Morgunblaðið - 11.10.1979, Qupperneq 22
22
MORGUNBLAÐIÐ, FIMMTUDAGUR 11. OKTÓBER 1979
Séð yfir Laugardalinn.
Ljósm. ól. K. Mag.
Ófyrirgefanlegt
að taka útivistar-
svæði undir byggð
Opinber samkeppni um Laugardalssvæðið
Á FUNDI skipulagsnefndar sl. mánudag lögðu fulltrúar Sjálfstæðisflokksins, Birgir ísl. Gunnarsson og
Hilmar ólafsson, fram bókun, þar sem þeir lýsa sig andviga því að opnu svæðin í Laugardal svo og við
Suðurlandsbraut og Skeiðarvog verði tekin til íbúðarbyggðar. Á sama fundi lagði Zophonías Pálsson,
skipulagsstjóri rikisins, fram tillögu um að efnt yrði til opinberrar samkeppni um skipulag
Laugardalssvæðisins sem skemmtigarðs. Bókun fulltrúa sjalfstæðismanna er svohljóðandi:
Að undanförnu hefur Þróun-
arstofnun Reykjavíkur unnið að
athugunum á „þéttingu byggðar" í
Reykjavík og hefur athugun eink-
um beinst að fimm svæðum. Varð-
andi tvö þessara svæða viljum við
taka eftirfarandi fram: Sam-
kvæmt gildandi aðalskipulagi er
svæðið við Suðurlandsbraut og
Skeiðarvog fyrirhugað sem úti-
vistarsvæði, en svæðið í Laugardal
ætlað undir stofnanir og var þar á
sínum tíma fyrirhugað að kæmi
menntaskóli svo og áframhald-
andi mannvirki til sýningarhalds í
tengslum við Laugardalshöll.
Slíkar stofnanir fara vel í jöðrum
útivistarsvæða og tengjast vel
notkun þeirra, enda ráð fyrir slíku
gert í aðalskipulagi. Bæði þessi
svæði eru og ætluð sem útivistar-
svæði í áætlun um umhverfi og
útivist og voru liður í samfelldri
röð útivistarsvæða frá Laugardal,
upp Elliðaárdal og í Heiðmörk.
Við erum andvígir því að taka
þessi svæði til íbúðarbyggðar.
Undanfarin ár hefur verið unnið
að því að rækta upp framtíðar
útivistarsvæði borgarinnar, en
næsta skref er að gæða þau lífi og
auka aðdráttarafl þeirra með
ýmsum aðgerðum. Við teljum að
vegna stundarhagsmuna væri það
ófyrirgefanlegt skemmdarverk,
sem ekki yrði aftur tekið, ef þessi
svæði yrðu gerð að íbúðarbyggð.
Laugardalurinn á að vera svæði
til íþróttaiðkana, sem vafalaust
munu aukast. Þar er trjágarður,
grasagarður og ræktunarstöð
borgarinnar auk skólagarða. Öll
þessi starfsemi þarf meira svig-
rúm í framtíðinni. Auk þess verð-
ur vafalaust þörf á svæðum fyrir
stofnanir, sem fara vel á útivist-
arsvæðum, þótt slíkar þarfir séu
ekki brýnar í augnablikinu.
Á þessum svæðum er talið unnt
að byggja um 260 íbúðir. Skv.
endurskoðuðu aðalskipulagi er
árleg lóðaþörf talin um 700 íbúðir
og má því sjá, að hér er um lítinn
hluta af heildarlóðaþörf að ræða
og tjaldað til mjög stutts tíma.
I þessu sambandi er ekki unnt
að láta hjá líða, að minna á, að
endurskoðað aðalskipulag Reykja-
víkur var samþykkt í borgarstjórn
í apríl 1977. í því skipulagi var
áætlun um ný byggðasvæði til að
tryggja áframhaldandi uppbygg-
ingu í Reykjavík. Hið endurskoð-
aða aðalskipulag virðist nú hafa
verið lagt til hliðar og engin
gangskör að því gerð að koma því í
framkvæmd. Afleiðing þess er
yfirvofandi lóðaskortur í
Reykjavík, sem nú er reynt að
bæta úr með því að skerða um of
svæði, sem ætluð hafa verið til
útivistar og annarra framtíðar-
nota.
