Morgunblaðið - 08.05.1980, Page 27
MORGUNBLAÐIÐ, FIMMTUDAGUR 8. MAÍ1980
27
Þingfréttir í stuttu máli
30 MW gufuhverfill:
Frá Kröflu
til Svartsengis?
Kjartan Jóhannsson o.fl. þingmenn Alþýðuflokks flytja tillögu
um óvilhalla athugun á því, hvort rétt væri að flytja annan
gufuhverfil Kröfluvirkjunar frá Kröflu á háhitasvæðið í Svartsengi
á Reykjanesi. í Kröflu eru nú tvær samstæður gufuhverfla og
rafala til raforkuframleiðslu, hvor upp á 30 MW, og önnur óuppsett.
Svæðaskipulag Fljótsdalshéraðs
Sveinn Jónsson (Abl) flytur tillögu til þingsályktunar um
svæðisskipulag fyrir Fljótsdalshéraö. Skal Skipulagsstjórn ríkisins
beita sér fyrir, ef tillagan verður samþykkt, að gert verði
svæðisskipulag fyrir Fljótsdalshérað í samvinnu við hlutaðeigandi
sveitarstjórnir og aðra er málið varðar. Skipulag þetta nái til
helztu landnýtingarþátta (þátta landnotkunar) og landverndar og
taki mið af æskilegri meðferð auðlinda, félagslegum viðhorfum og
áætlunum um atvinnuþróun á svæðinu.
Könnun á áhrifum ákvæðislaunakerfa
Guðrún Hallgrímsdóttir (Abl) flytur tillögu til þingsályktunar
um könnun á áhrifum af ákvæðislaunakerfum, þ.e. afkastahvetj-
andi launaformum. Niðurstöður skulu liggja fyrir eigi síðar en að
ári. Að rannsókn lokinni skal ríkisstjórnin, ef þurfa þykir, beita sér
fyrir nauðsynlegum breytingum á vinnuskilyrðum þess verkafólks,
er hlut á að máli, í samráði við samtök þess, segir í tillögugreininni.
Samanburður á skattgreiðslum
af meðallaunum verkamanns
I fylgiskjali með breytingartillögum Sjálfstæðisflokks við
tekjuskattsfrumvarpið í efri deild fylgdi svohljóðandi fylgiskjal:
Samkvæmt upplýsingum kjararannsóknarnefndar má ætla, að
meðallaunatekjur verkamanns sl. á:: hafi verið 5,1 millj. kr., en
eiginkvenna verkamanna 1140 þús. kr. Samanburðurinn 1978 er
gerður á þeim forsendum, að skattgjaldsvísitalan er hækkuð um
158% vegna 1979 og 147% vegna 1980 eða sem svarar meðalhækkun
skattgjaldstekna á einstakling.
a) Skv. álagningarreglum 1978.
