Morgunblaðið - 17.06.1980, Page 13
MORGUNBLAÐIÐ, ÞRIÐJUDAGUR 17. JÚNÍ1980
13
Aðalsteinn Sigurðsson fiskifræðingur:
A að verða
áfengisút-
sala á Sel-
tiarnarnesi?
Bæjarstjórn Seltjarnarness hef-
ir samþykkt, að fram skuli fara
almenn atkvæðagreiðsla um það
29. þ.m., hvort opna skuli áfengis-
útsölu hér í bæ. Ekki var þetta þó
samþykkt samhljóða og met ég
raunsæi þeirra, sem ekki studdu
þetta mál.
Mér eru ekki ljós þau rök, sem
styðja opnun áfengisútsölu hér, og
þó ég hafi lesið viðtal við forseta
bæjarstjórnar um þetta mál, en
það birtist í Morgunblaðinu 14.
mars sl., þá er ég litlu nær.
Mér finnst ólíklegt að við losn-
um við hræsni og yfirdrepsskap
með þessu, og varla kann það
góðri lukku að stýra að sleppa
öllum hoðum og bönnum í samfé-
laginu þó svo Magnús Erlendsson
sé á móti þeim.
Ég fæ hins vegar annað út úr
rannsóknum Tómasar Helgasonar
og félaga hans en Magnús, sem
telur að þar komi fram, að fjarri
fari því að meira sé drukkið þar
sem áfengisútsölur eru en þar sem
þær eru ekki. Tómas skrifar um
þessi mál I 1. hefti Geðverndar
1977. Þar eru m.a. tvær athyglis-
verðar töflur. Önnur sýnir að þeir
karlar, sem drekka og hafa af því
persónuleg vandamál, eru 12,5% í
Reykjavík og nágrenni og í þétt-
býli með áfengisútsölu, en 8,3% í
þéttbýli án áfengisútsölu og 8,4% i
dreifbýli. í hinni töflunni er sýnt,
að þeir, sem drekka áfram daginn
eftir mikla drykkju, eru 5,0% í
Reykjavík og nágrenni, 4,6% í
þéttbýli með áfengisútsölu, 2,1% í
þéttbýli án áfengisútsölu og 2,3% í
dreifbýli. Um þetta segir svo
Tómas m.a.: „Þessar tvær töflur
benda eindregið til þess, að máli
skipti, hvort áfengisútsala sé í
næsta nágrenni eða ekki.“
Víða erlendis, t.d. í Noregi, hafa
rannsóknir sýnt, að aukin áfeng-
isneysla fylgir fjölgun útsölu-
staða.
I greinargerð frá Áfengisvarna-
ráði frá 5. mars sl. stendur:
„í ítarlegri greinargerð Alþjóða
heilbrigðismálastofnunarinnar
(WHO) um áfengismál frá 1979 er
bent á að rannsóknir síðustu ára
sýni, að tryggasta leiðin til að
draga úr tjóni af völdum áfengis
sé að minnka heildarneysluna.
Stofnunin beinir því til aðildar-
þjóða S.Þ. að beita ýmsum höml-
um enda sé slíkt öruggasta ráðið
til að draga úr neyslunni. — Meðal
þess sem bent er á til raunhæfra
varna gegn þeim vágesti sem
veldur stórfelldara tjóni, bæði
heilsufars- og félagslega, a.m.k.
meðal iðnaðarþjóða, en nokkuð
annað, er fækkun dreifingarstaða
áfengis."
Að þessu athuguðu virðist mér
augljóst, að hætta á aukinni
áfengisr.eyslu muni fylgja nýrri
áfengisútsölu, en slíkt ber að
forðast eftir bestu getu, og veit ég
að bæjarstjórn er mér sammála
um það síðastnefnda þrátt fyrir
skoðanamun á áfengisútsölumál-
inu.
Ég tel hins vegar, að það sé
fleira en áfengisneysla, sem taka
þarf tillit til í þessu sambandi. Má
þar nefna samgöngurnar. Það er
hætt við því að einhverntíma verði
Aðalsteinn Sigurðsson
umferðin erfið að og frá Seltjarn-
arnesi, þegar það og spilda
Reykjavíkur við Eiðisgranda
verða fullbyggð, en gert er ráð
fyrir að á þessum svæðum verði
íbúarnir nokkuð á annan tug
þúsunda, þegar þau verða full-
byggð. Því finnst mér óæskilegt að
bæta við í bæinn fyrirtæki, sem
líklegt er að kalli á aukna umferð
og sennilega mest á aðalumferða-
tímanum þegar vinnu lýkur síðari
hluta dags. Á sama tíma má
einnig búast við þrengslum við
verslunarmiðstöð þá, sem nú er í
smíðum og á að hýsa áfengisútsöl-
una, ef Seltirningar hafna henni
ekki.
Eins og kunnugt er höfum við
hér á Seltjarnarnesi færri
lögregluþjóna en æskilegt væri
miðað við fólksfjölda, svo við
verðum að forðast að auka störf
þeirra að nauðsynjalausu. Áfeng-
isútsala mundi gera það, a.m.k.
verður að gera ráð fyrir að eftirlit
þurfi við hana á annatímum, þó
annað verra komi vonandi ekki til.
Loks virðist mér vera óþarfi, svo
ekki sé meira sagt, að færa
áfengisútsölu nær uppvaxandi
unglingum á Seltjarnarnesi en nú
er.
Vona ég svo, að Seltirningar
skoði hug sinn vel varðandi þetta
mál áður en þeir greiða atkvæði
um það 29. þ.m.
Seltjarnarnesi 12.6.1980
Aðalsteinn Sigurðsson.
Messur í dag
DÓMKIRKJAN: Hátíðarguðsþjón-
usta kl. 11.15 Sr. Halldór S. Gröndal
messar. Dómkórinn syngur undir
stjórn dómorganistans Marteins H.
Friðriksson. Guðmundur Jónsson
óperusöngvari syngur einsöng.
GARÐAKIRKJA: Hátíðarguðsþjón-
usta kl. 11 árd. Gunnþór Ingason
messar. Sóknarprestur.
KEFLAVlKURKIRKJA: Hátíða-
messa kl. 13. Sóknarprestur.
AKRANESKIRKJA: Hátíðarguðs-
þjónusta kl. 13. Sr. Björn Jónsson.
NÝTT TÆKNIUNDUR FRÁ CatlOH
NP—200 LJÓSRITUNARVÉL
Þaö veröur aö sjá þessa vél til aö sannfærast um kosti hennar.
Canon
Til athugunar:
1. 20 afrit á mínútul
2. Afritastærðir frá B6 uppí A3.
3. Viö fjölritun, stillanleg í 99 stk í senn.
4. Duftvél, afrit meö 100% skerpu.
5. Jafnskörp afrit á sléttan og hamraðan pappír.
6. Fyrirferðalítil, 515 x 289 x 538 mml
7. Sérlega ódýr í rekstri.
8. Verð í dag aöeins kr. 2,950,000.
Sýningarvél á staðnum VERIÐ VELKOMIN
Shrifuéiin hf s,™"12
WL ,, ' x \ .} ' - N A ( ,
BUXUR
>
A
ALLAR
ALLTAF.
ATT ÞU
EINAR
immnia