Morgunblaðið - 28.05.2008, Blaðsíða 12

12 MIÐVIKUDAGUR 28. MAÍ 2008 MORGUNBLAÐIÐ
ALÞINGI
Prúðbúið Alþingi
Þingstörf gærdagsins voru með
óhefðbundnu sniði enda hinn árlegi
eldhúsdagur. Venjulega er enginn
þingfundur á þeim degi en þar sem
mörg mál liggja fyrir og áætluð þing-
frestun er á morgun var fundað milli
10 og 14. Að því loknu hófu starfs-
menn Ríkissjónvarpsins að koma
tækjabúnaði vegna beinnar útsend-
ingar fyrir og þegar kvöldið nálgaðist
mættu förðunarfræðingar á staðinn
til að ræðumenn kvöldsins litu enn
betur út í beinni útsendingu.
Engin eftirlaun?
Enn er óljóst um afdrif nokkurra mála
sem mikið hafa verið í umræðunni.
Ljóst er að eftirlaunafrumvarp Val-
gerðar Bjarnadóttur, varaþingmanns
Samfylkingarinnar, verður ekki að
lögum að sinni og enn er beðið eftir
upplýsingum frá stjórnarflokkunum
um þeirra tillögur til breytinga á eft-
irlaunalögum. Samkvæmt heimildum
Morgunblaðsins eru litlar líkur á að
frumvarp komi fram fyrir þingfrestun
en að „málið verði sett í farveg“.
Matvæli bíða
til hausts
Hið umdeilda matvælafrumvarp, sem
byggist á Evrópusambandslöggjöf,
verður líklega ekki að lögum fyrir þing-
frestun en það er enn til meðferðar í
sjávarútvegs- og landbúnaðarnefnd.
Haft var eftir Einari K. Guðfinnssyni
landbúnaðarráðherra í Bændablaðinu
í gær að frumvarpinu yrði frestað til
haustsins.
Bændasamtökin
hafa óskað eftir
þeim fresti til að
fara yfir álitaefni
og boðið er að
stjórnarand-
staðan myndi
leggjast harðlega
gegn því að frum-
varpið yrði að lög-
um nú á loka-
sprettinum, sem gæti sett
þingfrestunaráform í uppnám. Einar
vildi í gærkvöldi ekki staðfesta frétt
Bændablaðsins.
Hún og hún
Prestar og aðrir trúarleiðtogar munu
brátt geta gefið saman samkyn-
hneigða kjósi þeir svo en þeim ber þó
ekki til þess skylda. Allsherjarnefnd
afgreiddi frumvarp forsætisráðherra
um þetta í gær en að sögn Birgis Ár-
mannssonar, formanns nefndarinnar,
er samstaða um að stíga það skref
sem gert er ráð fyrir í frumvarpinu.
Hins vegar hafi sumir nefndarmenn
viljað ganga enn lengra og skrifi því
undir álitið með fyrirvara.
Dagskrá þingsins
Þingfundur hefst kl. 10 í dag en þá
ætla Helgi Hjörvar og Björn Bjarna-
son að ræða símahleranir utan dag-
skrár.
Birgir
Ármannsson
Eftir Höllu Gunnarsdóttur
halla@mbl.is
ERFIÐLEIKAR sem hafa steðjað
að þjóðinni á liðnum vetri munu
víkja til hliðar fyrir betri tíð áður en
langt um líður. Þetta sagði Geir H.
Haarde, forsætisráðherra, í eldhús-
dagsumræðum á Alþingi í gær en
efnahagsmál voru fyrirferðarmikil í
umræðunum. „Íslenska þjóðin hefur
áður staðið frammi fyrir ytri áföllum
og jafnan staðið þau af sér. Það
munum við einnig gera núna,“ sagði
Geir en í máli hans kom fram að
óhjákvæmilega mundi hægja á hjól-
um íslensks efnahagslífs á næstunni.
„Markmið ríkisstjórnarinnar er að
leita leiða til þess að sú efnahags-
lega aðlögun, sem nú er hafin gerist
án þess að samdráttur verði veru-
legur og samhliða tryggja sem best
atvinnu í landinu,“ sagði Geir og
áréttaði mikilvægi samstilltra að-
gerða.
Stjórnvöld í afneitun
Eins og við er að búast voru lýs-
ingar stjórnarandstæðinga öllu
svartari en stjórnarliða. Ögmundur
Jónasson, þingmaður Vinstri
grænna, sagði ríkisstjórnina sveitta
við að passa upp á gullrassinn á auð-
mannastéttinni og að bæði stjórn-
völd og efnafólk væri í afneitun.
Verkalýðshreyfingunni væri ætlað
að ganga á undan með góðu fordæmi
í átt að þjóðarsátt en að ekkert ból-
aði á þátttöku yfirstéttarinnar.
