Uppeldi og menntun - 01.01.2013, Qupperneq 91

Uppeldi og menntUn/icelandic JoUrnal of edUcation 22(1) 2013 91
Sköpun krefst hugrekkis
inngangUr
Eftirfarandi umfjöllun er um heftið Sköpun í ritröð um grunnþætti menntunar fyrir
leik-, grunn- og framhaldsskóla sem gefið var út af mennta- og menningarmálaráðu-
neytinu og Námsgagnastofnun. Höfundar heftisins eru þau Ingibjörg Jóhannsdóttir,
Elísabet Indra Ragnarsdóttir og Torfi Hjartarson. Samhliða því að rekja lauslega megin-
áherslur heftisins verður reynt að átta sig á kostum þess og göllum og dregnir verða
fram nokkrir þættir sem greinarhöfundum finnst skipta máli. Bent verður á lesefni
tengt skapandi skólastarfi og hugsanlega nálgun í kennslu.
Það er gleðiefni og vekur athygli að hljómgrunnur skuli vera fyrir því að auka vægi
sköpunar í skólastarfi þó að skapandi greinar hafi ekki öðlast sess sem kjarnagreinar.
Rannsóknir sýna að kennarar hafa verið hlynntir skapandi skólastarfi þó það endur-
speglist ekki endilega í starfi þeirra. Þeir starfa þá ekki eftir sinni bestu vitund. Hver
er ástæðan? Hafa kennarar ekki þekkingu á sköpun, eru þeir fastir í gömlu fari eða
hafa þeim ekki verið búnar aðstæður til breytinga? (Þorvaldur Þorsteinsson, 2008).
Er hljómgrunnurinn núna byggður á raunverulegum skilningi og vilja til að breyta?
Ef takast á að innleiða grunnþáttinn sköpun í skólastarf þarf djúpan skilning á
hugtakinu og því hvað felst í skapandi skólastarfi. Nauðsynlegt er að umræður fari
fram í hverjum skóla og fundnar verði leiðir til að vinna með og flétta sköpun eins og
rauðan þráð inn í allt skólastarf. Heftið Sköpun getur nýst mjög vel í þessum tilgangi
og er í raun frábær útgangspunktur til að hefja umræðuna. Textinn er hvetjandi og
innihaldsríkur og getur virkað sem hugvekja og hreyfiafl. Hann getur kveikt hug-
myndir og aukið meðvitund um gagnsemi, mikilvægi og gildi sköpunar. En til þess að
heftið nýtist er nauðsynlegt að það sé lesið, efni þess ígrundað og tækifærin sem það
gefur skoðuð ýtarlega. Það þarf samstöðu til að breyta skóla og nauðsynlegt er að allir
upplifi sig sem gerendur í breytingaferlinu.
bJöRG EIRÍKSDÓTTIR
vERKMENNTASKÓLANUM Á AKUREyRI
RAGNHEIÐUR bJöRK ÞÓRSDÓTTIR
vERKMENNTASKÓLANUM Á AKUREyRI
Uppeldi og menntun
22. árgangur 1. hefti 2013