Morgunblaðið - 17.06.1980, Blaðsíða 46
26
MORGUNBLAÐIÐ, ÞRIÐJUDAGUR 17. JÚNÍ1980
99 ö CD fy rs iti a fl ks kj ötán iér“
s ir J rd IU n íi jar röl llið“ 0 g
E vri hiii isl a r 1A rt rBoga ison
„Það var bara fyrir tilviljun að ég byrjaði í lyftingun-
um. Ég byrjaði að mæta á eina og eina æfingu í
desember 1977, en var svo byrjaður af fullum krafti 2
mánuðum seinna,“ sagði „Norðurhjaratröllið“ og
Evrópumeistarinn Arthur Bogason frá Akureyri er
Morgunblaðið ræddi við hann um helgina.
Eins og menn rekur eflaust minni til þá náði Arthur
þeim frábæra árangri að setja Evrópumet í réttstöðu-
lyftu á móti á Akureyri ekki alls fyrir löngu. Hann lét
ekki þar við sitja heldur bætti sitt eigið met um 5 kg
skömmu síðar á móti í Reykjavík og er metið 340 kg.
„Ég byrjaði strax í kraftlyftingunum“ sagði Arthur,
„mér finnst ég ekki passa í aðrar lyftingar. Ibyrjun átti
ég best 390 kg samanlagt og markmiðið hjá mér var að
ná lágmarkinu til að komast á íslandsmótið, sem var
550 kg og ég rétt náði að merja þá þyngd. Því má skjóta
hér inn í að það mesta sem „tröllið“ hefur lyft í
samanlögðu til þessa er 822,5 kg.
Góð aðstaða
Arthur var spurður hvernig
aðstaðan til lyftingaæfinga væri á
Akureyri. „Við þurfum ekki að
kvarta hér á Akureyri. Við höfum
þokkalega rúmgóðan sal, mjög góð
tæki og góða baðaðstöðu. Það eina
sem setja mætti út á er að við
mættum eiga meira af tækjum.
Akureyrarbær keypti tækin og eru
þau því að nafninu til eign bæjar-
ins. Þau eru að sjálfsögðu ekkert
annað en dulbúinn styrkur til
okkar.“
„Erlendis eru alls kyns læknar
og þjálfarar sem stjana í kringum
lyftingamennina en hér gerum við
allt sjálfir. notum eigið hyggjuvit.
Við fáum ekki tækifæri til að tala
við þessa menn nema á stórmótum
og gefa þeir mönnum þá stundum
góð ráð. Annars getur vel verið að
æfingar þeirra séu leyndarmál
eins og margt annað. Ég hef reynt
að lesa bæklinga sem góðir lyft-
ingamenn hafa gefið út, þá sá ég
einnig Skúla Óskarsson lyfta og
reyndi að herma eftir honum til að
byrja með.“
Hvaða leppalúði
sem er ...
Arthur heldur áfram,: „Tæknin
í kraftlyftingum er mjög einföld,
það gæti hvaða leppalúði sem er
lyft miklum þunga, þetta fer bara
eftir því hvernig kjöt er í
mönnum. Það er alveg eins og á
skepnum, kjöt á mönnum er
l.flokks, 2. flokks og 3. flokks. Það
er 1. flokks kjöt á mér.“
Æfir á daginn
„Það sem ég hef fram yfir aðra
er það að ég æfi á daginn og vinn
síðan á kvöldin. Ég vakna úthvíld-
ur á morgnana, stúdera hvað ég
ætla að æfa yfir daginn og eyði
svo „energíinu" á æfingunni. Hinir
vinna aftur á móti fullan vinnu-
dag, eyða kröftunum þar og æfa
svo á kvöldin."
Undirbúningur
fyrir keppni
Arthur var spurður að því
hvernig hann hagaði undirbúningi
sínum fyrir mót. „Ég keyri á
sérstöku prógrammi 2 mánuði
fyrir mót. Ég bjó mér sjálfur til
prógramm fyrir réttstöðulyftu
eftir að hafa reynt ýmis pró-
grömm sem mér líkaði ekki við.
Ég æfi ekki eftir neinu sérstöku
prógrammi í bekkpressu, enda hef
ég verið níðlatur við að æfa
bekkinn. Ef ég æfði hann eins og
maður færi ég langleiðina upp í
900 kg í samanlögðu. Eg hef æft
sama og ekkert í hnébeygju síðan
um áramót en nú ætla ég að fara
að taka mig á og fara að æfa eins
maður. Það er ekki hægt að haga
sér við æfingar eins og ég hef gert.
Heldurðu að stöðnun verði hjá
þér í bráðina?
Stöðnun hlýtur að sjálfsögðu
einhvern tíma að eiga sér stað en
ég hef æft það stutt að ég á ekki
von á stöðnun hjá mér strax.
