Morgunblaðið - 27.11.2004, Blaðsíða 23

MORGUNBLAÐIÐ LAUGARDAGUR 27. NÓVEMBER 2004 23
DAGLEGT LÍF
iðunn
tískuverslun
Kringlunni, s. 588 1680
Seltjarnanesi s. 561 1680
Glæsilegt
úrval af
yfirhöfnum
Aukin orka og vellí›an, sjaldnar kvef
Fjölbreytt virkni í einum skammti.
„Ég vinn mikla álagsvinnu sem orsakar streitu. Ég hef nota› Angelicu
í flrjú ár me› rá›lög›um hléum og mér finnst Angelica vera bæ›i
orkugefandi, kví›astillandi og ég fæ
sjaldnar kvef. Mér finnst ég einnig
finna gó› áhrif á meltinguna.“
Helga G. Gu›mundsdóttir
tölvu- og kerfisfræ›ingur
Reykjavík
www.sagamedica.is
Íslenskt náttúruafl
Að mörgu er aðhyggja þegar að-ventukransar erubúnir til því hættu-
ástand getur auðveldlega skap-
ast þegar saman blandast
eldfim efni og kerta-
logi. Vandinn er að
enginn samhæfður
staðall er til um kerti
sem þýðir að engin við-
mið eru til um fram-
leiðslu og öryggi
sem gerir allt
eftirlit erfitt, að
sögn Fjólu Guð-
jónsdóttur, deild-
arstjóra markaðs-
gæsludeildar Lög-
gildingarstofu.
„Þetta stendur von-
andi til bóta. Norrænn
vinnuhópur hefur reynt
að hafa áhrif á gerð stað-
als um kerti og í haust tók
til starfa vinnuhópur um
staðla og kerti á vegum
Evrópsku staðlasamtak-
anna. Niðurstöður evrópskrar
kertaprófunar í sumar leiddu í ljós
að leiðbeiningum var ábótavant og
voru nokkrar tegundir teknar úr
sölu. Löggildingarstofa hefur bent
framleiðendum og innflytjendum
kerta hér á landi á mikilvægi notk-
unarleiðbeininga.
Þrátt fyrir að sumum kunni að
finnast notkunarleiðbeiningar með
kertum fáránlegar þar sem það er
útlistað að klippa skuli af kveiknum,
bil skuli haft á milli kerta, þau stað-
sett á stöðugu undirlagi og fjarri
gardínum eða öðru auðbrennanlegu
efni, þá er það staðreynd að mann-
legi þátturinn orsakar í langflestum
tilvikum kertabruna,“ segir Fjóla.
Kertaskreytingar skulu ætíð vera
á óbrennanlegu og stöðugu undirlagi
og gæta þarf þess að kertaloginn nái
ekki til skreytingarinnar. „Margir
kjósa að föndra eigin skreytingar og
hefur færst í vöxt að líma servíettur
sem skraut utan á kerti. Markaðs-
gæsludeild Löggildingarstofu mælir
ekki með slíku skrauti sökum eld-
hættu,“ segir Fjóla.
Einangrað frá eldsmat
Regla númer eitt er að einangra
kertin vel frá skrautinu. Auk þess
þarf að huga að hæð og brennslu-
tíma kertanna. Mælt er með vali á
kertum, þar sem notkunarleiðbein-
ingar gefa upp brennslutíma. Í eng-
um tilfellum er þó hægt að treysta á
að kerti brenni nákvæmlega uppgef-
inn tíma því ýmislegt kann að hafa
áhrif þar á, t.d. dragsúgur, og not-
endur skulu ætíð hafa í huga að eng-
in trygging er fyrir því að kerti
slökkvi á sér sjálf, segir Fjóla.
Húðuð kerti, t.d. gyllt og silfruð,
geta verið varasöm. Mikilvægt er að
klippa ofan af kertaþræðinum áður
en kveikt er á honum sé hann lengri
en 1–2 cm. Fáanleg eru eldtefjandi
efni til að úða yfir skreyt-
ingar, en rétt er að ítreka að
þau koma ekki í veg fyrir
bruna og hið sama gildir um
kertaslökkvara sem komið er
fyrir á kertum. Aldrei má
treysta á að þeir slökkvi á
kertum og varasamt er að nota
kertaslökkvara með snúnum
kertum eða kertum, sem
brenna misjafnt niður, segir
Fjóla.