Laugardalurinn
skemmtigarður
Tillaga Zophoníasar Pálssonar
og greinargerð hljóða svo:
Undirritaður leggur til að
skipulagsnefnd Reykjavíkur beiti
sér fyrir því, að efnt verði til
opinberrar samkeppni um skipu-
lag Laugardalssvæðisins, og er þá
fyrst og fremst átt við skipulagn-
ingu á skemmtigarði eða „park“ á
því svæði sem enn er þar óráðstaf-
að og verði gert ráð fyrir skrúð-
garði og bótaniskum garði í fram-
haldi af þeim vísi að slíkum garði
sem þar er nú fyrir.
Greinargerð
Árið 1980 hefur verið helgað
trénu. Er því kærkomið tilefni til
að Reykjavíkurborg geri átak á
þessu sviði. Laugardalurinn er af
náttúrunnar hendi einkar vel fall-
inn til að honum sé sérstakur sómi
sýndur en þar er nú þegar kominn
myndarlegur vísir að bæði bótan-
iskum garði og skrúðgarði (park).
Með tillöguflutningi þessum er
jafnframt reynt að spyrna fótum
við þeim skammsýnu tillögum sem
kynntar hafa verið hér í skipul-
agsnefnd, um að rýra verulega
þessa einstöku perlu borgarinnar
sem Laugardalurinn óneitanlega
er, með íbúðarbyggingum.
Þó hörgull sé nú á íþúðarlóðum í
bili, þá leysir það ekki vanda
borgarinnar þó hægt væri að
koma þarna fyrir. 100—200 íbúð-
um, hinsvegar myndi sú ráðstöfun
útiloka um tíma og eilífð þann
ágæta möguleika sem nú er fyrir
hendi, að gera þarna rúmgóðan
skrúðgarð eða park ásamt gras-
garði, sem gæti orðið komandi
kynslóðum til heilsubótar og
ánægju en borginni til ævarandi
prýði og sóma.
Við eigum nú á að skipa all-
mörgum vel menntuðum skruð-
garðaarkitektum, sem án efa
myndu leggja allan metnað sinn í
að reyna að finna skemmtilegar
lausnir á þessu óneitanlega vanda-
sama verkefni, og ætti því ekki að
þurfa að leita eftir tillögum frá
Norðurlöndum þó vissulega kæmi
það til greina.
I sambandi við botaniska garð-
inn væri sjálfsagt að gera ráð
fyrir sérstökum gróðurhúsum og
gerir það verkefnið vandasamara
þannig að til verður að koma
samvinna arkitekta og skrúð-
garðaarktitekta, og e.t.v. fleiri
aðila.
Skrúðgarður sem þessi er mjög
langan tíma að gróa og ná fullum
þroska. Þvi ríður á að byrja sem
fyrst á undirbúningi og síðan
framkvæmdum.
„Vilja kæra okkur
fyrir að trúa því
sem ríkisstjórn-
in sagði í vor”
- segir Arni Brynjólfs-
son hjá Landssamb.
ísl. rafverktaka
„ÞAÐ ER ekki rétt hjá verðlags-
stjóra að Landssamband
islenskra rafverktaka hafi sótt
um hækkun til verðlagsnefndar á
launatengdum gjöldum, heldur
byggðum við hækkunina á upp-
lýsingum frá ríkisstjórninni,"
sagði Árni Brynjólfsson fram-
kvæmdastjóri L.Í.R. í samtali við
Morgunblaðið i gær. í blaðinu í
gær var frá því skýrt, að í
septemberhefti Hagtiðinda kæmi
fram, að byggingarvísitalan væri
byggð á grundvelli auglýsts
taxta Meistarasambands bygg-
ingarmanna og Landssambands
ísl. rafverktaka.
„Þeim upplýsingum var ekki
mótmælt á sínum tíma af verka-
lýðssamtökunum," sagði Árni
ennfremur, „það er að segja að
„félagsmálapakkinn" innihéldi
þau 3% í launabót sem ríkis-
stjórnin hélt fram. LIR telur að
verðlagsnefnd eigi aðeins að fjalla
um álagningu á laun og launa-
tengd gjöld, en hitt séu staðreynd-
ir sem verðlagsstjóri eigi að fylgj-
ast með að séu rétt útfærðar."
