Morgunblaðið - 12.02.1983, Blaðsíða 2

2
MORGUNBLAÐIÐ, LAUGARDAGUR 12. FEBRÚAR 1983
Tfu sækja um stöðu
flugmálastjóra
TÍU MANNS sóttu um embætti flugmálastjóra, en umsóknarfrestur um
stöðuna rann út í gær. Flugráði hefur verið gefinn frestur til næstkomandi
fóstudags að fjalla um umsóknirnar. Þeir sem sóttu um eru:
Birgir Þorgilsson markaðsstjóri
hjá Ferðamálaráði, Erna Hjalta-
lín yfirflugfreyja, Grétar óskars-
son framkvæmdastjóri Loftferða-
eftirlitsins, Gunnar Finnsson hag-
fræðingur hjá Alþjóðaflugmála-
stofnuninni, Gunnar Helgason
hæstaréttarlögmaður, Haukur
Hauksson framkvæmdastjóri
Flugöryggisþjónustunnar, Leifur
Magnússon framkvæmdastjóri
flugdeildar Flugleiða, Pétur Ein-
arsson varaflugmálastjóri, dr.
Þorgeir Pálsson verkfræðingur og
Þorsteinn Þorsteinsson flugvéla-
verkfræðingur Landhelgisgæzl-
unnar.
Vinnuveitendasamband Islands:
Fjögurra sæta einshreyfils sjó- og vatnaflugvél hóf sig á loft frá Reykjavíkurflugvelli í gær. Hér var um að ræða
reynsluflug flugvélarinnar TF-GRS, sem er af gerðinni Lake Buccaneer og er í eigu Arngríms Jóhannssonar
yfirflugstjóra hjá Arnarflugi. Arngrímur reynsluflaug vél sinni sjálfur. Flugvélin hefur undanfarin ár verið í
viðgerð hjá Arnarflugi, en á sínum tíma nauðlenti þessi flugvél út af Reykjanesi er eldsneytisbirgðir hennar
þrutu vegna mótvinds í ferjuflugi til landsins. Finnsk flugkona flaug vélinni. A innfelldu myndinni er Arngrímur
Jóhannsson í stjórnklefa flugvélar sinnar. Morgunblaði*/ Kristján Einarsson.
Magnús Gunnarsson ráð-
inn framkvæmdastjóri
Framkvæmdastjórn Vinnuveit-
endasambands íslands hefur ráðið
Magnús Gunnarsson, viðskipta-
fræðing, framkvæmdastjóra sam-
bandsins frá 18. marz nk., segir í
frétt frá VSÍ.
Prófkjör Sjálfstæðis-
flokks á Reykjanesi:
Utankjör-
staðakosning
hefst í dag
PRÓFKJÖR Sjálfstæðisflokksins í
Reykjaneskjördæmi vegna komandi
Alþingiskosninga fer fram 26.-27.
febrúar n k. Kjörstaðir verða auglýsir
síðar.
Utankjörstaðakosning hefst laug-
ardaginn 12. febrúar og verða kjör-
staðir sem hér segir.
Hafnarfjörður: Sjálfstæðishúsið,
Strandgötu 29. Keflavík: Sjálfstæð-
ishúsið, Hafnargötu 46. Kópavogur:
Hamraborg 1, 3. hæð.
Ofangreindir kjörstaðir verða
opnir laugardaga og sunnudaga kl.
14—18 og virka daga kl. 16—19.
Auk þess verður hægt að kjósa
utan kjörstaðar í Valhöll, Háaleitis-
braut 1, Reykjavík, laugardaginn 12.
febrúar kl. 14—18 og virka daga kl.
9-17.
Vegaáætlun 1983—1986:
Þúsund milljónir til vegamála 1983
Borgarráð hækkar fargjöld SVR um 25%
Reynum að tryggja
rekstur vagnanna
— segir Davíð Oddsson borgarstjóri
FARGJÖLD Strætisrvagna Reykjavíkur, SVR, hækka um 25% frá og með
deginum í dag að telja, segir í fréttatilkynningu fyrirtækisins.
Einstök fargjöld fullorðinna
hækka úr 8 krónum í 10 krónur og
staðgreiðslukort með 10 miðum
kosta eftir hækkunina 100 krónur.
