Morgunblaðið - 09.05.1982, Blaðsíða 45

MORGUNBLAÐIÐ, SUNNUDAGUR 9. MAÍ1982
45
Ættbók og saga íslenska hesteins:
Oskad eftir myndum og
upplýsingum
UNNIÐ er aö því þessa dagana, aö
prenta og ganga frá IV. bindi rit-
verksins Ættbók og saga íslenska
hestsins á 20. öld, eftir Gunnar
Bjarnason fyrrum hrossaræktar-
ráðunaut, eins og áöur hefur verið
frá skýrt í Morgunblaðinu. Bókafor-
lag Odds Björnssonar á Akureyri
mun gefa þetta IV. bindi út eins og
þrjú hin fyrri. I I. bindi var fjallaö
um Kttbókarfæröa stóðhesta frá ein-
um til 664. f II. og III. bindi var svo
fjallað um ættbókarfærðar kynbóta-
hryssur. í IV. bindi, sem áætlað er
að komi út í sumar, verða síðan upp-
lýsingar um stóðhesta með ættbók-
arnúmer frá 665 til 950.
Gunnar Bjarnason hefur beðið
Morgunblaðið að koma því á fram-
um stóðhesta
færi við eigendur umræddra
stóðhesta, það er ættbókanúmer
665 til 950, að þeir komi myndum
af þeim og öðrum upplýsingum til
sín, eða sendi þær til Bókaforlags
Odds Björnssonar á Akureyri.
Gunnar kvaðst hafa mikið magn
mynda í fórum sínum, og flestar
nauðsynlegar upplýsingar, en þó
væri alltaf fengur að því að fá
nánari upplýsingar frá eigendum
hestanna eða öðrum er til þeirra
þekktu. Einnig gæti verið að um
væri að ræða óskir um birtingu á
einhverjum sérstökum myndum.
Sagði Gunnar feng vera í öllum
upplýsingum, sem þó yrðu að ber-
ast innan tíðar, vegna þess að
vinnsla bókarinnar er þegar kom-
in vel á veg.
Karl V. Þorleifs-
son Dalvík — Minning
Fæddur 5. janúar 1926
Dáinn 1. mars 1982
Er sú harmafregn barst mér, að
Kalli væri dáinn, setti mig hljóð-
an. Hversu flókinn er ekki vefur
örlaganna, að taka hann frá
okkur, hann sem var faðir stúlk-
unnar minnar og átti bráðum að
verða afi fyrsta barnsins okkar.
Gjörðir Guðs verða ekki skýrðar
með rökum eða lögmálum verald-
leikans og tilviljun virðist ráða
hvar maðurinn með ljáinn kemur
við hverju sinni. Gagnvart dauð-
anum er máttur okkar mannanna
lítill, en okkur ber að sýna jafnað-
argeð og leita huggunar í orðum
Guðs. .
I hverju sem að höndum ber
og hvað sem bágt oss mætir,
þín hjálp oss nálæg ætíð er
og allar raunir bætir.
(I*. Jónsson.)
Mér varð hugsað til atviks er
gerðist síðasta sinn er ég sá Kalla
á lífi. Hann hafði farið niður á
bakka að sækja ærnar er hann
hafði látið út, þær voru komnar
heim að húsum, en Kalli sást
hvergi, ég fór að huga að honum
og sá hann sitjandi niðri á bakka.
Eg hljóp nú strax niður eftir og
spurði hann hvort eitthvað væri
að, hann sagði að það væri ekkert
að, hann væri bara orðinn gamall
og hefði ekki getað hlaupið fyrir
rolluna þarna og bendir mér á
hana þar sem hún er lengst úti í
fjörunni.
Eftir að Kalli fór, hefur mér oft
verið hugsað til þessa atviks, sér-
staklega í sambandi við það sem
læknar voru áður búnir að segja
honum, þ.e. að hann yrði að fara
varlega með sig og mætti ekki
ofreyna sig vegna hjartasjúkdóms.
Held ég, vegna áðurnefnds atviks
til dæmis, að sjúkdómur þessi hafi
verið farinn að hrjá hann meira
en hann lét á bera.
Nú eftir áramótin í vetur,
minntist Kalli á það við mig að
skrifa eftirmæli um sig þegar
hann færi, tók ég það að sjálf-
sögðu ekki alvarlega og slógum við
þessu upp í grín, enda lét ég mér
alls ekki til hugar koma að svona
færi innan tíðar. Finn ég hjá mér
hvöt til að gera þessa bón, sem er
þó frekar unnin af vilja heldur en
hæfni eða þekkingu á lífsferli
hans.
Ég sá Kalla fyrst á miðju sumri
1980 er ég kom óvænt í heimsókn
til Svanhildar sem ég hafði þá ný-
lega kynnst.
Við þessi fyrstu kynni kom Kalli
mér fyrir sjónir sem maður óvenju
hamingjusamur, var hann síhlæj-
andi og glettist óspart við fjöl-
skyldu sína, sem þá var öll heima.
