Morgunblaðið - 27.11.2004, Blaðsíða 47
MORGUNBLAÐIÐ LAUGARDAGUR 27. NÓVEMBER 2004 47
DAGBÓK
Áhugahópur sem berst gegn umskurn oglimlestingum kvenna stendur fyrir há-degisfundi í Norræna húsinu á mánu-daginn kemur. Á fundinum verður sér-
stöku átaki hrundið af stað sem miðar að því að fá
allar íslenskar konur til að skrá sig á ákveðna vef-
síðu, sem verður kynnt á fundinum og í fjölmiðlum
síðar, og mótmæla með þeim hætti því ofbeldi sem
konum er sýnt í formi umskurðar, en Amnesty
International hefur áætlað að á bilinu 100–140
milljónir núlifandi kvenna og stúlkna í heiminum
hafi þolað slíkar misþyrmingar á kynfærum sín-
um. Þá telja samtökin að um 2 milljónir stúlku-
barna séu umskornar á hverju ári, þ.e. um 6.000 á
dag.
Að sögn Herdísar Tryggvadóttur, sem er einn
af stofnfélögum áhugahópsins, eru aðgerðirnar
mis umfangsmiklar, allt frá því að aðeins sníp-
urinn sé fjarlægður til þess að bæði ytri og innri
skapabarmarnir séu skornir burt. „Eftir slíka að-
gerð eru kynfæri stúlkunnar saumuð saman og
aðeins skilið eftir örlítið gat fyrir þvag og tíðablóð.
Þegar stúlkan er gefin í hjónaband opnar eigin-
maðurinn kynfæri hennar með eggvopni,“ segir
Herdís og bendir á hinar alvarlegu afleiðingar
umskurnar. „Áætlað er að allt að 10% stúlknanna
fái bráðalost og deyi í kjölfar aðgerðarinnar eða
blæði hreinlega út. Stór hluti kvennanna fær sýk-
ingar og skemmdir verða á þvagrásinni, svo ekki
sé minnst á erfiðleikana við barnsburð síðar á æv-
inni. Með limlestingum á borð við þessa, sem er
mesta ofbeldi sem hugsast getur á konum, er í
raun verið að gera þessar stúlkur að sjúklingum
ævilangt. Auk þess sem komið er í veg fyrir að
þær geri notið eðlilegs kynlífs.“
Aðspurð segir Herdís hugmyndina að undir-
skriftasöfnuninni hafa kviknað þegar hópur
kvenna sá heimildarmynd um umskurn, en að
áhugahópnum stendur hópur kvenna með aðstoð
kristniboða sem starfað hafa í löndum þar sem
umskurðir eru framkvæmdir. „Ég hef ávallt verið
þeirrar skoðunar að konur eigi að taka virkari
þátt í heimsmálunum og þetta er ein leiðin til
þess. Ég er sannfærð um að ef okkur tekst að
safna undirskriftum allra íslenskra kvenna muni
það vekja heimsathygli og verða liður í baráttunni
gegn þessari grimmilegu hefð sem á sér hvorki
trúarlegar né vitrænar forsendur. Okkur ber
hreinlega siðferðileg skylda sem kristin þjóð til
þess að leggja okkar af mörkum til þess að hjálpa
þessum stúlkum og gera það sem í okkar valdi
stendur til að stöðva þessar limlestingar.“
Meðal frummælenda á fundinum eru Guðrún
Agnarsdóttir læknir sem mun ræða um afleið-
ingar umskurðar og Kjellrun Langdal, sem starf-
að hefur sem kristniboði í löndum þar sem um-
skurn tíðkast. Fundarstjóri er Guðrún Ásmunds-
dóttir leikkona. Nefna má að á fundinum verður
sýnt brot úr heimildarmynd um umskurn.
Ákall | Áhugahópur er berst gegn umskurn og limlestingum kvenna
Grimmilegar siðvenjur
Herdís Tryggvadóttir
fæddist í Reykjavík
1928. Hún lauk stúd-
entsprófi frá Verzl-
unarskóla Íslands árið
1950 og stundaði nám
við enskuskor Háskóla
Íslands. Á umliðnum
árum hefur hún sótt
fjölda námskeiða á veg-
um Endurmenntunar HÍ
og lagt sérstaka
áherslu á námskeið um
íslam. Herdís á fjögur uppkomin börn og tíu
barnabörn.
Góð heimsókn
MIG langar til að biðja blaðið mitt
fyrir þakkir vegna heimsóknar sem
við Stykkishólmsbúar fengum laug-
ardaginn 20. nóvember sl. þegar
Karlakórinn Heimir í Skagafirði kom
hingað og flutti okkur alveg stórkost-
lega tónleika í kirkjunni okkar, mikið
prógramm og fjölbreytt. Stjórnand-
inn Stefán R. Gíslason sýndi það að
hann er enginn meðalmaður í kór-
stjórnun og vali viðfangsefna sem
voru af mörgum toga spunnin. Undir-
leikari Thomas R. Higgerson stóð vel
í sínu hlutverki. Sem sagt þetta er
með bestu kórum landsins, fjölmenn-
ur og vel æfður, þótt þeir sem skipa
hann séu íbúar víða í Skagafirðinum.
Þeim hefir auðnast að skapa sam-
stilltan kór í dreifbýli og er það út af
fyrir sig kraftaverk.
Þannig kom þessi hópur fyrir minn
huga. Og ekki má gleyma einsöngv-
aranum Sigfúsi Péturssyni, einum
hinna góðu söngvara Álftagerð-
isbræðra.
