Morgunblaðið - 13.04.1978, Qupperneq 20

20
MORGUNBLAÐIÐ, FIMMTUDAGUR 13. APRÍL 1978
Stefán Jónsson, bæjarfulltrúi:
Prófkjör sjálfstæðis-
manna í Haf narf irði og
f ramtíð bæ jarf élagsins
Sjálfstæðismenn í Hafnarfirði
efna þessa dagana (fimmtudag —
föstudag og laugardag) til „próf-
kjörs“ til undirbúnings framboði
flokksins við væntanlegar bæjar-
stjórnarkosningar. Þar sem úrslit
prófkjörs eru afgerandi um skipan
framboðslista flokksins, má öllum
vera ljós nauðsyn þess að sem
allra flestir taki þátt í prófkjörinu,
hafi þannig áhrif á skipan listans
og fylgi síðan fast eftir á kjördegi
til framgangs sjálfstæðismönnum
í kosningunum til áframhaldandi
uppbyggingar í bænum.
Mikilvægi
bæjarstjórnar-
kosninganna.
Telja má að bæjarstjórnarkosn-
ingar að þessu sinni séu einkar
mikilvægar. Unnið hefur verið að
mikilli framkvæmdaáætlun á
undanförnum árum af hálfu
bæjarstjórnar og mikils er um
vert að sjálfstæðismenn fái áfram
aðstöðu til þess, á komandi árum,
að leiða framhald þess upp-
byggingarstarfs sem þeir hafa
beitt sér fyrir á liðnum árum til
framfara og hagsbóta bæjarbúum.
Gegn 4 flokka
stjórninni
Naumast gerist þess þörf að
benda bæjarbúum á nauðsyn
áframhaldandi forystu sjálf-
stæðismanna í þessum efnum, né
á hitt hve alvarlegar afleiðingar
kynnu af að hljótast ef svo skyldi
fara að allir andstöðuflokkar
sjálfstæðismanna í bæjarstjórn,
þ.e. 4 flokkar, mynduðu
meirihlutasamstarf um stjórn
bæjarmálanna að kosningum lokn-
um. Slíkt hlyti að leiða til algers
stjórnleysis og væri þá alvarleg
hætta á því að þeir möguleikar til
áframhaldandi framfara, sem nú
blasa við, myndu glatast og
bæjarfélagið liði fyrir það um
ófyrirsjáanlega framtíð.
Horft um öxl
Þá Hafnfirðinga, sem eins og ég
muna stjórn Alþýðuflokksins og
síðar samstjórn Alþýðuflokks og
kommúnista á tímabilinu fram til
ársins 1962, þarf naumast að
brýna til þess að þeir geri allt sem
verða má til þess að forða bænum
frá endurtekningu þeirra stjórnar-
hátta, sem þá ríktu í Hafnarfirði.
Pólitískt misrétti borgaranna,
kyrrstaða í öllum framförum í
bænum og stöðnun í vexti bæjar-
ins voru meigineinkenni þess
tímabils. Þeim er einnig full ljós
sú meiginbreyting sem varð á
stjórnarstefnu og stjórnunarhátt-
um bæjarstjórnar með tilkomu
sjálfstæðismanna að yfirstjórn
bæjarmálanna 1962.
Sú stefnubreyting, sem varð
1962 leiddi þegar í stað til nýrra
tíma framfara, uppbyggingar og
vaxtar bæjarfélagsins og hefir
síðan verið grundvöllur undir
stórfelldum framförum og fram-
kvæmdum í bænum bæjarbúum til
hagsbóta.
Mun sú stefna, sem þegar er
mörkuð, tryggja framhald þeirrar
uppbyggingar undir forystu sjálf-
stæðismanna fái þeir aðstöðu til
þess að móta starfið í framtíðinni.
Vert er að bæjarbúar geri sér
grein fyrir því, að hinar stórfelldu
framkvæmdir í gatnakerfi bæjar-
ins, sém voru grundvöllur þess að
hitaveita yrði lögð í bæinn, og
aðrar framkvæmdir í gatnamál-
um, skólamálum o.fl., sem núver-
andi meirihluti hefir einbeitt sér
að, hefir vissulega orðið nokkuð á
kostnað fjárframlaga til ýmissa
annarra málaflokka, sem vissulega
eru einnig þýðingarmiklir, og
verður að sinna þeim málaflokkum
því betur þegar mesta átakinu er
lokið í fyrrgreindum málum.