Þá um sumarið kom mér oft í hug
hversu hamingjusöm þessi fjöl-
skylda væri. Kynntumst við Kalli
ekki náið fyrr en um veturinn er
ég kom að sunnan. Reyndist hann
mér prýðisvel í alla staði, sérlega
varð mér mikilvægur sá greiði er
hann gerði mér, er hann tók að sér
hestinn minn, sem verið hafði
heimilislaus þá um veturinn. Er
mér minnisstætt hversu gott lag
Kalli hafði á öllum dýrum, þar á
meðal þessum hesti, sem var með
erfiðasta móti til að byrja með. En
þá kenndi Kalli mér þá lexíu, að
stífni í sambandi við dýrin er ekki
vænleg til árangurs, heldur er þol-
inmæðin og góðmennskan í um-
gengni við þau farsælust, rétt eins
og með mennina. En af þessu
tvennu átti Kalli nóg og fengum
við sem næst honum stóðum að
njóta ríkulega af þessum þáttum,
er voru raunar mest áberandi í
fari hans.
Kalli lætur eftir sig eiginkonu,
Önnu Jóhannesdóttur, er verið
hefur honum dyggur lífsförunaut-
ur í nær aldarfjórðung. Ennfrem-
ur lætur hann eftir sig þrjú börn,
Svanhildi f. 1959, Sigurbjörgu f.
1961, og Þorleif f. 1963, einnig
sjúpsoninn Jóhannes, ásamt
fjölda af systkinum og frændfólki.
Fyrir okkur öll hefur þetta óvænta
fráfall verið þungbært, sérstak-
lega fyrir börnin og konuna, en
lífið heldur áfram sinn vanagang
og ég veit, að Kalli vildi, og eflaust
vill enn þar sem hann er núna, að
börnin sín standi sig vel í lífsbar-
áttunni. Því það að koma börnum
sínum til manns er æðsta köllun
lífsins og stærsta umbun ævi-
starfsins hlýtur að vera sú, að sjá
börnum sínum vegna vel í lífinu.
Sem er kannski ekki síst því að
þakka að þau fái góðan undirbún-
ing og veganesti frá föðurgarði, en
af því veit ég að börn þeirra Kalla
og Önnu hafa fengið ríkulega.
Ég veit, að Kalla mun líða vel,
þar sem hann er nú og hvílir sig
eftir starfið hér á jörðinni.
Við, sem þekktum Kalla, minn-
umst hans með hlýju og innilegu
þakklæti fyrir allt. Minning hans
mun verða okkur ljós er við förum
ókunna vegu framtíðarinnar.
„Marg.s er að minn&sl,
margt er hér aö þakka.
(«udi .sé lof fyrir liðna tíð.
Margs er að minnaNt,
margs er að sakna.
(>uð þerri tregatárin stríð.
Kar þú í friði,
friður («uðs þÍK blessi.
hafðu þökk fyrir allt og allt.
(•ekkst þú með (iuði,
(»uð þér nú fylgi,
hans dýrðarhnoss þú hljóta skalt.“
(V. Briem.)
Kristján Gunnarsson
Nýir hjölbaróar
Sölaóir hjölbaröar
yllmenn hjölbaröaþjönusta
Bandag Hjólbarðasólun h.f.
Dugguvogi 2 Sími 84111
Hjólba rðaverkstæði Sigurjóns
Hátúni2 Sími 15508
S/GLUM
Á ÞRJÁR HAFN/R í DANMÖRKU
Erw bætum við þjónustuna og bjóöum nú upp á reglulegar áætl-
unarsiglingar til þriggja hafna í Danmörku.
Með þvíað notfæra sér þessa þjónustu geta t.d. innflytjendur ávallt
stefnt vörum sínum til þeirrar hafnar sem næst er verksmiðju þeirri
sem keypt er frá. Með þessu móti aukast möguleikar þeirra á að ná
hagkvæmum innkaupakjörum vegna nálægðar seljenda við afskip-
unarhöfn.
Skip Skipadeildar Sambandsins munu hafa að meðaltali 8—9 við-
komur í hverjum mánuði í Danmörku og veita þar með inn- og út-
flytjendum þá bestu þjónustu sem völ er á.
Arhus
Arhus er stærsta gámaflutningahöfn Danmerkur,
auk þess aö vera mjög stór í öörum almennum
flutningum.
Helstu iðnaöar- og athafnasvæöi Danmerkur eru
staðsett í nágrenninu og með því aö skipa vörum
þangað og þaðan um Arhus geta sparast umtals-
verðar upphæöir vegna hagkvæmari innanlands-
flutnings.
Umboðsmenn:
Bergmann, Smith & Co., Pier2, 8100 Arhus
Sími: (06) 128188 Telex: 64375 bergs dk
svenaDorg
Vegna legu sinnar ei
Svendborg mjög hagkvæm
höfn fyrir alla flutninga til
og frá Suður-Jótlandi og Fjóni.
Umboðsmenn:
Bjerrum & Jensen Aps.,
Havnepladsen 3,
5 700 Svendborg
Sími: (09) 212600
Telex: 58122 broka dk
SK/PADE/LD
SAMBANDS/NS
SAMBANDSHÚSINU REYKJAVÍK SÍMI 28200
Kaupmannahöfn
Kaupmannahöfn hentarmjög vel fyrir
allar vörur til og frá Sjálandi
Umboðsmenn:
Alfragta/s 35, Amaliegade,
1256 Köbenhavn Sími: (01)111214
Telex: 19901 alckh dk