Morgunblaðið - 17.06.1980, Síða 22

30
MORGUNBLAÐIÐ, ÞRIÐJUDAGUR 17. JÚNÍ 1980
Höfuðborgaráðstefna Norrænu félaganna:
Fjallað um list-
ina í bænum
Höfuðborgarráðstefna á vegum
Norrænu félaganna stendur yfir í
Reykjavík um þessar mundir og
sækja hana 70 fulltrúar frá öllum
Norðurlöndunum. Ráðstefnunni
lýkur 20. júní, en henni stýrir
Gylfi Þ. Gíslason, formaður
Reykjavíkurdeildar Norræna fé-
lagsins. Meginefni ráðstefnunnar
fjallar um listina í bænum, og
hafa ráðstefnufulltrúar farið í
margar ferðir um bæinn þar að
lútandi, samkvæmt upplýsingum
Jónasar Eysteinssonar fram-
kvæmdastjóra Norræna félagsins.
19. júní:
Stjórnmálaþátttaka
kvenna — jafnrétti
á vinnumarkaði
HINN nýi kirkjugarður Reykvikinga i Gufunesi var vigður i gær er þar var til moldar borinn Friðfinnur
ólafsson forstjóri. Biskupinn yfir Islandi, herra Sigurbjörn Einarsson jarðsöng og var myndin tekin við
hina fyrstu gröf. Friðfinnur Olafsson átti sæti i stjórn Kirkjugarða Rcykjavíkur og hafði m.a. undirbúið
framkvæmd þess að taka nýja kirkjugarðinn i notkun. Ljósmynd Mbi. Ói.K.M.
Einvígi Portisch og Htibners í Kópavogi í júlílok:
ÁRSRIT Kvenréttindafélags ís-
lands. 19. júni. kcmur nú út þann
dag i 30. sinn. Að þessu sinni er
fjallað um tvö meginefni í blað-
inu, annars vegar um stjórnmála-
þátttöku kvenna og hins vegar
um jafnrétti á vinnumarkaði.
„Hverjar eru ástæður þess, að
konur, helmingur þjóðarinnar,
hafa náð svo skammt á vettvangi
stjórnmálanna?" Rætt er við
fjölda kvenna um reynslu þeirra í
pólitíkinni, fjallað um hlut kvenna
í stjórnmálum frá upphafi til
þessa dags og birt „alþingis-
kvennatal".
Er jafnrétti í atvinnulífinu?
Nafnlaus viðtöl við konur og karla
varpa ljósi á það efni, og rætt er
við ungt fólk, sem hefir farið
nýjar leiðir í starfsvali.
Af öðru efni blaðsins má nefna
umfjöllun um myndlist, bók-
menntir, leikjist og tónlist. Þá
lítur Gísli J. Ástþórsson jafnrétt-
ismálin sínum augum.
Forsíðu blaðsins prýðir að þessu
sinni mynd af ungri stúlku, Ást-
hildi Hilmarsdóttur, en hún starf-
ar ein kvenna í kerskála Álversins
í Straumsvík. í blaðinu er viðtal
við Ásthildi.
Ritstjóri 19. júní er Jónína
Margrét Guðnadóttir. Blaðið verð-
ur til sölu í bókaverslunum, á
blaðsölustöðum og á götum höfuð-
borgarinnar, en auk þess verður
því dreift til söluaðiia út um land.
„Reynum að laða áhorf-
endur á áskorendaeinvígið“
„VIÐ vonum að áhorfendur fjöl-
menni á einvigi Hiibners og
Portisch, en ég reikna með því að
það hefjist 25. júli n.k. og því
þyrfti helzt að vera lokið fyrir
mánaðamótin ágúst—september
vegna þess að þá hefst skólastarf
i Þinghólsskóla i Kópavogi þar
sem mótið verður haldið,“ sagði
Ingimar Jónsson forseti Skák-
sambands íslands i samtali við
Mbl. um áskorendaeinvigið.
„Við ræddum um þetta einvígi
áður en ljóst var hvort Spánverjar
myndu sjá um það, en þegar þeir
aftóku það fór Friðrik Olafsson
fram á það við okkur að við
tækjum málið að okkur og jafn-
framt tilkynnti Friðrik að hann
hefði getað útvegað fjórar milljón-
ir króna til mótshaldsins. Við
ákváðum þá að slá til og síðan
höfum við fengið þriggja millj. kr.
styrk frá Kópavogsbæ til mótsins,
svo segja má að helmingurinn sé
kominn af því sem við teljum að
mótið kosti, en reiknað er með 7
millj. kr. í verðlaun til keppenda.
Við stefnum að því að hafa
kostnað í lágmarki, en þó þannig
að framkvæmd mótsins verði með
sæmd. Ýmsilegt verður gert til
þess að laða fólk að, boðið verður
upp á fjöltefli, beztu skákmenn
okkar verða skákskýrendur, góðar
veitingar verða á boðstólum á
mótsstað og við munum því leggja
kapp á að þetta takizt vel. Sem
stendur erum við að leita að
íbúðum fyrir keppendur og aðstoð-
armenn þeirra."
Arnór Hannibalsson:
Athygli beint
að kjarna málsins
í 5. TBL. blaðsins „29. júní“ birti ég tveggja síðdegisblaða lágu fyrir.
nokkrar greinar, sem mér er tjáð að
séu mikið til umræðu þessa dagana
manna á meðal.
