Morgunblaðið - 30.04.1981, Qupperneq 19

MORGUNBLAÐIÐ, FIMMTUÐAGUR 30. APRÍL 1981
19
golfvöllinn í Grafarholti stór-
kostlega, en oddvitarnir þrír hafa
nú dregið nokkur í land með það.
Samt tel ég veruleg líkindi til þess
að framtíð golfvallarins sé stefnt í
verulega óvissu með þessum hug-
myndum. Meirihluti borgarráðs
hafði tilkynnt að tillöguuppdrátt-
um yrðu breytt á þann veg fyrir
borgarstjórnarfundinn, að ekki
yrði að golfvellinum þrengt. Það
hefur hins vegar komið á daginn
að á kortum þeim sem liggja til
grundvallar á fundinum, er áfram
gert ráð fyrir skerðingu golfvall-
arins. Þá verður þrengt stórkost-
lega að hagsmunum hestamanna,
sem hafa komið sér upp ákaflega
myndarlegri aðstöðu og blómlegri
starfsemi og er ljóst að athafna-
svæði þeirra verður aldrei það sem
það átti að vera, ef hugmyndir
vinstri flokkanna ná fram að
ganga. Framtíð Elliðaánna sem
veiðiáa er og sett í verulega óvissu,
enda skortir mjög á að rannsóknir
liggi fyrir, sem taki af tvímæli um
áhrif vaxandi dælingar á vatna-
veitusvæðunum í Heiðmörk á
rennsli og vatnsmagn Elliðaánna,
í kjölfar þess að Bullaugun verði
lögð af sem neysluvatnsból. Sú
ráðstöfun er sem kunnugt er ein af
forsendum Rauðavatnsbyggðar-
innar. Vinstri meirihlutinn stefnir
ennfremur að því að uppræta
mörg þúsund, eða tugi þúsunda
trjáplantna, sem gróðursettar
voru á Ártúnsholti og á Rauða-
vatnssvæðinu — reyndar m.a. á
þessu kjörtímabili.
Ofan á þetta allt saman á að
þrengja byggð ofan í Elliðaárdal-
inn, en slíkt hefur aldrei staðið til
og striðir það gegn fyrri friðunar-
áformum um dalinn. Allt þetta
sýnir mikið tómlæti og skilnings-
leysi á mikilvægi umhverfis og
útivistar í höfuðborg landsins.
Uppgjafar- og aftur-
haldsforsendur
Þá er rétt að minna á að ein af
forsendum nýja skipulagsins og
ein forsenda þess að gamla skipu-
laginu var hafnað, er mannfjölda-
spá sem meirihlutinn byggir á.
Samkvæmt henni gefur meirihlut-
inn sér þá forsendu að nánast
engin fjölgun verði í Reykjavík á
næstu árum og áratugum. Þeir
gera ráð fyrir að öll náttúruleg
fjölgun dreifist í nágrannabyggð-
irnar, til útlanda eða út á land.
Þetta eru auðvitað algerar upp-
gjafar- og afturhaldsforsendur,
sem settar eru fram að hluta til
eftir á, til að skýra stórkostlegt
aðgerðarleysi vinstri flokkanna í
skipulagsmálum.
Reykjavíkurborg er fyrst og
fremst nauðsynlegt, að efla stór-
kostlega atvinnulíf innan borg-
armarkanna og skapa skilyrði
fyrir því, að ungt fólk með góða
tekjuöflunarmöguleika geti skotið
rótum í e*la mun
Reykjavík dragast aftur úr öðrum
sveitarfélögum og drabbast niður.
Það er vissulega hryggilegt að
segja það, en að því virðist meðvit-
að stefnt af meirihluta borgar-
Stjóriiar Reykjavíkur.“
Alþýðuflokkur og
Framsóknarflokkur
létu teyma sig á
asnaeyrunum
Var ágreiningur um aðalskipu-
lagið sem samþykkt var 1977?
„Allur aðdragandinn að þessum
áformum vinstri meirihlutans er
afar sérstæður, svo ekki sé sterkar
til orða tekið. Það er ekki eins og
að samþykktin frá 1977, að byggja
meðfram ströndinni og heilbrigð
skynsemi sýnir að sé vænsti kost-
urinn, hafi einungis verið hugðar-
efni okkar sjálfstæðismanna. Að
þessu verkefni var unnið lengi og
vandlega og fengu allir borgar-
stjórnarflokkarnir mjög góða að-
stöðu til að fylgjast með allri
undirbúningsvinnu, ólíkt því sem
nú er.