Sagði Árni, að af þessum sökum
væri nú rekið mál fyrir hæsta-
rétti, sem fjallaði um það hvort
lögsaga verðlagsnefndar nær til
launa og launatengdra gjalda.
„Það kemur talsvert undarlega
fyrir sjónir, að verðlagsstjóri skuli
í nafni meirihluta verðlagsnefnd-
ar sem skipaður er fulltrúum
verkalýðsfélaganna og formannin-
um, sem er fulltrúi ríkisstjórnar-
innar, ætla að kæra okkur fyrir að
trúa því sem ríkisstjórnin sagði í
vor. Það er engu líkara en þeir
vilji fá það staðfest fyrir dómstól-
um að þeir hafi sagt ósatt í vor,“
sagði Árni að lokum.
Guðjón Tómasson hjá Meistar-
afélagi járniðnaðarmanna sagði í
gær, að í byrjun september hefði
verið gefinn út taxti og hefði
verðlagsstjóra verið sent bréf í því
tilefni þar sem sagði meðal ann-
ars: „Á framkvæmdastjórnarfundi
málm- og skipasmiða, höldnum
síðastliðinn miðvikudag, sam-
þykkir stjórnin að fela skrifstof-
unni að senda út bráðabirgðataxta
sem breytingar 1. september koma
inn í, en að öðru leyti verði taxtinn
í samræmi við áðurgildandi taxta.
Þetta er gert þar sem fyrir liggur
að fyrirhugaður verðlagsnefndar-
fundur fellur niður og ekki þykir
fært að bíða frekar eftir fundum í
nefndinni."
Guðjón sagði að ekki hefði
borist neitt erindi um afturköllun
á þessum taxta frá verðlagsnefnd,
né neinar tilkynningar um sam-
þykktir verðlagsnefndar. Því hefði
ekki verið gert neitt í málinu, en
bráðabirgðataxtar þessir hefðu
verið sendir út þann 7. september
með fullri vitund verðlagsyfir-
valda. „Við höfum ekki séð ástæðu
til þess að ganga á eftir verðlags-
yfirvöldum og biðja þau að aftur-
kalla þetta," sagði Guðjón að
lokum.
Samkvæmt upplýsingum sem
Morgunblaðið hefur var þessi
taxti tekinn inn í viðmiðunarverð
verðlagsgrundvallar landbúnaðar-
ins sem hlaut samþykki ríkis-
stjórnarinnar áður en fundur
verðlagsnefndar var haldinn. Því
lá raunverulega fyrir óformlegt
samþykki ríkisstjórnarinnar á
taxtanum áður en verðlagsyfir-
völd fjölluðu um málið.
Algengasta tegund löggilts vínmælis.
Olöggiltir vínmæl-
upptækir
NÝLEG athugun hefur leitt í
ljós að ólöggiltir vinmælar hafa
verið i notkun í nokkrum
vínveitingahúsum og hafa þeir
verið gerðir upptækir. Sjúss-
mælar þessir reyndust mæla
nokkru minna en lögboðið er.
Vegna þessa máls hefur Sam-
band veitinga- og gistihúsaeig-
enda sent frá sér eftirfarandi
yfirlýsingu:
„Notkun ólöggiltra mæla er
andstæð vilja og virðingu veit-
ingamanna. Meðfylgjandi mynd-
ir sýna annars vegar hvernig
algengasti löggilti mælirinn
lítur út, hins vegar ýmsar teg-
undir krúsa, sem ekkert eiga
skylt við löggiltan mæli.
Þe*»i glö» voru gerö upptaek ó
börum veitingahúsa fyrir
•kömmu. Voru þau notuð til þess
aö maala 6 cl. eða tvöfaldan
„sjúss“. Viö athugun reyndust
þau mæla fró 5,3—9 cl.
Löggiltur vínmælir er áletr-
aður af Löggildingastofunni.
Veitingamenn óska þess að
viðskiptavinir fylgist með, að
rétt mælitæki séu notuð og komi
kvörtun á framfæri ef út af ber.“
ar gerðir