Morgunblaðið - 27.04.1975, Blaðsíða 23

MORGUNBLAÐIÐ, SUNNUDAGUR 27. APRlL 1975
23
Sagt frá stórslysaœfingu
á vegum Almannavarna
í Reykjavík í gœrmorgun
Æfingin hófst klukkan 10.30
með því að hringt var frá Hlíða-
skóla í síma lögreglunnar 11166
og tilkynnt um stórslys. Höfðu
þá 108 skátar með- gervisár,
útataðir tómatsósu í stað blóðs,
komið sér fyrir á lóð skólans.
Fimm minútum síðar kom
hjartabíllinn brunandi inn á
lóðina og í kjölfar hans aðrir
sjúkrabílar og slökkvibílar. Um
svipað leyti komu læknar frá
Slysadeild Borgarspitalans og
hófu þeir skipulega slysagrein-
ingu og veittu skyndihjálp hin-
um „slösuðu". Gáfu þeir fyrir-
skipanir um það, hverjir skyldu
hljóta forgang að sjúkrabílun-
um og hvert flytja skyldi við-
komandi. Flestir voru sendir í
Borgarspitalann, þá Landspítal-
ann og loks Landakotsspítala.
Fjöldi slasaðra á hverjum stað
réðst að miklu leyti af því,
hvers konar meiðsli viðkom-
andi hefði hlotið. Þeir sem
höfóu skaddazt á auga voru t.d.
sendir i Landakot o.s.frv. A
meðan læknar framkvæmdu
skyndihjálp á slysstað breiddu
björgunarmenn teppi yfir hina
slösuðu og hjúkruðu þeim eftir
beztu getu. Klukkan 10,46 var
fyrsti sjúklingurinn kominn i
sjúkrabíl og tveimur minútum
síðar þaut bíllinn af stað með
sírenu og tilheyrandi látum til
slysadeildar Borgarspítalans.
Allar aukavaktir voru kallaðar
út á hverjum stað. Klukkan
10,51 fór næsti sjúkrabíll af
stað af slysstað og siðan koll af
kolli.
Þegar klukkuna vantaði eina
minútu í 11 kom Flugbjörgun-
arsveitin á staðinn með ilt sitt
lið. Enginn, sem þátt tól i æf-
ingunni, átti að vita fyrirfram
hvað til stæði og sögðu við-
staddir björgunarmenn að við-
bragð björgunarsveita væri
mjög gott, þvi að björgunar-
sveitarmenn voru dreifðir um
alla borgina, heima hjá sér og
við vinnu. Rétt rúmlega 11 kom
síðan Hjálparsveit skáta á stað-
inn og skömmu síðar Slysa-
varnadeildin Ingólfur. Var nú
flutningur hinna særðu kominn
í algleyming og tók um það bil
klukkustund að flytja alla hina
særðu,108, í sjúkrahús.
Unnið var eftir fyrirfram
gerðri hópslysaáætlun um kerf-
isbundið björgunar- og hjálpar-
starf. Tilgangur æfingarinnar
var að leita að og finna veika
punkta í áætluninni og þannig
auðvelda allar aðgerðir, ef til
alvörunnar kemur og vera bet-
ur undirbúin til að mæta slíku
fjöldaslysi.
Efst til vinstri er lög-
regluþjónn að stumra yf-
ir slösuðum. Efst til
hægri eru tveir hörku
góðir leikarar, sem bfða
flutnings f sjúkrahús.
Neðst til hægri eru
sjúkraflutningamenn
slökkviliðsins að stumra
yfir slösuðum og neðst til
hægri eru slysavarna-
deildarmenn úr Ingólfi
að bera sjúkling inn í
slysadeild Borgarspítal-
ans. — Ljósmyndir
Ó1.K.M.
„Sjúklingarair og hinir
látnu brugðust vel við”
Fréttamenn Morgunblaðsins
voru á staðnum. Það má ef til
vill segja að þeim hafi fundizt
sem örlítil deyfð væri yfir
fyrstu viðbrögðum og eflaust
hefði björgunarstarf gengið
hraðar fyrir sig, ef um hefði
verið að ræða stórslasað fólk og
deyjandi. Hins vegar verður aó
segjast i hópi hinna „slösuðu"
voru æði mörg góð leikaraefni,
sem grétu og hrinu hástöfum.
Gervisáraútbúnaður og förðun
var og æði eðlileg og ekki er
grunlaust um að einhverjum
hinna slösuðu hafi orðið eilítið
kalt að liggja á svalri jörðinni á
meðan beðið var aðstoðar.
Sjúkrahúsin, sem þátt tóku í
æfingunni, voru öll sett á
annan endann. 1 Borgarspítal-
anann voru fluttir 49 slasaðir
og 8 „lik“ og í Landspítalann
voru fluttir 38 slasaðir og ein-
hverjir, sem þangað komu,
munu hafa „látizt“. 1 Landa-
kotsspítala voru fluttir 12
Slasaðir athugaðir
á slysstað.
Læknir og hjúkrunarfólk Borgarspítalans kanna
meiðsli eins hinna slösuðu, sem þangað var fluttur.
manns. Morgunblaðsmenn
hittu yfirmenn æfingarinnar i
Landspitaianum eftir að allir
voru komnir í sjúkrahús, þá
Sigurjón Sigurðsson, lögreglu-
stjóra, Rúnar Bjarnason,
slökkviliðsstjóra, og Olaf Ólafs-
son, landlækni. Þeim bar öllum
saman að vel hafi gengið að
flytja slasaða af slysstað og
hraðar en áætlunin hafði gert
ráð fyrir. Að öðru leyti sögðu
þeir að eftir væri að vinna úr
upplýsingum og finna atriði,
sem betur hefði mátt fara. Á
spítölunum voru gerðar þegar
kannanir á þvi, hve unnt hefði
verið að rýma mörg rúm þar og
á Landspítalanum einum hefði
mátt hýsa um 80 slasaða.
Annars sagði Ölafur Ólaf.sson
landlæknir að lokinni æfing-
unni, að í fljótu bragði hefði
hún virzt ganga vel. Hjálpar-
sveitirnar hefðu brugðizt vel
vió, svo og sjúklingarnir og hin-
ir látnu.
Þá má geta þess að
rannsóknarlögreglan í Reykja-
vik tók ekki þátt I þessari
æfingu og vissi ekkert um
málið, fyrr en hún heyrði um
það í útvarpi. Raunar má vart
búast við að slíkt gerðist í raun-
verulegu stórslysi.
ALMANNAVARNARNEFND Reykjavikur gekkst í
gærmorgun fyrir hópslysaæfingu með aðstoð Al-
mannavarla ríkisins, landlæknis og sjúkrahúsanna i
Reykjavík. Sett var á svið stórslys á lóð Hlíðaskólans í
Reykjavík, en tilgangurinn var að kanna viðbrögð,
aðgerðir og samhæfingu margra aðila við björgun og
flutning slasaðra. Þátt í æfingunni tóku skátar, sem
léku hina slösuðu, lögregla og sjúkraflutningamenn
slökkviliðsins, Flugbjörgunarsveitin, Hjálparsveit
skáta og Slysavarnadeildin Ingólfur.