Staðgreiðslukort með 20 miðum
fyrir aldraða og öryrkja kosta eft-
ir hækkunina 100 krónur.
Fargjöld barna hækka úr 2
krónum í 2,50 krónur, einstök far-
gjöld og farmiðaspjöld með 20
miðum kosta eftir hækkunina 50
krónur.
„Borgarráð ákvað að hækka far-
gjöld SVR um 25% og ætlum við
að reyna að tryggja rekstur vagn-
anna. Við höfum samhliða þessu
undirbúið miklar sparnaðarráð-
stafanir, eins og niðurskurð á leið-
um og fleira þess háttar," sagði
Davíð Oddsson, borgarstjóri, í
samtali við Mbl.
„Við ætlum að sjá hvort enn
verður reynt að bregða fyrir okkur
fæti af verðlagsyfirvöldum," sagði
Davíð ennfremur. Þá kom það
fram hjá Davíð, að hækkunin
hefði verið samþykkt samhljóða
með 4 atkvæðum, 3 atkvæðum
sjálfstæðismanna og atkvæði Sig-
urjóns Péturssonar, Guðrún
Jónsdóttir, fulltrúi kvennafram-
boðsins, sat hjá. „Annars vona ég
bara, að verðlagsyfirvöld reyni
ekki að fjarstýra borginni með lög-
bönnurn," sagði Davíð Oddsson,
borgarstjóri ennfremur.
Magnús Gunnarsson.
í frétt VSÍ segir ennfremur, að
Magnús Gunnarsson sé 36 ára að
aldri og hafi undanfarið rúmt ár
gegnt stöðu aðstoðarfram-
kvæmdastjóra Olíufélagsins hf.,
en áður gegndi Magnús Gunnars-
son stöðu framkvæmdastjóra hjá
Arnarflugi hf.
Magnús Gunnarsson er kvæntur
Gunnhildi Gunnarsdóttir og eiga
þau tvö börn.
JNNLENT
— þar af er ríkissjóðsframlag aðeins 20 m.kr.
í gær vóru lagðar fram tvær tillögur
til þingsályktunar um vegaáætlun: 1)
Vegaáætlun 1983—1986, 2) Langtíma-
áætlun í vegagerð. Samkvæmt fjögurra
ára áætluninni á að verja rúmlega eitt
þúsund milljónum króna til vegamála
1983, 1.500 m.kr. 1984, 1.600 m.kr.
1985, og 1.630 m.kr. 1986. Á yfirstand-
andi ári skiptist fjárhæöin svo: 1)
Stjórn og undirbúningur 52,2 m.kr., 2)
viðhald þjóðvega 382,6 m.kr., 3) til
nýrra þjóðvega 384 m.kr. (þar af til
bundins slitlags á stofnbrautir 97 m.kr.
og á þjóðvegi í kaupstöðum og kaup-
túnum 5 m.kr.), 4) til brúargerða 35
m.kr., 5) til fjallvega 12,2 m.kr., 6) til
sýsluvega 27.8 m.kr., 7) til vega í kaup-
stöðum og kauptúnum 68 m.kr., 8) til
vélakaupa og áhaldahúss 7,2 m.kr. og
9) til tilrauna 3 m.kr. Auk þessa er gert
ráð fyrir 51 m.kr. lántöku til óvega.
Fjármögnun þessara fram-
kvæmda 1983 er þann veg upp sett:
• Markaðir tekjustofnar 758
m.kr. (af benzíngjaldi 453 m.kr.,
þungaskattur 180 m.kr. og veggjald
125 m.kr.).
• Ríkisframlag 20,4 m.kr.
• Lánsfjáröflun 193,6 m.kr.
25 konur hér á landi frjóvgaðar
með sæði úr dönskum sæðisbanka
TUTTUGU OG FIMM konur hafa orðið þungaðar hér á landi eftir
svonefnda tæknifrjóvgun frá árinu 1980. Sautján þeirra hafa fætt, ein
missti fóstur og sjö eru þungaðar. Þessar upplýsingar koma fram í viðtali
við Jón llilmar Alfreðsson, kvensjúkdómalækni, um barnleysi og hvað er
til ráða við því, í tímaritinu Heilbrigðismál 3. tbl. 1982. Tölurnar eru ekki
nýjar, en þegar haft var samband við Jón Hilmar Alfreðsson, kvaðst hann
ekki vera í aðstöðu til að láta í té nýjar tölur.
