Morgunblaðið - 28.05.2008, Blaðsíða 43
MORGUNBLAÐIÐ MIÐVIKUDAGUR 28. MAÍ 2008 43
BOB Dylan er einhver áhrifamesti
listamaður 20. aldarinnar og enn í
dag er hann fremstur meðal jafn-
ingja í þungavigtarkveðskap, auk
þess að vera prýðilegur lagasmið-
ur. Ef meiningin væri að dæma
hér ævistarf mannsins dygði fimm
stjörnu kerfi blaðsins skammt og
væru 15 stjörnur þá fráleitt oflof
á einstakan feril til 45 ára.
Tónleikar Dylans og hljóm-
sveitar, síðastliðið mánudags-
kvöld, fóru heldur skrykkjótt af
stað. Hljómur var afleitur í byrj-
un og opnunarlagið, „Stuck Inside
Of Mobile With The Memphis
Blues Again,“ gaf ekki góð fyr-
irheit um framhaldið. Kjánahroll-
ur varð svo mögulegri gæsahúð
yfirsterkari þegar Dylan nánast
frussaði út úr sér gömlu flökk-
ustemmunni „Don‘t Think Twice,
It‘s All Right.“ Eftir þetta tók
hljómur heldur að batna og meist-
arinn sjálfur að mýkjast upp. Þá
fór harla fín hljómsveitin smám
saman að hitna, fyrst í „The
Levee‘s Gonna Break“ og áfram í
snilldarsmíðinni „Tryin‘ To Get
To Heaven,“ af bestu Dylan-plötu
síðustu 30 ára eða svo, Time Out
Of Mind.
Á efnisskránni voru í öndvegi
lög af síðustu plötu Dylans, Mod-
ern Times.
Þau eru enda flest hver fyrirtak
og flutningurinn á þeim var und-
antekningalítið með ágætum þetta
kvöld. Einkum var dýnamíkin
magnþrungin í ballöðunni frábæru
„Nettie Moore.“ Á „Workingman‘s
Blues #2“ var sömuleiðis unun að
hlýða. Á milli nýlegra smíða skaut
Dylan annað veifið inn gömlum
perlum sem flestar yljuðu um
hjartarætur. Þannig var „It‘s All
Right, Ma (I‘m only bleeding)“
hrynheitt með afbrigðum og rokk-
að, rétt eins og rytmablúshundur-
inn „Highway 61“. Þá var upp-
klappslagið „Blowin‘ In The
Wind“ í nýstárlegri og bráð-
skemmtilegri útsetningu. Því mið-
ur er ekki hægt að segja það
sama um annars hinn ágæta slag-
ara „I‘ll Be Your Baby Tonight“.
Hápunktur tónleikanna var tví-
mælalaust söngurinn um hinn ut-
angátta herra Jones, „Ballad Of A
Thin Man“, af höfuðverkinu
Highway 61 Revisited. Þar léku
menn við hvern sinn fingur og
Dylan sjálfur blés hreint dásam-
legt munnhörpusóló, þar sem
dæmalaust músíkalitetið skein í
gegn.
Í hörpuna blés hann annað veif-
ið þetta kvöld og ævinlega er eitt-
hvað mjög svo krúttlegt við
brussulegan blásturinn, þar sem
tónarnir eru sjaldnast einangr-
aðir. Dylan býr yfir takmarkaðri
blásturstækni, en bætir það upp
með innlifun og næmi. Á tónleik-
unum lék hann jafnframt á hljóm-
borð með óskýrum orgelhljómi,
auk þess að syngja … ja, ekki
kannski beinlínis eins og engill.
Hljómsveitina skipuðu val-
inkunnir kappar úr tónlistarsög-
unni. Þeir fóru allir á kostum,
þótt sólógítarleikarinn Denny
Freeman hafi jafnan stolið sen-
unni með frábærum lykkjum og
línum. Stuart Kimball sló rytma-
gítarinn af öryggi og bassaleik-
arinn Tony Garnier plokkaði
strengina samviskusamlega eftir
bassatrommunni, eins og með-
virkur hrynbróðir. Ofvirki helm-
ingur hrynparsins og eigandi
bassatrommunnar var svo
trommuleikarinn George Recile.