Tryggjum iarsæla
framtíð
Hafnarfjarðar
Þá nýja borgara, sem vaxið hafa
upp í bænum eða flust hafa til
bæjarins á liðnum uppbyggingar-
árum og sem verið hafa virkir
þátttakendur í vexti og viðgangi
bæjarfélagsins, vil ég eindregið
hvetja til þess að kynna sér sögu
bæjarins á liðnum tímum og á
grundvelli þeirra staðreynda, sem
fyrir hendi eru, að fylkja sér
ásamt okkur hinum eldri að árum
og búsetu í bænum til öflugrar
þátttöku í prófkjöri því sem yfir
stendur. Síðan munum við öll í
sameiningu vinna að framgangi
sjálfstæðismanna í komandi
bæjarstjórnarkosningum.
Með því getum við forðað
bæjarfélaginu frá 4 flokka óstjórn
en þess í stað tryggt áframhald-
andi framfarir undir forystu
sjálfstæðismanna. Þeir munu hér
eftir sem hingað til tryggja bezt
ábyrga forystu í stjórn sameigin-
legra mála bæjarbúa, jafnrétti
þeirra og aðstöðu til framfara og
framkvæmda, hverjum á sínu sviði
athafna- og félagslegrar uppbygg-
ingar.
Stöndum sameiginlega vörð um
farsæla framtíð bæjarfélagsins á
grundvelli fenginnar reynslu.
Tryggjum áfram forystu sjálf-
stæðismanna í bæjarmálum
Hafnarfjarðar.
Fjölmennum í prófkjörið!
Litla-Grund:
Fyrst og fremst auk-
in og bætt þjónusta
- segir Gísli Sigurbjörnsson
Gísli Sigurbjörnsson forstjóri Elli- og hjúkrunarheimilisins
Grundar.
IIAFINN er undirbúningur að
því að reisa nýja byggingu á
vegum Elli- og hjúkrunar-
heimilisins Grundar í Reykja-
vík, en byggingin á að rísa á
lóð við Brávallagötu. Er hér
um að ræða 3 hæða hús ásamt
kjallara. að grunnfleti 360
fermetrar. Bygging þessi á að
rísa á næstu lóð við Minni-
Grund, sem er á horni
Brávallagötu og Blómvalia-
götu, en lóðum hefur verið
breytt á þann veg að nú telst
þetta vera ein lóð, nr. 50 við
Ilringbraut.
Gísli Sigurbjörnsson lýsti
húsinu í samtali við Mbl. og
hvers konar starfsemi því er
ætlað að hýsa:
— Húsið er þrjár hæðir og
kjallari, en ekki er búið að
ganga frá endanlegri teikningu
ennþá. í kjalllara er ráðgert að
hafa föndurherbergi, aðstöðu til
hársnyrtingar, hand- og fót-
snyrtingar og góða baðaðstöðu,
en við ætlum að bjóða öldruðu
fólki hér í Vesturbænum að
notfæra sér hér baðaðstöðu,
gamla fólkið treystir sér oft
ekki til að baða sig heima við,
en hér getur það hjálpað hvert
öðru. Þetta yrði ellihjálp — og
ellihjálp þýðir einmitt það að
aldraða fólkið hjálpi sér sjálft
og hjálpi hvert öðru. Með
handavinnu- og fönduraðstöð-
unni viljum við einnig gefa
fleirum en okkar vistfólki kost
á að koma hingað dagsstund
þannig að hér verður að vissu
leyti bætt þjónusta við aðra en
eingöngu vistmenn.
A fyrstu hæðinni sagði Gísli
að yrðu annars vegar íbúðir
fyrir gesti, bæði gesti sem kæmu
langt að til að heimsækja
vistmenn, svo og gesti, sem
koma á vegnm Grundar, en hins
vegar yrði á hæðinni aðstaða
fyrir bókaútgáfuna, en meðal
þess sem gefið hefur verið út á
undanförnum árum er Saga
dagsins eftir sr. Jón Kr. ísfeld
og s.l. 12 ár bók um hver jól. Þá
verður líka fundarherbergi og
sagðist Gísli með því vilja bjóða
hinum ýmsu félögum, sem
starfa að líknarmálum, aðstöðu
til funda.
A annarri og þriðju hæð eru
íbúðir og herbergi af ýmsum
stærðum, einstaklingsíbúðir eða
tvíbýli, en alls eiga að rúmast í
Litlu Grund, eins og húsið
verður nefnt, 30 manns, 24
vistmenn og 6 gestir. En hverjir
koma til með að gista Litlu
Grund?