Einstaklingur:
Útsvar 11% .......................................kr. 523.896
Sj úkratryggingagj ald ...........................kr. 102.000
Tekjuskattur .....................................kr. 636.561
Kr. 1.262.457
Hjón (kona tekjulaus):
Útsvar 11% .......................................kr. 509.055
Sjúkratryggingagjald .............................kr. 102.000
Tekjuskattur .....................................kr. 242.983
Kr. 854.038
Hjón (laun eiginkonu 1140.000 kr.):
Útsvar 11% .......................................kr. 634.455
Sjúkratryggingagjald .............................kr. 124.800
Tekjuskattur .....................................kr. 381.141
Kr. 1.140.396
b) Skv. tillögum ríkisstjórnarinnar:
Einstaklingur:
Útsvar 11,88% kr. 570.880
Sj úkratryggingagj ald ...........................kr. 80.000
Tekjuskattur .....................................kr. 800.425
Kr. 1.451.305
Hjón (kona tekjulaus):
Útsvar 11,88% kr. 535.880
Sjúkratryggingagjald .............................kr. 80.000
Tekjuskattur .....................................kr. 309.565
Kr. 925.445
Hjón (laun eiginkonu 1140.000 kr.):
Útsvar 11,88% kr. 671.312
Sj úkratryggingagj ald ...........................kr. 97.100
Tekjuskattur eiginmánns ........................... . kr. 814.565
Tekjuskattur eiginkonu .........................kr. -245.935
Kr. 1.337.042
c) Skv. tillögum Sjálfstæðisflokksiní :
Einstaklingur:
Útsvar 11% .......................................kr. 526.000
Sjúkratryggingagjald .............................kr. 80.000
Tekjuskattur .....................................kr. 613.270
Kr. 1.219.270
Hjón (kona tekjulaus):
Útsvar 11% .......................................kr. 491.000
Sj úkratryggingagj ald .......................... kr. 80.000
Tekjuskattur .....................................kr. 88.270
Kr. 659.270
Hjón (laun eiginkonu 1140 kr:
Útsvar 11% ..................................... kr. 616.400
Sj úkratyggingagj ald ....................... kr. 80.000
Tekjuskattur .....................................kr. 88.270
659.270
Hjón (laun eiginkonu i 11400.000 kr.):
Útsvar 11% .......................................kr. 616.400
Sj úkratryggingagj ald ...........................kr. 97.100
Tekjuskattur eiginmanns ..............................613.270
Tekjuskattur eiginkonu ...........................kr. 317.748
Kr. 1.009.022
Gamallog íagur
Að baki þinghússins er einn elzti og fegursti skrúðgarður Reykjavíkur, sem hér
sést. Þar eru tré þegar laufkrýnd. Framan Alþingis er Austurvöllur, sem nú er verið
að vinna undir blómabreiður sumarsins. Sjálft er þinghúsið hin fegursta bygging,
innan sem utan. Þó deila megi um þingstörf, fyrr og síðar, verða trauðla um það
skiptar skoðanir, að starfsrammi þingsins — umhverfið — er ekki sök þess, sem
miður kann að fara hjá landsfeðrum.
V innu verndar mál:
„Svartasta aftur-
haldið í Framsókn“
- segja Guðmundur J. og Karvel Pálmason
Stjórnarfrumvarp um aðbúnað, hollustuhætti og öryggi á
vinnustöðum var nýlega afgreitt frá efri deild Alþingis til neðri
deildar. Frumvarp þetta er samið i framhaldi af sameiginlegum
tillögum sem aðilar vinnumarkaðarins lögðu fram í kjarasamning-
um 1977 um aðgerðir í vinnuverndarmálum og samþykktar vóru af
þeim og ríkisstjórninni 19. apríl 1977. Frumvarpið er mikill
lagabálkur í 15 efnisköfium og 100 frumvarpsgreinum, auk þriggja
bráðabirgðaákvæða. Félagsmálanefnd efri deildar flutti fimm
breytingartillögur og þingmenn Sjálfstæðisflokksins í efri deild 6
breytingartillögur að auki og vóru allar samþykktar, sem nánast er
undantekning um tillögur frá stjórnarandstöðu.
Gunnar Thoroddsen, forsætis-
ráðherra, mælti fyrir frumvarp-
inu í neðri deild Alþingis í gær, en
þar urðu harðar umræður um
málið. Stefán Valgeirsson (F)
fann því sitt hvað til foráttu, enda
þurfti svo veigamikið mál mun
meiri athugunar við. Engin sam-
ráð hafi verið höfð við Búnaðar-
þing né Stéttarsamband bænda,
eins og eðlilegt hefði þó verið, þar
eð landbúnaður og bændastétt
hafi margvíslega sérstöðu, er taka
þurfi tillit til við lagasetningu af
þessari gerð. Öryggiseftirlit væri
af hinu góða, en sýnt væri að
sérþekking á málum landbúnaðar
hefði ekki komið til, er frumvarp
þetta hafi verið samið.
