Morgunblaðið - 30.03.1982, Blaðsíða 15

MORGUNBLAÐIÐ, ÞRIÐJUDAGUR 30. MARZ 1982
15
Kammersveit Reykjavíkur
Tóniist
Jón Asgeirsson
Kfni.sskrá:
Debussy Sónata fyrir flautu, lág-
dðlu og hörpu.
Barber Dover Beach op. 3.
Beethoven Septett op. 20.
Meðal síðustu verka De-
bussy er sónata fyrir flautu,
lágfiðlu og hörpu. Hún er önn-
ur í röð sex fyrirhugaðra
verka tónskáldsins, er hann
ætlaði í gerð og stíl að tengja
klassiskum formum frönsku
hljóðfærameistaranna á 17. og
18. öldinni. Hann lauk aðeins
við þrjár sónötur, en þá þriðju,
fiðlusónötuna, samdi hann
fársjúkur. Verkin þykja nokk-
uð unnin og ekki gædd því
listfengi er Debussy átti í svo
ríkum mæli. Jón Sigurbjörns-
son, Stephen King og Monika
Abendroth fluttu verkið slétt
og vel fellt en nokkuð ósam-
fellt í blæbrigðum. Flautan
gerði sitt, lágfiðlan sitt, svo og
harpan á stundum nokkuð vel,
en enginn teygði sig til hvors
annars í leit að sameiginleg-
um blæbrigðum, svo sérkenni
hvers spilara aðgreindu sig og
klufu verkið í stuttarútstæðar
tónhendingar.
Annað verkið, Dover Beach
eftir Barber, er eitt af fyrstu
verkum hans í stærra formi en
sönglag. Barber lærði söng og
hélt ungur ljóðatónleika, þó
nú muni menn aðeins eftir
tónskáldinu. Ekki ristir verkið
djúpt en er vel samið, sér-
staklega sönghlutverkið, sem
John Speight, með aðstoð
strengjakvartett Kammer-
sveitarinnar, flutti mjög fal-
lega. Síðasta verkið er Sept-
ettinn frægi op. 20 eftir Beet-
hoven. I þessu verki þarf hver
hljóðfæraleikari að flytja sitt
með tungulipurð og snilli, svo
opið og ljóst kveður Beethoven
stökur sínar. Þrátt fyrir að
margt væri þar vel gert, var
heild flutningsins svo getulaus
hjá einstaka hljóðfæraleikara,
að ekkert nema „fíasco" á þar
heima sem umsögn.
Reykjavíkursaga ’82
nTTTrm
Lilja Hallgrímsdóttir
Söngleikurinn Jazz-Inn, Máskólabíó.
Höfundur handrits og dansa: Bára
Magnúsdóttir.
Tónlist: Árni Scheving, Guðmundur
Ingólfsson, Helgi H. Kristjánsson og
hljómsveitin Friðryk.
Leikmynd: Rósa Ingólfsdóttir.
Búningar: Steinunn Sigurðardóttir.
Lýsing: Gísli Sveinn Loftsson.
Hljóð: Engilbert Jensen.
Sviðsstjórn: Ágúst Ágústsson.
Sýningarstjóri: Anna Norðdahl.
Bára Magnúsdóttir er fædd á
Akranesi 1947. Hún hóf dans-
nám sex ára gömul hjá Sigríði
Ármann, síðan hélt hún áfram
námi í Listdansskóla Þjóðleik-
hússins. Aðeins sextán ára göm-
ul fór hún til frekara náms í
dansi við Arts Educational
School í London og var þar í tvö
ár. Er hún kom heim aftur
kenndi hún við Ballettskóla Sig-
ríðar Ármann í eitt ár, en stofn-
ar svo sinn eigin skóla undir
nafninu Jazzballettskóli Báru,
sem hún hefur nú rekið í sautján
ár.
Það þarf mikinn eldmóð, til að
setja upp sýningu sem þessa án
nokkurra styrkja, en hann virð-
ist Bára hafa í ríkum mæli.
Hugmyndin að söguþræðinum er
gömul og ný. Sagan um ungu
hjónin, sem framtíðin virðist
brosa við, en alvara lífsins er
ekki langt undan og lífsgæða-
kapphlaupið reynist þeim erfitt.
