Viðar - 01.01.1939, Síða 15

Viðar]
Kristinn Stefánsson:
Bjarni á Laugarvatni
fimmtugur.
Allir íslendingar, sem komnir eru til vits og ára, hafa
heyrt talaS um Bjarna á Laugarvatni, en svo er Bjarni
Bjarnason skólastjóri ávallt kallaður bæði af kunnugum
og ókunnugum. Þetta tvennt er í hugum manna nátengt
og samtvinnað: Bjarni og Laugarvatn á saman, myndar
eitt heildarhugtak og verður í raun og veru ekki aðgreint.
Vinir og kunningjar Bjarna skilja þetta. Þeir geta ekki
hugsað sér Laugarvatn án Bjarna. Þar er réttur maður á
réttum stað. Og þegar þeir minnast Bjama, hafa þeir ekki
aðeins í huga skólastjóra héraðsskólans og heimilisföður-
inn á hinu fjölmenna skólaheimili, heldur einnig bóndann
og héraðshöfðingjann. En öllum þessum umsvifamiklu
störfum gegnir Bjarni með manndómi og skörungsskap.
Ég sá Bjarna á Laugarvatni í fyrsta skipti sumarið 1930.
Það var á alþingishátíðinni á Þingvöllum, þar sem hann
fór með yfirstjórn lögreglumálanna. Bjarni vakti þá strax
athygli mína og varð mér minnisstæður. Mér kom hann
fyrir sjónir sem vel menntaður lögreglumaður, og ég hugði
hann vera þaulæfðan stjórnara lögreglumanna. Mig furðaði
á því, er mér var sagt, að þetta væri skólstjórinn á Laugar-
vatni. En stjórn Bjarna á vettvangi lögreglunnar á Þing-