Morgunblaðið - 28.05.2008, Blaðsíða 4
4 MIÐVIKUDAGUR 28. MAÍ 2008 MORGUNBLAÐIÐ
FRÉTTIR
FRAMKVÆMDIR eru í fullum
gangi við uppbygginguna á Höfða-
torgi og miðar vel, að sögn Gísla
Jónssonar, markaðsstjóra Höfða-
torgs, hjá Byggingarfélaginu Eykt.
Höfðatorg liggur milli Borg-
artúns, Skúlatúns, Skúlagötu og
Höfðatúns. Þar er m.a. gert ráð fyr-
ir íbúðarbyggð með allt að 250
íbúðum, auk skrifstofu-, verslunar-
og þjónustubyggð.
Nú er unnið að uppbyggingu 19
hæða turnbyggingar á horni Höfða-
túns og Borgartúns. „Það stendur
til að henni verði lokið á miðju
næsta ári. Það er heljarinnar gang-
ur í turnbyggingunni og menn
stefna að því að geta steypt 17
hundruð fermetra hæð á 10-12 dög-
um,“ segir Gísli.
Bílakjallari undir öllu torginu
Unnið er að fullnaðarhönnun
bygginga sem rísa meðfram Höfða-
túninu en þar er alls um 14 þúsund
fermetra að ræða. Líklegt er að
næst verði svo ráðist í að reisa
byggingu á reitnum við Skúlatúnið.
Lokið er að mestu leyti gerð bíla-
stæðakjallara undir turnbygging-
unni og byggingunni sem reist var
við Borgartún. Gerð var skábraut á
Höfðatúni niður í kjallarann, en þar
verður aðalinnkeyrslan inn í bíla-
stæðahúsið.
Þegar fram líða stundir er gert
ráð fyrir að gerður verði bílakjall-
ari sem liggi undir öllu Höfðatorg-
inu. Hann verður þá á meðal
stærstu bílakjallara sem gerðir
hafa verið hér á landi.
Samkvæmt deiliskipulagi Höfða-
torgs verða reistir samtals 75 þús-
und fermetrar ofanjarðar auk bíla-
kjallarans, sem verður á tveimur og
að hluta til á þremur hæðum. Í
breytingu sem samþykkt hefur ver-
ið á deiliskipulaginu er nú einnig
gert ráð fyrir þeim möguleika að
byggðir verði kvikmynda- og fyr-
irlestrarsalir neðanjarðar.
Byggingar á torginu verða sex
talsins, sjö til níu hæða, auk þriggja
12, 16 og 19 hæða turna sem rísa
upp úr byggingunum. Opin svæði
munu ná yfir rúmlega helming af
heildarfleti Höfðatorgs.
Á öll starfsemi á jarðhæð Höfða-
torgs að miðast við að skapaður
verði miðbæjarkjarni sem þjónar
íbúum, starfsfólki og nágrönnum.
Þar verði matsölustaðir, kaffihús,
verslanir og ýmis þjónustu-
starfsemi. Glerskálar tengja svo
byggingarnar og veita skjól og
rými fyrir ýmsar uppákomur.
Uppbygging á Höfðatorgi er í fullum gangi
Gert ráð fyrir kvik-
myndasölum neðanjarðar
Morgunblaðið/Frikki
Aðkoman Skábraut hefur verið lögð á Höfðatúni niður í stóran bílakjallara sem er í byggingu undir Höfðatorgi.
!"
#
# #
# #
# #
# #
#$
%
" & '
&
SLÖKKVILIÐ höfuðborgarsvæðisins vill
reisa slökkvistöð við Stekkjarbakka og Skar-
hólabraut í Mosfellsbæ og loka stöð sinni við
Tunguháls en meðal íbúa í Breiðholti er
óánægja með staðarvalið við Stekkjarbakka
þar sem gengið yrði á útivistarsvæði í Elliðaár-
dalnum.