Útikertin fjarri trépöllum
Varasamt er að setja
útikerti þétt saman.
Útikerti skal standa á
óbrennanlegu undirlagi
og aldrei á trépalli. Úti-
kerti loga flest eingöngu
á kveiknum, en til eru
kerti, þar sem allt yfir-
borð vaxins logar.
Loginn á þeim getur
náð allt að 50 cm
hæð og slest í allar
áttir.
Eldur getur
hæglega blossað upp ef
vatn eða snjór slettist á
vax kertisins. Æskilegt er
að kertin séu vel sýnileg
svo ekki sé hætta á að fólk í
víðum og flaksandi fatnaði rekist í
þau.
Verslanir og veitingastaðir ættu
að gæta vel að staðsetningu útikerta
nú í jólaösinni þegar margt fólk er í
bænum.
Að lokum má geta þess að á
heimasíðu Löggildingarstofu http://
www.ls.is má finna heilræði og fróð-
leik um kerti og meðferð þeirra.
 AÐVENTUKRANSAR | Eldfim efni og kertalogi fara illa saman
join@mbl.is
Mannlegi þátturinn
oftast orsakavaldur
Góð vísa er aldrei of oft
kveðin þegar kemur
að því að leiðbeina
fólki í meðferð á
kertum og kerta-
skreytingum.
Kertaskreyt-
ingar skulu
ætíð vera á
óbrennanlegu
og stöðugu
undirlagi.
Morgunblaðið/ÞÖK
NOKKRAR gerðir af kertaslökkvurum munu vera til hér á landi.
Þessar tvær tegundir eru meðal þeirra, en kertaunnendur eru þó var-
aðir við því að treysta alfarið á að þeir sjái um eldvarnirnar.
Annars vegar má hér sjá slökkvara úr versluninni DUKA í Kringl-
unni úr hertu gleri og er framleiddur í þýskri verksmiðju, sem fram-
leiðir eingöngu öryggisgler. Glerhólkurinn er settur utan um kertið
og á að slökka á loganum þegar hann nær niður í miðjan hólkinn.
Fimm hólkar í pakka kosta 1.200 krónur.
Hinsvegar er hér danskur álslökkvari, sem fæst m.a. í ýmsum
blómabúðum í gylltu og silfruðu. Hægt er að staðsetja klóna hvar sem
er á kertinu sem síðan sér um að kæfa logann þegar hann er kominn
niður að klónni. Tveir slökkvarar saman í pakka kosta 700 kr. í Garð-
heimum.
GÓÐUR siður er að fyrirtæki
hugi að því að setja sérstakar
umgengnisreglur um kerti því
alltaf berast af og til fréttir af
því á aðventu að kviknað hafi í
út frá aðventukransi eða kerti
í jólatíðinni.
Í húsnæði Löggildingar-
stofu að Borgartúni 21, þar
sem margar stofnanir eru til
húsa, hefur hússtjórnin sam-
þykkt sérstakar kerta-
umgengnisreglur, sem eru
eftirfarandi:
 Kerti og/eða kertaskreytingar skulu hafðar þar sem umgangur er
hvað mestur, t.d. í móttöku þar sem starfsmaður er alltaf við. Aldr-
ei má skilja eftir logandi kerti í mannlausu herbergi, t.d. í fundar-
herbergi eða á kaffistofu.
 Gangið úr skugga um að undirlag kerta eða skreytinga sé stöðugt
og óbrennanlegt. Til eru eldtefjandi efni, sem hægt er að úða á
kertaskreytingu.
 Gætið að því að skraut, svo sem borðar og greinar, séu ekki of
nærri kertaloganum og að hæfilegt bil, um 10 cm, sé á milli kerta.
 Mikilvægt er að sá aðili, sem kveikir á kerti, slökkvi á því að lokn-
um vinnudegi.
 Ekki er leyfilegt að hafa kveikt á kertum eða kertaskreytingum á
skrifstofum starfsmanna.
 Ekki má staðsetja kerti eða kertaskreytingar undir skynjara.
 Góð regla er að væta kertakveikinn með vatni þegar slökkt er á
kerti til að ekki leynist glóð.
Hússtjórnin setti kertareglur
Morgunblaðið/Árni Sæberg