Tímarit lögfræðinga - 01.09.1982, Síða 30

in voru mörkuð, og á árinu 1963, eða fyrir tæpum 20 árum, komu lög-
menn frá flestum þjóðlöndum heims saman til fundar í Aþenu að
frumkvæði Rhyne, þar sem samtökin „Heimsfriður tryggður með lög-
um“ — Pax Orbis ex Legis — voru stofnuð. Var stofnandinn kosinn
fyrsti forseti samtakanna og hefur verið það samfleytt síðan.
Friðarsamtökin hafa haldið alþjóðaráðstefnur á tveggja ára fresti
víðs vegar um heim og nú síðast í Sao Paulo, sem fyrr segir. Hafa
íslenskir lögfræðingar sótt alla þessa fundi; við Páll S. Pálsson, fyrir-
svarsmaður samtakanna hér á landi, sóttum fund í Washington 1975,
þá sat ég einn fund samtakanna í Madrid 1979 og fundinn i ár í Sao
Paulo sátum við Páll S. Pálsson hrl. og Sigurður Georgsson hdl.
Sumir íslenskra starfsbræðra minna hafa litið þessi samtök horn-
auga og vilja helst sjá hégómaskap og sýndarmennsku að baki starfi
þeirra og annað ekki. En er ekki lífið gegnsýrt af hvoru tveggja, ekki
hvað síst stjórnmálin? Getur það spillt góðum málstað, þótt slíkar
kenndir kunni að fljóta með göfugum hugsunum? Menn getur greint
á um, hvort samtökunum, heimsfriðarhreyfingu lögfræðinga, hafi orð-
ið ágengt í starfi sínu. Hitt er þó víst, að von er um batnandi tíð og
bjarta framtíð mannkyns, meðan ríkjandi er það hugarfar, sem mótað
hefur þessi samtök. Barátta þeirra er helguð þeirri hugsjón, að friður
megi haldast með lögum. Fyrir lögfræðinga um allan heim er það og
mikilvægt, að á þingunum kynnast stéttarbræður frá öllum löndum
heims og slík viðkynning getur verið mikilvæg í þá átt að sá frækorn-
um friðar, skilnings og velvilja í öllum heimshornum.
Gunnlaugur Þórðarson lauk lagaprófi við H.í.
1945 og varð doktor við Sorbonne háskólann
1951 fyrir rit sitt „Landhelgi íslands með tilliti
til fiskveiða“. Hann var forsetaritari 1945-1950,
fulltrúi í félagsmálaráðuneytinu 1950-1975, en
hefur eftir það haft málflutning að aðalstarfi.
Hann var hdl. 1951 og hrl. 1962. Gunnlaugur
tók á sínum tíma þátt í starfi Alþýðuflokksins
og sat nokkrum sinnum á Alþingi sem vara-
maður á sjötta áratugnum. Hann var formaður
barnaverndarráðs 1970-72 og hefur átt sæti í
ýmsum nefndum um listamálefni, þ.á.m. safn-
ráði Listasafns íslands. Dr. Gunnlaugur hefur
flutt fjöldamörg útvarpserindi m.a. um lögfræði-
leg efni.
72