Kynningarfundur um málið var haldinn með
íbúum á mánudagskvöld og var hiti í fólki í
upphafi fundar að sögn Egils Arnar Jóhann-
essonar, formanns hverfisráðs Breiðholts. Um
60-70 manns sóttu fundinn og segir Egill Örn
að kynning á vegum SHS hafi verið frábær og
allir sammála um forsendur SHS um að hafa
sem stystan útkallstíma, en þær forsendur
hafa einmitt leitt SHS á lóð við Stekkjarbakk-
ann. Á fundinum var deilt hart á fyrirhyggju-
leysi borgaryfirvalda fyrir 40 árum þegar
Breiðholt var byggt upp án þess að reiknað
væri með slökkvistöð.
„Þetta er fortíðarvandi en fundarmenn voru
ekki reiðubúnir að láta þetta land fara undir
byggingar,“ segir Egill Örn.
Málið er nú statt hjá skipulagsstjóra
Reykjavíkur þar sem unnið er að skipulags-
hugmyndum. Engar ákvarðanir hafa verið
teknar, enda hefur málið ekki farið endanlega
fyrir skipulagsráð.
Að sögn Jóns Viðars Matthíassonar, slökkvi-
liðsstjóra SHS, hefur um nokkurra ára skeið
staðið yfir tölfræðileg úttekt á svæði SHS til að
skoða útkallstíma liðsins. „Útkallstíminn er
mjög mismunandi og kemur engum á óvart þar
sem starfssvæðið hefur stækkað mikið og íbú-
um fjölgað,“ segir hann.
Tunguhálsstöðin einangruð
„Slökkvistöðin á Tunguhálsi er einangruð,
þ.e. það tekur langan tíma að komast inn á
stofnbrautir og það gerir útkallstímann í Graf-
arvogi og Mosfellsbæ ansi dapran“. Fyrrnefnd
úttekt fól í sér að allir útkallstímar SHS nokk-
ur ár aftur í tímann voru settir inn í tölvulíkan
og út frá því fundnar út bestu staðsetningar
slökkvistöðva. Niðurstaðan eru tvær stöðvar,
við Stekkjarbakka og Skarhólabraut. „Eitt
vandamálið í þessu snýst um að finna lóð í rót-
grónu hverfi og annar vandi felst í að hafa
slökkvistöð með góða tengingu við stofnbraut-
ir. Stekkjarbakki uppfyllir bæði skilyrðin en á
íbúafundinum kom fram að sumir voru ekki á
því að hafa slökkvistöð í Elliðaárdalnum. Ég
held að íbúar standi vörð um Elliðaárdalinn og
spyrji sig hvað muni hugsanlega koma næst ef
slökkvistöð verður byggð á svæðinu og hvort
dalurinn verði undirlagður byggð í framtíðinni.
Sumir vilja ekkert í dalinn, aðrir myndu geta
fellt sig við slökkvistöð ef skýr skilaboð fengj-
ust frá borginni um að ekkert annað verði
byggt á svæðinu.“
Ný slökkvistöð vekur litla hrifningu
SKIPULAGSSTOFNUN ber að
leggja mat á umhverfisáhrif þegar
hún gefur út álit vegna fram-
kvæmda, að því er fram kemur í yf-
irlýsingu Stefáns Thors skipulags-
stjóra. Undanfarið hefur verið rætt
hvort stofnunin hafi í áliti vegna um-
hverfisáhrifa Bitruvirkjunar, sem
birt var 19. maí, farið út fyrir vald-
svið sitt.
Í yfirlýsingunni segir að í fjölmiðl-
um hafi verið látið að því liggja að
Skipulagsstofnun hafi hafnað virkj-
uninni eða lagst gegn henni og farið
með því út fyrir valdsvið stofnunar-
innar. Í yfirlýsingu frá Samorku sé
því t.d. haldið fram að hlutverk
Skipulagsstofnunar sé ekki að taka
afstöðu heldur fyrst og fremst að
staðfesta að matið hafi verið unnið
með lögbundnum hætti.
