Morgunblaðið - 28.05.2008, Blaðsíða 2

2 MIÐVIKUDAGUR 28. MAÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is
Björn Jóhann Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurð-
ardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
NÝIR fréttastjórar hafa verið
ráðnir á fréttadeild Morgunblaðs-
ins, þau Sunna Ósk Logadóttir og
Egill Ólafsson. Þá hafa verið ráðn-
ir tveir nýir umsjónarmenn
íþróttafrétta, Sigurður Elvar Þór-
ólfsson og Víðir Sigurðsson.
Breytingar á fréttastjórn á
blaðinu munu taka gildi í næstu
viku er Ólafur Þ. Stephensen tek-
ur við starfi ritstjóra af Styrmi
Gunnarssyni.
Núverandi fréttaritstjóri, Björn
Vignir Sigurpálsson, hafði fyrir
alllöngu óskað eftir því að færast
úr starfi fréttaritstjóra um svipað
leyti og Styrmir Gunnarsson léti
af starfi ritstjóra. Björn Vignir
mun taka að sér verkefni við þró-
un og breytingar á fréttavefnum
mbl.is.
Þá hafa Sigtryggur Sigtryggs-
son og Ágúst Ingi Jónsson óskað
eftir að láta af starfi fréttastjóra á
fréttadeildinni. Þeir munu færast í
starf fulltrúa ritstjóra og starfa
áfram á fréttadeildinni við skrif og
vaktstjórn.
Sigmundur Ó. Steinarsson, sem
verið hefur fréttastjóri íþrótta
undanfarin ár, hefur látið af störf-
um hjá Morgunblaðinu og eru
honum þökkuð góð störf í þágu
blaðsins.
Breytingar á fréttastjórn
á Morgunblaðinu
Ágúst Ingi
Jónsson
Björn Vignir
Sigurpálsson
Sigurður Elvar
Þórólfsson
Sigmundur Ó.
Steinarsson
Sigtryggur
Sigtryggsson
Sunna Ósk
Logadóttir
Víðir
Sigurðsson
Egill
Ólafsson
ÍSLENSKU bankarnir eiga að
biðjast afsökunar á að hafa farið
offari og vinna með stjórnvöldum
og atvinnulífi að því að lágmarka
skaðann sem fjármálakreppan hér
á landi leiðir af sér.
Þetta kom fram í máli Guðna
Ágústssonar, formanns Framsókn-
arflokksins, í eldhúsdagsumræðum
á Alþingi í gærkvöldi. Guðni sagði
fjármálakreppuna eiga sér bæði
rót í alþjóðlegri þróun og í því að
íslensku bankarnir hefðu farið of-
fari. „Frelsið, einkavæðingin, gerði
það að verkum að ungir menn
slettu úr klaufunum eins og feitir
kálfar að vori. Þeir höfðu aðgang
að mjög ódýru lánsfé erlendis.
Þeir dreifðu silfrinu óvarlega og
súpa nú flestir seyðið af því,“
sagði Guðni og taldi óhefta mark-
aðshyggju og græðgi vera að
renna sitt skeið. Sjálfstæðisflokk-
urinn væri haltur og Samfylkingin
hefði svikið íslenska alþýðu. „Sam-
fylkingin nefnir sjaldan láglauna-
stéttirnar, verkakonuna, sjómann-
inn og bóndann. Samfylkingin vill
vera og er flokkur hinnar mennt-
uðu elítu.“
Guðni var ómyrkur í máli hvað
efnahagsmál varðar og sagði
gjaldþrot í atvinnulífi og vaxandi
atvinnuleysi blasa við.
„Stjórn sem fær falleinkunn í
fjármálastjórn væri leyst frá
störfum í hvaða hlutafélagi sem er
á aðalfundi,“ sagði Guðni og kall-
aði ríkisstjórnina stjórn hinna sof-
andi afla.
Bankarnir biðjist afsökunar
Samfylkingin
hefur svikið
alþýðuna, segir
Guðni Ágústsson
Morgunblaðið/Árni Sæberg
Læti í bönkum Fjármálakreppuna hérlendis má bæði rekja til alþjóðlegrar
þróunar og þess að bankar hér hafa farið offari, sagði Guðni Ágústsson.
STUÐNINGSMENN landsliða Íslands og Wales brugðu á
leik í gærkveldi og hittuðu upp fyrir landsleik þjóðanna í
kvöld með því að etja kappi á gervigrasinu í Laugardal.
Engum sögum fer af úrslitum leiksins, en samkvæmt
upplýsingum Morgunblaðsins þótti hann með afbrigðum
drengilega leikinn. Hvort það er fyrirboði um það sem
koma skal í vináttuleiknum í kvöld skal ósagt látið, en
leikurinn hefst í Laugardalnum kl. 19.35.
Morgunblaðið/Árni Sæberg
Stuðningsmennirnir brugðu á leik
SEX ára gömul stúlka liggur þungt
haldin á gjörgæsludeild Landspítal-
ans í Fossvogi eftir að hafa hlotið al-
varlega höfuðáverka við veltu sex-
hjóls sem hún og móðir hennar voru
á í gær.