Hann spilaði lipurlega og vel, en á
stundum of mikið. Einkum þótti
mér óviðeigandi er hann reyndi
við ýmis taktbrigði inni í einföld-
um rytmablússlögurum. Þær æf-
ingar voru á stundum fráleitar á
að hlýða.
Hann ætti annars að hafa lært
á löngum ferli að minna er oftast
nær meira. Donnie Herron lék svo
á fetilgítar, fiðlu, banjó og man-
dólín. Þar er frábær tónlistar-
maður á ferð, sem gaf hljóðmynd-
inni aðlaðandi og nauðsynleg
litbrigði af fágætu næmi.
Tónleikar Bobs Dylans í
Laugardalshöll jafnast sjálfsagt
ekki á við það besta sem meist-
arinn hefur gert í tónlist um dag-
ana. Engu að síður innihélt dag-
skráin nokkur snilldarverk úr
dægurlagasögu 20. aldarinnar og
að þessu sinni var það höfundur-
inn sjálfur sem flutti. Það eru for-
réttindi að verða vitni að slíku í
íslensku „hljómleikahúsi“.
Dágóður Dylan
TÓNLIST
Laugardalshöll
Bob Dylan, ásamt hljómsveit.
Laugardalshöll, 26. maí 2008.
Bob Dylan, ásamt hljómsveit bbbbn
Orri Harðarson
FJALLAKLIFUR er glæfraleg
íþrótt og erfið á alla lund. Fjöll og
tindar sem virðast svo fallegir og
einfaldir viðureignar á póstkortum
og úr fjarlægð, breytast í hatrömm
átök við óárennilegar fjallshlíðar
og illkleyf, svimandi klettabelti er
á hólminn er komið. Þegar súrefn-
isskortur bætist við, eins og raunin
er hvað snertir viðfangsefnið í
nýju myndinni hans Ingvars A.
Þórissonar, er eins gott að vera vel
undirbúinn og dugar ekkert minna
en að vera líkamlega þrautþjálf-
aður.
Eins og nafnið bendir til er
stefnan sett á Ama Dablam, hrika-
legan, snævi þakinn bergrisa með
standbjörgum, skriðjöklum, lífs-
hættulegum snjóhengjum og
hvössum fjallseggjum – hefur sem
sagt upp á flest það að bjóða sem
ögrar vönum háfjallamanni. Ama
Dablam slagar hátt í 7.000 metra
hæð í Himalayafjöllum og lýsir
myndin ferð sem þeir Ingvar og
Viðar Helgason, sem báðir eru í
Íslenska Alpaklúbbnum, héldu í
haust til fjallaríkisins Nepals. Þar
er komið við í höfuðborginni Kat-
mandu, örlítið rýnt í framandi
mannlífið áður en lagt er til atlögu
við fjallið. Þar bætist frægur
fjallamaður í hópinn, sem er eng-
inn annar en Simon Yates, „mað-
urinn með hnífinn“, eins og hann
hefur verið kallaður eftir örlaga-
ríka fjallgöngu á Sula Grande í
Andesfjöllunum árið 1985 og
hrikalegar eftirhreytur hennar
sem gerð var um hin firnagóða,
sviðsetta heimildarmynd, Touching
the Void.
Ingvar er af augljósum ástæðum
með takmarkaðan útbúnað til kvik-
myndagerðar, en hann skrásetur
ævintýrið af natni og áhorfendur
fá innsýn í líf háfjallamanna og
hvernig leiðangrar eru skipulagðir
og áætluðu markmiði náð. Hver
hlutur verður að vera á sínum stað
og mannskapurinn þarf að stand-
ast karlmennskuprófið.