„Ráðherrar ríghalda í forréttindi sín
og auðmennirnir hafa meiri áhyggj-
ur af sportbílunum og þotunum en
samborgurum sínum í þjóðfélaginu.“
Guðjón Arnar Kristjánsson, for-
maður Frjálslynda flokksins, átaldi
stjórnvöld líka fyrir að hafa ekki
brugðist við aðvörunum um að blik-
ur væru á lofti í efnahagslífinu.
„Sjaldan hefur þjóðin horft upp á
jafn ósamstiga stjórn. Þau eru þegar
orðin fjölmörg málin sem stjórnar-
flokkarnir eru ekki sammála um, og
málum fjölgar. Spyrja má hversu
lengi ríkisstjórnin þoli innbyrðis
ósætti á erfiðum tímum, þegar þjóð-
in þarf á styrkri stjórn að halda,“
sagði Guðjón en Össur Skarphéð-
insson, iðnaðarráðherra, sagði
stjórnarsamstarfið hins vegar hafa
gengið vonum framar og að forystu-
menn ríkisstjórnarinnar hefðu sýnt
styrk í efnahagserfiðleikunum.
Bráðlega kemur betri tíð
Passa upp á gull-
rass auðmanna,
segir Ögmundur
Morgunblaðið/Árni Sæberg
Eldhúsdagur Eldhúsdagsumræður fóru fram á Alþingi í gærkvöld og þingfrestun er áætluð á morgun.
SAMSTAÐA er um frumvarp um
lántöku ríkissjóðs en samkvæmt því
getur fjármálaráðherra, fyrir hönd
ríkisstjórnarinnar, tekið lán fyrir
allt að 500 milljörðum króna á
þessu ári. Árni M. Mathiesen fjár-
málaráðherra mælti fyrir frumvarp-
inu í gær og sagði ekki liggja fyrir
hvenær lán yrði tekið eða hversu
mikið yrði tekið í innlendri mynt
annars vegar og erlendri mynt hins
vegar.
Stjórnarandstöðuflokkarnir voru
almennt jákvæðir hvað frumvarpið
varðar en átöldu stjórnvöld þó fyrir
hagstjórnarmistök og seinagang í
viðbrögðum við efnahagsvandanum.
Steingrímur J. Sigfússon, for-
maður Vinstri grænna, sagði mis-
tökin í hagstjórn nú vera að koma
ríkisstjórninni í koll en að þessi
mikla lántaka væri „herkostnaður-
inn af stóriðju-, skattalækkunar- og
útrásarveisluhöldum undanfarinna
ára“. Dýrt væri að borga fyrir
hagstjórnarmistök stjórnvalda og
reikingurinn færi til skuldsettra
heimila, fjölskyldna og hins al-
menna atvinnulífs.
Valgerður Sverrisdóttir, þing-
maður Framsóknarflokks, sagði
frumvarpið vera jákvætt skref þó
að óneitanlega hefði verið betra að
farið hefði verið fyrr í aðgerðir sem
þessar. „Mikil verðbólga og frost á
húsnæðismarkaði hefur alvarlegar
afleiðingar fyrir kjör fólksins í
landi. Það er því ljóst að ríkis-
stjórnin verður að taka á málum
með ábyrgum hætti,“ sagði Val-
gerður og Guðjón Arnar Kristjáns-
son, formaður Frjálslyndra, árétt-
aði að varað hefði verið við því
efnahagsástandi sem nú er þegar
ljóst var í hvað stefndi en að rík-
isstjórnin hefði ekki tekið við sér.
Samstaða um lántöku
Herkostnaðurinn af stóriðju-, skattalækkunar- og útrás-
arveisluhöldum undanfarinna ára, segir Steingrímur J.
Morgunblaðið/Brynjar Gauti
Allir með Stjórnarandstaðan átelur
stjórnvöld fyrir seinagang en styður
lántökufrumvarpið.
ÞETTA HELST …
ÍSLENDINGUM mun fjölga um 24 í
þegar Alþingi samþykkir frumvarp
um veitingu ríkisborgararéttar. Í
hópnum eru einstaklingar frá 27
löndum frá 10 ára aldri upp til átt-
ræðs. Ekki er þó einvörðungu um
fólk frá framandi löndum að ræða
enda fjórir úr hópnum fæddir á Ís-
landi. Ástæðan fyrir því er líkast til
sú að eitt sinn var óleyfilegt að vera
með tvöfaldan ríkisborgararétt og
þeir sem áttu tvö heimalönd neydd-
ust til að velja annað.
Fleiri fulltrúar flokka
Utanríkismálanefnd hefur lokið
umfjöllun sinni um frumvarp um
þróunarsamvinnu, en talsvert hefur
verið deilt um skipan nýs samstarfs-
ráðs um alþjóðlega þróunarsam-
vinnu. Stjórn Þróunarsam-
vinnustofnunar verður lögð af en af
15 nefndarmönnum í nýja ráðinu
átti Alþingi að kjósa fimm. Samstaða
náðist um það í utanríkismálanefnd
að fjölga þeim í sjö og að láta þann
hóp gegna veigameira hlutverki en
frumvarpið gerir ráð fyrir.
