Morgunblaðið - 03.02.1983, Blaðsíða 30
MORGUNBLAÐIÐ, FIMMTUDAGUR 3. FEBRÚAR 1983
30
^SHT spurt og svarað
Lesendaþjónusta MORGUNBLAÐSINS
SKATTAMÁL
HÉR FARA á eftir spurningar, sem lesendur Morgunblaðsins hafa beint til
þáttarins Spurt og svarað um skattamál, og svörin við þeim. I>jónusta þessi er í
því fólgin, að lesendur geta hringt í síma Morgunblaðsins, 10100, klukkan 10 til
12 virka daga nema laugardaga og borið upp spurningar sínar um skattamál.
Mbl. leitar síðan svara hjá rfkisskattstjóra og birtast þau í þessum þætti að
nokkrum dögum liðnum.
Um framtal
fæðispeninga og
bifreiðastyrks
Grétar Indriðason, Klaustur-
hvammi 28, spyr:
1. Fái maður uppgefna fæðis-
daga á launaseðli, á maður þá
að færa þá inn á skattskýrslu.
Ef svo er, hvernig reiknast
þeir þá. Færir maður sér þá
bæði til tekna og hlunninda
eins og sjómenn gera?
2. Fái maður bifreiðastyrk, hvar
færir maður þá kostnað vegna
ökutækis, þ.e.a.s. í hvaða dálk
og hvað er hægt að reikna inn
í þann kostnað?
Svar:
1. Fæðisdaga eða fæðisstyrki,
sem launþegar hafa fengið
greidda fyrir sig og fjölskyldu
sína, skal færa í reit 25. í reit 26
skulu launþegar telja til tekna
fæði sem vinnuveitandi lét þeim
í té endurgjaldslaust (frítt). Rita
skal dagafjölda í lesmálsdálk og
margfalda hann með:
90 kr. fyrir fullt fæði fullorðins.
72 kr. fyrir fullt fæði barns,
yngra en 12 ára.
36 kr. fyrir hluta fæðis (ein
máltíð).
Frá greiddum fæðisstyrkjum
(fæðispeningum) til launþega og
frá hlunnindamati fæðis laun-
þega leyfist sem frádráttur 36
kr. á dag miðað við sama fjölda
fæðisdaga, þó ekki fyrir þá daga
sem launþegi fékk greiddan fæð-
isstyrk (fæðispeninga) meðan
hann var í orlofi eða veikur. Frá-
dráttarfjárhæðin færist í reit 34.
2. Bifreiðastyrk (ökutækja-
styrk) skal færa í reit 22. Hver
sá sem krefst frádráttar vegna
greidds ökutækjastyrks skal
leggja fram, á þar til gerðu eyðu-
blaði „Ökutækjastyrkur og öku-
tækjarekstur" (sem fæst hjá
skattstjórum) eða á annan jafn-
fullnægjandi hátt, nákvæma
sundurliðun á heildarrekstrar-
kostnaði ökutækisins, greinar-
gerð um heildarnotkun ökutækis
þar sem greint er á milli aksturs
milli heimilis og vinnustaðar,
aksturs í þágu vinnuveitanda og
aksturs í eigin þágu. Svo og skal
fylgja greinargerð frá vinnuveit-
anda um ástæður fyrir greiðslu
ökutækjastyrksins og hvernig
greiðslan hefur verið ákvörðuð.
Þann hluta rekstrarkostnaðar
sem er vegna notkunar ökutækis
í þágu vinnuveitanda skal færa í
reit 32, þó aldrei hærri fjárhæð
en talin er til tekna í reit 22. Sjá
nánar í leiðbeiningum ríkis-
skattstjóra um reit 32 (bls. 10).
Þarf ekki að gefa
upp laun vegna
heimilishjálpar
Andrés Finnbogason, Sólheimum
18, spyr:
Ég fæ heimiiishjálp frá
Reykjavíkurborg, sem ég borga
til helminga á móti borginni.
Þarf ég að gefa launamiða vegna
þessa og ef ég hefði þurft þess
hvernig á ég þá að bregðast við?
Svar:
Nei. Gengið er út frá því að
viðkomandi aðili, sem annast
heimilishjálpina, sé launþegi á
vegum Reykjavíkurborgar, sem
gefi upp launin að fullu, þ.m.t.
þann hluta er fyrirspyrjandi
greiðir Reykjavíkurborg.
Er verðbótaþáttur
lána frádráttarbær
Magnús Kristjánsson, Borgarnesi,
spyr:
Er verðbótaþáttur lána frá-
dráttarbær til skatts og ef svo er
á það þá að færast undir liðnum
önnur vaxtagjöld?