Til aðstoðar er hópur Sherpa,
þessir harðgeru og heittrúuðu
fjallabúar eru undantekningarlítið
leiðsögu- og burðarmenn í leið-
öngrum á tindana á „Þaki jarðar“,
eins og Himalayafjöll eru kölluð.
Síðast en ekki síst þarf veðrið að
vera viðráðanlegt.
Félagarnir halda á fjallið í
skugga stórslyss sem varð af völd-
um snjóflóðs á Ama Dablam árinu
áður. Ferð þeirra gengur giftu-
samlega, létt er yfir mannskapnum
og beinskeytt, einföld frásögnin og
þáttur Simons á vafalaust eftir að
vekja á henni athygli víða um lönd.
Tökumaðurinn fangar á köflum
fjarska vel tignarlegan fjallageim-
inn þar sem hættur leynast á báð-
ar hendur og smekkleg og vel við-
eigandi tónlist þessa fjarlæga
heimshorns er löguð að myndinni
af Eberg og Barða Jóhannssyni.
Á þaki heimsins „Tökumaðurinn fangar á köflum fjarska vel tignarlegan fjallageiminn þar sem hættur leynast á
báðar hendur […],“ segir m.a. í gagnrýni um nýja mynd eftir Ingvar A. Þórisson.
Fjarlægðin gerir fjöllin smá
KVIKMYND
Háskólabíó
Íslensk heimildarmynd. Leikstjóri: Ingvar
A Þórisson. Myndataka: Ingvar A Þór-
isson, Pedawa Pasang Dawa. Tónlist:
Eberg, Barði Jóhannsson. Handrit: Jón
Þórisson. M.a koma fram: Ingvar A. Þór-
isson, Viðar Helgason og Simon Yates.
70 mín. Ísland 2008.
Ama Dablam. Beyond the Void.
bbbnn
Sæbjörn Valdimarsson
14. júní frá aðeins kr. 39.990
Heimsferðir bjóða einstök tilboð til Rhodos 14. júní. Frábært stökktu tilboð í 1 eða 3
vikur, þar sem þú bókar flugsæti og færð að vita gististaðinn 4 dögum fyrir brottför.
Getum einnig boðið nokkrar íbúðir á hinu vinsæla Forum hóteli (með hálfu fæði) á
ótrúlegu sértilboði í 1 eða 3 vikur. Gríptu þetta einstaka tækifæri til að komast til
Rhodos á hreint ótrúlegum kjörum og njóttu lífsins á eyju sólarinnar í sumarleyfinu.
Skógarhlíð 18 • sími 595 1000 • www.heimsferdir.is
Verð kr. 39.990
- Stökktu tilboð
Netverð á mann, m.v. 2 fullorðna og 2
börn, 2-11 ára, í íbúð í viku, stökktu tilboð
14. júní. Tvær aukavikur, samtals kr.
20.000 á mann. Verð miðað við tvo í
herbergi / íbúð kr. 49.990.
Verð kr. 44.990
- Hotel Forum með hálfu fæði
Netverð á mann, m.v. 2 fullorðna og 2
börn, 2-11 ára, í íbúð á Forum í viku með
hálfu fæði, 14. júní. Tvær aukavikur,
samtals kr. 24.000 á mann (hálft fæði
innifalið). Verð miðað við tvo í íbúð kr.
54.990.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
*** Síðustu sætin ***Ótrúlegt sértilboð
Forum íbúðahótelið
- með hálfu fæði Rhodos
Fjöldi brottfara
að seljast upp!
31. maí - 5 sæti laus
07. júní - örfá sæti laus
14. júní - laus sæti
21. júní - örfá sæti laus
05. júlí - örfá sæti laus
19. júlí - örfá sæti laus
26. júlí - örfá sæti laus
02. ágúst - UPPSELT
09. ágúst - örfá sæti laus
16. ágúst - örfá sæti laus
23. ágúst - laus sæti
30. ágúst - UPPSELT
09. sept. - laus sæti
20. sept. - laus sæti