Morgunblaðið - 17.06.1980, Blaðsíða 20

20
MORGUNBLAÐIÐ, ÞRIÐJUDAGUR 17. JÚNÍ1980
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guðmundsson.
Fréttastjóri Björn Jóhannsson.
Auglýsingastjóri Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar:
Aöalstræti 6, sími 22480. Afgreiösla: Skeifunni 19, sími 83033.
Áskriftargjald 5.000.00 kr. á mánuði innanlands. í lausasölu 250
kr. eintakiö.
Til umhugsunar
á 17. júní
Aþessum þjóðhátíðardegi eru margir uggandi um
framtíðarhorfur í málefnum lands og þjóðar. Þessar
áhyggjur eru ekki ástæðulausar. Okkur hefur ekki
vegnað vel hin síðari ár. Óðaverðbólgan hefur grafið
undan því samfélagi, sem við höfum byggt upp.
Afleiðingar hennar eru slíkar að réttlætiskennd þjóðar-
innar er misboðið á margan hátt. Aldrað fólk á rétt á því
að lifa áhyggjulausu lífi síðustu ár ævinnar. En
óðaverðbólgan hefur séð til þess, að áhyggjur þess eru
kannski meiri nú en þær voru fyrir einum áratug.
Aldrað fólk, sem á langri ævi hefur lagt fyrir til
elliáranna hefur horft upp á sparnað lífstíðar brenna
upp á báli verðbólgunnar. Það er ekki nógu gott
þjóðfélag, sem býr þannig að elztu þegnum sínum, að
þeir hafa vaxandi áhyggjur af afkomu sinni og
takmarkaða möguleika á að bæta þar úr.
Þrátt fyrir óðaverðbólguna höfum við getað fleytt
okkur meðan skilyrði hafa verið hagstæð á fiskmörkuð-
um okkar, eins og þau hafa verið nú í nokkur ár. En nú
eru ískyggilegar horfur framundan á þeim vettvangi.
Lækkandi verðlag og vaxandi sölutregða veldur stór-
felldum vanda hér heima fyrir. Að vísu eru ljósir
punktar í þessari mynd. Staðan á saltfiskmörkuðum og
skreiðarmörkuðum okkar er góð. Áföllin, sem við höfum
orðið fyrir á Bandaríkjamarkaði til þessa eru ekkert í
líkingu við þau skakkaföll, sem við urðum fyrir 1967—
1969. Nú höfum við einnig á fleiru að byggja en fiskinum
einum. Álverið hefur risið. Járnblendið hefur tekið til
starfa. Ullariðnaður hefur verið byggður upp til
útflutnings.
En einmitt vegna þess, að við höfum spennt bogann til
hins ýtrasta, höfum við ekkert upp á að hlaupa. Við
getum ekki leitað í fyrningar eða sparnað. Við höfum
eytt öllu jafnóðum og vel það. Stjórnendur lands og
þjóðar sýnast ekki hafa miklar áhyggjur af framtíðinni.
Kannski vita þeir eitthvað, sem við hin vitum ekki. En í
okkar augum fljóta þeir sofandi að feigðarósi og hækka
launin sín í leiðinni. Það er orðinn siður þeirra
stjórnmálamanna, sem við völd eru hverju sinni að
blekkja þjóðina, að telja henni trú um, að staðan sé betri
en hún í raun og veru er. Stjórnmálamenn, sem sitja í
valdastólum tala gjarnan af bjartsýni og kvarta undan
barlómi þeirra, sem gagnrýna. Ef til vill eru þessir menn
ekki að reyna að blekkja aðra. Ef til vill stunda þeir
sjálfsblekkingu og telja sjálfum sér trú um, að allt sé í
stakasta lagi. En þeir sem taka þátt í dagsins önn í
þjóðlífinu sjálfu vita, að svo er ekki. Innviðir hins
íslenzka lýðveldis hafa verið að fúna, en kjörnir
„leiðtogar“ þjóðarinnar sýnast ekki hafa þungar áhyggj-
ur af því.
Vandi okkar er fyrst og fremst heimatilbúinn. Gæði
landsins eru mikil. Við höfum hreinsað fiskimiðin af
erlendum togurun og sitjum nú að þeim ein. Við eigum
mikil og ónotuð auðæfi í orku fallvatnanna. Við höfum
öll skilyrði til að búa hér góðu lífi. En sundurlyndis-
fjandinn tröllríður hér húsum nú sem fyrr. Sundrungin
einkennir stjórnmálalíf okkar og þjóðmálabaráttu og
setur mark sitt á þjóðlífið allt. Lítil þjóð og fámenn þarf
á því að halda að standa saman. Það er forsenda þess, að
við getum hagnýtt okkur landsins gæði, þjóðinni til
framdráttar. Þetta er verðugt umhugsunarefni fyrir
okkur á þjóðhátíðardaginn og þá ekki sízt fyrir
forystusveit þjóðarinnar, sem margir telja og ekki að
ósekju, að hafi ekki valdið því verkefni, sem hún hefur
boðizt til að taka að sér.
Morgunblaðið sendir lesendum sínum árnaðaróskir á
þjóðhátíðardaginn.
Menntaskólinn á Akureyri 100 ára:
Fjölmenni á
minningarhátíð
á Möðruvöllum
Afmælishátíð Menntaskólans á Akureyri hófst með minningar-
hátíð í kirkjunni á Möðruvöllum í Hörgárdal sl. sunnudag. Hófst
hátíðin með ávarpi forseta íslands, dr. Kristjáns Eldjárns, sem er
gamall nemandi skólans. Siðan var helgistund í umsjá séra Þórhalls
Höskuldssonar sóknarprests á Möðruvöllum. Að lokum flutti
Steindór Steindórsson frá Hlöðum, fyrrum skólameistari, hátíðar-
ræðu þar sem hann rakti sögu skólans og áhrif hans á mannlif á
Norðurlandi.
Mikið fjölmenni sótti hátíðina í besta veðri. Sat fólk bæði í
kirkjunni og fyrir utan hana. Meðal viðstaddra voru, auk forseta
íslands og konu hans frú Halldóru Eldjárn, menntamálaráðherra,
Ingvar Gíslason, og Hjörleifur Guttormsson iðnaðarráðherra, en þeir
eru báðir gamlir nemendur skólans.
Eftir athöfnina í kirkjunni gengu gestir um á Möðruvöllum og
skpðuðu staðinn.
I gærkvöldi var hátíðarveisla í salarkynnum heimavistar M.A. Þar
voru forseti Islands, menntamálaráðherra og 6 gamlir starfsmenn
M.A., sem sæmdir voru gullmerkjum skólans. Þeir eru Steindór
Steindórsson fyrrv. skólameistari, Hermann Stefánsson íþróttakenn-
ari, Hulda Stefánsdóttir, elsti núlifandi kennari skólans, Margrét
Eiríksdóttir, ekkja Þórarins Björnssonar fyrrum skólameistara,
Brynjólfur Sveinsson, kennari við skólann í yfir 40 ár, og Árni
Friðgeirsson gjaldkeri M.A. Auk þeirra voru í veislunni fulltrúar
Akureyrarbæjar, fulltrúar afmælisárganga, nýstúdentar og starfs-
menn skólans.
Núverandi og fyrrverandi skólameistari, Tryggvi Gislason og Steindór
Steindórsson.
Gengið úr kirkju. Forsetahjónin
Eldjárn ásamt sóknarprestinum s
H
Rabbað saman i veðurbliðunni, þar má kenna Halldór Blöndal, alþingismann, Gisla Jónsson, menntaskól
skólastjóra Menntaskólans i Reykjavik.