Morgunblaðið - 03.02.1983, Blaðsíða 23

MORGUNBLAÐIÐ, FIMMTUDAGUR 3. FEBRÚAR 1983
23
Matargjafir í
Philadelphiu
Philadelphiu, 2. fehrúar. AP.
BANDARÍSKI hjálpræöisherinn hef-
ur í fyrsta skipti í 50 ár opnað hjálpar-
stöðvar í Philadelphiu, fjórðu stærstu
borg Bandaríkjanna. Fátæklingum
eru þar gefnar fábreyttar máltíöir.
I*ykir þetta sýna betur en flest annað
hversu slæmt ástandið er víða í
Bandaríkjunum.
Fjórar hjálparstöðvar voru
opnaðar samtímis í borginni og var
í öndverðu gert ráð fyrir, að um 100
manns þægju mat hjá hverri stöð
daglega.
„Við teljum, að atvinnuleysið og
minnkandi aðstoð hins opinbera við
þá bágstöddu eigi sinn þátt í því, að
nú er fjöldi fólks í eigin húsnæði og
á ekki ofan í sig að éta,“ sagði maj-
ór Alice Stehley í viðtali við AP-
fréttastofuna.
Ghana-menn stórgjafar aðnjótandi:
Norðmenn gefa 65 tonn
af vítamínbættri skreið
<)sló, 2. febrúar. AP.
NORÐMENN hafa ákveðið að
senda 65 tonn af vítamínbættri
skreið til Ghana, eins fljótt og auð-
ið er, til þess að hjálpa til við að
brauðfæða Ghanamenn, sem snúa
til heimalandsins eftir að hafa ver-
ið vísað frá Nígeríu.
Norska utanríkisráðuneytið
segist hafa farið þess á leit við
Rauða krossinn í Noregi, að
hann komi skreiðinni áleiðis og í
réttar hendur. Verður henni
skipað út frá Bergen og flutt til
Accra með viðkomu í Bremen.
Hefur ráðuneytið farið þess á
leit við norsku ríkisstjórnina, að
hún leggi fram 2—3 milljónir
norskra króna til þess að borga
fyrir skreiðina og flutninginn
undir hana. Hefur jafnframt
verið látið að því liggja, að frek-
ari birgðir af skreið kunni að
verða sendar til Ghana síðar.
Norski Rauði krossinn hefur
þegar sent 5.000 ábreiður til
Ghana, svo og 250.000 króna pen-
ingagjöf.
Frani til ársins 1981 var
Ghana einn stærsti kaupandi
norskrar skreiðar, en stjórnvöld
þarlendis hættu innflutningi á
síðasta ári. Sú ákvörðun á sinn
þátt í því, að Norðmenn sitja nú
uppi með 19.000 tonn óseldrar
skreiðar.
Setið við Niagara-fossana
Hosni Mubarak, Egvptalandsforseti, virðir hér fyrir sér Niagara-fossana í
Ontario-ríki í Kanada. Mubarak er nú staddur í Bretlandi.
Horfðu á fjögur
börn sín deyja
Krenu'n, Y-Pvsltalandi, 2. febrúar. AP.
FJ()GUR börn á aldrinum eins til
átta ára létu lífið er eldur kom upp í
svefnherbergi þeirra í risi á fjölbýl-
ishúsi í v-þýsku borginni Bremen í
nótt.
Foreldrar barnanna reyndu að
bjarga börnum sínum þegar eldsins
varð vart skömmu eftir miðnætti,
en urðu að hverfa frá vegna hitans
og reyksins, sem lagði á móti þeim.
Slökkviliðsmenn reyndu einnig án
árangurs að ná til barnanna.
Upptök eldsins voru á hæðinni
beint fyrir neðan svefnherbergi
barnanna, en hvað olli honum er
ekki vitað. Rannsókn stendur nú
yfir. Lögreglan taldi þó fráleitt, að
um íkveikju hefði verið að ræða.
Greenpeace-sam-
tökin leggja nú til at-
lögu við Norðmenn
Osló, 2. febrúar. Krá Jan Krik Laurc, frcUaritara Mbl.
I»AÐ stefnir í spennu við Noregs-
strendur þegar líða tekur á vorið því
umhverfisverndarsamtökin Green-
peace hafa þá ákveöið að senda skip
sitt „Sirius" í fyrsta sinn á mið
norsku hvalveiðiskipanna. Tilgang-
urinn er tvfþættur; annars vegar að
mótmæla veiðunum og hins vegar að
hindra skipin við veiðarnar.
