Læknablaðið - 15.09.2000, Blaðsíða 88
SMÁS JÁI N
Norræn ráðstefna um
fjarlækningar
13.-16. september
2000
■ Þriðja norræna fjarlækninga-
ráðstefnan verður haldin í Kaup-
mannahöfn dagana 13. til 16. sept-
ember næstkomandi. Þema ráð-
stefnunnar er reynsla Norðurlanda
af fjarlækningum og hvert stefnir
nú (the Nordic experience and
beyond).
Ráðstefnan er haldin af
Norræna fjarlækningasamband-
inu með stuðningi Norrænu ráð-
herranefndarinnar og Rigshospi-
talet í Kaupmannahöfn.
Ráðstefnan hefst með mót-
töku á miðvikudeginum 13. sept-
ember en meginefnið er á
fimmtudag, föstudag og laugar-
dag. Seinni part föstudags bjóða
Svíar til sérstakarar dagskrár í
Lundi.
Helstu viðfangsefni ráðstefn-
unnar eru yfirlit um fjarlækn-
ingar á Norðurlöndum, reynslan
af fjarlækningum og mat á þeim
ásamt nýjungum í tækni fyrir fjar-
lækningar. Nánar er sagt frá ráð-
stefnunni á
http://www.telemedicine.dk
r
Norræna læknaráðið fundar
SÍMENNTUN OG RAFRÆN SKRÁNING VORU
meðal þess helsta sem fjallað var um á
fundi Norræna læknaráðsins, sem haldinn
var í Visby á Gotlandi dagana 13.-15. júní
síðastliðinn. Jón G. Snædal og Hannes
Petersen sóttu fundinn af íslands hálfu.
Símenntun var eitt meginþema fund-
arins. Sameiginleg yfirlýsing Norrænu
læknafélaganna um símenntun hefur
verið samþykkt í stjórnum allra félag-
anna. Læknafélögin hafa samkvæmt
henni tekið að sér að vera í forystu á
sviði símenntunar lækna hvert í sínu
landi.
Þá var sagt frá rafrænu skráningar-
formi danskra heimilislækna. Símennt-
unarpunktar lækna eru skráðir í kerfið
og hver læknir getur borið stöðu sína
saman við meðaltöl og frávik heildar-
innar. Tæpur þriðjungur danskra
heimilislækna notar kerfið en þeim fer
heldur fjölgandi. Á fundinum var einnig
sagt frá skráningarkerfi því sem íslenskir
heimilislæknar nota. Reynslan af því er á
margan hátt svipuð reynslu Dana og
notkunin álíka mikil.
Á fundinum kom fram verulegur
áhugi á málefnum er varða íslenska
gagnagrunninn. Þau voru rædd undir
liðnum: „Hvað hefur gerst frá því
síðast?“. Umræður urðu fjörugar og
varð að slíta þeim áður en mælendaskrá
tæmdist.
Á fundinum voru kynntar skýrslur frá
SNAPS, samstarfshópi sem skoðar og
gerir spár um framboð og eftirspurn á
læknum. Önnur fjallaði um horfur á
vinnumarkaði lækna á Norðurlöndum
næstu tvo áratugi en hin um mismunandi
áherslur varðandi sérfræðimenntun.
Auk þess var rætt um framtíðarhlutverk
lækna svo og breytta stöðu lækna gagn-
vart sjúklingum sínum í upplýsingasam-
félagi nútímans. Það verður æ algengara
að sjúklingar afli sér gagna á netinu og
spyrji upplýstra spurninga. Þetta gerir
auknar kröfur til lækna í samskiptahæfni
og viðhaldi menntunar í starfi.
Könnun á tölfræðiþekkingu heilbrigðisstétta
Nýlega voru kynntar niðurstöður
könnunar sem heilbrigðisdeild Háskólans
á Akureyri stóð fyrir sumarið 1998.
Könnunin var gerð samtímis í sex
Evrópulöndum og fjallaði um starfsþjálfun
heilbrigðisstétta í tölfræði. Þáttakendur
voru frá Englandi, írlandi, Finnlandi,
Belgíu og Grikklandi auk íslands.
Verkefnisstjóri á íslandi var Hermann
Óskarsson.
Markmið rannsóknarinnar var kanna
þörf á aukinni tölfræðikunnáttu og
þjálfun meðal heilbrigðisstétta. Leitað
var eftir svörum við því hvers konar
tölfræðikennsla hentaði helst.
Könnunin náði til fagfólks og
stjórnenda á heilbrigðissviði. Ákveðið
var að hafa könnunina allviðamikla hér á
landi. Spurningalistar voru sendir til
tíunda hvers starfandi læknis og
hjúkrunarfræðings og meira en 40 af
hundraði sjúkraþjálfara og iðjuþjálfara.
Allir faglegir stjórnendur þriggja stærstu
heilbrigðisstofnana landsins fengu
sérstakan spurningalista sendan, en þeir
bera ábyrgð á endurmenntun
starfamanna hver hjá sinni stofnun.
Svörun var lítil, einungis 28% meðal
fagstéttanna en 42% stjórnenda svöruðu.
Þrátt fyrir þessa litlu svörun er talið að
svörin gefi nokkuð góða vísbendingu um
afstöðu þessara stétta til starfsþjálfunar í
tölfræði.
Meginniðurstöður könnunarinnar
voru að notkun á tölfræði yrði vaxandi í
framtíðinni. Tölfræðiþekking og tölfræði-
notkun íslenskra heilbrigðisstétta er í
meðallagi miðað við önnur lönd en víðast
hvar telja fagstéttir þekkingu sína frekar
slaka. Mestur áhugi reyndist á stuttum
námskeiðum á vinnustað eða sveigjan-
legu fjarnámi. Athygli vakti að aðgangur
íslenskra heilbrigðisstétta að netinu er
mun almennari en meðaltal þátttöku-
landanna, 94 á móti 66 af hundraði. Spurt
var um netið sérstaklega með notkun
þess til miðlunar fræðslu í tölfræði í huga.
Könnunin var liður í samstarfs-
verkefni sem styrkt er af Leonardo
starfsþj álfunaráætlun Evrópusamband-
sins.
624 Læknablaðid 2000/86