Guðmundur J. Guðmundsson
(Abl) og Karvel Pálmason (A)
töldu tíma til kominn að standa
við fyrirheit frá 1977 um vinnu-
verndarmál og öryggi á vinnustöð-
um. Málflutningur Stefáns Val-
geirssonar staðfesti það eitt að
svartasta aftúrhaldið í landinu
væri í Framsóknarflokknum.
Margir þingmenn tóku þátt í
þessari umræðu.
Varaþingmenn
• Haraldur Ólafsson, dósent,
hefur tekið sæti á Alþingi i
fjarveru ólafs Jóhannessonar
erlendis (viðræður í Osló). Hann
cr 1. varaþingmaður Framsókn-
arflokksins í Reykjavík.
• Sigurlaug Bjarnadóttir
menntaskólakennari, hefur tekið
sæti á Alþingi í f jarveru Matthí-
asar Bjarnasonar erlendis (við-
ræður í Ósló). Hún er 1. vara-
þingmaður Sjálfstæðisflokksins í
Vestfjarðarkjördæmi.
Hafsbotnsréttindi sunnan 200 mílna:
Samvinna við Færeyinga
Eyjólfur Konráð Jónsson og sjö aðrir þingmenn Sjálfstæðisflokks
fiytja eftirfarandi tillögu til þingsályktunar um hafnsbotnsréttindi
íslands og samvinnu við Færeyinga:
Tillögugrein:
„Alþingi ályktar að fela rikis-
stjórninni að fylgja fast eftir
kröfum þeim, sem Islendingar
settu fram með ályktun Alþingis
22. des. 1978, til hafsbotnsréttinda
sunnan 200 mílna efnahagslög-
sögu íslands, í fullri samvinnu við
Færeyinga.
Alþingi mótmælir öllum til-
raunum Breta og íra til að teygja
hafsbotnsréttindi sín til vesturs út
fyrir 200 mílur. Sérstaklega er
mótmælt fyrirætlunum þeirra um
að fela gerðardómi að fjalla um
svæði, sem íslendingar og Færey-
ingar telja tilheyra sér.
Alþingi lýsir yfir, að það telur
unnt að leysa mál varðandi yfir-
ráðarétt þessa hafsbotnssvæðis
milli Islendinga og Færeyinga,
annaðhvort með sameiginlegum
yfirráðum eða skiptingu svæðis-
ins.
Er ríkisstjórninni heimilað að
semja um, að gerðárdómur ákveði
skiptingu svæðisins milli íslend-
inga og Færeyinga, ef Færeyingar
æskja þess frekar en skipta því
með samningum.
Aður en til þess kemur, er
ríkisstjórninni þó falið að taka
upp viðræður við Breta og íra til
að leitast við að leysa ágreinings-
efnin með samningum þessara
fjögurra þjóða. Skal viðræðum
þessum hraðað, þannig að niður-
staða liggi fyrir áður en fundir
Hafréttarráðstefnunnar hefjast í
Genf í sumar."
Greinargerð:
„Reglur um hafsbotnsréttindi
strandríkja utan 200 sjómílna
efnahagslögsögu eru nú í mótun,
m.a. á Hafréttarráðstefnu Sam-
einuðu þjóðanna. Ljóst er að um
víðtæk réttindi verður að ræða,
sem skipt geta íslendinga miklu
máli á svæðinu suður af Islandi.
Rétt er því að við mörkum skýra
og ákveðna stefnu á þessu sviði
hafréttarmálanna, svo að engum
geti dulist hvaða kröfum við
byggjumst fylgja fram.
Með ályktun Alþingis 22. des
1978 var ákveðið, að við hefðum
samvinnu við Færeyinga um þessi
mál og samstöðu í kröfugerð að
því marki sem hagsmunir fara
saman. Engu að síður er eðlilegt
að ræða málin við íra og Breta ti)
að leitast við að forðast árekstra.
Að öðru leyti skýrir ályktunartil-
lagan sig sjálf."