1 viðtalinu kemur einnig fram
að aðgerðinni er beitt þegar sæði
eiginmanns er af einhverjum
ástæðum ekki nógu virkt. Að-
gerðin er fólgin í því að sæði er
sprautað upp í legháls konunnar,
tvisvar sinnum við hvert egglos
og það gert í allt að sex mánuði.
Sæðið er fengið frá sæðisbanka í
Danmörku, hinum eina á Norð-
urlöndunum og einum stærsta
sinnar tegundar í Evrópu.
Áður en aðgerð fer fram verð-
ur eiginmaður að gangast undir
kvaðir um að gangast við og
framfæra væntanlegt barn og
gera það að lögerfingja sínum. I
viðtalinu segir Jón Hilmar, að
eiginmaður, sem gefi samþykki
sitt, sýni með því vissan sálar-
legan styrk og gefi konu sinni
mikla gjöf. Sæðisgjafi er valinn
með tilliti til þess að líkamleg
einkenni hans og væntanlegs
föðurs séu sem líkust, t.d. hvað
varðar líkamsbyggingu, háralit
og augnalit. Aðgerðin ber árang-
ur í 70—75% tilfella. Eftirspurn
eftir þessum aðgerðum hefur
aukist á undanförnum árum, að
því er talið er vegna aukinnar
tíðni fóstureyðinga og aukins ör-
yggis getnaðarvarna, sem hvort
tveggja minnkar framboð á
börnum til ættleiðingar. Einnig
vegur þungt, að viðhorf almenn-
ings og lækna er orðið mun
frjálslegra í þessum efnum en
áður var.
Um reynsluna af þessum að-
gerðum segir Jón Hilmar í við-
talinu í Heilbrigðismálum, að
fyrstu konurnar hafi þá nýlega
komið í skoðun með börn sín.
Þær hafi þá nokkrar spurt hve-
nær þær geti aftur orðið þungað-
ar á þennan hátt og segi það sína
sögu, en hins vegar séu afköstin
ekki næg, því þá hafi 30—40 kon-
ur verið á biðlista.
í viðtalinu kemur fram að tal-
ið sé að hjá 10—20% af pörum
takist getnaður ekki, þótt reynt
hafi verið í meira en eitt ár og að
hægt ætti að vera með nútíma-
aðferðum að hjálpa helmingnum
af þessu fólki. Þá kemur þar
einnig fram, að miðað við frjó-
semi áranna 1976—80 hafi 18%
islenskra kvenna ekki eignast
börn og megi hluta þeirrar tölu
rekja til ófrjósemi.
• Sérstök lánsfjáröflun til óvega
51 m.kr.
Tillagan um langtímaáætlun í
vegagerð hljóðar svo:
„Alþingi ályktar að á árinu 1983
skuli 2,2% af vergri þjóðarfram-
leiðslu varið til vegagerðar sam-
kvæmt vegaáætlun. Arið 1984 verði
þetta hlutfall 2.3% eða 2.4% árin
1985—1994. Fjármagni þssu skal
varið til framkvæmda í vegamálum
samkvæmt eftirgreindri langtíma-
áætlun. Langatímaáætlun þessi skal
endurskoðuð fjórða hvert ár, og þá
bætt við nýju fjögurra ára tímabili í
stað þess er lauk. Áætluð fjárþörf
vegamála á tímabilinu 1983—1986 er
4.411,5 m.kr. og tímabilið 1987—1990
kr. 5.390 m.kr.
Mættu smyglara
með varning-
inn í fanginu
TUTTUGU og sjö flöskur af vodka
fundust í Skaftá á fimmtudag, sam-
kvæmt upplýsingum fulitrúa tollgæslu-
stjóra.
Skipið var að koma frá Ipswich, og
var gerð sérstök leit í því. Einn
skipverjanna hefur viðurkennt að
eiga meginhluta áfengisins, en hann
var gripinn í skipinu með varning-
inn. Atvik voru þau, að starfsmenn
tollgæslunnar voru á leið í skipið til
leitar, þegar þeir mættu manninum
með fangið fullt af áfengi á leið upp
úr vélarrúmi skipsins. Þar fannst
síðan lítilræði til viðbótar, sam-
kvæmt upplýsingum fulltrúa toll-
gæslustjóra.