallar önnur um mat á áhrifum
sem tilteknar framkvæmdir
kunna að hafa á umhverfið og
hin um frjálsan aðgang að upp-
lýsingum um umhverfismál.
Umhverfisráðherra úrskurð-
aði um mat á umhverfisáhrifum
Kárahnjúkavirkjunar 20. nóv-
ember 2001 en það var í apríl
2003 sem Eftirlitsstofnun EFTA
barst kvörtun vegna málsins.
Í frétt frá umhverfisráðuneyt-
inu kemur fram að Eftirlits-
stofnun EFTA hafi með bréfi 23.
nóvember ákveðið að ljúka mál-
inu án frekari aðgerða. Skoðaði
stofnunin kvörtunina og fékk að
auki upplýsingar frá íslenska
ríkinu.
Þá segir í frétt umhverfis-
ráðuneytisins að úrskurður um-
hverfisráðherra hafi verið tek-
inn til meðferðar á báðum
dómstigum hérlendis. Var þess
krafist að úrskurður umhverf-
isráðherra vegna virkjunarinnar
yrði ómerktur. Niðurstaða
Hæstaréttar í janúar á þessu ári
varð sú að staðfesta þá niður-
stöðu héraðsdóms að kröfu um
ómerkingu var hafnað.
Eftirlitsstofnun EFTA um
Kárahnjúkavirkjun
Málinu lokið án
frekari aðgerða
AUKALANDSÞING Sambands ís-
lenskra sveitarfélaga, sem haldið
var í gær, lýsir yfir fullum stuðn-
ingi við störf fulltrúa sambandsins
í tekjustofnanefnd og hvetur rík-
isvaldið til þess að koma til móts
við sjónarmið þeirra í nefndinni.
Heitar umræður urðu á þinginu
um störf tekjustofnanefndar og
vildu sumir fulltrúar að sveitar-
félögin slitu viðræðum við ríkið.
Ákveðið var að fulltrúar sveitarfé-
laga héldu áfram setu sinni í
nefndinni og stefnt yrði að því fyrir
lok janúar nk. að tekjustofnanefnd
kæmist að niðurstöðu varðandi
leiðréttingar á núverandi tekju-
stofnum.
Í ályktun, sem samþykkt var
samhljóða, telur aukalandsþingið ekki
forsendur vera til þess að færa ný verk-
efni fyrr en núverandi tekjustofnar
þeirra hafi verið styrktir með hliðsjón af
þeim lögskyldu og venjubundnu verk-
efnum sem þeim beri að sinna.
Vilhjálmur Þ. Vilhjálmsson, formaður
Sambands íslenskra sveitarfélaga, sagði
í lok þingsins að sveitarfélögin yrðu að
standa saman sem ein heild. Góð um-
ræða hefði farið fram á þinginu og skilj-
anlegt væri að ekki væru allir sammála
félaga sem væru illa stödd fjárhagslega
og leggja umræðu um flutning nýrra
verkefna til hliðar. Staða meginþorra
allra sveitarfélaga væri óviðunandi, að-
eins væru innan við tíu sveitarfélög
sem ættu „nóg af peningum“.
Vilhjálmur gagnrýndi fyrrverandi
sveitarstjórnarmenn úr röðum alþing-
ismanna og sagði þá fljótt gleyma öllu
sem sneri að sveitarfélögum og rekstri
þeirra. Nefndi Vilhjálmur engin nöfn
en sagði mikilvægt að þingmenn við-
urkenndu fjárhagsvanda sveitarfélaga.
Talað niður til landsbyggðar
Í umræðum á þinginu kom fram
gagnrýni á sveitarstjórnarmenn á höf-
uðborgarsvæðinu. Helga Halldórsdótt-
ir, bæjarfulltrúi í Borgarbyggð, sagðist
vera orðin þreytt á að fulltrúar af höf-
uðborgarsvæðinu töluðu niður til lands-
byggðarinnar. Vísaði hún þar m.a. til
ummæla Stefáns Jóns Hafstein borgar-
fulltrúa á þinginu fyrr um daginn og
sagðist sakna þess að sjá hann ekki leng-
ur í salnum til að eiga við hann orðastað.
Helga á sæti í sameiningarnefnd sveit-
arfélaga og sagðist sannfærð um að þar
næðist sú lending sem stefnt væri að
með samstöðu allra, bæði ríkis, sveitar-
félaga og íbúanna.
um hvað gera þyrfti. Eflaust gætu ein-
hverjir gert betur en stjórn sambandsins
og tekjustofnanefnd hefði gert en mark-
miðið væri fyrst og fremst að klára verk-
efnið, að ná sátt um tekjuskiptingu ríkis
og sveitarfélaga og verkefnaflutning frá
ríkinu.
Allir væru að reyna að gera sitt besta.
Baklandið þyrfti að vera gott og mik-
ilvægt að sveitarfélögin héldu hópinn.
Vilhjálmur sagði að leggja ætti
áherslu á að leysa vanda þeirra sveitar-
Aukalandsþing sveitarfélaga styður fulltrúa sína í tekjustofnanefnd
Engin ný verkefni nema
tekjustofnar verði styrktir
Vilhjálmur Þ.
Vilhjálmsson
Helga
Halldórsdóttir