Umrætt tölublað kom út á þeim
tíma, er úrslit skoðanakannana
Listahátíð á miðvikudagskvöld:
Irski þjóðlagasönghópurinn
Wolfe Tones i Laugardalshöll
ÍRSKI þjóðlagasöngflokkurinn
The Wolfe Tones syngur í Laug-
ardalshöll á Listahátíð á mið-
vikudagskvöld en The Wolfe Ton-
es eru meðal þekktustu og vinsæl-
ustu þjóðiagahópa á írlandi og
hafa um árabil verið þar efstir á
hlaði i skoðanakönnun þekkts
tímarits um tónlistarmál. Þykir
það nokkuð til marks um ágæti
þeirra, í landi sem er þéttsetið
slikum þjóðlagahópum. Þeir
semja sjálfir mikið af lögum. sem
mörg hafa náð efstu sætum á
vinsældalistum, ýmist í flutningi
sjálfra þeirra eða annarra og
ýmsar plötur þeirra hafa orðið
metsöluplötur.
Á síðari árum hafa þeir gert
víðreist utan heimalands síns, og
sungið við góðan orðstí í Frakk-
landi og Þýskalandi, á Norður-
löndunum, í Hollandi og í Banda-
ríkjunum bæði á þjóðlagahátíðum
og á sjálfstæðum tónleikum.
Upphaf Wolfe Tones má rekja
til sumarsins 1963, er fjórmenn-
ingarnir, sem hópinn skipa, Derek
Warfield, Brian ' bróðir hans,
Tommy Byrne og Noel Nagle,
héldu saman yfir þvert írland, á
puttanum, á samkomu írskra
þjóðlagaunnenda í Kerry. Þeir
gerðu stanz í Killarney, þar sem
þeir tóku lagið svona að gamni
sínu á götu úti áður en þeir leituðu
sér næturgistingar og vöktu þá
athygli kanadísks sjónvarps-
manns, sem þar var á ferð að gera
heimildarkvikmynd um landið.
Það var í fyrsta skipti, sem
hópurinn var ráðinn til að spila og
syngja og varð til þess að þeir
ákváðu að freista gæfunnar á
þessu sviði og héldu til Bretlands.
I Bretlandi sungu þeir um nokk-
urt skeið í þjóðlagaklúbbum í
London, Birmingham og Coventry,
við góðar undirtektir en lítinn
gróða, svo allir urðu þeir að vinna
fyrir sér við annað og stunduðu þá
ýmis störf. En um það leyti varð
mikil vakning í þjóðlagatónlist-
inni heima á Iriandi, þar sem þá
voru að koma fram hópurinn sem
síðar varð The Dubliners og annar
er kallaði sig The Clancy Brothers,
og einn góðan veðurdag tóku
fjórmenningarnir saman föggur
sínar og héldu heim á ný. Þar gátu
þeir sér fljótlega talsvert orð
meðal þjóðlagaáhugafólks og er
þeir fóru að syngja inn á plötur
urðu þeir þjóðkunnir á skömmum
tíma.
Ekki var það þó eingöngu fyrir
söng og spil og góðan flutning
þjóðlaga heldur ekki síður fyrir
lögin, sem þeir fluttu, efni þeirra
og anda, er einatt var á þann veg,
að yfirvöld sáu ástæðu til að
banna þau. The Wolfe Tones hafa
alla tíð tekið mjög ákveðna af-
stöðu til þjóðmála, svo sem nafn
hópsins ber vitni um. Wolfe Tone
var kunnur sameiningarsinni er
beitti sér fyrir misheppnaðri upp-
reisn á Irlandi skömmu fyrir
aldamótin 1800 og lagaval þeirra
er í samræmi við það. Þeir hafa
mikið sótt í drjúgan forða þjóð-
laga frá fyrri tíð og á tónleikum
þeirra skiptast á aldagömul lög, er
þeir hafa grafið úr gleymsku og
lög, sem þeir hafa sjálfir samið og
fjalla um írland okkar tíma.
Þessar skoðanakannanir voru ótví-
rætt ótímabærar og vafalaust gerðar
til þess að hafa áhrif á skoðanamót-
un almennings. Blað stuðnings-
manna Péturs J. Thorsteinssonar,
sem kom út í kjölfar þessara skoð-
anakannana, hlaut því að beina
athygli lesenda sinna að hæfasta
frambjóðandanum, og einnig hlaut
blaðið að beina athyglinni að kjarna
málsins: að athuga hvaða kröfur
stjórnarfarsréttur og sögulegar hefð-
ir gera til þess manns sem gegnir
hinu háa embætti forseta íslands.
Bæði útvarp og sjónvarp hafa van-
rækt kynningu á forsetaefnum.
Nokkrar greinar birtust í ofan-
nefndu tölublaði, ritaðar í nokkuð
skörpum tón. Inntak þeirra var
málefnaleg umræða, ekki mærð. Les-
endur voru hvattir til að bera saman
frambjóðendur. Höfundur greinanna
hefur, eins og hver annar, rétt á
sínum persónulegu skoðunum og
menn geta tekið afstöðu til þeirra.
Aðalatriðið er, að kjósendur missi
ekki sjónar af þessu: Þjóðkjör forseta
er til þess að gefa þjóðinni tækifæri
til að velja góðan hæfileikamann i
hið virðulega embætti forseta.
Arnór Hannibalsson
Tónleikar
og dans í
Laugardalshöll
LISTAHÁTÍÐ í Reykjavík og
SATT (Samtök alþýðutónskálda
og tónlistarmanna) efna sameig-
inlega til tónleika og dansleiks í
LaugardalshöII að kvöldi 17. júní,
kl. 9—2 eftir miðnætti.
Fram koma Brimkló, Pálmi
Gunnarsson, Bubbi Morthens og
Utangarðsmenn og hjómsveitin
Chaplin, og leika fyrir dansi.
Samkoma þessi er haldin með
vitund og vilja þjóðhátíðarnefnd-
ar í Reykjavík. Aðgöngumiðar
eru seldir í Gimli við Lækjargötu
og við innganginn.