Þau lenda í vanskilum og reyna
að bæta um með yfirvinnu og
skyndilánum að ógleymdum
Ó-lánum. Að lokum fjarlægjast
þau hvort annað og skemmti-
staðir verða þeirra þrautalend-
ing. Þar leiðist þeim eins og
flestum, sem þar rápa upp og
niður stiga í stanslausri leit að
engu og reyna að drepa tímann
og leiðindin með vímugjöfum og
fleiru óæskilegu athæfi.
Söngleikurinn Jazz-Inn skipt-
ist í mörg atriði. Ágætlega tekst
Báru að tengja þau saman svo að
hvergi er eyða. Hún lætur dans-
arana syngja og dansa þessa
sögu á sannfærandi hátt. Auðséð
er að þetta er vel þjálfað fólk og
ómæld vinna hefur verið lögð í
þessa sýningu. Mér finnst sýn-
ingin hafa tekist vonum framar
hjá Báru og á hún hrós skilið
fyrir framtak sitt, sem eykur úr-
valið hér í borg í leikhús- og
skemmtiiðnaði. Þetta er í bland
revía, kabarett og söngleikur
sem höfðar til „núsins".
Tónlistin er einnig frumflutt
og átti hún stóran þátt í sýning-
unni, skemmtileg, kröftug og
þrælgóð. Höfundar tónlistarinn-
ar, sem að framan er getið,
fluttu hana ásamt Þorleifi Gísla-
syni saxófónleikara en stjórn-
andi þeirra var Árni Scheving.
Pálmi Gunnarsson fer með
eitt aðalhlutverkið í söngleikn-
um, kemur hann fram í ýmsum
gervum og slær í gegn. Sigrún
Waage dansar og syngur hina
ungu brúði ágætlega, einkum var
hún góð í atriðunum eftir hlé.
Hljóðnemi hennar virtist' ekki
alltaf vera í sambandi, sem er
miður því hún hefur mjög
þokkalega rödd. Guðbergur
Garðarsson er brúðguminn,
hann var yfirvegaður í túlkun
sinni, sem má reyndar segja um
alla þátttakendur því ekki varð
vart við neina taugaspennu.
Dansarar í dansflokki JSB (allir
nemendur Báru) eru allan tím-
ann á sviðinu og leika hin ýmsu
hlutverk. Bæði dansa og syngja
af miklum þrótti og áhuga. Hóp-
urinn er góður í heild en hann
skipa: Árni Rudólfsson, Jóhanna
Jóhannsd., Margrét Arnfinnsd.,
Margrét Hilmisd., Ásta Ólafsd.,
Sigrún Ægisd., Emilía Jónsd.,
Áslaug D. Ásgeirsd., Agnes
Kristófersd., Fanney Gunn-
laugsd., Edda Georgsd., Hend-
rika Waage, Jónína Hauksd. og
Erna Jónsd. Einnig koma fram
Haukur og Hörður ásamt
bardagalistahópnum, en þeir
dansa í kimevasa (japanskt) stíl.
Tjöld, búningar og fjörug lýs-
ing allt var þetta í anda sýn-
ingarinnar og ágætlega unnið.
Það er ekki hægt að ætíast til of
mikils af áhugafólki, en ég segi
að þarna er vel að verki staðið.
Eg skemmti mér vel og hreifst
með áhuga og dugnaði þessa
fólks.
Ég hlakka til að fylgjast með
þeim í framtíðinni, því að hún er
þeirra.
(ja/LdjfJ þvottavélin:
Státvélin sem stenst
trnianstöim
Nýju Candy þvottavélarnar eru með pott úr ryðfríu
stáli og utan um hann er sterk grind, sem tekur
átakið af pottinum.
CANDY þvottavélar fyrir kalt vatn
CANDY þvottavélar fyrir heitt og kalt vatn
CANDY þvottavélar með 400,500 eða 800 snúninga
vinduhraða.
Einnig bjóðum við Candy þurrkara, svo nú getið
þér þurrkað allan þvottinn í einu á meðan þvotta-
vélin er að þvo. Þannig sparast mikill tími.
CANDY GÆÐI CANDY ÞJÓNUSTA
r
PFAFF

Bortgartúni 20 Sími 26788
Af hverju
M JUNCKERS parket ?