24 nýir
MAGNÚS Þór Hafsteinsson, fyrrverandi formað-
ur félagsmálaráðs Akraness, var alfarið á móti því
að Akranes tæki á móti flóttafólki í sumar, þegar
hugsanlega móttöku flóttamanna bar fyrst á góma
í byrjun apríl.
Í nýjasta blaði Heimaskaga, málgagni Frjáls-
lynda flokksins á Akranesi, er meðal annars grein-
argerð Magnúsar Þórs til meirihluta bæjarstjórn-
ar Akraness 8. maí vegna hugsanlegrar komu
flóttafólks frá Írak til Akraness. Þar segir hann
meðal annars að málið hafi ekki verið rætt í nefnd-
um bæjarins og kemst að þeirri niðurstöðu að
„miðað við skamman aðdraganda, lítið svigrúm til
undirbúnings, mikla óvissu í málinu og þær horfur
sem nú eru í bæjarfélaginu þá tel ég alls ekki tíma-
bært að Akranesbær fallist á að taka á móti flótta-
fólki að svo stöddu. Sem formaður félagsmálaráðs
treysti ég mér ekki til að mæla með þessu.“
Kemur ekki til greina
Í tölvupósti til ráðamanna 6. apríl segir Magnús
Þór að í gögnum til bæjarfulltrúa 4. apríl sé m.a.
minnisblað um hugsanlega móttöku flóttamanna í
haust en engin formleg beiðni
hafi borist Akranesbæ um mál-
ið. Ekki sé ástæða til að taka
málið inn í bæjarstjórn að svo
stöddu því það færi „andstæð-
ingum okkar vopn í hendur til að
berja á okkur.“
Hann segist ekki ætla að beita
sér fyrir því að félagsmálaráð
bæjarins sendi eitthvað frá sér
um málið þó hægt sé að leggja
minnisblaðið fram til kynningar í ráðinu. „Annars
er afstaða mín í málinu alveg skýr. Ég tel að þetta
komi alls ekki til greina. Hér er verið að tala um 60
manns á tveim árum, inn í bæjarfélag þar sem fé-
lagsþjónustan er þegar spennt til hins ýtrasta.“
Hann segir að gríðarleg fjölgun hafi orðið á út-
lendingum á Akranesi undanfarin misseri og nú
séu þeir um 500 manns. „Að ætla síðan að láta sér
detta í hug að bæta við 60 manns sem koma úr
flóttamannabúðum og hafa upplifað ýmislegt (tal-
að hefur verið um fólk frá Palestínu), fólk sem þarf
að vera í gjörgæslu félagsmálayfirvalda um
ókomna framtíð – er svo galið að ég á vart orð yfir
vitleysuna. Þetta þýddi þá að um tíu prósent bæj-
arbúa væru útlendingar og þar af væru tíu prósent
útlendingan(n)a flóttafólk... Það má færa sterk
rök fyrir því að þetta flóttafólk muni ekki hverfa
héðan nema að takmörkuðu leyti þar sem við erum
svo nálægt Reykjavíkursvæðinu. Ríkið greiðir í
raun bara kostnað við móttöku og svo er þetta
meira eða minna á okkar herðum.“
Nóg með okkur
Og Magnús Þór endar mál sitt á eftirfarandi
hátt: „Það er frumskylda okkar sem sveitarfélags
að sinna okkar íbú(u)m og þessi skylda er bundin í
lög. Ég ætla ekki að horfa framan í það fólk með
niðurskurðarhnífinn á lofti um leið og ég flyt inn í
bæinn tæplega hundrað flóttamenn með hinni
hendinni. Kemur bara ekki til mála. Ef bærinn vill
hjálpa flóttafólki þá er miklu nær að styðja samtök
eins og kirkjuna eða Rauða krossinn til hjálpar-
starfa í flóttamannabúðum í staðinn fyrir að flytja
vandamálin hingað. Við höfum nóg með okkur
sjálf hér heima.“
„Við höfum nóg með okkur sjálf“
Magnús Þór
Hafsteinsson
KONUR í Frjálslynda flokknum
skora á Ólaf Ragnar Grímsson, for-
seta Íslands að neita að undirrita
lagafrumvarp um breytingu á lög-
um um tekjuskatt þar sem meiri-
hluti Alþingis gaf eftir skatta vegna
söluhagnaðar lögaðila með aftur-
virkum hætti.
„Með því að neita að staðfesta
lögin gefst þjóðinni tækifæri til að
kjósa um frambúðargildi laganna.
Lagabreytingin brýtur í bága við
almennu jafnræðisregluna í stjórn-
arskrá lýðveldisins þar sem felldir
eru niður skattar fyrir ákveðinn
hóp auðmanna en slík niðurfelling
er fordæmislaus í sögu íslensku
þjóðarinnar. Forsetinn hefur áður
neitað að staðfesta meirihlutavilja
þingsins og svarið eið að virða
stjórnarskrá lýðveldisins,“ segir í
ályktun frá konum í Frjálslynda
flokknum.
Forseti undir-
riti ekki lögin
FRÉTTIR