Svar:
Verðbótaþáttur vaxta á
svonefndum vaxtaaukalánum og
öðrum óverðtryggðum lánum
telst til vaxta.
Við ákvörðun á því hvort vext-
ir eru frádráttarbærir þurfa
m.a. eftirtalin skilyrði að vera
uppfyllt:
1. Að lánið sé sannanlega notað
til öflunar íbúðarhúsnæðis
eða til endurbóta á því (a.m.k.
7% af fasteignamati þess).
2. íbúðarhúsnæðið þarf að vera
til eigin nota framteljanda.
3. Sé um önnur lán að ræða en
fasteignaveðlán til a.m.k.
tveggja ára má einungis
draga vexti frá í þrjú ár, sé
um íbúðarkaup eða endurbæt-
ur að ræða, en sex ár, sé um
nýbyggingu að ræða (sem
framlengist ef húsnæðið er
tekið í notkun síðar).
Sé þessum skilyrðum fullnægt
færast vaxtagjöldin í dálkinn
„Vaxtagjöld til frádráttar", ef
ekki þá í dálkinn „Önnur vaxta-
gjöld".
Að konan er heima-
vinnandi leiðir til
hærri skattaálagn-
ingar, ef aðstæður
eru þær sömu
að öðru leyti
Svava Sigurjónsdóttir, Tómasar-
haga, 25 spyr:
Getur það verið rétt sem kom-
ið hefur fram í fjölmiðlum að
undanförnu, að hjón þar sem
annar aðilinn er heimavinnandi
fái hærri álagningu, en ef báðir
aðilar eru útivinnandi, þó að
tekjurnar séu þær sömu og að-
stæður að öðru leyti.
Svar:
Já. Samkvæmt gildandi
skattalögum eru hjón sjálfstæð-
ir skattaðilar hvort um sig og
skal þeim ákvarðaður tekju-
skattur hvoru í sínu lagi. Hjón-
um ber því að telja fram tekjur
sínar hvoru um sig. Af tekju-
skattsstofnum hjóna reiknast
stighækkandi tekjuskattur og af
því leiðir að svarið er jákvætt
nema tekjuskattsstofn hvors
hjónanna um sig falli allur inn-
an lægsta skattþreps.
Sala sumar-
bústaðar telst til
skattskyldra
tekna
Skarphéðinn Jóhannsson, Hlíðar-
vegi 80, Ytri-Njarðvík, spyr:
Er sumarbústaður ekki
skattfrjáls í sölu eins og íbúð,
þegar hann hefur verið taiinn
fram í fasteignamati í fimm ár
eða lengur?
1 leiðbeiningunum með skatta-
framtalinu er talað um ófyrn-
anlegar eignir og sagt að sumar-
bústaður geti fallið undir það.
Svar:
Hagnaður af sölu sumarbú-
staðar telst að fullu til skatt-
skyldra tekna á söluári og skipt-
ir ekki máli hve lengi skattaðili
hefur átt sumarbústaðinn.
Seljandi getur valið um þrjár
aðferðir við ákvörðun söluhagn-
aðar á ófyrnanlegum fasteign-
um, þ.m.t. á sumarbústað:
1. Söluhagnaður telst mismunur
söluverðs að frádregnum
beinum sölukostnaði og fram-
reiknaðs stofnverðs eftir að
áður fenginn söluhagnaður
hefur verið dreginn frá því.
2. Söluhagnaður telst mismunur
söluverðs að frádregnum
beinum sölukostnaði og gild-
andi fasteignamats í árslok
1979, framreiknaðs, enda hafi
seljandi átt eignina í árslok
1978.
3. Seljanda er jafnan heimilt að
telja til tekna helming sölu-
verðs þegar frá heildarsölu-
verði hefur verið dreginn
beinn sölukostnaður.
Sérreglur gilda um skattlagn-
ingu söluhagnaðar af íbúðar-
húsnæði í eigu manna.
Söluhagnaður
íbúðar er skatt-
skyldur í fimm
ár eftir að
hún er keypt
Guðmundur Kjartansson, Dalseli
35, spyr:
Hafi maður keypt íbúð fyrir
tveimur árum á 35 milljónir og
selt hluta af henni á 600 þúsund,
er maður þá skattlagður fyrir
það og þá hvað mikið. Fær mað-
ur ívilnanir, ef maður kaupir
aðra eign í staðinn?
Svar:
Hagnaður af sölu íbúðarhús-
næðis, sem hefur verið í eigu
manns skemur en fimm ár, er
skattskyldur á söluári.