„Það er rétt að samkvæmt lögum
um mat á umhverfisáhrifum nr. 106/
2000 með síðari breytingum kemur
fram að Skipulagsstofnun skuli gefa
rökstutt álit sitt á því hvort mats-
skýrsla framkvæmdaraðila uppfylli
skilyrði laganna og reglugerða
settra samkvæmt þeim og að um-
hverfisáhrifum sé lýst á fullnægjandi
hátt. Það sem hins vegar virðist hafa
farið framhjá mörgum sem hafa tjáð
sig um málið er að í 24. gr. reglu-
gerðar um mat á umhverfisáhrifum
nr. 1123/2005 segir m.a. að Skipu-
lagsstofnun skuli gera grein fyrir
helstu forsendum matsins og niður-
stöðum stofnunarinnar um mat á
umhverfisáhrifum. Þetta þýðir með
öðrum orðum að Skipulagsstofnun
ber í áliti sínu að leggja mat á um-
hverfisáhrifin.
Í lögunum og reglugerðinni kem-
ur fram að telji Skipulagsstofnun að
setja þurfi frekari skilyrði fyrir
framkvæmd en fram koma í mats-
skýrslu eða gera þurfi aðrar eða
frekari mótvægisaðgerðir skal stofn-
unin tilgreina skilyrðin og mótvæg-
isaðgerðir og færa rök fyrir þeim. Í
því sambandi er vandséð hvernig
stofnunin á að geta lagt til skilyrði ef
hún á ekki leggja mat á umhverfis-
áhrifin.
Skipulagsstofnun hefur á undan-
förnum 3 árum sent frá sér 12 álit á
umhverfisáhrifum framkvæmda. Í 3
tilvikum hefur niðurstaðan verið að
umhverfisáhrifin myndu verða ekki
ásættanleg og óafturkræf. Í áliti
Skipulagsstofnunar um umhverfis-
áhrif Bitruvirkjunar, sem byggt er
upp á sama hátt og fyrri álit, er ekki
verið að „leggjast gegn“ eða „hafna“
byggingu Bitruvirkjunar. Það er
ekki hlutverk Skipulagsstofnunar.
Við útgáfu leyfis til framkvæmda ber
hins vegar leyfisveitanda að taka
rökstudda afstöðu til álits Skipulags-
stofnunar og birta opinberlega
ákvörðun sína sem er kæranleg til
úrskurðarnefndar skipulags- og
byggingarmála,“ segir í yfirlýsing-
unni.
Ber að leggja mat
á umhverfisáhrif
VANDSÉÐ er annað en að með
niðurstöðu Skipulagsstofnunar
varðandi mat á umhverfisáhrifum
vegna Bitruvirkjunar sé stofnunin
komin út fyrir lögbundið hlutverk
sitt samkvæmt lögum um mat á
umhverfisáhrifum, að því er fram
kemur á vefsíðu Samorku.
Fram kemur að í matinu stað-
festi stofnunin að það hafi verið
unnið með lögbundnum hætti en
kemst jafnframt að þeirri nið-
urstöðu að bygging Bitruvirkj-
unar sé „ekki ásættanleg vegna
verulegra neikvæðra og óaft-
urkræfra áhrifa á landslag, úti-
vist og ferðaþjónustu“. Lögunum
var breytt árið 2005 og í frum-
varpinu segir m.a. um helstu
breytingar á lögunum, að í mats-
ferlinu verði ekki tekin afstaða til
þess hvort fallast beri á með eða
án skilyrða eða leggjast gegn
framkvæmd sem lýst hefur verið
með fullnægjandi hætti í mats-
skýrslu framkvæmdaraðila.
Komin út fyrir
hlutverk sitt
Morgunblaðið/RAX
Bitruvirkjun Skipulagsstofnun gaf út álit vegna virkjunarinnar 19. maí s.l.