Svo fór að lokum að Alþýðu-
flokkur og Framsóknarflokkur
stóðu að þessu skipulagi með
Sjálfstæðisflokknum, en Alþýðu-
bandalagið var eitt á móti. Það
fékk síðan öll völd í skipulagsmál-
um borgarinnar, eftir að meiri-
hlutinn tók við. Alþýðubandalagið
hefur kúskað Alþýðuflokkinn og
Framsóknarflokkinn til þess að fá
þá til að falla frá fyrri hugmynd-
um sínum í þessum málum. Al-
þýðubandalagið hafði áður sýnt að
það var með algerlega óraunhæfar
og óframkvæmanlegar hugmyndir
í skipulagsmálum borgarinnar og
því þurfti þeirra afstaða ekki að
koma á óvart. Hlutur Alþýðu-
flokksins og Framsóknarflokksins
er hins vegar stórkostlega ámælis-
verður og þeir hljóta að taka á sig
verulegan þunga af þeirri ábyrgð
að koma framtíðarþróun Reykja-
víkur í slíkt óefni, eins og hér er
að stefnt. Ég vil fullyrða að
fulltrúar þessara flokka í borgar-
stjórn, gera sér fulla grein fyrir
því að þessar skipulagshugmyndir
sem nú á að keyra i gegn, eru
gjörsamlega óraunhæfar og
óframbærilegar. Þeir standa nú
hins vegar frammi fyrir hinum
kalda raunveruleika og sjá, að þeir
hafa látið teyma sig á asnaeyrun-
um í þrjú ár í skipulagsmálum
borgarinnar. Þeir eru komnir svo
langt út í fenið að þeir telja að
ekki verði aftur snúið. Þeir telja
sig því verða að veifa heldur röngu
tré en öngu, því þeim er ljóst að ef
þeir sneru baki við þessum hug-
myndum nú, þá rynni upp fyrir
hverjum manni að til einskis hefði
verið unnið af þeirra hálfu í þrjú
ár.
Innan flokka þeirra er bullandi
reiði og ágreiningur yfir þessum
óförum borgarfulltrúanna, þvi þar
gera æ fleiri sér grein fyrir þeim
staðreyndum sem ég var að rekja.
Þeir munu þó standa með þessari
vitleysu til enda, til þess að reyna
að breiða yfir þá staðreynd að
vinstri stjórn hefur tafið þróun
borgarinnar um þrjú ár og stefnt
uppbyggingu atvinnulífs og
mannlífs í voða, með ófyrirsjáan-
legum afleiðingum fyrir Reykja-
vík og Reykvíkinga."
Lítilsvirðing meiri-
hlutans á borgar
búum í hámarki
í hverju eru kostir aðalskipul-
agsins frá 1977 fólgnir?
„Kostir aðalskipulagsins frá
1977 eru augljósir. Samanburður á
landkostum er því skipulagi í hag
og augljósir hverjum manni. í þeim
hugmyndum var gert ráð fyrir
miklum þætti til uppbyggingar
atvinnulífs, sem ekki er gert í
núverandi hugmyndum nema að
mjög takmörkuðu leyti. Aðal-
skipulagið frá 1977 var byggt á
ítarlegum útreikningum 0" um'
ferðarspá og allt gatnakerfi hann-
að samkvæmt því. Við gerð núver-
andi skipulags er gjörsamlega
rennt blint í sjóinn hvað þessi
atriði varðar.
Það má rifja það upp að við
andirbúning skipulagsins frá 1977
var haldin skipulagssýning í sal
KjarvaiSStaða. þar sem mönnum
var gefið tækifæri tii ao kyr.na?t
hugmyndum þessum og slík sýn-
ing fór einnig fram í Fellahelli í
Breiðholti. Við sjálfstæðismenn í
borgarráði fluttum um það tillögu
að nú yrði staðið að kynningu á
núverandi hugmyndum, með sam-
bærilegum hætti og þá var. Meiri-
hlutinn brást þannig við tillög-
unni að ákveðið var að setja skyldi
upp sýningu á nokkrum pöllum, í
gangi í einu horni Kjarvalsstaða,
viku áður en afgreiða átti málið
endanlega í borgarstjórn.
Oft hafa þessir menn lítilsvirt
borgarbúa í samskiptum sínum
við þá á þessu kjörtímabili, en ég
held að þetta sé hámarkið!"
— ój
Háskóla-
fyrirlestur
um starf
skynfruma
DR. WILLIAM Wales frá Stir-
ling-háskúla í Skotlandi heldur
fyrirlestur í boði Háskóla íslands
fimmtudaginn 30. apríl 1981 kl.
16.30. í húsnæði Háskólans að
Grensásvegi 12.
I frétt frá Háskóla íslands
segir, að dr. Wales muni flytja
yfirlit yfir starfsemi skynfruma,
sem nema tog og lengd vöðva og
gera samanburð á gerð þeirra og
hlutverki í ýmsum tegundum
dýra.
Lækkun í
stað hækkun
Á baksíðu Mbl. í gær, í frétt um
að viðræðum við BNOC hafi verið
frestað, slæddist inn prentvilla í
fyrirsögn. Segir í fyrirsögninni, að
viðræðunum við BNOC hafi verið
frestað vegna olíuverðshækkana,
en átti að vera olíuverðslækkana,
eins og kemur fram þegar fréttin
sjálf er lesin.
Mbl. biðst velvirðingar á þess-
um mistökum.
'
Quadro
klædir
Quadro dúkur fæst í fjölbreyttu litaúrvali.
Hægt er aö fá sama munstur á veggi og
gólf, en í mismunandi þykktum.
Quadro dúkur hentar hvort sem er í
baðherbergi, eldhús eöa önnur herbergi í
íbúöinni.
Fæst í byggingavöruversiunum um land
allt. Þú vilt þaö besta og velur því Quadro
Verzlunin Dropinn,
Hafnargötu 80, Keflavík.
FE RÐAVINNINGAR
300 utanferðir
á tíu þúsund hver
FJQLGUN OG
STORHÆKKUN
VINNINGA
Auk þess 11 vinningar til
íbúða- og húseignakaupa á
150.000.-, 250.000.- og 700.000.-
krónur.
Fullfrágenginn sumarbústað-
ur, 100 bílar og fjöldi húsbún-
aðarvinninga.
Sala á lausum miðum og
endurnýjun flokksmiða og
ársmiða stendur yfir.
Miði er möguleiki
dae
SÐS