Slysið átti sér stað í Reynishverfi
skammt frá Vík í Mýrdal um hádeg-
isbil. Að sögn lögreglu voru mæðg-
urnar á leið niður vegslóða þegar
hjólið fór út af slóðanum og valt nið-
ur bratta brekku. Móðirin var með
bakáverka en gat látið vita um slysið
og var brugðið skjótt við. Þegar var
óskað eftir þyrlu Landhelgisgæsl-
unnar og voru mæðgurnar fluttar
með sjúkrabíl á Hvolsvöll þar sem
þyrlan kom að um svipað leyti, en
þyrlan lenti síðan við Landspítalann
um klukkan 15. Fyrir liggur að
stúlkan var með hjálm.
Ung stúlka
þungt
haldin
Mæðgur slösuðust
þegar sexhjól valt
KAUPMÁTTUR launa hefur að
meðaltali minnkað um 3,2% á síð-
ustu tólf mánuðum, ef borin er sam-
an þróun vísitölu neysluverðs ann-
ars vegar og vísitölu launa hins
vegar, að því er fram kemur á vef
Alþýðusambands Íslands.
Þegar vísitala neysluverðs er
skoðuð síðustu tólf mánuði fram í
apríl kemur í ljós að hún hefur
hækkað um 11,8%. Á sama tíma
hefur vísitala launa hækkað um
8,2% og það þýðir að kaupmáttur
launa hefur rýrnað að meðaltali um
3,2% á tímabilinu. „Þetta er talsvert
áhyggjuefni þar sem heimilin í
landinu hafa safnað upp miklum
skuldum síðustu ár og eiga mörg
hver á hættu að lenda í erfiðleikum
með að greiða af lánum sínum ef
tekjur dragast saman.“
Kaupmáttur
hefur rýrnað
um 3,2%
MIKILL meirihluti aðildarfélaga
Bandalags háskólamanna ákvað á
fundi sínum í gær að fylgjast að í
því sem eftir er
af viðræðum um
nýja kjarasamn-
inga, en félögin
hafa fundað
hvert um sig
með samn-
inganefnd rík-
isins til þessa.
Guðlaug
Kristjánsdóttir,
formaður BHM,
sagði að sest
yrði yfir það strax í dag að sam-
ræma áherslurnar, en eftir sem áð-
ur væri samningsumboðið hjá
hverju aðildarfélagi fyrir sig.
Guðlaug sagði að það væri verið
að ræða um stuttan samningstíma
og því væru atriðin færri en ella
sem þyrfti að útfæra og þegar
grannt væri skoðað hefðu áhersl-
urnar hjá félögunum verið líkar. Þá
hefði verið búið að undirbúa að
BHM færi fram með sameiginleg
réttindamál í nafni félaganna. | 8
Fylgjast að
í viðræðum
Guðlaug
Kristjánsdóttir
GREINT verður
frá stofnun nýs
samstarfssjóðs
stjórnvalda og
atvinnulífs í dag,
að því er fram
kom í máli Öss-
urar Skarphéð-
inssonar iðn-
aðarráðherra í
eldhúsdags-
umræðum á Al-
þingi í gær. Samstarfssjóðnum
verður ætlað að ýta undir fjárfest-
ingar í sprota- og nýsköpunarfyr-
irtækjum og Össur sagði að 4,6
milljörðum yrði ráðstafað til hans.
4,6 milljarðar í
samstarfssjóð
Össur
Skarphéðinsson
ÞRIGGJA bíla árekstur varð á
gatnamótum Háaleitisbrautar og
Miklubrautar um kl. hálffjögur í
gær. Þrír menn voru í bílunum og
voru þeir fluttir á slysadeild en
reyndust ekki alvarlega slasaðir.
Að sögn lögreglu virðist sem
ökumaður á leið austur Miklubraut
hafi verið í annarlegu ástandi og
ekið yfir á móti rauðu ljósi, en hann
ók á hina tvo bílana sem óku norður
Háaleitisbraut. Um klukkutíma um-
ferðartöf varð á gatnamótunum
vegna árekstursins.
Þriggja bíla
árekstur
DÍLASKARFSUNGAR glenntu upp
ginið mót ljósmyndaranum þegar
hann heimsótti hreiður þeirra í
Kirkjuskeri, rétt hjá Skáleyjum á
Breiðafirði. Hreiðrið er mikill
hraukur úr þangi og ýmsu sjáv-
arfangi. Við hreiðrið mátti sjá ýms-
ar leifar af kröbbum og öðru sem
líklega hafa satt svanga munnana.
Ungarnir hafa væntanlega talið að
hinn óboðni gestur væri að færa
þeim mat þegar hann rétti höndina
í átt að hreiðrinu.
Skarfar verpa ekki allir á sama
tíma og í sumum skarfshreiðrum í
Kirkjuskerinu voru egg og í öðrum
nýklaktir ungar og svo þessir sem
voru stálpaðastir.
Sísvangir skarf-
ar og stækka ört
Ljósmynd/Sigurður Ægisson