Morgunn - 01.07.1974, Qupperneq 73

AÐALBJÖRG SIGURÐARDÓTTIR
71
1900—1902, en lauk síðan kennaraprófi frá Flensborgarskóla
1905. Námsferðir fór hún til Noregs 1910 og til Englands 1921.
Hún stundaði kennslu bæði í Eyjafirði og Hafnarfirði og var
kennari við barnaskóla Akureyrar 1908—1918, er hún giftist.
Hún var formaður skólanefndar barnaskólanna í Reykjavík
1930—1937, Laugamesskóla 1938—42 og 1946—50. Þá var
hún formaður milliþinganefndar er samdi lög um barnavernd
1930 og ferðaðist þá um Norðurlönd til að kynna sér þessi
mál. Einnig var hún í milliþinganefnd er samdi fræðslulög
á árunum 1943—48. Varabæjarfulltrúi í Reykjavík 1930—38.
Hún starfaði mjög að málefnum kvenna og barna, meðal ann-
ars i barnaverndarnefnd, og flutti fjölda erinda í útvarp um
uppeldismál, áfengismál og spiritisma, guðspeki og fleira. Stóð
framarlega í félagsskapnum Stjarnan í austri og þýddi ýmis-
legt eftir Krisnamurti. Ritgerðir eru eftir hana í Morgni,
Ganglera og víðar. Auk þess þýddi hún ýmsar bækur (sjá
Kennaratal).
Eins og af þessu ágripi má sjá, hefur frú Aðalbjörg ekki að-
eins haft víðtækan áhuga fyrir þjóðfélagsmálum og verið á-
hrifakona á þvi sviði, heldur var hefur hún einnig starfað ó-
venju mikið að andlegum efnum. Hún var manni sínum dýr-
mætur félagi þau fáu ár sem hann átti eftir ólifuð, eftir að
þau giftust. Kemur það fram i dagbókum hans, hversu mikils
hann mat hjálp hennar og samfylgd. Tvö voru börn þeirra:
1. Jónas Halldór Haralz, f. 6. október 1919, bankastjóri.
Kona: Guðrún Erna Þorgeirsdóttir frá Húsavík.
2. Bergljót Sigriður, f. 20. sept. 1922, kona Bjarna J. Rafnar,
læknis á Akureyri.
Þessi gáfaða eljukona frú Aðalbjörg Sigurðardóttir, kvaddi
þennan heim snemma á þessu ári. Allir þeir, sem skilja þýð-
lngu spiritismans, munu minnast hennar með virðingu og
þakklæti fyrir mikilvægt starf hennar í hans þágu.