Skírnir - 01.01.1920, Blaðsíða 42
34 £lias Lönnrot og Kalevala. [Skirnir
Elíasar Lönnrots, að hann, sem nýorðinn stúdent með
miklum heiðri, gat látið skrifast í stúdentatölu við há-
skólann í Ábo. Innrituðust þar í sömu vikunni tveir fá-
tækir stúdentar aðrir. Hét annar Jóhann Ludvig Rune-
berg, en hinn Johann Viihelm Snellmann. Er þessa hér
getið fyrir þá sök, að einmitt þessir þrír menn, Lönnrot,
Runeberg og Snellmann áttu að verða þeir menn í sögu
Einnlands, sem mestur ljómi stafar af, svo að nöfn þeirra
munu uppi verða meðan finska þjóðin er við lýði.
Þegar áður en Lönnrot innskrifaðist við háskólann í
Ábo, var vaknaður hjá honum áhugi á finskum þjóðleg-
um fræðum. Hann hafði þá kynst þjóðkvæðum þeim, er
Zachris Topelius hafði gefið út, og ritgerðum von Beckers
í blaði hans »Turun viikko-sanomat« (Ábæjar vikutíðind-
um), þar sem hann hvatti til þess, að þjóðlegum kveðskap
Finna væri meiri gaumur gefinn og ritlingum Juteinis.
Hafði við þetta vaknað hjá honum áhugi á að kynnast
slíkum þjóðlegum fræðum nánar. Sá áhugi efldist mikil-
lega þegar á fyrstu háskólaárum hans í Ábo og hvarf al-
• drei framar úr sálu hans.
Þó sneri Lönnrot sér ekki að þessum þjóðlegu fræð-
um sem námsgrein sinni, er til háskólans kom, enda mun
þar þá enn hafa verið lítið um kenslu í þeirri grein. I
stað þess valdi Lönnrot sér lættnisfræði að námsgrein.
Hefir dvölin í lyfjabúðinni í l'avastehus ef til vill átt
einhvern þátt í því vali, en þó hitt að líkindum enn
meiri, hve einmitl læknar höfðu reynst honum vel í lífi
ihans. Það Jhafði verið lækni að þakka, að hann fékk
lokið skólanámi, og það var læknir, sem tók hann á
heimili sitt, þegar er hann kom til Ábo sem stúdent,
Törngreen prófessor, og reyndist honum hin öruggasta
hjálparhella og styrktarmaður meðan þeir lifðu báðir.
Hér skal nú annars ekki dvalist frekar við háskóla-
ár Lönnrots í Ábo. Veran þar að samvistum við ýmsa
;þá menn, er síðar urðu öðrum fremur merkisberar finsku
þjóðarinnar, varð virkilega til að móta hinn unga náms-
imann. Og dvölin á heimili Törngreens prófessors veitti