Skattskyldur hagnaður af sölu
íbúðarhúsnæðis í eigu manns er
mismunur söluverðs þegar sölu-
kostnaður hefur verið dreginn
frá og kostnaðarverðs eða kaup-
verðs þess, framreiknaðs sam-
kvæmt verðbreytingarstuðli.
Selji maður með hagnaði íbúð-
arhúsnæði, sem hann hefur átt
skemur en fimm ár, getur hann
farið fram á frestun á skattlagn-
ingu söluhagnaðar um tvenn
áramót ef hann kaupir íbúðar-
húsnæði eða hefur byggingu
íbúðarhúsnæðis innan þess tíma.
Færist þá söluhagnaðurinn,
framreiknaður samkvæmt verð-
breytingarstuðli, til lækkunar á
stofnverði þeirrar eignar. For-
senda fyrir frestun söluhagnað-
ar er að heildarrúmmál íbúðar-
húsnæðis í eigu framteljanda á
söludegi fari ekki yfir 600 m3 sé
hann einhleypur, en 1.200 m3 ef
um hjón er að ræða.
radauglýsingar — radauglýsingar — raðauglýsingar
sstan
Sjálfistœðisflokksins\
óskast keypt
Ljósritunarvél
Óskum eftir aö kaupa notaöa vel meö farna
Ijósritunarvél.
Trésmiðja Þorvaldar Ólafssonar,
Iðavöllum 6, Keflavík,
sími 92-3320.
ýmislegt
Verkfræðingar —
tæknimenn
Staðalnefnd ITÍ viðurkenndi töflur um varma-
afköst fyrir Funaofna sem framleiddir eru af
Ofnasmiöjunni Funaofnar hf. í Hveragerði, í
mars 1981.
Iðntæknistofnun íslands.
Selfoss
Sjálfstæðisfélagið Óðinn
boðar til fundar sunnudaginn 6. febrúar kl. 15.00 i Sjálfstaeöishúsinu
á Selfossi. Gestur fundarins veröur Sverrir Hermannsson alþingis-
maður. Fólagar fjölmenniö.
Stiórnin.
Vestmannaeyjar
Aöalfundur sjálfstæöiskvennafélagsins Eyglóar í Vestmannaeyjum
veröur haldinn í samkomuhúsinu í Hallarlundi. fimmtudaginn 10.
febrúar kl. 20.30.
Dagskrá:
1. Venjuleg aöalfundarstörf.
2. Önnur mál.
Stjórnin.
Reykjaneskjördæmi
Fundur veröur í kjörnefnd Sjálfstæöisflokksins í Reykjaneskjördæmi
laugardaginn 5. febrúar kl. 12 á hádegi í Sjálfstæöishúsinu aö
Hamraborg 1. 3. hæö, Kópavogi.
Formaöur.
Reykjaneskjördæmi
Auglýsíng eftir framboöum til prófkjörs í
Reykjaneskjördæmi
Prófkjör um val frambjóöenda á lista Sjálfstæöisflokksins viö næstu
alþíngiskosningar i Reýkjaneskjördæmi fer fram dagana 26 og 27.
febrúar 1983.
Val frambjóöenda fer fram meö tvennum hætti:
1. Framboö flokksbundins einstakllngs, er kjörgengur mun veröa viö
næstu alþingiskosningar og sem minnst 20 og mest 30 fólags-
menn Sjálfstæöisfélaganna í Reykjeneskjördæmi standa aö. Eng-
inn flokksmaöur getur staöiö aö fleirum en tveim slikum framboöum.
2. Kjörnefnd getur aö auki bætt viö frambjóðendum þannig, aö þeir
veröi allt aö 15. Kjörnefnd er þó heimilt aö bæta viö einu framboöi
þó frambjóðendur veröi 15 eöa fleiri samkv. 1. tölulið
Hér meö er auglýst eftir framboöum til prófkjörs samkvæmt fyrsta
tölulið hér aö framan. Framboöum skal skilað til kjörnefndar laugar-
j úaginn 5. febrúar 1983 milli kl. 10—12 fyrir hádegi i Sjálfstæöishús-
j iö, Hamraborg 1, Kópavogi.
Atkvæðisrétt i prófkjörinu hafa allir stuöningsmenn Sjálfstæöisflokks-
ins, sem búsettir eru í Reykjaneskjördæmi og kosningarétt munu hafa
þar i þeim kosningum til Alþingis, sem í hönd fara svo og þeir
félagsmenn Sjálfstæöisfélaganna i Reykjaneskjördæmi, sem eru 16 til
19 ára prófkjörsdagana og þúsettir eru i kjördæminu
Kjörnetnd Sjálfstæóisflokksins
i Reykjaneskjördæmi.