Morgunblaðið - 08.06.1982, Qupperneq 46
26
MORGUNBLAÐIÐ, ÞRIÐJUDAGUR 8. JÚNÍ 1982
• Jón Gunnar Aðils, kornungur siglingamaður, var fyrir skömmu kjör-
inn íþróttamaður Garðabæjar fyrir irið 1981. Það er Bræðrafélag Garða-
bæjar sem stendur að kjörinu og gefur verðlaun. Á myndinni hér að ofan
má sjá Jón Gunnar taka við veglegum verðlaununum úr hendi Björns
Magnússonar formanns Bræðrafélagsins. f atkvæðagreiðslu hlaut Jón 60
atkvæði, Magnús Teitsson handknattleiksmaður hlaut 51 atkvæði og
Margrét Jónsdóttir hestakona 43 stig.
Vaxtarrækt
VEGUR og vinsældir vaxtarræktar á
íslandi hefur verið mikill og hraður
á undanfórnum árum og þó alveg
sérstaklega á síðustu mánuðum. í
nóvembermánuði 1982 fengu frum-
kvöðlar vaxtarræktar á íslandi
heimsmeistarann í vaxtarrækt til ís-
lands. Kenndi hann áhugasömustu
vaxtarræktarmönnum hér sýningar
og keppnisaðferðirnar, kynnti reglur
og hafði sýningu fyrir almenning
ásamt 15 bestu Islendingum þessar-
ar yngstu greinar íþrótta hér á iandi.
Sýning sænska heimsmeistar-
ans Andrésar Cahling og íslend-
inganna í nóvember varð upphaf
byltingar í vaxtarrækt hér á landi.
Eftir sýninguna kom fjöldi fólks
fram í dagsljósið og tók þátt í æf-
ingum með áhöldum.
Vaxtarræktin virðist eiga vax-
andi fylgi að fagna víða um heim
og er alþjóðasamband vaxtar-
ræktarmanna (International Fed-
eration of Body Builders) fimmta
stærsta íþróttasamband heimsins.
Á íslandi eru nú að minnsta kosti
3000 iðkendur vaxtarræktar, fólk
sem á heima fyrir ýmis létt þjálf-
unartæki og notar þau eftir sér-
stökum æfingarkerfum. Það er
einnig fólk sem að staðaldri
stundar sérstakar vaxtarrækt-
arstöðvar, þar sem æft er undir
handleiðslu leiðbeinenda og
lærðra kennara og njóta nemend-
ur vatns- og sólarbaða á eftir.
Vaxtarræktin er þannig að verða
almenningsíþrótt hér á landi.
Langflestir þeirra, sem íþróttina
stunda, eru einungis að hressa upp
á líkamann, stæla sig í hófi og
reyna að stuðla að betri líðan. En
innan vaxtarræktarinnar hefur
myndast hópur fólks sem vill ná
ákveðnu hámarki, vill og þarfnast
skipulegrar keppni í íþróttinni.
Þannig eru um 40 keppendur sem
tóku þátt í fyrsta Islandsmótinu
Hlutfall keppenda í vaxtarrækt
erlendis, miðað við allan fjöldann
er íþróttina stundar, er víða mun
hærra en hér, en mikill meirihluti
fólks lítur á vaxtarræktina sem
almenningsíþrótt en ekki keppn-
isíþrótt. Það sama gildir því um
þessa íþrótt og flestar aðrar, þús-
undir manna synda t.d. eða fara á
skíði, þó fáir láti sér detta í hug að
taka þátt í keppni af einhverju
tagi.
Talsmenn vaxtarræktarinnar
segja að skipulagðar æfingar með
áhöldum stuðli að auknu þreki,
betra úthaldi og fegurri byggingu
alls líkamans, sumir ganga jafnvel
svo langt að segja að hún sé lykil-
orðið að þeim líkamsvexti sem
frægir leikarar og fleiri hafa get-
að haldið til elliára eða fram á
grafarbakkann. En hvað sem hæft
er í því, þá virðist mikill áhugi
vera á þessari grein íþrótta um
þessar mundir, troðfullt var út úr
dyrum á fyrsta íslandsmeistara-
mótinu í Broadway
Það eru eflaust skiptar skoð-
anir um það hvort þessi líkams-
vöxtur sé eitthvað fyrir augað, en
eftirfarandi myndir voru teknar á
fyrsta Islandsmeistaramótinu í
vaxtarrækt.
