Tímarit lögfræðinga - 01.08.1980, Blaðsíða 50
hugsanlegan staS. Hafi borgaryfirvöld tjáð sig fús að leggja til lóð í hinum
fyrirhugaða nýja miðbæ í Reykjavík. Þá hafi Friðjón Þórðarson dómsmála-
ráðherra lýst því yfir, að hann myndi beita sér fyrir því, að í fjárlögum 1981
yrði gert ráð fyrir fjárveitingu til byggingar dómhúss.
Næstur frummælenda var Steingrímur Gautur Kristjánsson borgardómari
og fjallaði um aðbúnað dómstóla. Var erindi Steingríms mjög víðtækt, en
hann ræddi ítarlega um húsnæðismál dómstóla, tæknibúnað til skráningar á
dómþingum og við dómasarr.ningu, um uþplýsingasöfn s.s. bókasöfn og
tölvuupplýsingamiðstöðvar. Að lokum fjallaði Steingrímur um þörf dómstólanna
fyrir sérhæft starfslið til aðstoðar dómurum. Lýsti hann þvi, hvernig þeim
málum væri skipað í nokkrum nágrannalandanna í samanburði við ástandið
hérálandi.
Er hér var komið, gaf stjórnandi Hrafn Bragason orðið frjálst. Tóku þá til
máls Ármann Snævarr, Sigurður Gizurarson sýslumaður, Benedikt Sigurjóns-
son hæstaréttardómari, Sigurður Briem fulltrúi, Allan V. Magnússon fulltrúi,
Garðar Gíslason og Steingrímur Gautur Kristjánsson.
Að loknum hádegisverði flutti Haraldur Henrýsson sakadómari erindi um
starfsþjálfun dómara og hreyfanleika í starfi, en Haraldur var oddviti nefndar,
sem dómsmálaráðherra skipaði s.l. haust til að semja reglur um, með hvaða
hætti unnt sé að skapa lögfræðingum hjá dómstólum og í stjórnsýslu fjöl-
þættari starfsreynslu og koma á meiri hreyfanleika og tilfærslu milli starfa.
Að frumkvæði stjórnar Dómarafélags jslands var ofangreint efni til meðferðar
fyrir tveimur árum í starfshópi á vegum félagsins, og veitti Haraldur honum
forystu. Byggði Haraldur mál sitt á áliti þessa starfshóps og nefndar ráðherra.
Már Pétursson héraðsdómari tók þá til máls um menntun og endurmennt-
un dómara. Vék Már að ákvæðum kjarasamninga um viðhaldsmenntun og
framkvæmd þeirra og lýsti viðhorfum, sem við blasa í þessu efni að gengnum
Kjaradómi 18. apríl s.l. um sérkjarasamning lögfræðinga í ríkisþjónustu og
með tilliti til venju sem skapast hefði. Þá rakti hann, hvernig málum þessum
væri skipað í samningum annarra starfsstétta háskólamanna, sérstaklega
lækna og háskólakennara.
Síðastur frummælenda var Friðgeir Björnsson borgardómari, sem talaði
um skipun í dómaraembætti og skilyrði til að gegna þeim. Friðgeir fjallaði
fyrst um almenn dómaraskilyrði samkvæmt íslenskum lögum og til saman-
burðar hvernig þau eru í Danmörku, Noregi og Svíþjóð. Síðan ræddi hann
um skilyrði til að fá skipun í embætti hæstaréttardómara. Þá vék hann sér-
staklega að skipun í dómaraembætti með tilliti til umræðu inn'an dómara-
stéttarinnar á síðustu árum um það efni. í því sambandi ræddi hann um
frumvarp til laga um breytingu á einkamálalögum, sem lagt var fyrir Alþingi
1976 og fjallaði um veitingu embætta héraðsdómara.
Að loknum framsöguerindum hófust almennar umræður, og tóku þátt í
þeim Sigurður Gizurarson, Garðar Gíslason, Steingrímur Gautur Kristjánsson,
Friðgeir Björnsson, Már Pétursson og Ármann Snævarr, sem að lokum dró
upp glögga yfirlitsmynd af því helsta, sem hann taldi fram hafa komið.
Málþinginu var slitið laust eftir kl. 5. Var mál manna, að vel hefði til tekist.
Þátttakendur voru um 30 talsins, dómarar og dómarafulltrúar víða að af
landinu og auk þess skrifstofustjórinn í dómsmálaráðuneytinu.
Ólafur St. SigurSsson.
112