Lyftingamenn eru taldir vera á
toppnum eftir u.þ.b. 8—10 ára
þjálfun en ég á ekki von á því að
ég endist svo lengi í þessu, því ég
er mjög mikill skorpumaður.
Lyfjanotkun
Arthur var því næst spurður um
álit sitt á gróusögum þeim um
lyfjanotkun sem skjóta upp kollin-
um annað slagið. „Ég nota í raun
og veru lyf, þ.e.a.s. ég fæ víta-
minsprautur, sem gefa „kick“, þá
ét ég allskonar náttúrufræðigums,
en það er sennilega bara blekking,
gott til að öðlast trúna. Hormóna-
lyf hef ég aldrei séð á íslandi þó ég
sé ekki frá því að þau hafi verið
prófuð og þá frekar í frjálsum
íþróttum frekar en lyftingum.
Fyrir þessu hef ég þó engar
sannanir. Ég hef farið á tvö
Heimsmeistaramót, í annað skipt-
ið til keppni, og enginn vafi er á
þvi að mestu kapparnir þar nota
mikið af lyfjun. Eg hef heyrt að
allir þeir kraftar sem ég hef stafi
eingöngu af lyfjanotkun, en það er
algjör fjarstæða, og ef menn hefðu
áhuga á að komast til botns í því
væri auðvelt að rekja það í
gegnum lyfjabúðir.
Eins og áður sagði vinnur Arth-
ur á kvöldin og þá sem dyravörður
í skemmtistaðnum H-100. Arthur
sagði: „Dyravarsla er örugglega
vanþákklátasta starf sem hægt er
að hugsa sér. Það er engu að síður
mjög þroskandi og krefst ótrúlega
mikillar þolinmæði. Fólk er mjög
dómhart á okkur. Það hefur komið
fyrir að fólk kemur til manns eftir
ball og sagt að húsið væri fullt af
15 og 16 ára krökkum. Maður veit
að sjálfsögðu að þetta er bara bull.
Síðan kemur þetta sama fólk
kvöldið eftir og þá með ungling á
sama aldri með sér. Ef maður vill
ekki hleypa honum inn þá er
ir.aður hið mesta fól. Það erfiðasta
sem maður lendir í, í þessu eru
brjálaðar kerlingar. Það má ekk-
ert koma við þær þá meiða þær
sig. Ég vildi heldur lenda í því að
kasta út heilli togaraáhöfn."
Arthur var spurður um viðhorf
sitt til annarra íþrótta.
„Það eru mjög fáar íþróttir sem
ég hef ekki gaman af að horfa á. í
rauninni eru aðeins 2 íþrótta-
greinar sem mér finnst leiðinlegt
að horfa á, það eru sundknattleik-
ur og glíma. Ég hef t.d. alveg
feykilega gaman af því að horfa á
fótbolta. En auðvitað finnst mér
lyftingarnar toppurinn á öllum
íþróttum. Þessu til sönnunar get
ég tekið dæmi úr bókmenntunum.
Það eru mörgum þúsundum fleiri
manns sem lesa Andrés Önd en
Kiljan. Samt eru bækur Kiljans
taldar betri bókmenntir. Þetta á
einnig við um lyftingar og fót-
bolta. Flestir ef ekki allir erlendir
íþróttamenn nota lyftingar á einn
eða annan hátt við æfingar sínar.
Dæmi um það er golfleikarinn
snjalli Jack Nicklaus. Þegar hann
byrjaði gat hann ekkert slegið að
ráði. Þá hóf hann að æfa bekk-
pressu samfara golfinu. Nú er
hann höggþyngsti golfari í heimi.
Þetta hafa íslenskir íþróttamenn
ekki skilið til þessa. Þeir gera sér
ekki grein fyrir mikilvægi lyft-
inga. Þær eru undirstaðan undir
svo margar íþróttir. Það er t.d.
mjög gott fyrir þá sem þurfa að
vera sterkir í fótunum að æfa
lyftingar, ég get tekið sem dæmi
körfuknattleiksmann og sprett-
hlaupara. Það er afar sjaldgæft að
þessir menn sjáist á æfingum hjá
okkur. Það er algengt hjá iþrótta-
mönnum að þeir eyði meiri tima
og púðri i að drekkja sorgum
sinum eftir tapaðan leik en i að
fagna sigri. Þessi menn ættu
heldur að koma í lyftingar eftir
tapleik og undirbúa sig af krafti
fyrir næsta leik, heldur en að fara
í glasalyftingar.
Geysilegur dellukarl
Arthur var spurður um önnur
áhugamál sín en lyftingarnar. „Ég
er geysilegur dellukarl. Til dæmis
var ég á kafi í bíladellu og tók þátt
í kvartmílukeppnum á Shelby
• Arthúr á æfingu fyrir skömmu. U081" Mbl S0R
„Bíladella vitlausasta hobbí sem hægt er að hugsa sér“
l
\