• Mörgum þykir vaxtarrækt fegra
líkamann verulega, einkum ef hún
er stunduð í sæmilegu hófí. Sjá má
af myndunum hér að ofan, að þessir
mörgu hafa lög að mæla, en þær
voru teknar á fyrsta íslandsmótinu í
vaxtarrækt, en það var haldið eigi
alls fyrir löngu í Broadway.
'950
Mikii gróska hjá Skotfélaginu
Carl Eiríksson, margfaldur meistari í skotfími.
Vetrarstarfsemi Skotfélags
Reykjavíkur er nýlega lokið og í
framhaldi vetraræfínga voru haldin
eftirtalin skotmót.
Fyrsta keppnin var Christensen-
mótið, sem árlega er haldið til minn-
ingar um Hans Christensen, einn af
áhugasömustu og snjöllustu skot-
mönnum félagsins á sínum tíma.
Keppt er um verðlaunagrip sem er
farandgripur og er keppnin hálfal-
þjóðleg þríþraut: skotið 60 skotum í
þremur stellingum í stað 120 skota.
Mót þetta var haldið 20. apríl og
lauk keppninni með sigri Carls Ei-
J ríkssonar. Hlaut hann 5444 stig af
6000 mögulegum. Annar varð Vil-
hjálmur Sigurjónsson með 495 stig.
Þriðji Kristmundur Skarphéðinsson
með 491 stig.
Vormót félagsins var haldið 13.
maí. Keppt var í svonefndri enskri
keppnisþraut, sem er ein af al-
þjóðlegum keppnisgreinum, og
venjulega sú sem þykir mest
spennandi, því oft skilja ekki
nema örfá stig milli efstu manna
og hver mistök eru dýr. Skotið er
60 skotum liggjandi á 50 m færi og
mega skotmenn hafa stuðning af
ól á rifflinum. Úrslit í þessari
keppni urðu að Carl Eiríksson
vann með 598 stigum af 600 mögu-
legum, er þetta frábær árangur,
þótt aðstæður hafi verið betri en
gerist á venjulegum alþjóðlegum
skotmótum, þar sem hér var keppt
innanhúss og notuð sjónaukamið-
unartæki, en slík mót fara yfir-
leitt fram undir beru lofti og not-
uð gatmiðunartæki. En hin gamla
skotkempa, sem ekki hefur beðið
ósigur á íslenskum skotvelli í meir
en áratug, hrósaði að þessu sinni
naumlega sigri því næstur varð
Kristmundur Skarphéðinsson með
597 stig sem varð Islandsmeistari
í fyrra. Þriðji varð Egill Magnús-
son með 571 stig. Þess má geta að
á erlendum stórmótum verður
oftast að beita sérstökum stiga-
reglum til að finna út raunveru-
legan sigurvegara, því að tölulega
eru einatt margir efstu mennirnir
jafnir. Staðfest heimsmet í þess-
ari grein er 599 stig sett 1972 sem
oft hefur verið jafnað síðan.
Skammbyssukeppni var haldin
20. maí, innanhúss á 25 m færi.
Var það 30 skota keppni. Þátttak-
endur voru 5. Keppninni lauk með
enn einum sigri Carls Eiríkssonar,
hlaut hann 285 stig af 300 mögu-
legum. Annar varð Ásgeir Hall-
dórsson með 265 stig og þriðji Ei-
ríkur Björnsson með 257 stig. Jó-
hannes Jóhannesson hlaut einnig
257 stig í þessari keppni og urðu
þeir Eiríkur að keppa til úrslita
um 3. verðlaun.
Sumaræfingar félagsins eru nú
að hefjast og eru veittar allar upp-
lýsingar þar að lútandi í félags-
heimilinu að Dugguvogi 1 á mið-
vikudagskvöldum.