Norðmenn hafa lýst því skorin-
ort yfir, að þeir muni ekki virða
hvalveiðibann Alþjóðahvalveiði-
ráðsins, en það eru mótmælin
gegn selveiðum, sem vekja ekki
minni undrun norskra yfirvalda.
Með Edward Kennedy í broddi
fylkingar hafa margir bandarískir
þingmenn lagt til, að bann verði
sett á innflutning á norskum fisk-
afurðum til Bandaríkjanna sitji
Norðmenn fastir við sinn keip.
Michael Gylling hjá skrifstoíu
Greenpeace-samtakanna í Kaup-
mannahöfn segir, að samtökin
muni leggja alla áherslu á, að
stöðva hvalveiðar Norðmanna,
sem hefjast eiga í maí. Sagði Gyll-
ing, að meðlimir samtakanna
myndu sigla á gúmbátum á milli
hvalanna og bátanna þannig, að
ógjörningur yrði að koma skoti á
þá, án þess að stofna lífi
Greenpeace-mannanna í hættu.
Sagði Gylling, að þessi aðferð
hefði áður gefist vel, m.a. við
strendur íslands og Spánar.
Helsta vopn Greenpeace-sam-
takanna er umfjöllun í fjölmiðlum
um allan heim, sem kemur sér illa
fyrir viðeigandi þjóð hverju sinni.
Takmarkið er að fá stjórnvöld í
viðkomandi landi til að grípa til
einhverra aðgerða, sem fyrirfram
er vitað, að verða fordæmdar á al-
þjóðavettvangi. Samtökin leyfa
ljósmyndurum og blaðamönnum
að dvelja um borð í skipi sínu til
þess að fylgjast með því sem fram
fer.
Norska stjórnin hefur nú í
hyggju að leita til bandarísks
stjórnmálamanns og fara þess á
leit við hann, að hann kynni af-
stöðu og sjónarmið Norðmanna til
þessara veiða. Stjórnin telur eng-
an vafa leika á, að ríkjandi skoð-
anir almennings í Bandaríkjunum
á hval- og selveiðum Norðmanna
séu mótaðar af ýmsum friðunar-
samtökum, sem hreinlega falsi
staðreyndir til þess að styðja
málflutning sinn, sér í lagi hvað
selveiðarnar snertir.
Norskir selveiðimenn uggandi:
Síðasta vertíð-
in að hefjast?
Osló, 2. fcbrúar. Frá Jan Krik Laurc,
frcllaritara Mbl.
,,I»AI) BER ekki á öðru en áróð-
urinn í okkar garð hafi borið til-
ætlaðan árangur," sagði for-
stjóri stærsta selskinnsútflytj-
anda Noregs, Christian Rieber
& Co. í Bergen, bitur í bragði í
samtali við eitt norsku dagblað-
anna. Um 80 manns hjá fyrir-
tækinu missa á næstu dögum at-
vinnu sína. Fyrirtækið situr uppi
með allt of miklar birgðir sel-
skinna til þess að hægt sé að
halda eðlilegum rekstri áfram.
Margir norskir selveiðimenn
óttast, að vertiðin í ár verði sú
síðasta. Norðmenn ætla einvörð-
ungu að veiða fullorðinn sel í ár,
en láta kópana vera. Það eru ein-
mitt veiðarnar á kópunum, sem
vakið hafa hvað mesta andúð um
heim allan. Þá er sú skoðun
einnig mjög ríkjandi í Noregi, að
selveiðar leggist með öllu af á
næstu árum, þar sem enginn
markaður sé lengur fyrir skinn-
in.
BINGÓ BINGÓ BINGÓ BINGÓ BINGÓ BINGÓ BINGÓ BINGÓ
STÓRGLÆSILEGT BINGÓ
í Sigtúni í kvöld fimmtud. 3. febr. kl. 20.30. Húsiö opnaö kl. 19.30. Spilaöar veröa tuttugu
umferðir. Aöalvinningur er Sanyo myndsegulband, auk þess mikill fjöldi verömætra
og eigulegra vinninga. Svavar Gests stjórnar. Öllum ágóöa
variö til líknarmála, m.a. heimilis þroskaheftra aö Sólheimum.
LIONSKLÚBBURINN ÆGIR