— Þetta hús er byggt aðallega
með það í huga, sagði Gísli, að
bæta þjónustuna, en ekki að
fjölga vistmönnum, því þeim
verður smám saman fækkað á
Grund. Þeir sem þarna koma til
með að búa eru hinir yngri
öldruðu, ef svo mætti segja, þ.e.
þeir sem eru vel frískir og vinna
jafnvel eitthvað úti og má segja
að þarna verði e.t.v. þeir sem
lengi hafa verið starfsmenn hjá
okkur. Minni Grund, sem er á
horninu hinum megin Brávalla-
götu, var á sinum tíma byggt
sem hús fyrir starfsmenn, en
þar eru nú eingöngu vistmenn
og eins og ég sagði verður Litla
Grund aðallega til að bæta
þjónustuna bæði við vistmenn
og starfsfólkið okkar aldraða.
Það er Verkfræðistofa
Gunnars Torfasonar og Þórir
Baldvinsson, ark. sem sjá um
allan undirbúning byggingar-
innar og gerði Gísli ráð fyrir að
í næsta mánuði yrðu útboðsgögn
tilbúin, eða fljótlega eftir að
byggingarleyfi væri fengið. Nú
eru til í sjóði um 4,4 milljónir,
sagði Gísli, framlög fólks frá því
fyrst var farið að tala um að
reisa Litlu Grund, en það var
nokkru fyrir 50 ára starfs-
afmæli heimilisins sem var í
október 1972.
— Við leituðum til fólks með
það í huga að fá það til að leggja
eitthvað af mörkum til bygging-
arinnar, sagði Gísli í von um að
geta tekið húsið í notkun um það
leyti sem stofnunin yrði 50 ára.
Það tókst þó ekki, og reyndist
faðir minn sannspár og raun-
særri en ég — hann þekkti
fólkið betur en ég. En nokkrir
lögðu fram fé, mest heimilis-
fólkið á Grund og Minni-Grund.
Síðan eru liðin níu ár og nú
verður senn hafist handa.
Borgarráð samþykkti á fundi
sínum fyrir nokkru að lóðin á
Brávallagötunni og gatan sjálf
yrðu sameinuð lóð Grundar og
gekk sú breyting fljótt og vel
fyrir sig, sem ég vil þakka af
alhug, bæði borgarstjóra og
öðrum sem unnið hafa að
málinu.
Að lokum var Gísli Sigur-
björnsson spurður að því hvað
honum fyndist hafa miðað í
framfararátt hvað snerti aðbún-
að aldraðra:
— Það verður að segja að
mikið hefur verið talað en lítið
gert, það vilja allir vera kóngar
og skipa fyrir en enginn fram-
kvæma. Pólitík og alls konar
hentistefna ræður um of ríkjum
og má segja að á fjögurra ára
fresti hlaupi fjörkippur í þessi
mál. Við erum í einum slíkum
núna og vona ég vissulega að
hann hafi einhvern árangur í
för með sér. Má t.d. nefna að s.l.
föstudag og laugardag var
ráðstefna um málefni aldraðra á
vegum læknaráða Landakots-,
Borgar- og Landspítala og heil-
brigðisráðuneytisins og vonandi
getur sú ráðstefna markað
tímamót í stefnu þessara mála.
Ég vil leggja áherzlu á að
sjúkt fólk sé á spítala, lang-
legu-deildum og slíkum deildum,
en aldrað fólk og lasburða á elli-
og hjúkrunarheimilum, þar
finnur það öryggi og það er að
mínu mati lítið vit í að byggja
áðstoð við aldraða að miklu leyti
á því að konur hjálpi þeim hluta
úr degi þó að vissulega hafi það
komið að miklu gagni. Væri nær
að reisa dvalarheimili þar sem
fólkið getur dvalið öruggt og
síðan sé því komið á sjúkrahús
ef með þarf. Einnig tel ég rangt
að byggja of mikið af íbúðum
fyrir aldraða eins og nú er verið
að gera úti um allt land. En
þessi mál eru í þróun hjá okkur,
nokkrum árum á eftir öðrum
þjóðum eins og oft hefur viljað
brenna við, en vonandi eflist
samstaða okkar, skilningur og
fyrirhyggja í þessum málum.
■

Á þessari lóð á að reisa Litlu-Grund. Við það verður götunni lokað og kemur þar KarÖur, en umferð
gangandi verður hleypt í gegn. „Æskan í dag — og ellin á morgun“, sagði Gísli er myndin var tekin.
Ljósm. Iiax.