Ég þakka þessum hóp fyrir ágætt
og vel heppnað kvöld í kirkjunni okk-
ar og það get ég sagt að þeir sem
komu og hlýddu á fóru heillaðir til
baka og þakklátir.
Með kveðju og ósk um gott gengi
karlakórsins áfram.
Árni Helgason, Stykkishólmi.
Bílar sem menga
HERMANN hafði samband við Vel-
vakanda og vildi hann koma á fram-
færi óánægju sinni með þá ökumenn
sem skilja bílana sína eftir mannlausa
í gangi. Segir hann þetta sérstaklega
áberandi meðal þeirra sem vinna við
útkeyrslu, þeir láti bílana ganga á
meðan vörur séu afhentar. Segir
hann að ef hann nefni þetta við menn
sé honum sagt að honum komi þetta
ekki við. En hann segir að okkur
komi þetta öllum við, það sé verið að
menga andrúmsloftið.
Upphár skinnhanski týndist
UPPHÁR skinnhanski, svartur og
fóðraður, á hægri hönd, týndist á höf-
uðborgarsvæðinu. Skilvís finnandi
hafi samband í síma 566 6149.
Kettlinga vantar heimili
TVO 5 mánaða kettlinga, læðu og
fress, vantar nýtt heimili. Blandaðir
skógarkettir. Upplýsingar í síma
661 3235.
Velvakandi
Svarað í síma 5691100 kl. 10–12
og 13–15 | velvakandi@mbl.is
ERNA
gull- og silfursmiðja
Erna gull- og silfursmiðja, Skipholti 3, sími 552 0775.
Opnunartími alla virka daga frá kl. 10-18 og laugardaga kl. 11-14
Njáluarmband hannað af Ríkharði Jónssyni og Karli Guðmundssyni myndskera frá Þinganesi. Sterling silfur 44.900 - fáanlegt í 14 kt. gulli og 14 kt. hvítagulli.
1924 2004
Rauðagerði 26 – Sími 588 1259
30-80%
afsláttur
Vandaður
dömufatnaður
peysur, bolir, pils,
buxur frá kr. 1.000.
Verið velkomin!
Haust - vetur 2004
Útsala - Útsala
í dag, laugardag, frá kl. 10-18 í Rauðagerði 26
Ársfundur
Listaháskóli Íslands boðar til ársfundar skólans
mánudaginn 29. nóvember kl. 20.30.
Fundurinn verður haldinn í fyrirlestrarsalnum í
Laugarnesi (jarðhæð, gengið inn að neðan).
Á fundinum flytja stjórnendur skólans skýrslu um
starfsemi síðasta skólaárs og kynna þau verkefni
sem eru á döfinni.
Sérstaklega verður kynnt ný stefnumótun skólans
til næstu ára, þar með talið tillögur að nýju námi
í leiklistardeild, kvikmyndanám, listdans og
meistaranám í öllum deildum.
Fyrirspurnir og umræður. Fundurinn er öllum opinn.
2004
Stjórn Listaháskóla Íslands
Listaháskóla Íslands
95 ára afmæli: Ídag, 27. nóv-
ember, er 95 ára Sig-
ríður Gissurardóttir
frá Drangshlíð undir
Eyjafjöllum, nú til
heimilis á dvalarheim-
ilinu Grund.
Árnaðheilla
dagbók@mbl.is
50 ÁRA afmæli.Á morgun,
sunnudaginn 28. nóv-
ember, verður fimm-
tugur Tryggvi Agn-
arsson, hdl. Af því
tilefni taka hann og
kona hans, Kristín
Björg Knútsdóttir, og börnin á móti
vinum og velunnurum í dag, laugardag,
frá kl. 17 að Kleifarási 6, Reykjavík.
AFRÍSKT kvöld verður haldið í
Alþjóðahúsi í kvöld kl. 19. Til-
efnið er koma ungs Gambíu-
manns, Fabakary Kalleh, hing-
að til lands. Í kvöld mun Kalleh
segja gestum og gangandi á
Café Cultura í Alþjóðahúsi frá
menningu og mannlífi í Gamb-
íu, tónlist, trú og ýmsu fleiru í
máli og myndum. Hann svarar
líka fúslega fyrirspurnum
gesta um heimaland sitt. Fyr-
irlesturinn fer fram á ensku.
Af þessu tilefni verða afr-
ískir réttir á sérstöku tilboði á
Café Culture. Aðgangur að fyr-
irlestri Fabakary Kalleh er
ókeypis og eru allir velkomnir.
Menning og
mannlíf í Gambíu OPIÐ hús verður í forsal Borgarleik-
hússins frá klukkan 13 til 15 í dag, en
þar verður boðið upp á dagskrá í til-
efni forsölu aðgöngumiða á leikritið
Híbýli vindanna, leikgerð Bjarna
Jónssonar á Vesturfarasögum Böðv-
ars Guðmundssonar. Verkið verður
jólasýning Borgarleikhússins í ár og
verður það frumsýnt 7. janúar. Í dag
gefst fólki kostur á að nálgast miða á
fyrstu sýningarnar í janúar með góð-
um afslætti og njóta kaffiveitinga.
Björn Ingi Hilmarsson leikari mun
m.a. lesa úr bókum Böðvars Guð-
mundssonar, Híbýli vindanna og
Lífsins tré og Bjarni Jónsson leik-
skáld mun spjalla um leikgerðina. Þá
mun Jóhanna Vigdís Arnardóttir
syngja nokkur lög við undirleik Karls
Olgeirssonar.
Opið hús í
Borgarleikhúsinu